ankawa
منتدى الهجرة واللجوء => الهجرة و واللاجئين => الموضوع حرر بواسطة: سوسو اسو في 07:59 27/01/2013
-
شلونكم عيني ان شاء الله بخير؟
طبعا هسه حاليا الكل متشوقه على التاكس رتيرن لان رح يبدي التقديم قريبا
احنه مو كلش متشوقين صراحة لان ذاك اليوم شتغلنه ميجينه شئ
زوجي الشغل مالته دزوله ال W-2
اني يوم 31 يدزولياها ...
اكو من نصحنه ان نسويها اون لاين واكو كالو لا ودوها لمكتب احسن ... فماعرف بعد الله كريم
-الحلو هنا انو تحس الداير مدايرك يعاونوك ويقدمولك مساعده او خدمه
ولا اراديا الي يجي هنا يصير مثلهم
اني ماكول مجنت اساعد قبل..لا ... بس هسه ابحث عن فرصه اساعد بيها ... وكل العراقيين الي اعرفهم هنا هيج
واي احد رح يجي حيصير هيج واكثر من ما جان قبل بأضعاف
ذاك اليوم رحنه لمكان البارك مالته ضخم جداااا ... ضيعنه مكان السياره ضلينه نفتر يمكن ربع ساعه ندور عليها ومدنلكاها
شافتنه شرطه المول .. جوي علينه كالو محتاجين شي؟ كلنالهم مدنلكه سيارتنه
كالو صعدوو... جانوو نااايس جدااا وواحد منهم جان بأفغانستان ضل يسولفلنه... ولكينه السياره وتشكرناهم
وكالو امشو ورانه نطلعكم من البارك ...
طول عمرنه نضيع السياره... حتى بعمان جنه بالبارك مال مكه مول نضيعها خخخخخ
اليوم بالشغل داحجي بالتلفون وشايله بيدي غراض داريد اشتريها .. عثرت وكلبتها خخخخ
خطيه لملياها ولد ويايه .. مع انو هو جااا ركض من شافها دتميل من ايدي بس ملحك
يعني هوايه اكو مواقف بسيطه بس مفرحه من الشخص المقابل يسويها
-بالشغل مسويلنه اعلان للعاملين دينطون منحه دراسيه قيمتها من 1000 الى 5000 دولار
على شرط ان يكون المتقدم صارله سنه يشتغل بهل مكان و عمره ميزيد عن 24 .. ثنين بنات ويايه حيقدمون
- اني ان شاء الله بعد فتره اقدم علدراسه مو هسه بعد
محتاره لحد هسه... الكل ديكلولي درسي نيرسنك ... بس اني ماااااااااحب اكون نيرس ولو راتبها 25 دولار بالساعه
بس لازم ادرس 4 سنين...
مساعد صيدلي ومساعد طبيب اسنان الكورس مالتها 9 اشهر بس
والي عنده خبره بهل مجال مو اله ياخذ الكورس ممكن يمتحن مباشرة
عدنه صديق صيدلاني امتحن الامتحان بدون الكورس وهسه ديشتغل مساعد صيدلي
وصديقتي طبيبه اسنان امتحنت بلا كورس وهسه هي مساعدة طبيب اسنان
وطبعا ديقرون حتى يعادلون ..
هذا الحجي بالنسبه لتكساس ماعرف الوضع شنوو بغير ولاية
واشوووفكم بغير موضوع ان شاء الله
تقبلوو تحياتي وخالص احترامي
سوسو اسو
-
الله يوفقك ويسهل عليك
نورتي
-
الله يوفقك ويسهل عليك
نورتي
اشكرك اخي ويسهل امرك يااارب
تحياتي
-
منوره ومميزه بمواضيعك الاجتماعيه المفيده
الله ييسر اموركم
-
تسلمين اختنا الفاضلة .... و شكرا على مرورج و هذا من خلقج العالي انه انت ما نسيتي اهلج و اخوتج بعين كاوة
لا تبخلي علينا بالمستفبل بمثل هيج مواضيع.... بالتوفيق ان شاء الله
-
دائما معلومات حلوة ومفيدة وبلتوفيق والى اﻷمام
-
لطيف وجميل سرد الحياة العامة ومجاراة الواقع والعيش في مجتمعات متقدمة اجتماعيا
تمنياتي بالموفقية والنجاح لك والعائلة
-
اختي العزيزة
شكد مواضيعج حلوة ومفرحة وتفتح النفس وتطينة امل انو يجي يوم نوصل ونحقق احلامنة الؤجلة
تحياتي
موعود
-
موضوع حلو الله يوفقج يارب
-
شكرا على هيج مواضيع مفرحة ومفيدة دومك في تميز
-
بالتوفيق اختي.ومشكوره على المعلومات.
-
بالتوفيق اختي
مو اضيح حلوة ومفيده
اختك ام راما
-
وعليكم السلام ورحمة الله :D
نشكرج اخت سوسو على مبادرتك الطيبة هذه لنقل اخبار عن لقطات من الحياة هناك ونتمنى لج حياة موفقة وسعيدة يارب آمييين :D
تحــياتي
كـــمال زاخــوي
-
اختي صاحبة الموضوع والاخ hamada2
اني حسب الي سمعته من الاخوة دراسة التمريض تحتاج سنتين فقط
فيا ريت لو توضحولنه الموضوع
-
الموفقيه والسعاده اخت سوسو
وياريت اذا تكدرين تسفسرين عن تفاصيل معادلة بكلوريوس طب الاسنان اكون ممنون وشكرا مقدما
-
الله يوفقج دائما
-
اختي صاحبة الموضوع والاخ hamada2
اني حسب الي سمعته من الاخوة دراسة التمريض تحتاج سنتين فقط
فيا ريت لو توضحولنه الموضوع
اي والله ياريت توضحولنا شكد مدة الدراسة شنو سالفة ال 9 اشهر؟؟؟؟؟؟
-
يعني بس ردت افتهم اي واحد يكدر يقدم على التمريض او مساعد طبيب اسنان
اني مكملة بالعراق تربية
وعمري حالياً 28 سنة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بلكي جواب اي واحد يعرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-
دتشوقيني لسان انتونيو يوم بعد يوم يلا بالموفقية ان شاء الله سوسو
-
for the better ,god willing
-
الله يوفقك ان شاء الله اختي تستاهلين كل الخير
-
عاشت ايدج عيوني اسوسو
الله يوفقج على هايه المعلومات المهمه
يارب انسافر ونشوف الوضع مالتهم
-
الله يوفقك أختي سوسو
شغلة التمريض مطلوبة و أعتقد مجزية ماديا بس متعبه و بيها خفارات عادة (شفتات ليلية بالمستشفى)
أكو شغلات لها علاقة بالطب مثل ما ذكرتي مساعد صيدلي و مساعد طبيب أسنان أريح و أرتب
عندي إقتراح آخر:
طب العيون فيه عدة تخصصات من المساعدين من غير الأطباء (طبيب العيون يسموه Ophthalmologist أو Ophthalmic Medical Practitioner).
من أبرز الإختصاصات المساعدة من غير الأطباء:
1- Optometrist فاحص عيون و بصريات و هو تخصص يحتاج 4 سنوات دراسة جامعية .
2- Ophthalmic Medical Personnel مساعد طب عيون و يسمى أيضا Ophthalmic Assistant (و هو على ثلاثة أنواع حسب التأهيل و الإمتحانات و الخبرة) و هذه تحتاج كورسات و إمتحانات خاصة ضمن هيئة معروفة هي JCAHPO و لكنها لا تحتاج إلى دراسة جامعية عادة.
3- و هناك إختصاصات أخرى مثل عمل النظارات و العدسات optician و غيرها.
ممكن تقرئي عن المعلومات الخاصة بكل انواع مساعدين طب العيون في اللنك التالي على ويكيبيديا ( عدا أول إثنين لأنهم للأطباء فقط)
http://en.wikipedia.org/wiki/Eye_care_professional
و هذا موقع فيه معلومات عن ال Ophthalmic Assistant :
http://www.healthpronet.org/ahp_month/11_07.html
و بالتوفيق
-
و عليكم السلام ورحمة الله وبركاته
شلونج سوسوا انشاء الله بخير
وبالتوفيق في حياتك انشاء الله
-
اختي بالنسبة للضرائب جربي h&r block مكاتبهم موجوده بكل امريكا ... طبعا انتظري ال w2 مالتج حتى تقدموه سوية يجيب نتائج افضل واذا كان المبلغ قليل وانتو ما محتاجيه فاجلوه وسوه على السنه الجاية ينضافلكم ..... تحياتي الاخوية
اخوكم حبزبوز
-
شكراااا جزيلاااا لجميع من ساهم بالموضوع وضافله معلمومات
وان شاء الله استمر ويااكم
بالنسبه للتمريض المفروض سنتين بس اكو مواد تنأخذ قبلها فطول هم سنتين
بالنتيجه اربع سنين
عندي صديقتي وولد صديقنه ثنينهم بسان انتونيو كالج... صارلهم سنتين يدرسون .. هسه ياله رح يقرون مواد التمريض.. وبعد سنتين يتخرجون
اكو اختصاصات ثانيه هم طبيه بس مدتها اقصر ومثل مكال اخونه ونكوو ارتب من التمريض واريح
مثلا مساعد طبيب اسنان او مساعد صيدلي واكو مديكال اوفس اسيستانت
هذني دراستها من 9 اشهر الى 11 شهر ومالها علاقه بالعمر مهما كان
اول موصلنه لامريكا قدمت على مساعد طبيب اسنان وتراجعت بصراحه
لان كل الداير مدايري منصحوني كلولي انتظري عرفي البيئه اكثر اشتغلي اختلطي وبعدين درسي
وهم التكاليف تنزل وره سنه من اصير مقيمه
جانت تكلفتها 14000 دولار ...يعني جان لازم اخذ فاينينشيال ايد واخذ لون همين يادوب تأدي
مسساعد صيدلي هسه داباوع بالاعلان مال سان انتونيو كالج ... رح احط صوره الاعلان حتى تقروه وتشوفون المواد الي يضمنها الكورس
بس بيها شغله مزعجه الي هي تكساس فارمسي لاوو ... اني اكره القوانين
اشو الصوره مدتحمل ماعرف ليش
تقريبا تكلفه المواد 3000 دولار بس بعد تكاليف ثانيه مثل الكتب يعني اذا 5000 صارت زين الفاينينشيال ايد يغطيها
علما انو الفاينينشيال ميدفع فلوس لدراسه تقل عن 9 اشهر
وهذي الكورسات تطلب هاي سكول دكري .. الي هي شهاده الاعداديه
او شهاده امتحان الجي اي دي... وهذا الامتحان سهل ينطوك الاسئله تاخذها للبيت تحلها وتسلمها بتاريخ معين
ولد نعرفه وزعلنه الاسئله نحللهياه وراح سلمها ونجح
معادله شهاده الاعداديه تكون عبر الانترنت اتدولهمياه ووياها مبلغ المعادله
اذا معادله عامه تكلفتها بال 75 دولار واذا ديتيلد ويه الدرجات وهاي التفاصيل 125 دولار
وطبعا المعادله الديتيلد هي المطلوبه
وان شاء الله اسأل على معادله بكلوريوس طبيب الاسنان مثل مراد الاخ كرم
ومثل مكال ونكوووو اكووو بعد مساعد طبيب عيون وفه وكفه بالمعلومات عنها
واخيرااااااا شكرا مره ثانيه للجميع وبالتوفيق ان شاء الله
سوسو اسوو
:D
-
اختي ياريت تحطين الويب سايت مالت الكورسات التي تنطيها الكليات علمود ندخل وانشوف المواد بلا زحمه عليج شكرا
-
سلمي سوسو دعائي الك بكل خطوة سلام وخير وبركة أمين
أخت الريمممم
-
اختي العزيزه انشالله الموفقيه والنجاح بالشغل والدراسه تحياتي للعائله
-
منورتنه ويارب يسعدج دائما معلوماتج مفيده وحلوه يارب يبارك بيج اختي العزيزه
تحياتي
اختج ام شاهين من سوريا
-
بارك الله بيكم وان شاء الله دائما كل الاخبار المفرحة نسمعهة عنكم ورد
-
موفقة انشالله اختي
وانشالله اتقدمين ع الدراسة المناسبة وتنجحين نجاحح ساحق
تحياتي
-
شكراااا الكم ويارب التوفيق وتحقيق طموحاتكم
هذا موقع كابل كالج... شوفو الكورسات الي بيه
http://www.kaplancollege.com/Pages/AreasOfStudy.aspx
وهاي كونكارد كالج
http://m.concorde.edu/#/programs
وان شاء الله تزودكم بالمعلومات المطلوبه
واكو ﻻيف جات
اذا ادوسون عليها رح تحجون ويه شخص وممكن تستفسرون منه
تحيااااتي
سوسو اسو
-
وعليكم السلام اهلا اختنه العزيزة سوسو اسو.... وشكرا على مواضيعج وتواصلج .. اتمنالكم الموفقية والحياة الحلوووووة.
-
شكرااا جزيﻻاا برنسووو اتمناالك الموفقيه
تحياتي الك
-
شكراااا الكم ويارب التوفيق وتحقيق طموحاتكم
هذا موقع كابل كالج... شوفو الكورسات الي بيه
http://www.kaplancollege.com/Pages/AreasOfStudy.aspx
وهاي كونكارد كالج
http://m.concorde.edu/#/programs
وان شاء الله تزودكم بالمعلومات المطلوبه
واكو ﻻيف جات
اذا ادوسون عليها رح تحجون ويه شخص وممكن تستفسرون منه
تحيااااتي
سوسو اسو
شكرا على المواقع .. مو غلط الواحد يبدي يعرف ويخطط لمستقبله اله ولعائلته
ولو احتمال السفر يتاخر بس هم مو غلط
-
ﻻ اخي طيعا مو غلط ان تحط كبالك هدف وتسعه لتحقيقه بالمستقبل
احنه جنه هم مخططين لكل شئ تقريبا ..بلشنه بأمور واجلنه غير امور لوقتها المناسب
وبالتوفيق ان شاء الله الك اخويه
-
ﻻ اخي طيعا مو غلط ان تحط كبالك هدف وتسعه لتحقيقه بالمستقبل
احنه جنه هم مخططين لكل شئ تقريبا ..بلشنه بأمور واجلنه غير امور لوقتها المناسب
وبالتوفيق ان شاء الله الك اخويه
شكرا اختي على النصيحة
وان شاء الله كل مخططاتكم تكمل وتتيسر
وان شاء الله احنه همين الله يسر امورنه ونسافر
وبالتوفيق لك وللعائلة