ankawa
منتدى الهجرة واللجوء => الهجرة و واللاجئين => الموضوع حرر بواسطة: علي الاجئ في 07:35 25/11/2012
-
السلام عليكم اخواني واخواتي
يوم الخميس شفت الموقع وكمت ادك واركص من الفرح لان الملف واخيرا صارت امنيتة مكتملة وحالة املف فعالة. وبعدة الموقع هيجي يطلع كل ما فوت.
بس هسة خابرت المنظمة للتأكد، والموظف كلي بعدكم بالامنية!!! كتلة بس اني يمي طالع مكتمل يكلي اي لازم اهل الصيانة يحدثون الملف مالكم ويسووه بالتشييك. كتلة بس اني قبل كان مامكتمل وهسة صار مكتمل على اي اساس تغير؟ يكلي ماعرف!
اخواني الي صار بيهم هيجي موقف ساعدوني وكلولي شنو القصة... والي عدهم خبرة هم ياريت لو تشاركوني وتفيدوني بالاسباب.
رحم الله والديكم
-
الف الف الف الف الف الف مبروك اخويه وهذا جذاب ميريد يخليك تفرح الله لايوفقهم دائما كاسرين فرحتنا وانشالله كم ويم وييجيك موعد السفر
-
تسلم عيوني الله يبارك بيك. بس اخوية انت متأكد من ان الموقع صحيح والموظف غلطان؟
-
هذا غير موظف بدل ميفرح الواحد اللة كريم اخي انشاللة يطلع غلط
-
حبيبي علي الموقع صحيح دائما بس هذا الموظف حقير
-
اخوية الف مبروك هسه و انطيه فنتك شوية يومين وارجع خابرة هسه يكلك اكتملت لان التحدي بموقع المنظمة يصير من اميركا وبعدين يصير التحدديث بقم المعلومات الي بالمنظمة وكون صادفة جمعة وسبت عطلة ماصار تحديث يجوز باجر عكبه تخابرة يكللك مكتملة ,,,,, هذا الشي تكدر تكول صار وياي
-
حالة السفر لمن اتصير انتظار معناها خلصت كل مراحل الامنية اني نفس حالتك شهر السابع خلصت الامنيه وصارت مكتمل اكثر من 3 مرات وترجع انتظار وحاله السفر غير فعال فاذا مصير انتظار يعني بعد عندك اجرائات بالامنية مخلصانه
-
بارك الله بيكم احبائي والله يفرحكم ويطمنكم مثل ما طمنتوني. ان شاء الله خير والسفر العاجل للجميع.
-
الف مبروك ابو حسين وانشاءالله صدك تطلع الامنيه مالتك خلصانه وتصخم وجه لهذا الموظف الملعون
الي مايريد خير للناس ولو يعرف احنه اشون دنحسبها الله وكيل دقيقه دقيقه جان ماكلك هيجي
اتمنالك التوفيق
تحياتي
مايك67
-
تسلم مايك وردة.... ههههه اي والله اني كمت اجيك الموقع اكثر من ماشوف زوجتي.
الله كريم ان شاء الله خير للجميع.
-
اهل الخبرة وينهم؟؟؟؟ نريد بعد أجوبة وآراء بلا زحمة عليكم :)
-
السلام عليكم اخواني واخواتي
يوم الخميس شفت الموقع وكمت ادك واركص من الفرح لان الملف واخيرا صارت امنيتة مكتملة وحالة املف فعالة. وبعدة الموقع هيجي يطلع كل ما فوت.
بس هسة خابرت المنظمة للتأكد، والموظف كلي بعدكم بالامنية!!! كتلة بس اني يمي طالع مكتمل يكلي اي لازم اهل الصيانة يحدثون الملف مالكم ويسووه بالتشييك. كتلة بس اني قبل كان مامكتمل وهسة صار مكتمل على اي اساس تغير؟ يكلي ماعرف!
اخواني الي صار بيهم هيجي موقف ساعدوني وكلولي شنو القصة... والي عدهم خبرة هم ياريت لو تشاركوني وتفيدوني بالاسباب.
رحم الله والديكم
اخي الف مبروك امنيتك كامله وانتضر السفر قريبا وانته شغلتك مثل ولد صديقنه بعين كاوه همات مثلك كملت الامنيه واتصل بالمنظمه حجوله لا ما كامله الف مبروك بالتوفيق
-
بارك الله بيك علاوي ان شاء الله خير ويطلع الغلط من الموظف.
-
أخي العــــزيز أكتـــمال الامنية علامة ممتازة
كثيير مروا بنفس الحالة وترجع بالانتـــظار أما سبب بلشت أمنية قبل السفر أو علمود فحص طبي قبل السفر
أو صار عندك أكسباير وحدة من الامنيات
على كل الاحوال مادام كملت هذه علامة جيدة وسفرك إن شـــاء الله قريب خصوصا على الســفر إلي حاي يصير للكثيير
إن شـــاء الله التوفيق والسفر بأقرب وقت
تقبل تحياتي
ابو ســماني
-
شكراً الك عيوني ابو سماني للمعومات. الله يوفقك. :)
-
الف مبروك اخي انته الامنية مالتك اكتملة ومعليك بكلام الموظف انتظر هسة يتصلن بيك في اسرع وقت ع وموعد طيران
انشاء الله
-
ألف مبروك اخ العزيز :D حتى لو رجعت إنتظار معناها الأمنية مالتك خلص وباقي يمكن امنية ما قبل السفر وبقية الإجراآت للسفر وعادة تاخذ من اسبوعين إلى شهرين للحالات العادية والله أعلم :D
تحــياتي
كــمال زاخـوي
-
رحمة الله والديك اخ كمال.... اي والله طلع الموظف حجية صدك ورجعت الأمنية انتظار والملف بقة فعال.
الله كريم.... عيني بعين الله ومسلم امري بيدة :)
-
أخي العزيز آني نفس الشي صارت وياية قبل اسبوع, حالة الملف صارت فعال والتجييكات صارت مكتمل وخابرت المنظمة راسا على مود اتأكد فكالي الموظف اي صحيح تجييكاتك خلصت وتنتظر منا موعد للدورة التثقيفية والسفر إن شاء الله ولكن وراها بيوم بقت حالة الملف فعال والتجييكات الأمنية رجعت إنتظار :( رجعت خابرت كلت يا اخي ليش رجعت التجييكات إنتظار ما لحكنا نفرح شوي فعالي والله لأسف هاي من امريكا همة هيجي أرادوا , كلت زين شنو معناها يعني هسة آني بالتجييكات ماقبل السفر , فكال "لا والله هسة ما بيبين عندنا مثل الأول ما بنعرف" فسكرت التلفون وبيوم الخميس رحت للمنظمة وقابلت موظفة هناك فكالتلي الموظفة "التجييكات لهواية ناس تصير مكتمل ورأسا ترجع إنتظار بس الأغلبية ما يشوفونها بس يشوفون حالة الملف صايرة فعال وكالت "هاي معناها التجييكات الطويلة كملت وهسة تجييكات بسيطة ما قبل السفر" وكالت "إذا هلة المرة صارت مكتملة خلاص ماراح ترجع وراح نخابرك لتحديد موعد السفر" والله أعلم :D
بس آني دزيتلهم أيميل قبل اسبوع وانتظر شلون راح يكون الجواب؟؟ نفس الكشرة مال التجييكات الطويلة لو غيرها والله كريم :D
فأنت هم دزلهم أيميل على مود تشوف شلون راح يكون الجواب وفوضنا أمرنا لله :D
تحــياتي
كـــمال زاخــوي
-
للرفع
-
أخي العزيز آني نفس الشي صارت وياية قبل اسبوع, حالة الملف صارت فعال والتجييكات صارت مكتمل وخابرت المنظمة راسا على مود اتأكد فكالي الموظف اي صحيح تجييكاتك خلصت وتنتظر منا موعد للدورة التثقيفية والسفر إن شاء الله ولكن وراها بيوم بقت حالة الملف فعال والتجييكات الأمنية رجعت إنتظار :( رجعت خابرت كلت يا اخي ليش رجعت التجييكات إنتظار ما لحكنا نفرح شوي فعالي والله لأسف هاي من امريكا همة هيجي أرادوا , كلت زين شنو معناها يعني هسة آني بالتجييكات ماقبل السفر , فكال "لا والله هسة ما بيبين عندنا مثل الأول ما بنعرف" فسكرت التلفون وبيوم الخميس رحت للمنظمة وقابلت موظفة هناك فكالتلي الموظفة "التجييكات لهواية ناس تصير مكتمل ورأسا ترجع إنتظار بس الأغلبية ما يشوفونها بس يشوفون حالة الملف صايرة فعال وكالت "هاي معناها التجييكات الطويلة كملت وهسة تجييكات بسيطة ما قبل السفر" وكالت "إذا هلة المرة صارت مكتملة خلاص ماراح ترجع وراح نخابرك لتحديد موعد السفر" والله أعلم :D
بس آني دزيتلهم أيميل قبل اسبوع وانتظر شلون راح يكون الجواب؟؟ نفس الكشرة مال التجييكات الطويلة لو غيرها والله كريم :D
فأنت هم دزلهم أيميل على مود تشوف شلون راح يكون الجواب وفوضنا أمرنا لله :D
تحــياتي
كـــمال زاخــوي
أخوية كمال، جزاك الله كل الخير على المعلومات هذه.
انشالله السفر القريب الك وللجميع.
-
ـ اخوان الله يخليكم بس كولولى جم امنية الواحد يمر بيهه انى مسوى مقابلة وفحص واحدة ولحد الان الامنية بالانتظار يعنى لو خلصت المقابله الثانية همين وراها اكو امنية وشكرا
-
ـ اخوان الله يخليكم بس كولولى جم امنية الواحد يمر بيهه انى مسوى مقابلة وفحص واحدة ولحد الان الامنية بالانتظار يعنى لو خلصت المقابله الثانية همين وراها اكو امنية وشكرا
أخي العزيز :D
الأمنية هي امنية واحدة بس على اربع مراحل حسب علمي والمرحلة الثالثة تعتبر اطول واصعب وإذا تعديتها راح تعيد الفحص الطبي كل ست شهور ولكن بالشهور الأخيرة طلع عدنا أمنية جديدة يكولون عنها امنية ماقبل السفر ولكني لحد الآن لا اعرف شي عنها غير أنها تكتمل من اسبوع إلى شهرين للحالات الطبيعية والله اعلم
تحــياتي
كــمال زاخــوي
-
ـ شكرا كاك كمال الله يخليك على الرد انى كيس 109 مقدم من 2008/9 ورة سنه ونص سويت مقابله اولى بعدهة ب 6 شهور سويت فحص ولحد الان ادزلهم ايميلات ويكولون بس يجى دورك للمقابلة راح ندز لك بعدين طلع الموقع مال عمان يومية اجيك هسة اخر شى حالة الملف اكتف والفحص اكسباير والامنية بالانتظار تتصور انو بعد اربع سنوات من الانتظار راح يكون عدنه حظ ونسافر
-
ـ شكرا كاك كمال الله يخليك على الرد انى كيس 109 مقدم من 2008/9 ورة سنه ونص سويت مقابله اولى بعدهة ب 6 شهور سويت فحص ولحد الان ادزلهم ايميلات ويكولون بس يجى دورك للمقابلة راح ندز لك بعدين طلع الموقع مال عمان يومية اجيك هسة اخر شى حالة الملف اكتف والفحص اكسباير والامنية بالانتظار تتصور انو بعد اربع سنوات من الانتظار راح يكون عدنه حظ ونسافر
والله اخي العزيز هاي اول مرة اشوف واحد هيجي يتأخر لتحديد موعد للمقابلات, لانه عادة المقابلة الأولى والثانية تجي ورا بعضها ومرات بنفس اليوم ومقابلة المحلف تجي وراها خلال مدة اقصاها 6 شهور, بس ليش انت هيجي بصراحة ما اعرف؟؟ بس انت اكيد تقصد IOM مو UN , وأنت وين مقدم بالعراق لو بالأردن لو وين؟؟ والمقابلة الأولى جانت مقابلة واحدة لو مقابلتين بنفس اليوم وهل اخذوا البصمات ؟؟؟ ونوعية طلبك تقديم مباشر لو لم شمل لو عن طريق الــ UN وهل أنتم عائلة لو وحدك وعلى اي دولة امريكا لو غيرها ؟؟؟
تحــياتي
كــمال زاخــوي
-
اخي العزيز الف مبروك ....اني صارت وياي بس بعد فترة رجعت ::بكل الاحوال احسن::كله اجراااااءات وانشالله تخلص باقرب وقت....انشاءالله السفر القريب للجميع....
-
ـ شكرا اخى انى مقدم من بغداد رحنه هناك للمقابله وسوينه مقابلتين بنفس اليوم بس ما اخذنا طبع الاصابع وره فترة دزو علينة للفحص وسوينه الفحص وهسة صاير اكسباير للعلم مقدم على اى او ام واحنا عائلة thx
-
ـ شكرا اخى انى مقدم من بغداد رحنه هناك للمقابله وسوينه مقابلتين بنفس اليوم بس ما اخذنا طبع الاصابع وره فترة دزو علينة للفحص وسوينه الفحص وهسة صاير اكسباير للعلم مقدم على اى او ام واحنا عائلة thx
والله اخي العزيز هذا التأخير مو طبيعي, يعني اكثر من سنتين فقط تنتظر مقابلة المحلف !!!
بس بكل الأحوال ماراح يتأخر أكثر ومادام حالة الملف صارت عندك فعال فمعناها راح يحصل شيء ولكن من خلال التحليل واضح انه راح يحددوا لك موعد لمقابلة المحلف, لانه إذا كلنا على مود إعادة الفحص صارت حالة الملف فعال مستحيل, لانه ما يعيدون الفحص إلا إذا كلشي تمام عندك وطبعاً ما عدا الفحص الأولي ما نحسبها لانه عادة الفحص الأول الكل بيسووها, وإذا كلنا صارت فعالة على مود التجييكات او الكفيل هم مستحيل لانه بالأول لازم تقابل المحلف, فمعناها واضح راح يحددوا لك موعد للمقابلة قريبا والله اعلم :D
ولكن حسب توقعي إذا المحلف موجود حاليا ببغداد وإذا ما خابروك للمقابلة خلال اسبوعين فمعناها اكيد بالسنة الجديدة إن شاء الله وأول ما يجي محلف لبغداد راح يحددوا لك موعد للمقابلة والله اعلم :D
واريد اكولك كن متفائلاً لانه انت اخذت نصيبك من التأخير, ورا مقابلة المحلف راح تسلتم الظرف ومعاها التجييكات مكتملة وراح تسافر خلال اقل من ثلاث شهور ولكن فقط إذا حسب حسابات المحلف وبعد سماع قضيتك ماشاف شي يرادلها تأكيد امنياً, أما إذا صار هيجي شي ممكن ورا المحلف من ثلاث شهور إلى سنة تسافر والله أعلم :D
تحــياتي
كــمال زاخــوي
-
ـ شكرا الله يسمع منك اخى بس عندى سوال اكدر اقدم على اس اى فى للعلم انا لست مترجماo
-
ـ شكرا الله يسمع منك اخى بس عندى سوال اكدر اقدم على اس اى فى للعلم انا لست مترجماo
لا والله اخي العزيز للأسف لا يمكن بس خليك مستمر مع ملفك ومثل ما كلت لك إن شاء الله ما بقى شي :D
تحــياتي
كــمال زاخــوي