ankawa
منتدى الهجرة واللجوء => الهجرة و واللاجئين => الموضوع حرر بواسطة: Sonata* في 22:52 13/11/2012
-
السلام عليكم اخواني اخواتي الاعزاء
اليوم راح افتتح وياكم هذا الكروب خدمة لاخوتي واخواتي سواء الي راح يجون او الي واصلين
وان شاء الله تكون بادرة خير والولايات الثانية تلحكنا
طبعا هاي الفكرة اخذتها من اخونا الاسد الجامح اللي اسس كروب ولاية اريزونا مشكوراً
هسه نتمنى من الكل المشاركة بأي معلومات مفيدة عن ولاية اوكلاهما من حيث:
الجو
السكن
المساعدات
الجامعات
العمل (متوفر ام لا والاجور)
وضع الولاية صحيح هي اكثر ولاية تحتوي على بيض عنصريين ؟
الخ .... من معلومات
واني اخوكم مهندس مدني ولدي خبرة 12 سنة ، وقبل سنتين بتاريخ تموز 2010 تم تحديد موعد سفري مع عائلتي المتكونة من اربع اطفال الى مدينةاوكلاهما ستي العاصمة ، الا اني بسبب ترددي في موضوع السفر لم اهاجر ، والآن وقبل فترة وبايلول 2012 تم تحديد موعد لاعادة الفحص الطبي وانجزت الفحص واتوقع خلال 2-4 اشهر يتم تحديد موعد سفر جديد ان شاء الله وبعد ان رحت قرأت ملفي هذه المرة شفت محدديلي مدينة ستل واتر
ارجوا من جميع الاخوة التفاعل مع هذا الكروب
-
اتمنالكم كل التوفيق
-
من ناحية المعيشة اوكلاهوما رخيصة جدا بالمقارنة مع الولايات الباقية بس اجور العمل بيها مو كلش
افضل واكبر مدينة هي العاصمة اوكلاهوما سيتي
عموما الولايات بالوسط الجنوبي رخيصة
جوها حار بالصيف
الغالبية العظمى بيض من اصول اوروبية تقريبا 73 % أما الزنوج ميشكلون اكثر من 8%
ولاية كبيرة بكد سوريا تقريبا بيها الكثير شركات النفط والغاز الطبيعي, مشهورة بأكبر مصانع اطارات السيارات في امريكا الشمالية
وبيها شركة دل مال الكومبيوتر وهوايه من شركات الموبايل مفتحه مراكز اتصالات بيها لان رخيصه مقارنه بغير ولايات
-
اخوان ارجو المشاركة بالردود ، كروب ولاية اريزونا 47 رد واحنا 2 رد فقط
جزا الله ابو كرم البغدادي خلفة الله عليه رد علينه
وين البقية محد عنده معلومات عن اوكلاهما يساعدنه بيهه
-
السلام عليكم .......ولايه حلوه وجميله
مثل ماذكر الاخ من ناحيه ايجار زينه ومحافظه بكل اموره وانشالله خير عل جميع اني انشالله مقدم عليه وعندي اقرباء ساكنين بيه
-
اني هم مقدمة على اوكلوهاما بس الي عرفت انو جوها طيب وطبيعتها حلوة ومن ناحية العمل والدراسة ماعندي معلومات وياريت الكل يدخل ويفيدنة بالمعلومات
-
السلام عليكم ..........شكراع الكروب هذا ...واني هم انشالله وجهتنه اوكلاهوما ستي انشاءالله ولايه ناسه اغلبيتهم محافظين بس حارة بالصيف نفس العراق
-
شكرا على الاخوة اللي ردوا على موضوعنا ، وياريت تفاصل اكثر اذا عدهم وخاصة بما يخص انواع العمل المتوفرة
وياريت مشاركة الاخوة الموجودين في اوكلاهما
مع التقدير
-
الي سمعته من بيت الكفيل ثلاث ارباع الي ديجون يشغلوم بالوول مارت الساعه بثمانيه وربع دولار ومابي مشاكل وبالنسبه للدراسه كلش متوفر بس الي يريد يدخل جامعه لازم يدخل دورة توفل وينجح بيه .....شي على شي الكل يمدحون باكلاهوما بس بالصيف حارة وبالشته ثلوج
-
اني بولاية اوكلاهوما راح يصيرلي 4 سنين...الولاية هادئة وحارة بالصيف وباردة وثلوج بالشتا مرات ينزل ثلج اكثر من شيكاغو مثل سنة 2010 والعام لا مرة وحدة ويومين وراح بس بردها طبعا مو مثل برد شيكاغو والشمال عموما...الاسعار زينة ورخيصة والشغل وين متروح لازم تدور ..اني ممختلط بالعرب وحتى العراقيين هوايه يعني مرات لكن اللي عنده سؤال ع حسب علمي بالولاية اني حاضر
-
اخ ماجك السلام عليكم
ارجوا ان توضحلي النقاط التالية
1- مافهمت عليك بخصوص توفر فرص العمل وماهي اكثر فرص العمل المتوفرة.
2- هل صحيح انها اكثر ولاية عنصرية ضد المسلمين ، يعني يقولون انهم ينظرون بإزدراء لاخواتنا المسلمات المتحجبات.
3- ماهي افضل مدينة في الولاية برأيك.
وجزاك الله الف خير
-
اخي العزيز
اني اعيش بالعاصمة مال الولاية وهي اوكلاهوما سيتي وعموما ولاية اوكلاهوما صح كبيرة بالحجم بس تعدادها قليل والولاية نظيفة لكن تواجد العرب قليلين وخاصة العراقيين بس العرب موجود اكثر من العراقيين حسب رأيي...
1-بالنسبة لفرص العمل نوعيات العمل تعتمد ع البحث وعلى مدى صبرك بس عموما هي كونها صغيره ففرص تنوع العمل قليلة ...يعني مو مثل المدن الكبرى بس كلشي اله ضريبته لان بالمدن جبيرة الوضع اغلى بس تكساس مدنها مثل دالاس وهيوستن زينات مدن جبيرة ورخيصه ايضا( بالمناسبة اوكلاهوما ستي متبعد عن دالاس غير 4 ساعات واني مرات اسويها ب3 ساعات ونص وهيوستن 8 ساعات يعني مو بعيده وسهل جدا تروح بالسيارة)..بالنسبة للولاية تعتبر غير عن باقي الولايات يعتبروها مملة لكن اكثر الشركات دتحول شغلها الى هيجي ولايات مثل اوكلاهوما وغيرها كونها رخيصه...اكو مراكز اتصال مال شركات الموبايل والشركة اللي اشتغل بيها مثلا ضربت جماعة شيكاغو بوري لان الكلفة عالية وراح تسد المركز مالتهم. اني اشتغلت بمطعم وطبعا اذيه لمدة سنة كاملةوهسه ع الاتصالات ارحم بس كلها تعب بس ساد فواتيري وصابر ...سكيورتي تكدر تدخل دورة وصديقي هسه اجه مصارله كم شهر ودياخذ نفس راتبي..طبعا لازم الواحد يحاول يطور نفسه ويدرس هم حتى لو شي بسيط لان تزداد فرص العمل.
2-بالنسبة للعنصرية هي شغلة نفسية مؤذية وصدكني راح تشوفها بغير ولاية بس اكو محجبات يمشن عادي ولا يمهم واكو جريئات يردون ع اللي يسمعهم حجايه فيخاف الاميركي..بس هي من الولايات اللي قليل تشوفي بيها الحجاب لهذا من يشوفون محجبة يمكن تلفت النظر ..بس هم اكو حتى منقبات مرة رحت للجامع عرب من مختلف الجنسيات..
3- افضل مدينة برايي اوكلاهوما سيتي العاصمة واكو مدينتين شمالها وجنوبها هي تعتبر جزء من اوكلاهوما سيتي يعني شي ثلث ساعة..الشمال اسمها Edmond وتنلفظ ادمن وعايشين بيها عراقيين واكو بيها جامعة uco واكو بيها عرب واميركان بس عموما ناس حالتهم زينه وراقية. المدينة الثانية norman وهي هم زينه وبيها احسن جامعة باوكلاهوما اللي هي ou وطبعا هم اكو باوكلاهوما سيتي جامعة مهمه اخرى وهي osu والكوميونتي كولح وهي الoccc...وهي الارخص اذا تريد تبدي من جديد او تاخذ بس الكورسات المطلوبة والمدينة الثانية المهمه شمال شرق اوكلاهوما سيتي وهي تلسا Tulsa وهي هم بيها الداونتاون الخاص بيها وبيها فرع من جامعه ou هناك واعرف بيها عرف مناك لكن لان مو السنتر ما افضل تروحلها مباشرة مع انه احس زينة واحسن من اوكلاهوما سيتي لكن افضل يكون عندك عرف بيها احسن.
بالنسبة للغربة مملة واني بصراحة مع احترامي لكل العراقيين اكره الاختلاط لان اكو نماذج تعبانه بس صديقي اللي اجه عرفني عراقيين شباب وزينين ومبينين ولد عوائل واجتمعنا لعبنا مرة مرتين طوبة بس كل واحد مشغول يعني يحتاجلنا هنا فد منتدى او فيسبوك شي يجمع العراقيين بهالولايه وتصير حلوة من اكو زيارات وناس بالها واحد ع الثاني..
اي استفسار ثاني اني حاضر
-
السلام عليكم اخواني اخواتي الاعزاء
اليوم راح افتتح وياكم هذا الكروب خدمة لاخوتي واخواتي سواء الي راح يجون او الي واصلين
وان شاء الله تكون بادرة خير والولايات الثانية تلحكنا
طبعا هاي الفكرة اخذتها من اخونا الاسد الجامح اللي اسس كروب ولاية اريزونا مشكوراً
هسه نتمنى من الكل المشاركة بأي معلومات مفيدة عن ولاية اوكلاهما من حيث:
الجو
السكن
المساعدات
الجامعات
العمل (متوفر ام لا والاجور)
وضع الولاية صحيح هي اكثر ولاية تحتوي على بيض عنصريين ؟
الخ .... من معلومات
واني اخوكم مهندس مدني ولدي خبرة 12 سنة ، وقبل سنتين بتاريخ تموز 2010 تم تحديد موعد سفري مع عائلتي المتكونة من اربع اطفال الى مدينةاوكلاهما ستي العاصمة ، الا اني بسبب ترددي في موضوع السفر لم اهاجر ، والآن وقبل فترة وبايلول 2012 تم تحديد موعد لاعادة الفحص الطبي وانجزت الفحص واتوقع خلال 2-4 اشهر يتم تحديد موعد سفر جديد ان شاء الله وبعد ان رحت قرأت ملفي هذه المرة شفت محدديلي مدينة ستل واتر
ارجوا من جميع الاخوة التفاعل مع هذا الكروب
بالنسبة لمدينة ستل ووتر هي تقريبا شي ساعة شمال اوكلاهوما سيتي وبيها مركز جامعة osu ...عيد الفطر الراح بعض العوائل العراقية سوت تجمع بقاعة صغيرة وقابلت مهندس مدني وكال اشتغلت سكيورتي لكن بالفترة الاخيرة كال تعينت كمهندس سألته شلون كال عندي خبرة وهنا يهمهم الخبرة حتى لو من الصومال ...حجى عن امتحان ال ( fe) وال ( pe) بس حسب توقعي ان كان ممتحن امتحان وناجح بي فراح يكون الاول الاف اي اللي حتى طلاب المرحلة الرابعة من الهندسة يمتحنوه قبل التخرج وطبعا تكدر تشتغل 4- 5 او اكثر او اقل حسب وتمتحن البي اي اللي هو بروفيشنال بينما الاف فاندمنتال...اني مهندس كهرباء خريج 2005 بس بالعراق اشتغلت شي 3 سنين وخبرتي متواضعه واكره الهندسة مع اني من الاوائل بس ما اعرف شريد والتهيت بظروفي وهنا هسه بديت جديد هالسنه وبعدنني ممحدد يا اختصاص ..بالنسبة لشهادتك لازم اول متوصل تتصل بالسفارة الملحقية بواشنطن وتنطيهم معلوماتك وهمه يدزوها للجهه اللي تريد تدز شهادتك الهم ..طبعا اني مطفي 3 سنين واتصل بصديق علمود يسويلياها وبعدين عرفت انه الملحقية هي اللي تشتغلوها لان هنا ميريدوها مباشرة منك الا من الجامعه مباشرة وكون نظامنا مال الانترنت والتواصل والايميلات بالجامعات شكلي وماكو تواصل فالملحقية تتكفل بيها وخلصوها بقتره زينه كم شهر وطلع الجي بي اي مالتي 3.4 من 4 بس من حصلتها جنت مقرر ابدي من جديد وهذيج اوراقي ضامها بس يمكن فد يوم اروح امتحن والله يهديني واقرأ الFE...شكرا
-
الى / الأخ majk82
الف الف الف شكر على المعلومات وياريت تزيدنا عن تجربتك في الولاية وخصوصا موضوع العمل والدراسة
والله حيرة يا أخي ، عندي نسيبي بولاية تكساس كلي ختولي اوكلاهما تعال يمي بتكساس بيها فرص عمل اكثر.
شنو رأيك بهذا الشي اغير الولاية لو لا ، علما ان طموحي بعد ماتمر اول سنة على خير، انه اعادل شهادتي وامتحن الـ FE
-
طبعا اخ ماجك ابد مقصر بمعلومات والله يجزي الخير يارب وفرحت من كلت المهندسين يكدرون يشتغلون اذا عدهم خبرة لان زوجي الحمد لله هم خبرة وهم لغة عندة ان شاء الله نجي ويشتغل بس تكدر تكلي شكد تكلفة الامتحان FE????
-
الى / الأخ majk82
الف الف الف شكر على المعلومات وياريت تزيدنا عن تجربتك في الولاية وخصوصا موضوع العمل والدراسة
والله حيرة يا أخي ، عندي نسيبي بولاية تكساس كلي ختولي اوكلاهما تعال يمي بتكساس بيها فرص عمل اكثر.
شنو رأيك بهذا الشي اغير الولاية لو لا ، علما ان طموحي بعد ماتمر اول سنة على خير، انه اعادل شهادتي وامتحن الـ FE
اخوية العزيز لا شكر ع واجب
تعليقي السابق عن فرص العمل وضحتلك انه يحتاج بحث وصبر وذكرت فرص العمل قليلة كون الولاية تعدادها قليل فكثرة المصانع والشركات تزداد بالمناطق والمدن الكبيرة لهذا قارنتها مع المدن الاقرب الها والافضل هيوستن ودالاس...اني عن نفسي رحت هيوستن مده يوم واحد لكن دالاس مدينة ضخمة وجبيرة حتى بالطيارة لكن مصارتلي الفرصة اشوف اماكن تواجد العرب الراقين لان التقيت بصديق وجان فتره مؤقتا عايش بمجمع حيل تعبان فخليت ورجعت ...بس بالنسبة لنسيبك اشوف واتفق وياه بنسبة %90 ...مع انه اريد ناس هنا عراقيين يجون ويصير تجمعات حلوة بس هسه اشوف تكساس احسن حتى من دترويت من ناحية تجمع العرب والمحلات ...طبعا يجي واحد يكولك لتختلط واني منهم اي نعم لكن تحتاج الاكل والمطاعم وكم عائله الحياة الاجتماعية ضرورية..اوكلاهوما قليلين ..من ناحية الشغل اعتقد نسيبك كلامه صح الفرص اكثر بس انت كيفك وين متحب تبدي والبداية مهمه لان اذا بقيت هنا يجوز تشوفها صعب تغير بس عموما اوكلاهوما وتكساس قريبات والسفر بيناتهن اسهل مما تتخيل. تحياتي
-
طبعا اخ ماجك ابد مقصر بمعلومات والله يجزي الخير يارب وفرحت من كلت المهندسين يكدرون يشتغلون اذا عدهم خبرة لان زوجي الحمد لله هم خبرة وهم لغة عندة ان شاء الله نجي ويشتغل بس تكدر تكلي شكد تكلفة الامتحان FE????
تسلمين اختي العزيزة
بالنسبة للأمتحان صارلي فترة مقاري عن المتطلبات بس اعتقد شي 400 حتى يعادلون gpa اللي ذكرت بتعليقي السابق يحتاج تتصلين بالملحقية الثقافية العراقية وهمه يتكفلون بمراسلة الجامعة اللي تخرج منها زوجج ومن توصلهم يكولولج وين تحبين نرسلها وانتي عاد ترسليها لهالموقغ:
http://www.ncees.org
بالنسبة للعنوان والتفاصيل وحتى امتحان الاف اي والانواع الاخرى موجودة بالتفصيل ع هالموقع بس شويه يحتاجله يبحوش بالموقع وهاي دخلت ع الموقع ورحت ع الاف اي وهذا العنوان وينطيج هوايه تفاصيل
http://www.ncees.org/Exams/FE_exam.php
تحياتي
-
وردة ماجك 82
عسى الله عز وجل ييسر للكل باختيار المكان المناسب
-
وين اهل الغيرة
وين مشاركاتكم
-
طبعا اخ ماجك ابد مقصر بمعلومات والله يجزي الخير يارب وفرحت من كلت المهندسين يكدرون يشتغلون اذا عدهم خبرة لان زوجي الحمد لله هم خبرة وهم لغة عندة ان شاء الله نجي ويشتغل بس تكدر تكلي شكد تكلفة الامتحان FE????
تسلمين اختي العزيزة
بالنسبة للأمتحان صارلي فترة مقاري عن المتطلبات بس اعتقد شي 400 حتى يعادلون gpa اللي ذكرت بتعليقي السابق يحتاج تتصلين بالملحقية الثقافية العراقية وهمه يتكفلون بمراسلة الجامعة اللي تخرج منها زوجج ومن توصلهم يكولولج وين تحبين نرسلها وانتي عاد ترسليها لهالموقغ:
http://www.ncees.org
بالنسبة للعنوان والتفاصيل وحتى امتحان الاف اي والانواع الاخرى موجودة بالتفصيل ع هالموقع بس شويه يحتاجله يبحوش بالموقع وهاي دخلت ع الموقع ورحت ع الاف اي وهذا العنوان وينطيج هوايه تفاصيل
شكرا جزيلا اخي بارك الله بيك
-
ها خوتي النشامى
-
شنو اخبار الجو باكلاهوما وتحضيرات الكرسمس بلكي نحلك نشاركم الكرسمس
-
ماكو تحضيرات ...باردة جانت وهسه احنا بشهر الثاني الجو زين برد طبيعي وهذاك الاسبوع الراح تيشيرت وشورت
-
زين واخبار السفر ديجون ناس لاكلاهوما لولا وصحيح سمعنه المنظمات مابيه فلوس وديلمون تبرعات
-
السلام عليكم
اني انشاء اللة وجهتي اوكلاهوما ستي
مستلم موافقة محلف وتم الأتصال بالكفيل في التاسع 2012
ومنتظر الباقي
-
السلام عليكم
اني انشاء اللة وجهتي اوكلاهوما ستي
مستلم موافقة محلف وتم الأتصال بالكفيل في التاسع 2012
ومنتظر الباقي
الله يسر لك
-
اخوتي اني هم وياكم وجهتي اوكولاهوما كيس 132
-
UP
-
المنظمه ديلمون فلوس بس لاروح هناك ونداينهم
-
السلام عليكم
وصلت اولكوهاما قبل 3 اسابيع الولاية هادئة كللللش ورخيصة نوع ما وبعدنة دننتظر السوشل سيكورتي نمبر حتى نكدر نقدم على شغل ان شاء الله
-
السلام عليكم
وصلت اولكوهاما قبل 3 اسابيع الولاية هادئة كللللش ورخيصة نوع ما وبعدنة دننتظر السوشل سيكورتي نمبر حتى نكدر نقدم على شغل ان شاء الله
الف مبروك سمر ويارب الاستقرار وراحة البال
بأي مدينة سكنتي ، عندي عديلي وأخت زوجتي بمدينة Still Water
نتمنى انه تحجين لاعضاء اوكلاهما عن المدينة بشكل مفصل في الايام القادمة
بالموفقية
-
السلام عليكم تحياتي الى هذا الاكروب الحلو انا نزلولي الولاية والمطار قبل 3 اسابيع في شيكاغو المنطقة AURORA,IL المطار ORD بس ماعرف عنهة شي ممكن اتنوروني والي اهناك بهاي المنطقة خلي ينورني رجاء واتحياتي الكم والموفقية للجميع والسفر العاجل للجميع يارب اخوكم خالد
-
وإياكم أشاء الله كيس 132