ankawa
منتدى الهجرة واللجوء => الهجرة و واللاجئين => الموضوع حرر بواسطة: مخظرمة كلش في 16:40 31/01/2013
-
تكساس دالاس أم فرجينيا ريتشموند ????
الرجاء من الأخوة والأخوات المتواجدين في أمريكا في تكساس دالاس أو في فرجينيا ريتشموند أن يفيدونا بمعلومات عن هذين الولايتين وشينصحوني اختار
أولا اني انتظر خط رحلة صارلي اربع سنوات ونص ظبط وكفيلي بفيرجينيا ريتشموند موقع أوراق كفالتنة اربع مرات ومحدديلي الولاية والمطار بالموقع على فرجينيا
واني أخوية سافر إلى تكساس دالاس صارله اقل من سنة ويكول عن دالاس زينة وبيهه شغل
بس اني اكره الحر والحشرات وهذا الشي موجود بتكساس بس هم أريد أكون يم أخوية وسمعت هواية حجي عن فرجينيا مو زين والناس طافرة منهه وضليت بحيرة أبقى على ولايتي وما احول حتى لا أتأخر أكثر مما اني متأخرة لو أغير الكفيل واروح لتكساس ( إذا جانت مو بذاك السوء من الحر ) وما أروح عليه الولكممني شتنصحوني وياريت معلومات وافية عن الولايتين
-
تكساس بدوووووووووووووووووووووووون تردد
تحياتي
+1
-
شكرًا تمكين وdreamy على الرد السريع بس ممكن معلومات
-
تكساس
واذا على الحشرات ففرجينيا هم بيها صراصر
-
كلشي ولا الصراصر ; :o :o
زين شتنصحوني أغير الكفيل هسه لو من أروح
-
لالالا لتروح لفيرجينيا متفيدك ومتفيد اي لاجىء
واكيد تكساس ودالاس تعتبر من المدن الراقية والجميلة جدا في ولاية تكساس بالاضافة الى اعتبار تكساس افضل الولايات من ناحية العمل وكذلك جوهة زين حار بالصيف والشتاء مو بارد كلش مثل جونة
تحياتي
-
كلشي ولا الصراصر ; :o :o
زين شتنصحوني أغير الكفيل هسه لو من أروح
اختي غيري الكفيل من هسه
لان تكلفج هوايه
-
اني طلبت تحويل من ولاية اوكلاهما الى دالاس
-
شكرًا جزيلا لردودكم ومشاركاتكم جزاكم الله ألف خير
-
انت يامعلومات تريدين عن تكساس مو اخوج هناك عجيبية
-
أخوية ستيفن اني أخوية يكلي كلش زينة بس أريد وجهات نضر آخرين ورؤيتهم الخاصة لان كلمن يشوف المدينة من وجهة نضر مختلفة فحتة أكون على دراية كاملة وما اتورط لان تعرف اني انتظرت هوايه انتظر السفر صار أكثر من اربع سنوات وتالي متالي أروح لمكان اتبهذل بيه
-
أخوية ستيفن اني أخوية يكلي كلش زينة بس أريد وجهات نضر آخرين ورؤيتهم الخاصة لان كلمن يشوف المدينة من وجهة نضر مختلفة فحتة أكون على دراية كاملة وما اتورط لان تعرف اني انتظرت هوايه انتظر السفر صار أكثر من اربع سنوات وتالي متالي أروح لمكان اتبهذل بيه
وصلت الفكرة اختي والله نصيحة مني روحي لتكساس احسن لان فرصة الانتظار في ولاية لحين الحصول على عمل ماكو بتكساس الناس تشتغل بسرعة وهذا الافضل اما عن الصراصر اني كاعد بمكان بكاليفورنيا صارلي 8 اشهر صرصر مشايف وجيراني يبعد شي شارعين يكول حتى بالتلفزيون داخل صراصر يعني الواحد يكدر يلكى مكان زين ونظيف وكلشي بسعرة بس ملاحظة الصرصر هنا صغير مو مثل اللي عدنا بالعراق يعني الصرصر العراقي يعادل عشر صراصر امريكية ;D
-
شكرًا أخوية ستيفن على النصيحة بارك الله بيك
وبالنسبة للصراصر مخالف نتحملهه بس خلي يودونة ;D
-
اذا على الحشرات فأكو مبيدات
اول ماطبيت لشقتي اشتريت عصاره من ولمارت (طبعا كانت نصيحه من عضو محبوب بالمنتدى)
العصاره يمكن سعرهه 6$ خليت منهه وهسه ولاصرصور سويتلهم اباده جماعيه
-
اذا على الحشرات فأكو مبيدات
اول ماطبيت لشقتي اشتريت عصاره من ولمارت (طبعا كانت نصيحه من عضو محبوب بالمنتدى)
العصاره يمكن سعرهه 6$ خليت منهه وهسه ولاصرصور سويتلهم اباده جماعيه
دير بالك اخي كلش حباب هسة يدخلوك بقائمة 4 ارهاب لابادة الشعب الصرصري في امريكا ;D ;D ;D ;D ;D
-
اذا على الحشرات فأكو مبيدات
اول ماطبيت لشقتي اشتريت عصاره من ولمارت (طبعا كانت نصيحه من عضو محبوب بالمنتدى)
العصاره يمكن سعرهه 6$ خليت منهه وهسه ولاصرصور سويتلهم اباده جماعيه
دير بالك اخي كلش حباب هسة يدخلوك بقائمة 4 ارهاب لابادة الشعب الصرصري في امريكا ;D ;D ;D ;D ;D
[/quote
هههههههههههههههههههههههههه فلا تكعد راحه لا والله
-
وبنفس الوقت ...
اعرف الكثير من العوائل اللي موجودة بفرجينيا و ماشاء الله تبارك الله مرتاحين جدا
صحيح غالية .. لكن متوفر بيه العمل و ايضا امينه كثير
واكيد دالاس مو قاصرة ابد و جوه جميل .. اعرف اصدقاء بهيوستن ماشاء الله مرتاحين
ربي يفتحه بوجهك اينما توجهتي
-
شكرًا أخوية أبو شمس ويفتحها بوجهك هم انشالله واشكر كل الأخوة والأخوات الي قدمولي النصيحة الله يوفقكم كلكم