ankawa
منتدى الهجرة واللجوء => الهجرة و واللاجئين => الموضوع حرر بواسطة: single man في 15:53 18/12/2012
-
السلام عليكم
بصراحة ما اعرف من وين ابدي و لوين انتهي لكن لو تلاحظون الناس الي فعلا مهددين و امورهم تعبانة يتوسلون بال iom بلكي يسرعون ملفاتهم بلكي يسرعون المقابلة بلكي يعيدون الفحص من جديد بلكي يسرعون سفرهم و بلكي و بلكي
اما الي ما محتاجين سفر و امورهم زينة فال iom يتوسلون بيهم بس تعال و سوي المقابلة و ينطوه اكثر من موعد بعد كل مرة ما يجي!!! بس تعال و عيد الفحص و ينطوه اكثر من موعد اذا ما اجه للفحص!!!! بس تعال و سافر و ينطوه اكثر من موعد سفر اذا ما اجه لموعد السفر و يتصلون بيه اكثر من مرة و يدزوله ايميلات و يتوسلون بيه بس تعال سافر!!!!!! و الله غريبة تصرفات ال iom هو المفروض من اول مرة اذا ما حضر للسفر من دون سبب مقنع رأسا اغلق الكيس مالته لانه هذا كلاوجي و ما مهدد و اموره زينة بس هو العتب مو على الناس لا لان الناس اجناس و الحليم تكفيه الاشارة بس اعتب على اجراءات المنظمة السخيفة ما ادري عندي احساس انه شغلة تعطيل المهدد و الامورة تعبانة مقصودة و الي اموره زينة و ما مهدد يسهلون عليه الامور و يتوسلون بيه!!!!!!!!!!!!!!
هذا القدر من الكلام يكفي لان ما اريد اروح زايد بالموضوع فاترك بقية الحديث الكم
تحياتي
-
مرحبا اخي العزيز صارت حالتين كدام عيني الاولى جارنا مخلص من 2010 وامنيتة اجت وية الظرف وصار 4 مرات يرفظهة والباحثة الاجتماعية اتكلة اميركا اتريدك ياريت لو تغير رايك والحالة الثانية عراقي متزوج اردنية وعندة اولاد واملاك واقامة الله شاهد قبل اسبوعين اتصلوا iom بيه على خط الرحلة للمرة الثانية ورفظهة ؟وين العدل ماادري
-
مرحبا اخي العزيز صارت حالتين كدام عيني الاولى جارنا مخلص من 2010 وامنيتة اجت وية الظرف وصار 4 مرات يرفظهة والباحثة الاجتماعية اتكلة اميركا اتريدك ياريت لو تغير رايك والحالة الثانية عراقي متزوج اردنية وعندة اولاد واملاك واقامة الله شاهد قبل اسبوعين اتصلوا iom بيه على خط الرحلة للمرة الثانية ورفظهة ؟وين العدل ماادري
للاسف اختي العزيزة هو هذا الي جاي يصير و هالشي يقهر يعني ليش هيج دا يسوون ما ادري مع العلم هو المفروض حسب قانونهم الشخص اذا ما حضر مرتين ينغلق الملف مالته بس جاي يحددولهم مواعيد سفر مرتين و ثلاثة و اربعة و ما يحضرون و مع ذلك الملف مالتهم يبقى مفتوح و على جدولة السفر!!!
-
اخوان صدكوني حندفر الاي او ام دفرة وتذكرو كلامي بعد عود خلي يطخون راسهم بالحايط وية بقية الجاليات هاي اذا مسدو المنظمة هههههههه واقرو الخبر الي نزلة الاخ ياسر فخري واني وان شاء الله دفرة بيهم مو اسطنبولي
-
كلامك جدا صحيح
الله يعينا و يصبرنا
-
الله كريم اخويه ما النا غير الصبر والدعاء وربي يفرجها عليك وعلينا وعلى كل الي منتظرين
-
صارت نفس الحاله بولد صديقي أبغداد.. أجل سفره اول مره بشهر الثامن 2012 و رجعو خابرو انطو موعد 17/12 و لبسهم مسافر ... والله لو أني بس يسوولي مسكول يلكوني أباب المطار قبل 3 ايام من الموعد
-
للاسف اخي single man هذا الموضوع هوايه تكلمنه عنه وقسم من الاعضاء اعترضو وكالو ماكو واحد ياخذ فرصت واحد وغيرها من الكلام وقسم كالو هذوله هم السبب بتاخر ملفاتنه وقسم الاخر كالو يجوز واحد قدم لان فعلا كان بخطر وبعدين الخطر زال وووووو , وبالنهايه النتيجه وحده لكن برايي الشخصي كلامك صحيح والمنظمه المفروض اللي يحسون بيه ديأجل السفر او يتخلف عن المواعيد لازم ينطو انذار واحد فقط او يغلقون الملف حتى على الاقل ليأخر غيره.
تحياتي
-
اكو اغنؤة لعبد الله رويشد...اللي نساك انساه واللي هواك اهوا..واللي كدر فركاك تكدر على فركاه..ﻻتشتكي وتكول ..عمر الحزن ما يدوم....هذولة نسوا الخدمة اللي قدمناها..وافﻻمهم خير دليل..واللبيب باﻻشارة يفهم.....
-
اي و الله اخي العزيز برشلونة خدمتنا الهم راحت ببلاش يعني شلا خدمو شفعت النا و لا توصيات شفعت و باقين منتظرين السفر و احنا بامس الحاجة له
تحياتي
-
السلام عليكم
بصراحة ما اعرف من وين ابدي و لوين انتهي لكن لو تلاحظون الناس الي فعلا مهددين و امورهم تعبانة يتوسلون بال iom بلكي يسرعون ملفاتهم بلكي يسرعون المقابلة بلكي يعيدون الفحص من جديد بلكي يسرعون سفرهم و بلكي و بلكي
اما الي ما محتاجين سفر و امورهم زينة فال iom يتوسلون بيهم بس تعال و سوي المقابلة و ينطوه اكثر من موعد بعد كل مرة ما يجي!!! بس تعال و عيد الفحص و ينطوه اكثر من موعد اذا ما اجه للفحص!!!! بس تعال و سافر و ينطوه اكثر من موعد سفر اذا ما اجه لموعد السفر و يتصلون بيه اكثر من مرة و يدزوله ايميلات و يتوسلون بيه بس تعال سافر!!!!!! و الله غريبة تصرفات ال iom هو المفروض من اول مرة اذا ما حضر للسفر من دون سبب مقنع رأسا اغلق الكيس مالته لانه هذا كلاوجي و ما مهدد و اموره زينة بس هو العتب مو على الناس لا لان الناس اجناس و الحليم تكفيه الاشارة بس اعتب على اجراءات المنظمة السخيفة ما ادري عندي احساس انه شغلة تعطيل المهدد و الامورة تعبانة مقصودة و الي اموره زينة و ما مهدد يسهلون عليه الامور و يتوسلون بيه!!!!!!!!!!!!!!
هذا القدر من الكلام يكفي لان ما اريد اروح زايد بالموضوع فاترك بقية الحديث الكم
تحياتي
تعرف كلامك صحيح بس ماذكرت انو نفسهم اللي يهددون الناس سافروا واللي متهددين ليهسه بعدهم واذا احد كال لاماكو هيج حجي خلي يواجهني لانو اني احاجيك من باب الواقع وصارت امامي مرتيين بحجة علاج اولادهم سافروا وهسه يسمعون صوتك واحد بامريكا والثاني بكندا وللعلم جانو جيران بيت عمي واسمائهم معروفه على مستوى التهجير والقتل ولكن للاسف عبرو الجيك الامني وفلتوا وفلتوا والناس اللي عايفه كل شي وهربانه ومنتظرين سنين هنا بعدهم
-
كلشي قسمة ونصيب وكل واحد يآخذ ألي الله قاسمه أله لأن جميع المتقدمين على هذا البرنامج سوو العليهم والباقي على الله سبحانه وتعالى . تحياتي
-
كل الكلام صحيح وماكو عدالة..بس شنو العمل ؟ .. هسة يدخلون المحظوظين ويكلولك هاي حسد عيشة و أرزاق .. ويسكتوك ...
ربي يفرجها على الجميع وشكرا سنكل مان ...
-
هذا حال الدنيا دائما
-
يارب الفرج على الجميع بحق محمد وال محمد ان شاء الله هانت
-
اي والله iom صدك هيجي كاعد اي سوون الله لا ينطيهم
دفر بيكم iom
-
اني اوافقك الرأي
لان الحالة حدثت مع اخي الي سافر الى تركيا مع عائلته وما عندة لا خدمة عسكرية وشغلته مرتبة لان مسيحي ودوامة بابوغريب وطبعا هو مو مهدد وما عنده شي بس رتبناله قصة كلش زينة وما بيها اي ثغرة.
عالعموم اليو ان اخرتة مدة سنة وما انطتة صفة لاجيء طبعا مو لان همة اذكياء وعرفو انه ما مهدد ، لان مشتحيل يكشفون هيج شي!!!
عالعموم هو قرر يرجع وراح للأمنيات وكلهم راح ارجع وبالفعل هسه هو بالعراق
بعد اسبوع فقط من رجعته نزل قبولة كلاجيء وبعدها بشهر خابرو علي مقابلة ثانية!!!!!!!!!!!
صدك اللي يلبسهم يتوسلون بي واللي كاتل نفسة ومهدد صدك محد يعبرة
وطبعا اهناك بتركيا اغلب الناس فايخة وجاية من القرى وذرة تهديد ما عليهم وديطيرون لامريكا
عجيب غريب والله
-
كلشي قسمة ونصيب وكل واحد يآخذ ألي الله قاسمه أله لأن جميع المتقدمين على هذا البرنامج سوو العليهم والباقي على الله سبحانه وتعالى . تحياتي
اخي العزيز هو الشيء المؤسف ماكو عدالة عندهم
-
كل الكلام صحيح وماكو عدالة..بس شنو العمل ؟ .. هسة يدخلون المحظوظين ويكلولك هاي حسد عيشة و أرزاق .. ويسكتوك ...
ربي يفرجها على الجميع وشكرا سنكل مان ...
و الله الي يدخل و يكول حسد عيشة و هاي ارزاق فهو الي جاي يحسد و هو الي ما يؤمن بالارزاق لانه لو يؤمن بالارزاق ما راح و سوه روحه مهدد
تحياتي
-
هذا حال الدنيا دائما
اي و الله يا اخي ماكو عدالة
-
اي والله iom صدك هيجي كاعد اي سوون الله لا ينطيهم
دفر بيكم iom
خوية شنو سالفة الدفرات؟ سويها فد يوم بوكسات ;D
-
اني اوافقك الرأي
لان الحالة حدثت مع اخي الي سافر الى تركيا مع عائلته وما عندة لا خدمة عسكرية وشغلته مرتبة لان مسيحي ودوامة بابوغريب وطبعا هو مو مهدد وما عنده شي بس رتبناله قصة كلش زينة وما بيها اي ثغرة.
عالعموم اليو ان اخرتة مدة سنة وما انطتة صفة لاجيء طبعا مو لان همة اذكياء وعرفو انه ما مهدد ، لان مشتحيل يكشفون هيج شي!!!
عالعموم هو قرر يرجع وراح للأمنيات وكلهم راح ارجع وبالفعل هسه هو بالعراق
بعد اسبوع فقط من رجعته نزل قبولة كلاجيء وبعدها بشهر خابرو علي مقابلة ثانية!!!!!!!!!!!
صدك اللي يلبسهم يتوسلون بي واللي كاتل نفسة ومهدد صدك محد يعبرة
وطبعا اهناك بتركيا اغلب الناس فايخة وجاية من القرى وذرة تهديد ما عليهم وديطيرون لامريكا
عجيب غريب والله
اي و الله صحيح الي يلبسهم يحصل منهم شي و الي يرسالهم كل فترى يأخرون ملفه على العناد
-
تحية طيبة
الموضوع صحيح , أعرف صديق عراقي عنده عائلة و متمكن ماديا و يملك سكن و عنده إقامة سنوية بالأردن ويسافر دائما إلى دبي لعقد صفقات تجارية , يعني أمورة ممتازة , و إتصلوا بيه ال IOM لغرض السفر و جاوبهم بخشونة و ما راجعهم , و كرروا الإتصال لثلاث مرات و الأخ حتى ما يقبل يراجع على الفحص الطبي ؟ و يقول شنوا هالإزعاج ؟ ???
-
تحية طيبة
الموضوع صحيح , أعرف صديق عراقي عنده عائلة و متمكن ماديا و يملك سكن و عنده إقامة سنوية بالأردن ويسافر دائما إلى دبي لعقد صفقات تجارية , يعني أمورة ممتازة , و إتصلوا بيه ال IOM لغرض السفر و جاوبهم بخشونة و ما راجعهم , و كرروا الإتصال لثلاث مرات و الأخ حتى ما يقبل يراجع على الفحص الطبي ؟ و يقول شنوا هالإزعاج ؟ ???
ههههههههههه شر البلية ما يضحك
-
من اول ماقرأت مساهمتك صار على بالي قصة صديق كانت نيته فقط اخذ حمايه من المفوضيه علشانه عراقي بعد ذلك بمده اتصلوا بيه الهجره عشان السفرلامريكا فرفض
-
صراحة اخوان اني من الناس اللي ادلل على الـ IOM وهم مجلبين بيه
وطلعلي سفر بالـ 2010 وما رحت
وقبل فترة اتصلوا بيه ورجعت فحصت وقبل ايام قابلت مقابلة جديدة ;)
-
من اول ماقرأت مساهمتك صار على بالي قصة صديق كانت نيته فقط اخذ حمايه من المفوضيه علشانه عراقي بعد ذلك بمده اتصلوا بيه الهجره عشان السفرلامريكا فرفض
عجيب امور غريب قضية
-
صراحة اخوان اني من الناس اللي ادلل على الـ IOM وهم مجلبين بيه
وطلعلي سفر بالـ 2010 وما رحت
وقبل فترة اتصلوا بيه ورجعت فحصت وقبل ايام قابلت مقابلة جديدة ;)
و الله تعجبني صراحتك ;D
-
دسمع قصتي لعد
اني عندي جنسية امريكية و منتمي للجيش الاميركي و حصلت على سيكيورتي كليرنس بدرجة سيكرت قبل مدة مو قصيرة
قدمت الاهلي قبل 3 سنوات ابوية و امي كبار بالعمر فوق الستين و اختي معوقة على كرسي متحرك
صارلهم سنتين على التجييك الامني الاكشر
ما بقيت باب ما دكيتهه
رحت الى محامي عسكري عدنة بالوحدة اتصل بيهم و ما صار شي
رحت الى السيناتور الي يمثل الولاية الي اني بيهه او جنت لابس يونيفور و كلي رح احاول اساعدك شكد ما اكدر او رد علي بايميل دزولهيا ال يو اس سي اي اس هم بالتجييك الامني
يعني بعد شسوي يا عالم رجال جبير فوك السبعين او مرة جبيرة فوك الخمسة و ستين او بنية معوقة اعاقة كاملة او همة عائلة جندي امريكي او ما كاعد يجيبوهم يعني عمري كلة ما شايف هيجي غباء
-
دسمع قصتي لعد
اني عندي جنسية امريكية و منتمي للجيش الاميركي و حصلت على سيكيورتي كليرنس بدرجة سيكرت قبل مدة مو قصيرة
قدمت الاهلي قبل 3 سنوات ابوية و امي كبار بالعمر فوق الستين و اختي معوقة على كرسي متحرك
صارلهم سنتين على التجييك الامني الاكشر
ما بقيت باب ما دكيتهه
رحت الى محامي عسكري عدنة بالوحدة اتصل بيهم و ما صار شي
رحت الى السيناتور الي يمثل الولاية الي اني بيهه او جنت لابس يونيفور و كلي رح احاول اساعدك شكد ما اكدر او رد علي بايميل دزولهيا ال يو اس سي اي اس هم بالتجييك الامني
يعني بعد شسوي يا عالم رجال جبير فوك السبعين او مرة جبيرة فوك الخمسة و ستين او بنية معوقة اعاقة كاملة او همة عائلة جندي امريكي او ما كاعد يجيبوهم يعني عمري كلة ما شايف هيجي غباء
و الله يا اخي العزيز كلامك صحيح و انا الي احجي وياك جنت مترجم يعني لا خدمة الهم شفعتلي و لا توصيات شفعتلي و انتظر و ما اعرف شوكت يخلص هذا الانتظار الممل يعني ما ادري ليش صار عندي احساس انه شغلة تعطلين ملفات المترجمين على برنامج iom مقصودة يعني لا خدمة شفعت و لا توصيات شفعت و لا تهديد شفع ليش هيجي دا يسوون ما اعرف
تحياتي