ankawa
منتدى الهجرة واللجوء => الهجرة و واللاجئين => الموضوع حرر بواسطة: مس لارا في 13:22 23/12/2012
-
صباح الخير . لأن عدنه هسه الفجر
صار 5 ايام من وصلنه , الشقة صغيرة كلش ميخالف . بس ريحة العفونة بيه قاتلة . رغم التنظيف . عندي بنتي تعاني من مرض نفسي. اولادي 2 عفتهم بالعراق وفراكهم صعب بس صابرة . طبعا المشي لفترة طويلة خارج الشقة للاكتشاف والتحري صعب تعرفون الجو كلش بارد . هسه احنه ماعدنه نت بالشقة ولا تلفزيون ولا ستلايت . والتقديم على السوشيل نمبر يكون بعد اعياد الميلاد الي تطول فترتها الى 2 بالشهرالجاي كفيلنا دائما مشغول بشغله . شلون اكدر احصل على تلفزيون ونت؟ هل اله علاقة بالسوشيل نمبر؟ وشنو اقرب مول كبير نكدر نروح اله؟ علما
أحنه ساكنين بwest ainslieشكد رقم الباص . واسعار التلفزيونات المناسبة وهل عليها ضرائب, واكون ممنونة منكم
-
للرفع والمساعدة
-
الله يسهل امرج وتلكين اللي يدليج
-
عزيزتي أرسلي لي عل الخاص ما تريدين معرفته ورقمك وسأقوم باتصال بك
تحياتي
-
شكرا لاهتمامكم فعلا ممنونة منكم . اليوم طلع زوجي وجاب تلفزيون بس يسحب بس قنوات امريكية.بس ميخالف وده نحاول نتكيف ويه الوضع شوية شوية والتوفيق من الله.
-
بسيطة اخي العزيز , الله لو آني بشيكاغو جان اجيت وأخذتك للسوق
اسمعني اكو شارع اسمه N Kimball Ave هذه الشارع يتقاطع ويه شارعكم
اركب باصر رقم 82 وطلع بهذه الشارع , حيجيك Frederick Von Steuben Metropolitan Scinces Center
تكمل بالباص , تعبر تقاطع جبير , بيه ركن محل اسمه Famous Footwear
خلي الباص يكمل مشي والشارع ياخذ عليمين شويه , وبعدين ياخذك عليسار , بعدين يسار ليحد ماتوصل Lincolnwood Town Center
تنزل اهناك , وتركب باص رقم 209
يمشيلك الباص بشارع اسمه W Touhy Ave , الباص يعبر تقاطع جبير, وبعدين جسر جواه تقاطعات
يجيك تقاطع بيه ركن صيدلية Walgreens
تنزل بيه وتتمشه على اليمين 5 دقائق توصل للـ Walmart
هذه تلكي بيه كل اللي تريده , واسعاره رخيصة
وهذه عنوانه بالكامل , تكدر تكتبه بورقة وتشوفه لسائق الباص
Walmart
5630 West Touhy Avenue
Niles, IL 60714