ankawa
منتدى الهجرة واللجوء => الهجرة و واللاجئين => الموضوع حرر بواسطة: ArUsH في 01:19 18/12/2012
-
السلام عليكم اهلنا
منذ وصولي للاراضي الامريكيه لليوم
بغض النظر عن كل المواقف الجميله الي تصادفني كل يوم بالشارع
بغض النظر عن المعامله الرائعه والاحترام والنظام
بغض النظر عن كل اشكال المساعده الي دنشوفها ونلمسها
اليوم صار ويايه موقف .. ماممكن انساه
كثرة اعداد اللاجئين الوافدين خلال هذي الفتره سبب ضغط كبير على منظمتنا
فـ خلال الاسبوعين الفاتو دنحس اكو اهمال من الكيس ووركر مالتنه
لكن الحاجه ملحه (( مواعيد طبابه وادويه ))
فـ بلغنا الكيسر ووركر اكثر من مره خلال الاسبوع الي فات عن المواعيد وادوية الوالد
وتأجل .. وتأجل
اهمال .. اهمال
الى ان خلص الدوه !!!!
واخيراً بلغتنه انو الدوه صار موجود بالصيديله روحو استلموه
راحت الوالده للصيدليه واذا بيهم يكولولها "موصلنه أمر بصرف الوصفه بعد" !!!!
هنا الوالده تكول حسيت انذليت .. فـ راحت مباشرة للمنظمه
طبعاً الاستقبال رائع
المديره مموجوده فـ مباشرة دخلوها على مساعد المديره
تكول خلال مدااشرحله الي صار متحملت ونزلت دمعتي
بعدها رجعت البيت
بعد ساعه من رجعتها اجتي الكيس ووركر
وبيدها الادويه كلها
وكعدت حددتلنه مواعيد الاطباء وراحت
المهم
للمغرب
اندك الباب
واذا بـ مديرة المنظمه وبيدها هدايا
اول مدخلت كعدت كامت تبجي :-\
شلون انتو ضايجين :-\
وشلون هيج صار :-\
وتكول لامي شلون انتي تبجين :-\
تكول من جيتينه ليهسه المنظمه واكفه على حيلها
واني ليهسه محجيت ويه الكيس ووركر لان كلش معصبه
بس حسابي وياها بعدين !!!
والله بذيج اللحظه مرت على بالي مواقف
شلون جيرانه طلعونه بالسلاح من بيتنه ببغداد
شلون ننذل كل منروح نطلع الاقامه بسوريا .. ويضربون الشباب والشياب والي يفتح حلكه ترحيل
شلون ننذل علحدود بلبنان والمعامله التعيسه الي نشوفها بالشارع
واني دااقارن وهم علواهس كمت ابجي ;D
بعد هلموقف اكو احد يكول امريكا متعجب !!!!!!
خلال الكلام
جبنه طاري وضع سوريا
والعراقيين الي محصورين هناك
كالت يومياً تجينه هوايه مكالمات
لمكتبنه ولمكتب شيكاغو
من عراقيين بسوريا يستغيثون :(
تكول بس احنه مابيدنه شي
فـ اني سألتها .. كلتلها اذا رجعو للعراق صحيح يكدرون يكملون توطينهم مناك ؟؟!!؟؟
كالت صحيح اكو هيج شي بس الشغله ممضمونه !!! :(
فـ مااعرف الحل شنو :(
برداً وسلاماً على اهلنا بسوريا
الله يفرجها عنكم :(
-
بارك الله بيج اختي العزيزه
ان شاء الله خير ويارب تفرج ماعدنه غير الانتظار والصبر ويارب يوفقج بكل خطواتج ان شاء الله دائما ذاكرتنه تسلمين ياورده
تحياتي
اختج ام شاهين من سوريا
-
شكرا اختي على هاي السالفة الجميلة
البلدان يصير براسها خير لما يكون بيها بشر من هذا النوع عندها هذا الإخلاص و هذا الرقي من الشعور بالمسؤولية و إحترام كرامة الإنسان ، بس جماعتنا مع الأسف يحسبون التطور و الرقي هو بالتلفون الحديث و الكشخة الفارغة و يحسبون الدين باللحية و المظهر الخارجي و بس أما البشر فممكن يكون جاهل وفارغ من داخله أو يكون مليان حقد و أنانية عادي جدا مو مشكلة أبدا في نظرهم ::)
الله يفرج عن أهلنا في سوريا و الله ييسر لهم مخرج آمن من هذا الوضع ، و الله يرجع الأمان إلى سوريا كلها
-
بارك الله بيج اختي العزيزه
ان شاء الله خير ويارب تفرج ماعدنه غير الانتظار والصبر ويارب يوفقج بكل خطواتج ان شاء الله دائما ذاكرتنه تسلمين ياورده
تحياتي
اختج ام شاهين من سوريا
اختي ام شاهين
اتمنه ترجعون للعراق باسرع وقت
تره هنا كلش متعاطفين وياكم .. واحتمال تسافرون من العراق
وحته لو مسافرتو من العراق توطينكم ماشي بسوريا .. بس تهده الاوضاع ترجعون وتسافرون لامريكا
بس انفذو من الجحيم :(
والله البارحه صديقتي باليرموك انهجمت عليهم
شقتهم راحت بس الحمدلله جانو بسرداب البنايه
واليوم من الصبح نفذو وراحو سوو خروجيه
ارجعو بس بلغوهم انتو باربيل
الله يفرجها عليكم :'(
-
اختي العزيزه
مع الاسف طلبنه هذا الشي من المنظمه بسوريا ولكنهم اخبرونا انه لو اغلقت الحدود فسوف لن تستطيعوا العوده الى سوريا
نشوف الله كريم احنه صابرين بس اكيد اذا تتعقد اكثر ماعدنه غير حل
والف شكر اختي العزيزه لتواصلج معنا ادعيلنه دائما بالخير بلكي على لحظه تفرج اميييين يارب
تحياتي
اختج ام شاهين من سوريا
-
وانا احب ان اظيف على ماتفضلت به الاخت الكريمة عدة امور منها.
اليوم كامن عندي موعد في المستشفى من اجل اجراء فحوصات للطفل (ابني) وعندغرفة الفحص وبانتظار الدكتور المختص دخلت علينا امراة يقدر عمرها ب 50 عام وبدات تلاعب وتتحدث مع الطفل انا ظننت انها الممرضة التي تاتي قبل الطبيب ..ثم نزلت الى الارض وقامت بنزع حذاء الطفل بيديها فقلت لها ارجوك انا انزعها فلم تقبل وفي النهاية بدئت تفحص وتشخص الحالات فسالت المترجم الذي معي قال هذه الدكتورة :o :o هههههه تذكرت الدكتور الذي في العراق الذي لايتكلم احد بحظرته وكانه ملك الملوك ولايحب ان يسمع منك رغم انه لاغف منك كشفية 25000 .. ما اجمل التواضع
-
الله يشافي الوالده ان شاء الله وربي يوفقكم اروش وتشوفون كل الخير والسعاده يارب
-
السلام عليكم اهلنا
منذ وصولي للاراضي الامريكيه لليوم
بغض النظر عن كل المواقف الجميله الي تصادفني كل يوم بالشارع
بغض النظر عن المعامله الرائعه والاحترام والنظام
بغض النظر عن كل اشكال المساعده الي دنشوفها ونلمسها
اليوم صار ويايه موقف .. ماممكن انساه
كثرة اعداد اللاجئين الوافدين خلال هذي الفتره سبب ضغط كبير على منظمتنا
فـ خلال الاسبوعين الفاتو دنحس اكو اهمال من الكيس ووركر مالتنه
لكن الحاجه ملحه (( مواعيد طبابه وادويه ))
فـ بلغنا الكيسر ووركر اكثر من مره خلال الاسبوع الي فات عن المواعيد وادوية الوالد
وتأجل .. وتأجل
اهمال .. اهمال
الى ان خلص الدوه !!!!
واخيراً بلغتنه انو الدوه صار موجود بالصيديله روحو استلموه
راحت الوالده للصيدليه واذا بيهم يكولولها "موصلنه أمر بصرف الوصفه بعد" !!!!
هنا الوالده تكول حسيت انذليت .. فـ راحت مباشرة للمنظمه
طبعاً الاستقبال رائع
المديره مموجوده فـ مباشرة دخلوها على مساعد المديره
تكول خلال مدااشرحله الي صار متحملت ونزلت دمعتي
بعدها رجعت البيت
بعد ساعه من رجعتها اجتي الكيس ووركر
وبيدها الادويه كلها
وكعدت حددتلنه مواعيد الاطباء وراحت
المهم
للمغرب
اندك الباب
واذا بـ مديرة المنظمه وبيدها هدايا
اول مدخلت كعدت كامت تبجي :-\
شلون انتو ضايجين :-\
وشلون هيج صار :-\
وتكول لامي شلون انتي تبجين :-\
تكول من جيتينه ليهسه المنظمه واكفه على حيلها
واني ليهسه محجيت ويه الكيس ووركر لان كلش معصبه
بس حسابي وياها بعدين !!!
والله بذيج اللحظه مرت على بالي مواقف
شلون جيرانه طلعونه بالسلاح من بيتنه ببغداد
شلون ننذل كل منروح نطلع الاقامه بسوريا .. ويضربون الشباب والشياب والي يفتح حلكه ترحيل
شلون ننذل علحدود بلبنان والمعامله التعيسه الي نشوفها بالشارع
واني دااقارن وهم علواهس كمت ابجي ;D
بعد هلموقف اكو احد يكول امريكا متعجب !!!!!!
خلال الكلام
جبنه طاري وضع سوريا
والعراقيين الي محصورين هناك
كالت يومياً تجينه هوايه مكالمات
لمكتبنه ولمكتب شيكاغو
من عراقيين بسوريا يستغيثون :(
تكول بس احنه مابيدنه شي
فـ اني سألتها .. كلتلها اذا رجعو للعراق صحيح يكدرون يكملون توطينهم مناك ؟؟!!؟؟
كالت صحيح اكو هيج شي بس الشغله ممضمونه !!! :(
فـ مااعرف الحل شنو :(
برداً وسلاماً على اهلنا بسوريا
الله يفرجها عنكم :(
شــــــــكرا على الموضوع
أخـــتي بالنســـــــــــبة لمضوع العائدين من سورية
يوجد رسالة بالموقع الهجرة للعائدين بأنه في حالة عودتهم للعراق سيتم الاجراءات بشكل اعتيادي
وشــــــــكرا
ابو ســماني
-
والله مدري نفرح ما ادري نزعل لان راح نخلص من العراق مع الاسف والله اخوان تحز بلنفس من تشوف حال البلد وصل للحضيض بس انكول ان مع العسر يسر والله كريم
-
امريكا ارض الاحلام انشاء الله السفر للجميع
-
شكرا على الموضوع
موقف جميل ومعبر
-
السلام عليكم
شلونج اختي ArUsH كيف الحال انشالله بخير . سلامت الاهل انشالله ماعدهم اله العافية .
-
ان دل على شي فيدل على احترامهمم للانسان وانسانيتهم التي فقدها مثيلهم في العراق ومن مثله.
تحياتي لك اخت اروش واتمنالكم الموفقية
-
شكرا اختي على هاي السالفة الجميلة
البلدان يصير براسها خير لما يكون بيها بشر من هذا النوع عندها هذا الإخلاص و هذا الرقي من الشعور بالمسؤولية و إحترام كرامة الإنسان ، بس جماعتنا مع الأسف يحسبون التطور و الرقي هو بالتلفون الحديث و الكشخة الفارغة و يحسبون الدين باللحية و المظهر الخارجي و بس أما البشر فممكن يكون جاهل وفارغ من داخله أو يكون مليان حقد و أنانية عادي جدا مو مشكلة أبدا في نظرهم ::)
الله يفرج عن أهلنا في سوريا و الله ييسر لهم مخرج آمن من هذا الوضع ، و الله يرجع الأمان إلى سوريا كلها
+1
-
GOD Bless America
-
الله يشافي الوالده الكريمه ويديمها ذخر لكم
موضوع شيق بدون ادنى شك وعاشت الايادي
-
ارش عاش من شافج اختي العزيزة وفعلا الانسان لايبحث على الامان فقط
بل يبحث على الانسانية ولمعاملة الحسنة ول احترام المتبادل ولقوانين
اشكرك على نقل هذه التجربة وان شاء الله الشفاء العاجل للوالدة
تحياتي
-
ماكول شي بس خرب بالعراق ليش احنا مو همات بشر عود احنا مسلمين وهاي الفعله التي عملت بيها المديره هي من ضمن تعاليم الدين الاسلامي
بس البشر مو خووووش بشر وله هو شعليه الدين
تحياتي الج اختي العزيزه وربي يفرحج اكثر واكثر !