ankawa
منتدى الهجرة واللجوء => الهجرة و واللاجئين => الموضوع حرر بواسطة: um shaheen في 21:38 15/12/2012
-
اخواني واخواتي الاعزاء الصامدين في سوريا
ارجو من الي عنده معلومات عن الاخ عمار اللامي الساكن في حلب وكان ناوي الانتقال الى اللاذقيه
رجاء الي عنده معلومات عليه يكتبها
صار 3أيام احاول الاتصال به دون جدوى
رجاء خاص للاخوه الاعضاء ابقاء الموضوع في بداية الصفحه فقط للاطمئنان على الاخ عمار مع شكري وامتناني للكل
اختكم ام شاهين من سوريا
-
اخواني واخواتي الاعزاء الصامدين في سوريا
ارجو من الي عنده معلومات عن الاخ عمار اللامي الساكن في حلب وكان ناوي الانتقال الى اللاذقيه
رجاء الي عنده معلومات عليه يكتبها
صار 3أيام احاول الاتصال به دون جدوى
رجاء خاص للاخوه الاعضاء ابقاء الموضوع في بداية الصفحه فقط للاطمئنان على الاخ عمار مع شكري وامتناني للكل
اختكم ام شاهين من سوريا
بارك الله بيج اختي ام شاهين
طبع الطيب ما يتجازى غير بالطيب
سلامي الى اخي ابو شاهين
-
بارك الله بيك اخويه العزيز يارب يوفقك بكل خطوه بحياتك
الف شكر على مرورك
تحياتي
اختك ام شاهين من سوريا
-
جماعة سوريا معقوله يعني محد يعرفه للاخ
اذكركم بي
الاخ الي كتب ارقام تلفوناته وكال منو يحتاج شي من حلب وترك حلب مجبر اكدر اساعده اني وبوكتها كلنه شكرنا
-
بارك الله بيج اختي
-
بارك الله بيكم على مروركم ويارب الموفقيه للكل
بس والله اني بالي يمه المسكين بعده بثالث جامعه وهو وعائلته وهو كلش ابو نخوه يعني ما اعرف اكيد احد الاخوان والاخوات بسوريا صار عدهم اتصال بي يعني معقوله بس اني اتصلت بيهم وشكرتهم على موقفهم والله ما اعرف وهو قبل 5أيام كال خاله باجر اكيد نطلع اخذنه بيت بالاذقيه ومن نوصل اطمنكم علينه بس انكطع كل اتصال بيهم وهمه عائله عرااااقيه يا اخوان
-
الاخت العزيزه ام شاهين ,بارك الله فيك . من خلال كلامك انهم انتقلوا الى اللاذقيه فأكيد يحتاجون وقت الى ان يستقروا ,وان شاء الله ماكو الا الخير
والله يحفظ الجميع في هذه الظروف الصعبه ,
والله يفرجها على الجميع والكل تسافر وتستقر ,الكل تعب من البهذله .
وفاءعلي/سوريا/2009
-
اشكرج اختي العزيزه وفاء يارب يبارك بيج ويفرج على الكل ان شاء الله
اختي الطريق بين حلب وبين الاذقيه ما اعرف اشلونه يعني الي اعرفه منطقتهم جانت امنه بحلب وبالفتره الاخيره صارت موزينه وحضروا بيت بالاذقيه بس كالوا بس نوصل ننطيج خبر وصار كم يوم ادك عليهم بدون جدوى هذا الي قالقني
تحياتي الج واشكر مرورج
اختج ام شاهين من سوريا
-
الله يطمنكم علي و يحمي كل اهلنا بسوريا خاله
-
اشكر دعائك ابني العزيز والله بالي يمهم وما اعرف شسوي هسه لو بس نطمن
يارب ان شاء الله خير
تسلملي ياغالي
-
بردا وسلاما على جميع العراقيين الي بسوريه وانشالله تسمعين اخباره والله يحميهم
-
بارك الله بيك اخويه العجيلي يارب يفرجها على كل المنتظرين بالقريب العاجل
أمين
-
ربي يبارك بيج ام شاهين .. يا بنت الأصول ويكثر من أمثالج ...
-
يارب يبارك بيك اخويه الغالي ابو ايهاب
ابو ايهاب انت اخويه ما اعرف شسوي تدري منايمه والله بالي يمهم ما اعرف خواته اشكد اعمارهم يارب يستر عليهم ويحميهم يارب
اندعيلهم ربنا ييسر امرهم ويسهل طريقهم
اشكر مرورك اخويه الغالي ويارب يوفقك ويسهل امرك
تحياتي
اختك ام شاهين من سوريا
-
يارب يبارك بيك اخويه الغالي ابو ايهاب
ابو ايهاب انت اخويه ما اعرف شسوي تدري منايمه والله بالي يمهم ما اعرف خواته اشكد اعمارهم يارب يستر عليهم ويحميهم يارب
اندعيلهم ربنا ييسر امرهم ويسهل طريقهم
اشكر مرورك اخويه الغالي ويارب يوفقك ويسهل امرك
تحياتي
اختك ام شاهين من سوريا
يارب يكون المانع خير .. ويجاوب على ندائج اختي العزيزة ...
مساكين العراقيين منين يلتفتون هم وضيم .. الله يلطف بالجميع...
-
انشالله تسمعين اخباره عن قريب وهو واهله بخير
يارب استر على الناس جميعا والعراقيين بشكل خاص
ام شاهين الله يبارك بيج على التفاتج الطيبة وسؤالج عن اخوانج
-
السلام عليكم اختي ام شاهين اعتقد انت من سكنت جرمانا واحنا اليوم طلعنا من اليرموك وانهزمنا بطرك اهدومنا وهسه بجرمانا دندور على بيت اجار فاذا تعرفين اكو بيت للايجار تنطينا خبر لان كوه لحكنا ننهزم من الي شفنا احنا العراقيين وين منروح كلبنا مشلوع واكو والله عراقيين ملحكوه يطلعون الله يساعدهم لان الجيش الحر دخللهم
-
اخويه دزيتلك رقمي على الخاص اني بساحه السيوف تعال يمنه ننتظرك
اختك ام شاهين
-
للرفع
-
الله يرجع الغايب ويحفظة وين ماكان
انشاء الله نطمئن علية باسرع وقت
ادعواله اخوان ان كان بضيق الله ينجية
ويحميه هو وعائلته
اختكم ام راما
-
ان شاء الله تسمعين خبر من الاخ عمار اللامي وتطمئنين والله يحفظج ام شاهين يا بنت الاصول يا طيبه
والله يحفظ كل اخوتنا العراقيين بسوريا
راي / تركيا
-
الاخ العزيز العجيلي ام شاهين دا تنتظرك دزتلك رقمها على الخاص
ياريت تتصل بيها هيا كلفتني اكتبلك لان ماعدها نت
ودكلك بيتها مفتوح ومستعدة تستقبلك باي لحظة
اخويا العزيز بعد اذن اختي ام شاهين وهيا سباقة بالخير
اني هم بيتي مفتوحلك ومستعدين انقدملك اي مساعدة
ارجو منك الاتصال
اختك ام راما
-
اخواتي واخواتي الاعزاء
الف شكر لكل شخص يدعي لنا بلامن والامان ويارب يديمكم النه ويارب يبارك بيكم ويسهل امركم ان شاء الله يارب
اخواني واخواتي ما اعرف اذا اخونه العجيلي لكه سكن لان متصل بيه بس مدام وصل جرمانه فاكيد هو أمن واكيد بيتي مفتوح لاي عائله عراقيه شريفه بهذه الضروف الي دنمر بيها
بالنسبه للاخ ابو سلسبيل والي بقى باليرموك ولم يستطع الخروج منها بالوقت الحالي فارجو منكم الدعاء له ولعائلته الكريمه للخروج سالمين من هذا الوضع بس حبيت اطمنكم لان اتصلت بيهم
بس مع الاسف اخويه العجيلي ماعندي تلفونه واذا اتصل اني اليل كله كاعده وهسه جتي الكهرباء يعني ان شاء الله للصبح الكهرباء مستمره ونبقى نتواصل
الف الف شكر لكل اخواني واخواتي الي شاركوني بهذا الوضع والي هم اصلا خارج سوريا يارب يسهل سفركم لخاطره اخلاقكم العاليه وقلبكم الطيب يارب يديمكم النا
وبالنسبه للاخ عمار لحد الان ممحصله جواب منه ما اعرف يارب خير اندعوله
تحياتي للكل
اختكم ام شاهين من سوريا
-
الاخ العزيز العجيلي ام شاهين دا تنتظرك دزتلك رقمها على الخاص
ياريت تتصل بيها هيا كلفتني اكتبلك لان ماعدها نت
ودكلك بيتها مفتوح ومستعدة تستقبلك باي لحظة
اخويا العزيز بعد اذن اختي ام شاهين وهيا سباقة بالخير
اني هم بيتي مفتوحلك ومستعدين انقدملك اي مساعدة
ارجو منك الاتصال
اختك ام راما
الف الف شكر اختي الغاليه يارب يسهل امركم وان شاء الله الفرج القريب العاجل لكل المنتظرين
تحياتي
اختج ام شاهين من سوريا
-
للرفع
-
اخواني واخواتي بس حبيت اطمنكم اخونه ابو سلسبيل وعائلته كدروا اليوم يطلعون بسلامه من منطقة اليرموك وحاليا بمساكن برزه يارب يسهل على كل متضايق ان شاء الله
اخويه العجيلي دننتظر اتصالك ياريت تبشرني واذا اتحب اكتبلي رقمك علمود اتصل بيك لان تعرف الاتصالات اشلون مخربطه ووين صرت ان شاء الله تطمنه عليك وعلى العائله تره كهرباء هسه طفت وما اكدر اطول على النت بس طمنه رجاء
تحياتي
اختكم ام شاهين من سوريا
-
اشكرج اختي مريم ويارب يبارك بيج
واسفه طبعا تعرفين الاحداث ميبقى في بالي
ومدامهم عائله عراقيه فكل الهلا بيهم واكيد همه ديشوفون الاوضاع والي بي الخير الرب يبعثها
الف شكر لنقل الخبر طمنتينه
تحياتي
اختج ام شاهين من سوريا
-
ام شاهين الله يوفقج و يحفظلج عائلتج على هاي الروح العراقية الاصيله الطيبة الي عندج.. انتي و ام راما و كل اخوانا و خواتنا الي فتحوا بيوتهم للعراقيين بسوريا الله يوفقكم و يحفظ العراقيين جميعا و يفرجها على الكل .. ان شاء الله سفركم قريب..
-
اختي ام شاهين وام راما وكل الطيبين اني اشكركم كلش هوايه ومكدرت اجاوبكم بسبب الضروف واضطريت ارجع للعراق اني واولادي وبقه زوجي هناك بجرمانا عند احد اصدقائه والله يحفظ سوريه وكل الطيبين الي بيه
-
الف الحمد لله على سلامتكم اختي
والحمد لله على كل شي
المهم اختي تره الرقم الي دزيته الكم كان مال ابو شاهين لان باعتقادي كان رجل الي يتكلم معي واني اسفه صحيح مره انذكر ويايه انك زوجة المذكور بس والله مكان باقي في بالي
المهم اختي اذا زوجك في سوريا واحتاج اي شي خلي يتصل ويتكلم مع ابو شاهين احنه كلنه اخوه وبنفس المركب ويارب يعديها على خير وان شاء الله الفرج قريب
تحياتي
اختج ام شاهين من سوريا