ankawa

منتدى الهجرة واللجوء => الهجرة و واللاجئين => الموضوع حرر بواسطة: niron في 02:10 02/01/2013

العنوان: تفاصيل رحلتي الى اميركا
أرسل بواسطة: niron في 02:10 02/01/2013

بعد السلام والتحيه واخص بالسلام جمعية مصر وانشاء الله سفر الجميع بدون استثناء

تقديمي على اليو ان          17/6/2010
مقابلة اولى                    23/7/2011
التحويل على الاي او ام      19/9/2011
مقابلة اولى                    9/10/2011
مقابلة محلفين                 6/8/2012
فحص طبي                     14/9/2012
دورة تثقيفيه                     7/11/2012
موعد سفر                      12/12/2012


طبعا كان يوم السفر متعب من بدايته خرجت متوجه الى مطار القاهرة والمصيبه انه جانت مظاهرة للمصريين سدوا الشارع واخذوا يضربون بزجاج السيارات بس الحمد لله كنا طالعين 5 سيارات الجنط مالتي بسياره واني بسياره واخذنا طريق ثاني واتاخرت يمكن نص ساعه على الموعد والي هو الساعه 11 ونص بالليل واجت الجنط هم وراي بنص ساعه الحمد لله اجه موظف الاي او ام وانطانا الحقائب مال الاي او ام وتذاكر الطائرة على طيران الالماني بعد ما كملنا اجراءات السفر ووزنا الجنط مالتنا وكنت ماخذ وياي ادويه ماكو مشكله ودواء خاص لاسناني لان سويت عمليه واكملتها قبل لا اسافر لان العلاج هناك غالي الي اعرفه خاصة الاسنان واخذت 4 تكات سكاير وزعتها على الجنطتين هم ماكو مشكلة وكان وياي حسب ما اذكر 3 عوائل عراقيه و1 سنكل وهو صديقي وكان سفرنا بوثائق صادره من الصليب الاحمر وهي عباره عن جواز مرور مؤقت يعني ما احتاجينا جوازتنا بس اذا شك بموضوع وراد يتاكد مثل ما صار بمطار القاهره المهم اقلعت الطيارة الساعه 1 ونص بالليل متوجهه الى فرانكفورت وصلنا الى هناك ومن ثم بانتظارنا موظف اي او ام اخذنا  ولكبنا بانتظارنا هم عوائل عراقيه قادمه من العراق وغيرها وعوائل افارقه بقينا ننتظر ما يقارب 3 ساعات لحين اقلاع طائرتنا متوجهه الى شيكاغو وبصراحه ما انتبهت على الوقت بس على الاكثر دامت الرحله العشر ساعات او ما يقارب وصلنا الى مطار شيكاغو اكملوا الاجراءات مالتنا وهي بطاقة i94 المهمه طبعا وفرقونا كل واحد على ولايته واني حظي اجه واحد يوصلني تعاركت وياه بصراحة لان تركني بالمطار وراح يوصل عائله ومنتظرة ساعه كامله اجه وبهذا الاثناء الطائره مالتي راحت وبقه يتاسف وانته استغليت الموقف شفته يتاسف انكلبت عليه طنطل طلعت التعب مال الرحله وبعدين طرت الى ولايتي الي هي ولاية ميزوري سانت لويس وصلت تقريبا الساعه 8 بالليل ولكيت الكيس ووركر مالتي بانتظاري  بنيه عراقيه حبابه الله يستر عليها اخذوني لشقتي وطبعا ساكن لوحدي ولكيت مخلين بيها اكل ومفروشهالمهم كولشي مجهزين بيها راحوا وكالوا نجيك باجر الصبح تسوك
اجوني الصبح اسوكت ببطاقات غذاء بيها 100 دولار خلصته لان اسوكت مال 4 ايام كالوا تجيك سيارة بعد 4 ايام تجيبك للمنظمه تكمل اجراءاتك
وبهاي الاربع ايام لا شفت المنظمه ولا كولشي راجعتهم بعد اربع ايام سالوني ائا كنت اريد ابقى بالولايه اذا كوتلهم ابقى راح ينطونك اول شئ خط وتلفون مجاني وتجيك مساعدات من الكنيسه بس اني كوتلهم انتقل خلوني على برنامج بالشهر مصرف 140 دولار وفود ستامب 200 دولار وانطوني بطاقات نقل تركب بيها باصات  وطبعا مبلغ الويلكم ما شافته لان بدون كفيل يعني شفط بالعافيه عليهم واخذولي تحاليل وكملوا بقيت اراجعهم 3 ايام واخر يوم  اخذوني الى دائرة السيوشيل كملنا كولشي ورادوا يدخلوني مدرسة بصراحة دخلت للصفوف شغله تعبانه يعني ممكن تعدل بلغتك بس اني زين اعرف كلمت الكيس ووركر مالتي كوتله اريد ادخل كليه الي هي منحه الدراسة سنتين وعملت تيست ومنتظر النتيجه بعد الاعياد الفود ستامب وصلني بالبريد يعد 10 ايام من وصولي والبارحه بالبريد اجاني الميدكيد وصك بمبلغ 54 دولار الظاهر باقي ايام شهر 12 الراتب هذا ومنتظر هذا الاسبوع اكمل اوراقي ان شاء الله والانتقال الى ولاية تكساس مدينة هيوستن لان المكان الي بيه اني بصراحة متعب جدا والمنظمه نايمه جدا جدا ولكيت شغل بولاية تكساس حتى نباشر بيه ونكمل دراستنا والله يسهل للجميع يا رب اني بصراحة اخذت صور بكل مكان خلال تنقلي بس عذرا ما اكدر انزلها لاسباب شخصيه بس صورة للمكان الي عايش بيه اني صورة اخذتها البارحه طبعا واني بالخدمه لاي سؤال وحاضر وبالمناسبة موجوده محلات عراقيه لبيع كل شئ والعراقيين هنا موجودين بكثرة الي همه جماعة رفحه ال1991 والافارقه بنسبة 85% سكنة المكان الي عايش بي اني واكثر شئ شفت لاجئين من كل مكان والاكثر جماعة البوسنة وافارقه ومن الشرق الاوسط
والسلام امانه والتوفيق والسفر للجميع يا رب بهذا الشهر .......

(http://uploads.ankawa.com/uploads/13570892011.jpg)

العنوان: رد: تفاصيل رحلتي الى اميركا
أرسل بواسطة: steven_siv في 02:44 02/01/2013

الحمدلله على الوصول
اهم شي خلصت من مصر بالوقت المناسب اما بالنسبة للمنظمات حالها كلها هيج

العنوان: رد: تفاصيل رحلتي الى اميركا
أرسل بواسطة: احمد النجفي في 04:03 02/01/2013

الله يعينك وحمدالله على السلامه
اتحمل تعبها في بدايتها ان شاء الله تتوفق بحياتك الجديده

العنوان: رد: تفاصيل رحلتي الى اميركا
أرسل بواسطة: الصابر76 في 04:24 02/01/2013

كلشي يهون الحمد لله على السلامة وموفقين ان شاء الله

العنوان: رد: تفاصيل رحلتي الى اميركا
أرسل بواسطة: ĈAŃDŶ في 04:28 02/01/2013

الحمد لله على السلامة وانت باول الطريق لازم تصبر شوية ...

العنوان: رد: تفاصيل رحلتي الى اميركا
أرسل بواسطة: slam hawk في 04:31 02/01/2013

مبروووووووووووووووووووووك

العنوان: رد: تفاصيل رحلتي الى اميركا
أرسل بواسطة: niron في 04:35 02/01/2013

الله يسلمكم وهانت ان شاء الله ما بقئ الا القليل
الله يوفق الجميع

العنوان: رد: تفاصيل رحلتي الى اميركا
أرسل بواسطة: ابن الحله في 06:41 02/01/2013

الحمدوا لله على السلامة

العنوان: رد: تفاصيل رحلتي الى اميركا
أرسل بواسطة: good55 في 07:51 02/01/2013

الف مبروك سلامة الوصول اخي الكريم وان شاء الله المستقبل المشرق

العنوان: رد: تفاصيل رحلتي الى اميركا
أرسل بواسطة: THE SENATOR في 08:20 02/01/2013

الف مبروك ويارب تستقر وتمشي حياتك نحو الامام

العنوان: رد: تفاصيل رحلتي الى اميركا
أرسل بواسطة: abuihab في 08:44 02/01/2013

lمبروك وصولك بالسلامة .. وانشاءالله بداية النجاح والسعادة...
بس بالنسبة لمبلغ ويلكم ليش راح عليك .. يعني لان بدون كفيل لو شنو ؟

العنوان: رد: تفاصيل رحلتي الى اميركا
أرسل بواسطة: *Ray في 12:00 02/01/2013

الف مبروك والحمد ع سلامه الوصول وان شاء الله تستقر بالمكان الي تريده وبالتوفيق


                                                                                   اختك راي / تركيا

العنوان: رد: تفاصيل رحلتي الى اميركا
أرسل بواسطة: جاوين اهلنا في 12:10 02/01/2013

حمدلله على سلامتك
بس بداية السفر صعبة وبالاخير كل شي يهون

العنوان: رد: تفاصيل رحلتي الى اميركا
أرسل بواسطة: mustafa ahmad في 12:24 02/01/2013

نيرون حبيبي حمدلله على سلامة الوصول ياغالي
ويارب تحقيق الاماني والاستقرار بالمكان الي انت تشوفه مناسب
واحسن شي سويته هو التقديم على الجامعه
ومن هاي الخطوه اثبتت انه القادم حيكون احلى باذن الله
طمنه عليك ولتكطع اخبارك
حننتظر كل جديد من بلاد العم سام
تحياتي الك يا ورده
اخوك مصطفى

العنوان: رد: تفاصيل رحلتي الى اميركا
أرسل بواسطة: abn_albld في 12:26 02/01/2013

الحمد لله على سلامتك ونتمنى لك دوام الموفقية والنجاح

العنوان: رد: تفاصيل رحلتي الى اميركا
أرسل بواسطة: Sonata* في 12:30 02/01/2013

مبروككككككككككككككككككككككككككككككككككككككككككك

العنوان: رد: تفاصيل رحلتي الى اميركا
أرسل بواسطة: Wingo في 12:47 02/01/2013

ألف مبروك
الله يوفقكم لكل خير

العنوان: رد: تفاصيل رحلتي الى اميركا
أرسل بواسطة: فنان في 13:11 02/01/2013

انشاء الله الف مبروووووووووك

العنوان: رد: تفاصيل رحلتي الى اميركا
أرسل بواسطة: fadimore في 13:12 02/01/2013

مبروك اخ نيرون سلامة الوصول وان شاء الله تنتقل الى تكساس وتدرس وحياة سعيده ان شاء الله

العنوان: رد: تفاصيل رحلتي الى اميركا
أرسل بواسطة: al seef في 14:47 02/01/2013

اخوية الحبيب نيرون حمدالله على سلامة الوصول وكل عام وانت بالف خير وان شاءالله تحقيق كل الاماني وتبدء حياة جديدة مليئة بالتفائل والخير والسعادة ومنظر الثلج كلش حلو  ;D وننتظر منك المزيد بحياتك الجديدة وأنتم السابقون ونحن اللاحقون ادعيلنة احنة هم نسافر ونخلص من مصر  ;D ;D ;D بالتوفيق اخوية الحبيب

العنوان: رد: تفاصيل رحلتي الى اميركا
أرسل بواسطة: @المهندس@ في 16:04 02/01/2013

ألف مبروك أخويه العزيز وصولك بالسلامة
والحمدُ لله الي وفقك ولحكت على الطيارة بمطار القاهرة
ربي يسهل أمورك ويرزقك راحة البال ويوم الي تستقر بي بولايتك الجديدة

تقبل تحياتي
أخوك @المهندس@
سوريا / دمشق

العنوان: رد: تفاصيل رحلتي الى اميركا
أرسل بواسطة: حامل المسك في 17:49 02/01/2013

الف مبروك اخي والحمد لله على السلامة

وجل مافرحني برسالتك هو حرصك على الدراسة والتعليم

اتمنى لك التوفيق والنجاح والحياة السعيدة

العنوان: رد: تفاصيل رحلتي الى اميركا
أرسل بواسطة: حسام محمد في 19:45 02/01/2013

الف مبروكككككككككككككككككككككككككككككككك وان شاء الله يوم الموفقية وتحقيق الاماني

العنوان: رد: تفاصيل رحلتي الى اميركا
أرسل بواسطة: alzandawi في 20:30 02/01/2013

الحمد لله على السلامه وبلتوفيق ان شاء الله

العنوان: رد: تفاصيل رحلتي الى اميركا
أرسل بواسطة: قسوة الحياة في 21:33 02/01/2013

الف مبروك والحمد الله على السلامة
بالنسبة لفلوس الويلكم انت تكول الشقه مفروشة وبيها كلشي غير يعني همه مجهزيلك من فلوس الويلكم منطوك اوراق توقعها مال المشتريات الي جايبيها الك ؟؟ لان كلشي يصرفوه عليك ينكطع من فلوس الويلكم
بالتوفيق

العنوان: رد: تفاصيل رحلتي الى اميركا
أرسل بواسطة: um shaheen في 22:22 02/01/2013

الف الحمد لله على سلامتك ويا أخي كل شي بالبدايه يكون صعب بس ان شاء الله تهون ويارب يوفقك بكل خطوه بحياتك
تحياتي
اختك ام شاهين من سوريا

العنوان: رد: تفاصيل رحلتي الى اميركا
أرسل بواسطة: Abdullah2006 في 22:34 02/01/2013

الف مبروووووووووووووووك

العنوان: رد: تفاصيل رحلتي الى اميركا
أرسل بواسطة: gheed ... جـهــيـــــــد في 09:50 03/01/2013

الحمد الله عالسلامه اخي
اهم شي تكتبلنه الشغلات الي صارت وياك بالتحويل من ولايه الى ولايه يعني الخطوات الي قمت بيها

موفق ..
تحياتي جهيد

العنوان: رد: تفاصيل رحلتي الى اميركا
أرسل بواسطة: محمد عامر في 10:58 03/01/2013

بالسلامة  ان شاء الله والله يوفقك بحياتك  احب اسالك بلنسبة للدراسة تكون على حسابك الخاص لو منحة دراسية ممكن تفهمني بالمختصر واكون ممنون منك اخوية

العنوان: رد: تفاصيل رحلتي الى اميركا
أرسل بواسطة: سندريلا في 03:33 08/01/2013

مبرووووووك وبالتوفيق يارب

العنوان: رد: تفاصيل رحلتي الى اميركا
أرسل بواسطة: Sound of Soul في 06:03 08/01/2013

الف مبروك اخ نيرون موفق ان شاء الله
تحياتي
ساوند .

العنوان: رد: تفاصيل رحلتي الى اميركا
أرسل بواسطة: اسطنبولي في 06:39 08/01/2013

الف مبروك

العنوان: رد: تفاصيل رحلتي الى اميركا
أرسل بواسطة: DEFA-AL-AIRAQI في 06:58 08/01/2013

الحمد لله على سلامة الوصول