ankawa
منتدى الهجرة واللجوء => الهجرة و واللاجئين => الموضوع حرر بواسطة: سوسو اسو في 07:20 03/12/2012
-
السلام عليكم شلونكم؟
اليوم صار موقف ماعرف تأثرت بيه اشوو
حتى الكاشيريه الي ويايه ضلووو يبااعووون ومتأثرين
اني طبعا من اسمي دائمااا يكلولي شلون ينلفظ وانتي منين
اليوم مرأه شيـــــــك جدااااا كلتلي اسمج شلون ينلفظ وانتي منين
فكتلها اني من العراااق .. اشو جان تكلي oh sweetheart وباستني وحظنتني
وظلت حاضنتني يمكن خمس دقااايق وتكلي welcome to the US, this is your home
واحنه كلنه برذرز ولازم نعيش سوه .. وبعدين كلتلي سوري على الي ديصير بالعراااق
وكالت خلي اصليلج وظلت اتصلي بأذاني وتكول كلمات كلش حلوه بحيث اني دمعت
ودعت للعراقيين كوومه واتمنت السلاام اللنه ماعرف هواايه حجي
بحيث عجزت شلوون اشكرهاا بعدييين
اكووو ناس هناااا كللللللش نااايس لابعد حد
بس همه هنا نوعا ما عمليين
وبعد اول يوم شغل من رجعت داحجيله الزوجي
داكله كلهم حبابين جانو ويايه ... بس ميسلمون من يجون لو من يرحوون
فكتله هسه تشووف شلون اخليهم يسلموون .. اله اغيرهم ههههههه
وهسه من افوت مكان ما الحك اني اسلم همه الي يسلمون عليه
ومن اطلع همه الي يكلولي ها رايحه باي وتيك كير وسيو ليتر ومن هل حجي
... خبصتهم هاااي الفتره بالسلااام هااي وشلونكم شسويتو وين رحتوو... هذا الهدف جان مهم بالنسبه الي
حتى ما احس اني داشتغل ويه نااس جاامده ويصير الشغلل من وره خشمي وممل
فالحمد لله
طبعا قبل فتره موبايل زوجي انباك نساه بمكان بشغله ومن رجع عليه لكاه ماكو
وبعد التدقيق بالموضوع اكتشفنه انو الي باكه جان عربي وعدنه رقم الكردت كارت مالته وتوقيعه
رحنه سوينه ريبورت بالشرطه
والشرطه كالت نكدر نوصله بس اذا مثبت عليه شئ
ممكن هو يرفع عليكم دعوه وياخذ تعويظ مادي ويجوز بيها سجن .. لان احنه اتهمناه
فكلنه يابه بلاااهااا فدوه الموبايل
فأحنه بلغنه الشرطه انو جانت عدنه معلومات مهمه بالموبايل واحنه نخلي مسؤليتنه
يعني اخاف يستخدم التلفون بأمور مخالفه للقانون فأحنه ممسؤليين
ومن يوومها لليوووم واني الكه امووور وين ما ارووح :D
ذاك اليوم بمطعم لكيت 20 دولار وتابعت الموضوع الى ان عرفت مالمن ونطيتها
وراها رحت للبنك فداكعد بالاستراحه الى ان يجي دوري لكيت فاايت بالقنفه موبايل
هم كمت نطيته للرسبشن
وبعدين اني وراجعه من شغلي مشي ... لكيت كريدت كارت بالكاااع
وكفت ودافكر اشيله لو ما اشيله .. والشاارع كلللللله سياارات ماكو اي احد ديمشي
فشلته وحطيته بجنطي ... من وصلت للباص ستوب ..اكو جان واحد كاعد فسألته
كتله لكيت كريدت كارت واكو رقم وراه انو اذا لكيتو اتصلو
فكال اي خابريهم وكليلهم لكيته بالكاع
بس بعدين كتله يجوز مبيوك ومستخدمه احد وشامره واني من اخابر تنذب براسي
يجوز بالاخير يكتشفون مو اني بس ليش دافوت بهل معمعه
فكال هم صدك ... ووصلنه لحل انو اكطعه واذبه بالزبل
لان اني اذا خابرتهم وكتلهم لكيته مرح يكلولي جيبي بكل الاحوال حيكلولي شكرا وذبيه بالزبل
فأذا اكطعه اني واذبه رح اضمن محد يستخدمه .. وصاحبه الاصلي هم رح يخابر البنك ويكللهم ضيعه من يكتشف ويدزوله غيره
وبهاي الحاله اني اكون سويت شئ زيين ... وهذا الي صاار
اشترينه شجره كرسمس والزينه وزيناها
الشجره كبرها 5 feet وسعرها 20 دولار
وال 6 feet ب 40 دولار .. وكل ما تكبر السعر يزيد
بالشغل طلبت منهم يزيدون ساعاتي والحمد لله زيدوني 6 ساعات احسن من الماكو
احد الاخوه طلب مني ان احجي عن مدينتي ... اني سابقاا حجيت عنها
فأذا اكو شئ معين او سؤال اني حاااضره...
ان شاء الله قريبا اضيف صور للمدينه
تقبلووو تحياااتي
مع السلااامه
-
iانتي اللي نايس
حيل شكد لاكية غراض اشو اني كلشي مدا الكى هذولة المكسيكان ميوكعون شي ;D
-
شكرا أختي على هذه التفاصيل الحلوة من حياتــج وان شاء الله التوفيــق بحياتج والله يستركم من كل شر.
-
معنى حلو بكلامج سوسو انه الانسان يكدر يجبر المحيطين بي على التعامل وياه بالاسلوب الي يعجبه
وفعلا اغلب الكلام صحيح
حبيبتي الله يوفقج وان شاء الله نحو الافضل دائما ونسمع الاخبار الحلوه
-
steven_siv و Glendale و malak شكراااااااا الكم على ردوودكم
وفعلااا ملاااك السلوب التعامل الي تريدين المقابيل ان يستخدمها وياج هي انتي الي تفرضيها
يجوز مو رأسا بس بالنتيجه الموضوع ينجح
تحياااتي الكم
-
تمنياتنا بالتوفيق .. و يا ريت لو تستمرين بالكتابة لأني متاكد هواية ناس متابعين كتاباتك الحلوة و المفيدة
A smile , is the prettiest thing You can wear
-
شكرا اختي على هذه القصص الجميله االتي تمر بك عبر حياتك اليوميه في امريكا انا من الاشخاص المتابع هذا الامور فارجو منك اني تحكي أي موقف تمري به وله اهميه مع الشكر و الاحترام
-
الله يوفقكم دائما اكتبيلنا عن مواقفج هناك وعن الحياة لأن الي دينتظر السفر يكون متشوق وملهوف ان يسمع هيج كلام حلوو مثل كلامج ياوردة انتي
ادعيلنا احنا هم نسافر ونرتاح ونستقر
اتمنى الكل تسافر وتستقر وتعيش حياة هادئة وحلوة ويعكس كل شخص من عدنا عراقتنا واصالتنا
-
هلو عزيزتي سوسو دائما مواضيعج حلوة ورقيقة مثلج اتمنالج التوفيق من كل قلبي وننتظر المزيد منج ياغالية :-* :-* :-*
-
بلتوفيق اغاتي
وان شاء الله تشوفين كل الخير على هاي الروح الطيبة والمواضيح الحلوة
-
nice story ... keep going
موضوع شيق وجميل .. شكرا على الطرح
-
ياعيوني انتي مبينة كلش طيبة ياربي يحفظج ويفتح ابواب الخير بوجهج يارب وننتظر بعد مواضيع حلوووووووة
-
تفاصيل كلش حلووه سوسو استمري باليوميات :)
اختج راي / تركيا
-
بارك الله بيج اخت سوسو وانشاء الله يارب الموفقية
-
حبيبتي سوسو يوم بعد يوم اتكبرين بعيونه وبالتوفيق ان شالله
اني هوايه سامعه اكو اميريكان يتعذرون من العراقيين من الي صار بينه
بس الي صار صار يمكن هذا شويه يمكن يخفف علينا !!!! يمكن
تحياتي
-
من نقرا مواضيعيج انعيش الخيال مثل منكون داخل الحدث الي انتي عايشته يمكن السبب طريقه سرد القصه ما اعرف
-
عفية عليج اختي .. تصرفج دينطي صورة حلوة عن بلدج ودينج وهالشي هو الصحيح وانت وكل انسان طيب مثلج يمثل بكل سرده لتفاصيل حياته فد امل لكل الموجودين بمستقبل حلو بامريكا .. تمنياتي الج بالتوفيق ولكل الاخوة بهالمنتدى
-
هاي هي الصوره الي لازم نعكسعه عنا
و احييج على هاي الروح الرائعه و ربي يوفقج
تحياتي
-
شكرا اختي الكريمه سوسو اسو على هذا التوصيف الرائع
للمواقف الاجتماعية والانسانية متمنيا لكي النجاح المستمر
-
فدوه للعراقيه حلوه .وجميلة .وامينه .واخلاق .وام واخت ..بارك الله بيك ويارب العمر كله فرح ومسرات
-
حلوة انت في مواقفك التي تنم عن اخلاقك
انت مرآة تعكس صورة الجزء المضيء من حياتنا واخلاقنا
نشكرك الشكر الجزيل يامن قلت لمجتمعك الجديد : نعم فينا من يفكر ويبدع ويحب وان يكون محل للثقة
امنياتي لك بحياة مزهرة
اخوكِ
ابن البلد
-
بارك الله بيج اختي على اخلاقج و امانتج وطيبتج
وفيما يخص الامريكان ترى والله العظيم همه كلش حبابين وطيبيين و يبقى يم الشخص شلون يتعامل وياهم و حتى النحسيين بيهم تكدرين تخليهم يعاملوج بنفس طريقة تعاملج وياهم.
-
انتي ينطبق علي هاي المقوله (لا تنضر الى الماضي فهو لن يعود ولا تنضر الى المساقبل فهو بعيد انضر الى الارض بلكي تلكه ربع شي منا مناك) هههههههههههه
اعتذر فقط حبيت امازح
ربي يبارك في حلالج وعشتي على الصوره الجميله التي دتقديمها عن العراقيين
اتمنا لك الموفقيه الدائمه ان شاء الله
-
يارب يسعدج ان شاء الله
تحياتي
اختج ام شاهين من سوريا
-
حياج الله اختي
-
الله يبارك بيج بنتى سوسو ويوفقج بحياتج وتصرفاتج هاى ادل على حسن اخلاقج وتربيتج ودائما كونى متواصله ويه منتدانه
-
اخت سوسو حبيت مواضيعج وكتاباتج ونتي عراقيه رائعه بكل المقايس اخلاق ورقي وثقافه وامانه وعقل كبير راجح اتمنى ان تكتبي كل جديد يصادفج وتستمري فى كتابة يومياتك انتي اخت عزيزه اتمنالج كل الخير والموفقيه
-
سوالفك حلوة سوسو . ولطيفة . الله يوفقك دائما وتكون حياتك مع عائلتك سعيدة , والظاهر الانكليزية مالتج قوية مما يسهل تحاورك مع الامريكان بسهولة ؟؟؟
-
سوسو اسو شخصية قوية انشاء الله تتوفقين بحياتج ويختاروج ب2012احلا وارق واطيب انسانة بمساعدة الخير واشكرج هواية واحب ان اقول خير الناس من نفع الناس واشكرج ;) :) ;) ;D
-
الورداية سوسو اسو ... مواضيعج جدا تفرحنه وتخلينه نعيش اجواء حلوة ومثل ما وصفهه احد الاعضاء بانه نعيش الخيال...
نتمنى انه ما تنقطعين وتستمرين بكتاباتج .
بالنسبة للموقف كلش رائع ومؤثر الى درجة يخليك تغير نظرتك لهواية اشياء.
واحييج على شخصيتج القوية واسلوبج اللي كدرتي تغيرين من خلالهم اطباع زملائج بالعمل.
وايضا احييج على تصرفاتج الرائعة بحياتج اليومية اللي تعكس تربيتج العراقية الاصيلة.
اتمنالج الموفقية وان شاء الله تحققون كل اللي تطموحله.
تحياتي .... برنسو
-
نموذج لﻻصالة العراقيه .... بارك الله بيج
-
السلام عليكم
الاخت سوسو
مواضيعج حلوة ومشيقة
الله يحفطك والعائلة الكريمة
شكرا
-
الله يستر عليج ياسوسو الطيبه
وربنا يوفقك ويقسم لك الخير دوم ويارب الاولاد الصالحين ويطلعون على امهم سوسو الطيبه
-
اشكــــــــــــــركم على ردووودكم الي بصرااحه دتخجلني
ومدا اعرف اجاوبكم بطريقه اوفي بيها حقكم على كلماتكم الطيبه
شكرااااااااااا جزيلااااا الكم اخوااني وخواااتي الاعزاء
وان شاء الله من تستجد ويايه مواقف تستاهل الذكر ان شاء الله اكتبلكم
تحيــــــــاتي الكم جميعا وبالتووووفيق ياااارب
:)