ankawa
منتدى الهجرة واللجوء => الهجرة و واللاجئين => الموضوع حرر بواسطة: ppip في 21:02 05/02/2013
-
اسف اخاف احد يزعل من تصرفي واخاف ان المنظمه راح تغلق ملفي افيدوني رجاءا
-
اخي المنظمة تعرف شنو السبب من عدم الحظور وياريت توضح السبب حتى الكل تستفاد
-
اسف اخاف احد يزعل من تصرفي واخاف ان المنظمه راح تغلق ملفي افيدوني رجاءا
السلام عليكم اخي العزيز
يا اخي شنو الحل الي ننطي الك اذا مرتين وانت رافضهة يعني شيسوولك فدوة لعينك ايجيبولك طيارة للهول
الله يسهل امرك وامرنة
-
الرجاء المساعده وعدم التصنيف اني مرتين وضرفي تعيس ممكن ينطوني موعد ثالث لو راح يغلقون ملفي
-
اخي قراية هنا انه التأجيل لموعد السفر مرة ممكن يحددولك موعد ثاني وتسافر بس مرتين بعد خلص ميسفروك وانشاء الله يطلع مو هيج انت اتصل بيهم افضل و همة يكولولك .
-
لا خوية ppip لتخاف ابد المنظمة متغلق ملفك ... ....تدري ليش لان ...الي مثلك حظه كاعد وبالعافية عليك هيجي حظك حلو ...وااكدلك انه مراح ينغلق الملف...هاي بس احنة نايمة علينة السمجيات الذهبية ...لان صدك محتاجين السفر وما عدنا حظ ...اما انت اكيد ما محتاج السفر لذلك طلع موعد السفر مرتين... وهاي مال مرتين اتذكرني باغنية لا مرة ولا مرتين ...احب اهديها الك.... ارجوك تسمعها لان اكيد انت شوية ضايج ...وهاي الاغنية تخليك تنسى الهم وتريحك....وبعد لنفكر بالموضوع ...وهسة راح يجيك الموعد الثالث. :-* :-[ :-* ;) :-*
http://www.youtube.com/watch?v=tSi43JQloWI
تحياتي
علوان علوان.
-
شكرا اخي على الاغنيه بس كل واحد ضرفه شكل
-
شكرا اخي على الاغنيه بس كل واحد ضرفه شكل
لتزعل يا خوية من عندي بس هاي من ضيمي وحظي النايم ...واكيد انت عندك ظروفك الخاصة...
احسن شي اكتبلهم واشرحلهم ظروفك واكيد همة راح يقدرون ظرفك ويتفهمون...واعتذر منك اذا ازعجتك. وانشاء اللة.... اللة ايسرلك امورك وتسافر باقرب وقت...
سلامي.
علوان علوان.
-
اخي الكريم الله يعينك و ان شاءالله تنحل كل امورك وتسافر.
بس اخي من دخلنه الدورة التثقيفية كلونه ممكن تاجلون مرة واحده فقط. وان شاء الله السفر للجميع
-
والله اخي العزيز اني سامع مرة وحدة ويصير تئجل بس اكثر بعد ما اعرف على العموم الله يسهل امرك وتسافر
والله يسهل امر الجميع
بالنسبة لخويا صاحب الاغنية لامرة ولا مرتين اني عبالي اغنية لمطرب رائع وقديم راح اهديلك هاي الاغنية لسماعيل الفروجي
http://www.youtube.com/watch?v=bDuCrF_Y6XA&list=PLF9BF9C89869A4924
تحياتي للجميع من قلب الاستقبال جاوين اهلنا ;D ;D ;D
-
آآآآآآآآآآآآآآآآآآآآآآآآآآآآآآآه ضــــــــغـــطــــــــي راسي
صحتي تلفانة اليوم وقرأت هــذا الموضوع أنتهــيت
تصبحون على خــير بعد مالي نفس أكمل بالمنتــدى اليوم
ابو ســمـاني
-
اخي المنظمة تعرف شنو السبب من عدم الحظور وياريت توضح السبب حتى الكل تستفاد
اخي مجاوبتني على السؤال
المنظمة تعرف شنو السبب من عدم الحضور وياريت تفهمنا شنو حتى نكدر نفيدك ونفيد غيرك لان حالتك جديدة بالمنتدى ولو اكو احد الاخوة 3 مرات تأجل سفرة بعد تحديد موعد السفر
-
يمعود ابو سماني مشان الله تعال ;D ;D
هسة اخويا ياريت لو تشرح للجميع الاسباب واذا متكدر كول اسباب خاصة حتى يفتهم الجميع
-
والله اخي العزيز اني سامع مرة وحدة ويصير تئجل بس اكثر بعد ما اعرف على العموم الله يسهل امرك وتسافر
والله يسهل امر الجميع
بالنسبة لخويا صاحب الاغنية لامرة ولا مرتين اني عبالي اغنية لمطرب رائع وقديم راح اهديلك هاي الاغنية لسماعيل الفروجي
http://www.youtube.com/watch?v=bDuCrF_Y6XA&list=PLF9BF9C89869A4924
تحياتي للجميع من قلب الاستقبال جاوين اهلنا ;D ;D ;D
شكرا جاوين اهلنا على الاغنية....حلوة ....وعلى الجرح. ::) 8) 8) 8) 8) 8)
-
اخي اذا السبب مقنع رح يحددون موعد سفر جديد ومرات حتى لو التاجيل غير مقنع هم يتصلون لا تشيل هم ويارب يسهل امرك
تحياتي
اختك ام شاهين من سوريا
-
ما ذكرت هل انت اعتذرت للمنظمة عن الموعد الاول لو بيوم الطيران ما رحت و شكد الفترة بين الموعدين يا ريت تشرح حتى نساعدك
-
الله يسهل امورد وامور الجميع
ورد اذا اكو مانع عارض يمنعك من السفر فلازك جان تبلغ المنظمة تكلم اغلقوا القضية لحد ما احل مشكلتي واذا انت نفسا متكدر على السفر هذا بحث اخر والله يعينك ب
يارب الفرج على الجميع امين
-
احب اطلب اغنية على حضي المصخم وين نايم واهديها لاهلي وكافة اعضاء الكروب الي متاخرين
-
يمعود ابو سماني مشان الله تعال ;D ;D
هسة اخويا ياريت لو تشرح للجميع الاسباب واذا متكدر كول اسباب خاصة حتى يفتهم الجميع
لا أخـــي أطـــمئــن صحـــتي تــمام ;) بس هيج مواضــيع تجيبلي الضــغط والقــلب
الســـــــــبب أنه لو مرة وحدة مأجــل أنـــكول ضروف لو طالب منهم التأجيل هم ما بيه شي
بس ينطوه موعد ويضربهم جلاق مرتب ويرجعــون ينطو موعد هذا إلي يغــث
وأحنة متنا من الانتظار
صــاحب الموضوع
بالنســـبة أخي لحالتك القيام بالتالي
تهــيئة الاســــباب المقنعة التي كانت المانع من سفرك
وأسنادها بأدلة ثبوتية كورق او تقرير اذا كنت مريض او عدكم حالة وفاة أو غير
وبعثها بشكل مستعجل للمنظمة مع شرح عن سوء الاحول التي تمر بيهـــا
ابو ســـماني
-
السلام عليكم اني اولا مقدم سنه الفين وثمانيه واستمر انتظاري الى الفين وعشره انطوني موعد فترددت وعندما جاء موعد السفر لم اتصل بهم لتئجيل السفر بل رجعت الى العراق قلت في نفسي خليني استقر لكن عندما رأيت البلد والتغيير الذي حصل في كل شيئ اولها البشر مع احترامي للخيرين قررت ارجع اكافح وبالفعل قبلو عذري وقابلت محلفين مره ثانيه ونعاد كل شي من جديد وفي الفين وثلاثه عشر اعطوني موعد اخر وعند مجيئ يوم السفر وذهبنا واخذنا حبه السفر وبعد رجوعنا من المستشفى تراجعت زوجتي عن السفر ودخلت في كئابه حاده وبالفعل لم استطع الذهاب ومن يومها اراجع بها اطباء نفسيين وهذه قصتي اسف اذا احدا بالمنتدى يتوقع اني مقصر فقط هيه الظروف
-
السلام عليكم
اخي الله يساعدك اني مثلك عندي عائلة واقدر ظروفك
لاتهتم. اذا ناوي اتسافر دزلهم ايميل واشرحلهم مشكلتك معززة بالوثائق وتقارير الدكاترة ويصير خير ان شاء الله
عندي صديق مقرب جدآ جدآ جدآ واعرف تفاصيل قضيته من الالف الى الياء وهو اجل السفر اربع مرات!!!!!
اي نعم اربع مرات واللي ميعجبة يصدك ليصدك وذاك هوة يسمعك حسك بامريكا ورجع سافر من امريكا الف مرة ورجعلها وبعد جم سنة يحصل الجنسية. هو السفر قسمة ونصيب
وآني اللي بس استلم ايميل منهم اجاوب بنفس الدقيقة واروح لكل مقابلة من الساعة خمسة الصبح انتظر بالباب ليساعني كاعد انتظر السفر
هههههههههههههههههههههههه
ولاتهتهم حبيبي مثل ماكتلك هي قسمة ونصيب انت بس اتوكل وتسافر ان شاء الله وكلها تصير سوالف
تقبل مروري
-
اخوان صيروا نفس الاخ صاحب الموضوع قرروا عدم الهجرة وهسة يجيكم موعد الرحلة
اذن هذا هو السر
انحلت
-
ان شاء الله ما تضيع منك الفرصة الثالثة بس مثل ما كالك الاخ اشرحلهم الاسباب و هم يضايقون من واحد ياجل سفره ويههدوه ان هاي اخر فرصة بس الحقيقة لا بس المشكلة اللي رح تصيرلك هي الاكسباير بس تعرف انت انطيتنا امل جماعة 2008 جنت اسال اكو احد ده ينطون موعد سفر لو لا بس تعرف اني صارلي سنة و نص عايد المحلفين و الامنية ما اكتملت عندي و الملف انتظار النتيجة ياريت تساعدني و تنطيني معلومات عن التغيير اللي صار بملفك و الايميلات ب 6 اشهر الاخيرة ولو انت ضايج بس احنا كلنا ضايجين و داعتك
-
اخي كول يالله
ويارب يسهل كل امورك
واكو ناس رفضت السفر وانعاد الموعد لاكثر من ثلاث مرات لا تشيل هم
ويارب يوفقك ويكون موعد سفرك بالقريب العاجل
ويارب السفاء العاجل لزوجتك ومحفوطين من كل مكروووه
تقبل مروري
اختك ام شاهين من سوريا
-
الله يسهل عليك ويريح بالك وان شاء الله تصفون نيتكم وتسافرون وبسلامة توصلون حبي
-
انا شاكر فضلكم وممنون منكم وخصوصا ام شمس على طيبتكم ادعولي رجاء يعيدون موعد سفر جديد الي والكم ان شاء الله
-
ان شاءالله يعيدولك موعد السفر يارب يارب
الله يوفقك اخينا العزيز وتتوفق بحياتك وتستقر وصدكني ان شاءالله تصير سوالف وتذكرها هاي
الله يسهل عليك يارب
-
اخي العزيز
اتمنالك الموفقية والاستقرار من كل قلبي
لكن وضعيتك بصراحة مو سهلة وخاصة السبب غير مقنع
لذا حاول جوابك يكون مقنع وترتب قصة مرتبة كعذر للسفر لان وضعيتك مو سهلة
اني بالمقابلة الاولى اتذكر وقعونا كلنا على ورقة تعهد بعدم التأجيل للسفر أكثر من مرة وبعكسه نفقد حقنا من السفر واتمنى انك ما موقع هيج والافضل تتذكر هذا الشي وياريت الاخوة يعيدون ذاكرتهم ويوضحون التعهد اكثر
اني احجي على اللي قابلوا مقابلة اولى سنة 2010 قبل الفورمة اللي كاموا يدزوها بالجديد قبل المقابلة الاولى
بالتوفيق وان شاء الله ترضى بما قسم الله لك
تحياتي