ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو الصبر في 16:43 13/01/2013
-
:'(شباب السلام عليكم ورحمة الله وبركاته ..... قصتي اكثر من فلم هندي ولحد يكلي ليش وشلون لان ابجي ..
اخواني اني مقدم على ال SIV من سنة 2009 ومعاملتي واصلة للمقابلة يعني كلشي تمام وعلى حين غفلة قبل فترة احترك بيتي والي فية من اثاث يعني السماء والطارق بقى والمشكلة اني مخلي كل اوراقي بالغرفة الي اتضررت بالحريق يعني اللابتوب وكل الاوراق احتركت . التهيت بالحريق والتصليحات فتحت الايميل مالتي من مقهى انترنت بعد يومين من الحريق لكيت موعد مقابلة في السفارة اتذكر حوالي شهر الثاني 2012 بعد ما رجعت للبيت فرحان وكلت الله عوضني عن خسارتي رجعت ثاني يوم افتح الايميل ما يفتح الي هو المكان الاخير والوحيد الي بقت بيه معلوماتي عن التقديم ..... حاولت ما خليت اي شي حتى ارحع الايميل وباي ثمن مانفع لان الي ماخذة مغير كل الاسئلة والايميل الافتراضي مغلق يعني مصخم وملطم على الخظ .
تعبت جدا في البحث عن اي شي يذكرني بالكيس نمبر مالتي باي شي عن تقديمي ما حصلت الى ان عن طريق الصدفة حجيت ويا الظابط الي قدم الي وساعدني كتلة ما باقي اي شي عن تقديمي على ال SIV يمك كال خلي ادور ورجع وعندة اوراق بسيطة وما اعرف شلون اخاطب السفارة بيهت وشنو اكول الاوراق هي
COM approval letter-1
2-Ahmed USCIS Petition Approval
3-Ahmed Immigration Receipt Notice
ارجوكم هذا املي الوحيد ان اسافر واخلص وحالي كلش تعبان الي يكدر يفيدني بحالي لا يقصر الله يستر حالكم ترة مليت من التعب .بانتظار ردودكم الله يوفقكم .
-
الله يكون بعونك ويعوضك
والله وضعك مؤلم
وان شاء الله هسه يدخلون جماعه SIV
وميقصرون
-
السلام عليكم
اخي كل الي تحتاجه دزلهم رساله على الايميل الى كنت تراسلهم بيه من ايميل جديد اتسويه واشرحلهم بيه الي صار وياك وكلهم ايميك تعرض للهكر وكتبلهم عنوان البريد مالتك "ايميل لووصت" E-mail Lost واكتبلهم نفس ارقام تلفوناتك وان شاء الله راح يتصلون بيك هاتفيا حتى يتاكدون منك وكلهم حتى الكيس نمبر ضايع ودزلهم مستمسكاتك المتبقيه بالايميل كاثبات وانت همينه ارجع من جديد وكمل مستمسكاتك الضايعه والله يعوضك. وحذرهم انو لا يجاوبوون اي شخص يراسلهم من ايميلك القديم.
كلها ان شاء سهله بس اهم شي لا تيقى بالعراق وتفقد امل السفر
والله يعوضك ان شاء الله
-
الله يعينك يا اخوي اني بنسبة الي ممقدم ولااعرف كيف التقديم ع البرنامج
الله يسهل امرك ويسهل امر الجميع هنا يارب :'(
-
الله يعينــــــــــــــــــــــــــــــــــــــــــــــــــــــــــــــــك اخي ....والله مشكلة
هسه اهل الخبرة يعلموك الطريقة اللي تستعيد بيها كل معلوماتك....واعتقد بانها مشكلة صح ..ولكن لها حل
-
up
-
الله يسهل
-
السلام عليكم
اخي كل الي تحتاجه دزلهم رساله على الايميل الى كنت تراسلهم بيه من ايميل جديد اتسويه واشرحلهم بيه الي صار وياك وكلهم ايميك تعرض للهكر وكتبلهم عنوان البريد مالتك "ايميل لووصت" E-mail Lost واكتبلهم نفس ارقام تلفوناتك وان شاء الله راح يتصلون بيك هاتفيا حتى يتاكدون منك وكلهم حتى الكيس نمبر ضايع ودزلهم مستمسكاتك المتبقيه بالايميل كاثبات وانت همينه ارجع من جديد وكمل مستمسكاتك الضايعه والله يعوضك. وحذرهم انو لا يجاوبوون اي شخص يراسلهم من ايميلك القديم.
كلها ان شاء سهله بس اهم شي لا تيقى بالعراق وتفقد امل السفر
والله يعوضك ان شاء الله
اعمل مثل ماكال الاخ 100%
-
السلام عليكم
اخي كل الي تحتاجه دزلهم رساله على الايميل الى كنت تراسلهم بيه من ايميل جديد اتسويه واشرحلهم بيه الي صار وياك وكلهم ايميك تعرض للهكر وكتبلهم عنوان البريد مالتك "ايميل لووصت" E-mail Lost واكتبلهم نفس ارقام تلفوناتك وان شاء الله راح يتصلون بيك هاتفيا حتى يتاكدون منك وكلهم حتى الكيس نمبر ضايع ودزلهم مستمسكاتك المتبقيه بالايميل كاثبات وانت همينه ارجع من جديد وكمل مستمسكاتك الضايعه والله يعوضك. وحذرهم انو لا يجاوبوون اي شخص يراسلهم من ايميلك القديم.
كلها ان شاء سهله بس اهم شي لا تيقى بالعراق وتفقد امل السفر
والله يعوضك ان شاء الله
اخويه العزيز , اريد اضيفلك اقتراح مع الكلام الصحيح اعلاه , هو لكي تضمن وصول مناشدتك الهم بهذا الخصوص وشرح كل اللي صار بيك , اكتب رساله باللغه الانكليزيه وارفق معها صور مما تبقى من الوثائق الثبوتيه وابعثها عن طريق الدي اج ال الى السفاره , معنونه الى من يهمه الامر وسويها ( أرجنت ) واشرح بالرساله كل القصه بكل التفاصيل ولا تنسى اي شى , مع ذكر ايميلك الجديد لكي يراسلوك عليه واعتقد سيأخذون ذلك بنظر الاعتبار .
الله يعينك ويفرجها عليك .
-
اني كتبتلك هذا الاقتراح لان البريد الذي يوصل للسفاره يأخذوه بنظر الاعتبار , مو مثل الايميلات الكثيره يجوز واحد يقراها وما يدير بال اكثر , اكتب عليها ( Urgent )
-
أخي الله يعينك و الله يفرج همك
أني ما عندي خبرة بموضع الSIv لأن اني بعيد تماما عن هذا الموضوع ، و الأخوة قامو بالواجب.
بس اللي ردت أحكيه انه حاول ترجع الإيميل ، إيميل والدي على ال Hot Mail إنسرق قبل سنة و و الهاكر غير كل الأسئلة و المعلومات بيه، بس بفضل الله سبحانه و تعالى قدرنا نرجع الإيميل بعد ان راسالنا قسم الشكاوى في موقع msn و الطريقة اللي قدروا يعرفون انه الإيميل فعلا مسروق هو عن طريق بعض أسئلة عن آخر إيميلات واصلة و آخر مراسلات قبل أن ينسرق و عن طريق رقم ال IP و اللي تغير إلى رقم آخر في دولة أخرى (الهاكر كان في بريطانيا و إستغل الإيميل حتى يبتز أصدقاء والدي بحيلة انه والدي سافر و فقد فلوسه بالسفر).
الله ييسر أمرك
-
اخواتي واخواني الاعزاء بارك الله بجهودكم الطيبة والله هي هاي وكفات الاخوان الصحيحة بس حبيت اكو الكم اني سويت ايميل للسفارة بلغتهم بالحالة من البداية للنهاية واني منتظر رحمة الله ورحمتهم بحالتي الف شكر لكل اخت واخ حاول ايساعدني واني ممنون منك جدا وراح ارسل الاوراق بالDHL باقرب وقت ويا رب يفرجها عليه وعليكم ....
ممنون منكم مرة اخرى
-
شباب شوفوا الصدمة شنو كالو الحكوني
Immigrant Visa Case Number: BGH2010540015 01 BGH
Case Creation Date: 09-Feb-2010
Status Updated Date: 15-Jun-2012
Section 203(g) of the Immigration and Nationality Act requires that your registration be canceled and any petition approved on your behalf canceled, if you do not apply for your immigrant visa within one year of being advised to do so.
You were advised of this requirement over 1 year ago, but we have not received a response from you since then. As a result, your application for a visa has been canceled and any petition approved on your behalf has also been canceled.
Your application may be reinstated and any petition revalidated if, within one year, you can establish that your failure to pursue your immigrant visa application was due to circumstances beyond your control. Please provide a written statement to the Embassy or Consulate outlining the circumstances beyond your control and noting that you still wish to pursue this visa petition.
For more information, please visit
-
شباب شوفوا الصدمة شنو كالو الحكوني
Immigrant Visa Case Number: BGH2010540015 01 BGH
Case Creation Date: 09-Feb-2010
Status Updated Date: 15-Jun-2012
Section 203(g) of the Immigration and Nationality Act requires that your registration be canceled and any petition approved on your behalf canceled, if you do not apply for your immigrant visa within one year of being advised to do so.
You were advised of this requirement over 1 year ago, but we have not received a response from you since then. As a result, your application for a visa has been canceled and any petition approved on your behalf has also been canceled.
Your application may be reinstated and any petition revalidated if, within one year, you can establish that your failure to pursue your immigrant visa application was due to circumstances beyond your control. Please provide a written statement to the Embassy or Consulate outlining the circumstances beyond your control and noting that you still wish to pursue this visa petition.
For more information, please visit
اخوية العزيز اكتب رسالة ووقعها بأيدك ودزها عن طريق الدي اج ال الى الى السفارة مع ذكر رقم القضية مالتك في البداية كمثال
رقم القضية مالتك اول
بعدين اسمك
بعدين مواليدك
بعدين رقم تلفونك
وراها ابدي الرسالة مالتك واشرح كل التفاصيل مالتك
واكتب بالاخير انا اتمنى ان استمر في القضية مالتي
واكتب اسم والتاريخ ووقع
ودزة الهم واكتب رقم القضية مالتك على الضرف
تحياتي الك وربي يسهل امرنة وامرك ان شاء الله
-
والله آلمتني حيل
ربي يكون بعونك ويصبرك ... اطمئن ربك ما يقبل بالظلم اخويه
الله يسهلك
-
اخي العزيز: الاخوان مقصروا وياك بس اكو فد ملاحظة مهمة وهي
اتسوي تقرير من مديرية الدفاع المدني بلخسائر مال الحريق حتى تثبت انة جميع مستمسكاتك احتركت وهذا الموضوع مهم جدا بس لا تكلي الجواز احترك لان جميع مستمسكاتك اللي عدهم ما عليها شي بس جوازك مهم جدا. تقبل مروري
-
نعم الجواز من اول الخسائر بس اني طلعت كل الوثائق من جديد حتى عقد الزواج وكلشي
-
السلام عليكم.. اخي العزيز
اول شي الحمدالله والشكر على سلامتكم..!!!
وقاله تعالى.. وعسى ان تكرهو شي وهو خير لكم... الحمدالله ما انصاب احد من العائلة وهاي اهم نقطه.... وبخصوص الاوراق والمستمسكات ممكن اسوي تقرير من مركز الشرطة او الدفاع المدني ويكون موثق وبعده تاخذه واتروح الى مكتب الترجمة واترجمه وادزلهم نسخه من جميع اوراقك الرسميه والهويات واتروح الى مكتب دي اج ال وترسل الضرف وتطلب من السفاره ارسال نسخ من اوراق قضيتك وموعد المقابلة على نفس المكتب... والله يحب المحسنين..... وتستحمد الله الف مره على صار وياك لان ما صار شي بيكم... وتطلب الستر والرحمه من الله
تحياتي الك واني حاضر الى اي سؤال.... وحمدالله على سلامتكم مره ثانيه
-
اخواني الاعزاء .....
السلام عليكم ورحمة الله وبركاتة ....
والله ما قصرتوا وياي باي شي وحبيت ابشركم حاشة لله يقصر ويه عبدة راسلوني السفارة كالو مقدرين موقفك والمعاملة مالتك اتحدثت وانت بانتضار موعد مقابلة جديد ... الحمد لله الحمد لله الحمد لله
اللهم عجل لكل عائلة بالخلاص من الهم والقهر بانتظار معاملاتهم وفرج كربهم يا رب ....
تحياتي وقبلاتي واحتراماتي اخوكم
ابو الصبر ( اسم على مسمى ) ِ
-
الله يسعينك اخي و الف حمد و شكر لله ما ضاع تعبك و الله يفرجها و يسهلها و تصير سوالف
-
اخواني الاعزاء .....
السلام عليكم ورحمة الله وبركاتة ....
والله ما قصرتوا وياي باي شي وحبيت ابشركم حاشة لله يقصر ويه عبدة راسلوني السفارة كالو مقدرين موقفك والمعاملة مالتك اتحدثت وانت بانتضار موعد مقابلة جديد ... الحمد لله الحمد لله الحمد لله
اللهم عجل لكل عائلة بالخلاص من الهم والقهر بانتظار معاملاتهم وفرج كربهم يا رب ....
تحياتي وقبلاتي واحتراماتي اخوكم
ابو الصبر ( اسم على مسمى ) ِ
الف الف مبروك الله يفرجها عليك وتقابل وتخلص على خير ان شاء الله
-
الف الف مبروووك ويارب ان شاء الله سهله وتبشرنه بكل خير
تحياتي
اختك ام شاهين من سوريا
-
اخوية ابو الصبر
السلام عليكم حقيقة انته اول شخص يقهرني ويفرحني بنفس اللحظة
اولا الف الحمد لله على سلامتكم
ثانيا انته بطل عدت وطلعت كافة مستمسكاتك الاصولية من جديد
ثالثا السعي مالتك من اجل اعادة فتح ملفك بعد الحرق وتهكير الايميل الله يوفقك وتكملها للاخير
رابعا شكري لكل الاخوان اللي ساهموا بايجاد حلول الك ولو بالدعاء وهم ذولا اهل الغيرة
ربي يوفقك يا طيب وتستاهل كل خير والحرق كان امتحان من رب العالمين وماشاء الله عليك اجتزت الامتحان بالصبر والشكر من الرحمن
-
الف مبروك اخي العزيز ابو الصبر ربي يفرجها عنك وتتوفق ياطيب
الحمد لله على كل حال
وتستاهل كل الخير
-
الله يسهله ويفتحه عليك بأوسع الابواب بجاه الحبيب محمد وال بيته الاطهار ويارب متشوف بس الخير ان شاء الله اصبر هذا كله امتحان ونعم بالله على كل حال
-
حبيب قلبي انت هاي شغلتك سهله انشاء الله بحيل الله تنحل. انطيني ايملك واني هكر. راح ارجعه الك. بكل سهولة وتامر امر او دزلي رقم تلفونك ع الخاص. واني راح احاول اساعدك. بس لا اضوج.
-
الف مبروك اخي العزيز ابو الصبر يوم تبشرنه بموعد سفرك
-
السلام عليكم ورحمة الله وبركاتة ....
لا يسعني ان ارد عليكم لاني والله دمعة عيوني من قريت دعائكم وتلهفكم على موضوعي اتمنى ان ارد اللكم الجميل بالمثل واساعدكم يكل ما تسطيع . اخوكم ابو الصبر