ankawa
منتدى الهجرة واللجوء => الهجرة و واللاجئين => الموضوع حرر بواسطة: سيد الوفاء في 17:03 10/11/2012
-
اخواني وخواتي الاعزاء
ممكن اعرف من اخر من قابل المحلفين بها الشهر والي قبله
اريد اعرف شلون كانت المقابلة هم متشددين على الموضوعية
هل همه سهلين شنو اخر تركيزاتهم او اخر تحديثات
اتمنى تفيدوني لان المقابلة بهذا الاسبوع
تحياتي
-
http://www.ankawa.com/forum/index.php/topic,619534.msg5818676.html#msg5818676
هذا الرابط مالتي اني قابلت 30/10/2012
بالتوفيق لا تخاف ولا ترتبك كلش سهلة انشالله
-
اخويه العزيز المقابله جداً سهله وشكد متتصور
راح ايسئلك على حزب البعث والعسكريه وهايه مجرد اتجاوب اي او لا
ويسئلك عن القصه مالتك اكثر شي ايركز وياك بس اسئله عاديه يعني مو نقاش قوي
بس اهم شغله باوع بعين المترجم من اتجاوب لان المحلف راح اتشوفه ايباوع عليك من تحجي ايريد يعرف انته حشاك عندك مصداقيه من القصه او لا
يعني لتنطي لزمه على نفسك ولا ترتبك
تره مرات ميسئلون على التواريخ .... واني من الناس ولا سئلني على اي تارخ ولا كلي شكد شكد عمرك
وبالتوفيق ان شاء الله وساعة السهله عليك ان شاء الله
-
عزيزي انا قابلت يوم 5-11 ولا اكو اي تشدد ولا سالونة اي سؤال مجرد القصة اللي انت ذكرتهة بالمقابلة الاولة احفظ تواريخهة ومو شرط تنسال عليهة خصوصا اذا مخادم عسكرية مقابلتك نص ساعة
-
;D اخر رجال الموهيكانز
-
السلام عليكم اخي احنة عائلة قابلنة يوم 8-11 يوم الخميس وكانت مقابلة زينة وحقق وي زوجي اكثر من نص ساعة واي سؤال اني حاضرة
-
اني قبل شهرين قبلت محلفين ومقبلتي طولت 10 دقيق وكلش سهلا جانت
-
السلام عليكم اخوية
بالنسبة الي انا قابلت بشهر التاسع وجانت المقابلة كلش كلش حلوة وما جنت متوقعها هيجي بس اكو امور المحلفة ركزت عليها
منها
1- بداية المقابلة كالت انت مقدم على تاشيرة سفر انا جاوبتها لا وراها بالحجي كالت انت مقدم على اس اي في لو ما مقدم
كلتلها اي مقدم
جان اتكلي لعد من سالتك على انت مقدم على تاشيرة ليش ما كتلي انت مقدم على اس اي في مو هو تقديم على سفر وتاشيرة واجرائات
انا جاوبتها كلتلها انا اسف اعتقدت انوا انتي اتقصدين تاشيرة سفر من السفارة مثل السفر الى الصين او الدول الاوربية او اي دولة اراجع سفاراتها حتى استلم الفيزا
جان اتكلي يعني الاي او ام والا اس اي في ما مرتبطين بالسفارة الامريكية
انا غلست وكلتلها ما اعرف ما ادري
2- كالت انت مشارك بحزب البعث لو لا
انا جاوبتها وكلتلها لا مو بعثي
كالت اكو مقولة لرئيس السابق انت بعثي وان لم تنتمي
كلتلها اي همه مسجلينة وايكولون هيجي انا شعلية كالت يعني انت بعثي رادت تكتبها كلتلها انا مو بعثي البعثي الي ينطي بدال اشتراك ويشارك بالمسيرة ويلزم خفارة
كالت انت ما مسوي ولا وحدة حتى لو مغصوب كلتلها ولا وحدة فلا تكتبيها لان انا مو بعثي وما كتبتها
3- كالت انت ما خذين بصماتك قبل كلتلها اي من طلعت الجنسية وشهادة الجنسية كالت بعد بعد ما ماخذييها كلتلها من سويت الباج بيوم الي اشتغلت مترجم من سوو السكريننك كالت بعد كلتلها هاي هيه كالت متاكد كتلها اي كالت اتذكر انا ضليت اشك بروحي وكتلها هاي هية
جان تحجي تحجي وراها فتحلي موضوع كالت انا هسه اذا اريد اشتري سيم كارت عراقي شنو المطلوب مني او انت شنو المطلوب منك اتسوي
كلتلها اجيب المستمسكات مالتي استنساخ وصورة اقدمهن لابو السيم كارت واختار رقم حلو وابو المحل ايسويلي العقد اينظمة واوقعة وابصم
كالت اوكف
طبعا انا انجر بوشي بهاي الحظة لان حسيت شمسوي
كالت يعني انت بصمت كتلها اي كالت عندك شريحة وباصم عليها كلتلها اي كالت ليش ما كتلي من سالتك باصم بعد لو لا
بهاي الحظة شحطلها وتطيب ياربي بتل البتل وين لكفتني
كلتلها انتي عبالي تقصدين على بصمات الدوائر الحكومية كالت ما نكضيها عبالي وعبالي المهم هيه سجلتها يمها بالورقة مالتي يعني بالملف اضافة يم الفقرات الي ذكرتهن بالنسبة الى البصمة
4- اخي العزيز انت من حقك اتغير المترجم الي موجود وياك في حالة انت تحس ان هذا المترجم ما كاعد ايوصل الفكرة
اذا انت تحجي انكليزي فخلي المترجم لا تصرفة لان هذا المترجم يعرف اشلون ايوصل الفكرة لان مارة علية 130 الف كيس وعندك الحساب
هههههههههههه
ترة المقابلة كلش كلش كلش سلسة وسهلة اكثر ما تتصور
واي سؤال بالنسبة الى المقابلة انا حاضر
-
مشكورين يا طيبين
وبدا ما قصرتوا الله ينطيكم الصحة والعافية وان شاء الله الكل يسافر
بس اني ما اعرف ليش مرتبك
وعندي مشكلة ههي انو بالمقابلة اضل اخترع حركات يعني لو اطكطك باصابعي لو اباوع على الاجهزة والحاسبة
وهمين بسرعة اتشنج واعطش اذا احجي هواي
يا ليت تفيدوني بمهارات وطرق اكدر اتجاوز بيها على هاي المحنات
واكون الكم جدا ممنون
تحياتي ومنظر نصائكم المفيدة
-
السلام عليكم اخواني الاعزاء
اني قابلة محلفين يوم 5/11واني كنت مرفوض من 2009 لكن حسيت المحلفين متعاونيين اكثر من الي قابلونه سابقا وكانت المقابلة سهلة والحمد لله واكد على القصة فقط مع تمنياتي للجميع بالتوفيق
اخوكم مجرب الغربة