ankawa
منتدى الهجرة واللجوء => الهجرة و واللاجئين => الموضوع حرر بواسطة: مروان الشويلي في 14:42 10/02/2013
-
بدت ملامح الياءس والافكار تراودني حيث التاخير وحياتي الى المجهول بتاجيل الزواج ورفض فرص التعيين الذهبية من اجل هدف لابانت ملامحهة اني تقديم 2009 مع اخوية الي بعدلة سنتين ياخذ الجنسية واني بعدني هنا الوالد والوالدة بدو يكبرون بلعمر واذا لاسامح اللة وتعبو مع تقدم العمر فتروح 4 سنين الانتظار بلتظحية في سبيل خدمة الوالدين اذا ما تعبو بتقدم العمر المعنويات صفر والنفسية مدمرة مالكيت شي اعبر بي عن البداخلي سوة الكتابة لعائلة لم اراهة الى عبر شاشة حاسبة والى اللة المشتكى
-
السلام عليكم ورحمة الله وبركاته
اخي العزيز مروان انا معك بكل ما كتبت.. ومن حقك ونحن معك ان تقلق وهذا القلق مشروع لان العمر يمضي والسنين تمر ونحن ننتظر وقد مللنا الانتظار ...ولو رجعنا الى ارشيف المنتدى لوجدنا ان اكثر المواضيع التي كتبت تتحدث عن نفس الموضوع..معناه ان الكل او الاغلبية تعاني من نفس الموضوع بسبب اجراءات المنظمة التي تتطلب وقتا طويلا او بسبب الاخطاء او الروتين وعدم العدالة ....الخ من الاسباب الاخرى...ولا يوجد شخص واحد يستطيع ان يحل هذا اللغز المحير وكل اللذي قيل هو في خانة التوقعات لا اكثر وفي النهايه نرجع ونقول ما هي الا توفيق من الله عز وجل بسم الله الرحمن الرحيم قل لن يصيبنا الا ما كتب الله لنا صدق الله العظيم...كل واحد ياخذ نصيبه من الدنيا ولا احد يستطيع ان ياخذ منك ما كتبه الله لك...لذلك يا اخي العزيز مالنا الا الصبر والدعاء...اما بالنسبة الى خدمة ورعاية الوالدين فهذه نعمة عظيمة يحسدك عليها الكثير من الناس وخاصة اولئك اللذين لم يوفو مع والديهم وقصرو بحقهم فقد خسرو الدنيا والاخره ...ورب دعوة صادقه من احد الوالدين يستجيب الله عز وجل لها وتفرج همك انشاء الله ... ارجو ان لاتجعل اليأس يسيطر عليك فرحمة ربك وسعت كل شيء اذا قضى امرا فانما يقول له كن فيكون... انشاء الله تسافر وتصير سوالف مثل ما صارت وي الكثيرين من اخوتنه الاعزاء ..اعتذر عن الاطالة واكرر دعائي لك ولكافة الاخوة الاعزاء بالسفر القريب انشاء الله.....
-
اللهم يسر امور الجميع.الله كريم اخي كلهه باقيه نفس وضعك وتعبنه واعصابنه تلفت بس ربك موجود واكيد اله حكمه بتأخيرنه وان شاء الله الفرج والخير للجميع والله ينطي والديك الصحه والعمر الطويل ويجازيك على خدمتهم بقضاء حاجتك والفرج القريب ان شاء الله.
-
والله يا اخي العزيز اني هم مليت الانتظار وكاعد واجتني فرص سفر الى اماكن كثيرة
بس هم عندي امي المريضة اللي ما اكدر اعوفها هنا ومع العلم انه هيه تكولي روح عوف المنظمة اطلع لاستراليا اطلع للاوربا
بس اكول من الله وين اروح
ومقدملها وياية واني قابلت وكملت كولشي وعالامنية وهيه مقابلة وحده ما مقابلة وانت اتخيل
ويوميا اكتبلهم وهمه مثل الطرونة بس يفيكون عليه بالاوتو ربلي
والله تعبت والنبي محمد تعبت وكولش نفسيتي تعبانه
يعني بحيث هسه عندي طفلة واريد طفل ثاني بس اخاف يأجل قضيتي ولا اني مسوي طفل ثاني ولا بيه ابقى وهاي الجاهله صارت 3 سنوات
وكولش حاير ودايخ وروحي لعبانه بحيث كول العالم تكعد الصبح اتكول يا الله الا اني اكول ربي طلعني عاد مو طكت روحي
تحياتي الك اخي العزيز مو وحدك عندك ضيم ترة !!
-
ان مع العسر يسر والفرج بعد الشده يعني شي مربوط بشي فان شاء الله يفرج همكم ويعوض صبركمً خير حاشا لله يضلم عباده بس هي حكمة رب العالمين
والحمد لله على كل حال
-
رحمتك ربي
يارب الفرج القريب العاجل لكل المنتظرين
تحياتي
-
اخي العزيز الله يساعدك اني اعرف معاناتك وماره بيها صدكني متظل الحال هيجي لابد يجي يوم وتشرق الشمس بحياتك وتصير سوالف انته حقك تضوج بس مراح يغيرلك شي.اصبر واحنه كولنه صابرين الله كريم احنه ندعيلك دعوه غريب لغريب يارب ايسسر امرك ويعجل سفرك ويفتحها بوجهك