ankawa
منتدى الهجرة واللجوء => الهجرة و واللاجئين => الموضوع حرر بواسطة: gheed ... جـهــيـــــــد في 19:46 11/02/2013
-
عندي سؤال خصوصاً للاخوه الواصلين لامريكا
ماهو اقل مبلغ ممكن الواحد ياخذه ويا للمعيشه ؟
يعني عادي الواحد يدخل امريكا وبجيبه مبلغ بسيط ميتجاوز ال 2000 دولار كعائله وبولايه تعتبر من الولايات الغاليه ؟
او بشكل اخر خلي نكول ممكن عائله توصل امريكا وماكو ولا قمري بجيبها ؟
-
اخي بالبدايه من توصل اكيد راح تحتاج مبلغ من المال وانت هناك غريب ومتعرف احد فلازم تدبرلك مبلغ من المال من قريب او صديق او تبيعلك غراضك ببغداد لو سيارتك حتى عالاقل يعينوك الى ان توكف على رجلك بامريكا وانشالله الله يسهلها
اني برايي حتى ال 2000 مو كافيه خاصة وانت عندك عائله بعدين مضامنها شلون راح تتصرف المنظمه وياك
تحياتي
-
عاشت إيدك أخوي جهيد على السؤال الجيد
و إن شاء الله الأخوة ما يقصرون بالأجوبة
أختي زهرة الصبار كم برأيك أقل مبلغ مناسب لعائلة مكونة من 4 أفراد ؟
-
عاشت إيدك أخوي جهيد على السؤال الجيد
و إن شاء الله الأخوة ما يقصرون بالأجوبة
أختي زهرة الصبار كم برأيك أقل مبلغ مناسب لعائلة مكونة من 4 أفراد ؟
اقل شي حاول تدبرلك فد 10000 دولار هاي اذا الله سهللك ولكيت شغل ومشت امورك
-
اني جيت لكاليفورنيا وياي 2500 دولار واستلمت الولكم ومشي اموري لحد هسة مع العلم هنا غالية نار لو انتة تروح لتكساس او اريزونا المبلغ هذا يساعدك حب
-
اني جيت لكاليفورنيا وياي 2500 دولار واستلمت الولكم ومشي اموري لحد هسة مع العلم هنا غالية نار لو انتة تروح لتكساس او اريزونا المبلغ هذا يساعدك حب
اخ ستيفن الولد يكلك عائلة وبولايه غاليه ترجع تكله اني جبت ويايه 2500 دولار ولحد الان محتاجيتها يعني شويه خلي نصير موضوعيين بردودنا ولانسوي البحر طحينه وهوه رايح بلد متغرب وميعرف شينتظرة يعني اني اعرف هوايه عوائل اجرولهم وحطولهم جم طكطوكه بالبيت واكلو عليهم الويلكام موني علة ابو ايجار واثاث بيت صرفوها وخلوهم حايرين بعدين احنا منريد نجاوبهم حالات خاصه يعني اني هم نطوني ولكام وهم اجرولي وهم جابولي اثاث شويه ومع هذا صرفت ال 5000 اللي اخذتها ويايه بشهرين واشتغلت ورة 4 شهور وهم ظلو يدزولي من برة بين فترة وفترة لان الشغل بارت تايم. واكو يصرفون اكثر مني. يعني لا اني ولا انت قياس لازم نحجي بصورة عامه ونحسب حساب اي شي ممكن يصير. فانت يا اخي صاحب الموضوع والاخ اللي سالني ايضا حاولو ان تدبرون اقل شي فد دفتر واذا اكثر بعد احسن حتة لاتتضايقون لاسامح الله لاي سبب وبعدين تضطرون تفكرون بالرجوع مثل مصار ويه هوايه ناس حتة فلوس تكت طيارة استجدوها ورجعو. تحياتي
-
اخي العزيز اني هم عائله واربع نفرات
الالفين الي عندك هاي تخليها مال سياره بامريكا لان من دونها ما تحصل شغل بسهوله
والباقي انته اعرف باحتياجات عائلتك وهناك كلشي يصير يا عمي محد ضامنها
بالنسبه الي المبلغ الي حدبره هو 10,000 دولار بعد بيع السياره
ومراح اخليهم ياثثون كلشي اخلي كفيلي هو الي يرتب الي الوضع
هاي فكرتي عن الموضوع
وان شاء الله الله يرزقك ودبر حالك بمبلغ افضل
تحياتي الك
اخوك ابو علي
-
عندي سؤال خصوصاً للاخوه الواصلين لامريكا
ماهو اقل مبلغ ممكن الواحد ياخذه ويا للمعيشه ؟
يعني عادي الواحد يدخل امريكا وبجيبه مبلغ بسيط ميتجاوز ال 2000 دولار كعائله وبولايه تعتبر من الولايات الغاليه ؟
او بشكل اخر خلي نكول ممكن عائله توصل امريكا وماكو ولا قمري بجيبها ؟
اني اكول وعن تجربة لو تجيب وياك فد 5000 دولار كلش تكون كافية ما اتصور اكو ولاية اغلى من كاليفورنيا من ناحية الايجارات .قبل خمس سنين من وصلت امريكا كان بجيبي بس خمس اوراق كنت متزوج وماعندي اطفال والولكم مني كان لاشئ بوقتها انطونا 400 دولار كل نفر وهسة ماشاء الله دينطون لكل نفر 1100 دولار وحتى طفل عمرة يوم هم ينطوه نفس المبلغ وراح يدفعولك ايجار لمدة اقل شي ستة اشهر وما اتصور راح تكعد اكثر من ستة اشهر بدون شغل وبعدين شغلك راح يعينك لمن تلكي شغل. وحتى الفين دولار اني اشوفها زينة . وثانيا اخي العزيز لويش رايح ولاية غالية روح ولاية رخيصة حتى تكدر تدبر المصاريف.
انصحك تروح لولاية بيها باصات حتى تدبر امورك بالبداية اخوك ستة اشهر متنقل بالباصات والحكومة تدفعلي ثمن التذاكر مال باص لحد ملكيت شغل واول شهر اشتريت سيارة يعني العافية درجات مثل ميكولون.
تحياتي الك
-
عاشت إيدك أخوي جهيد على السؤال الجيد
و إن شاء الله الأخوة ما يقصرون بالأجوبة
أختي زهرة الصبار كم برأيك أقل مبلغ مناسب لعائلة مكونة من 4 أفراد ؟
اقل شي حاول تدبرلك فد 10000 دولار هاي اذا الله سهللك ولكيت شغل ومشت امورك
شكرا جزيلا أختي العزيزة
إن شاء الله الله يقدرني و أجيب مبلغ و لو مقارب شوية للي ذكرتيه :-\
و ياريت أيضا الأخوة يفيدونا بمعلوماتهم و أنا ولايتي إن شاء الله هي ماستشيوستس
-
اخوية العزيز.. اني بعدني ما امسافر و دائما اسال نفسي هذا السؤال.. راح اجاوبك الي اني اشوفه منطقي و صح مع الشكر كل الاخوة و الاخوات الي ردوا عالموضوع.. اخذ الي جوة ايدك.. عندك 100 اخذها.. عندك 1000، عندك 5000.. هالي عندك و تكدر تاخذه وياك اخذه و صدك على نيتك الله يرزقك و يوفقك و يفتحلك كل الابواب.. قبل كم يوم احد الاخوان نزل موضوع عن شخص ضروفه صعبه جدا و ميكدر يشتغل لازم سيارة و ما عنده امكانية يشتري بس لان نيته صافيه ربك سهلها اجته السيارة بلاش.. فيا اخي لا تشيل هم هاي الامور توكل على الله و رزقك محفوظ.. بس هذا لا يعني لا تاخذ شي.. انما اخذ الي امكانيتك تسمح بيه.. و الله يوفقك و يوفق الجميع ان شاء الله
-
شنو القصة دائما تكولون لاتشيلون اكثر من 2000لكل نفر شو هسة صارت 10000 يعني شنو اذا احنا ابو وام واطفال 2 قابل اخلي بجيب بنتي عمرها 3 سنوات 2000 دولار بجيبها :-\
مو ما مسموح ::)واحد يشيل هواية فلوس
-
شنو القصة دائما تكولون لاتشيلون اكثر من 2000لكل نفر شو هسة صارت 10000 يعني شنو اذا احنا ابو وام واطفال 2 قابل اخلي بجيب بنتي عمرها 3 سنوات 2000 دولار بجيبها :-\
مو ما مسموح ::)واحد يشيل هواية فلوس
ليش تحط بجيب بنتك او ابن ماكو داعي
شكد متاخذ حطة بجيبك محد معليه حتى لو شافوها
-
عندي سؤال خصوصاً للاخوه الواصلين لامريكا
ماهو اقل مبلغ ممكن الواحد ياخذه ويا للمعيشه ؟
يعني عادي الواحد يدخل امريكا وبجيبه مبلغ بسيط ميتجاوز ال 2000 دولار كعائله وبولايه تعتبر من الولايات الغاليه ؟
او بشكل اخر خلي نكول ممكن عائله توصل امريكا وماكو ولا قمري بجيبها ؟
اكو رحمة رب العالمين تغنيك عن كل شي , واني جربتها عدة مرات في حياتي .
-
السلام عليكم
اخوان هذا الموضوع اتصور ينطبق على الموجودين حاليا بالعراق الله يوفقهم ويرزقهم جميعأ
اما الاجئين في بلدان الجوار والي باعو بيوتهم وسياراتهم وتهجرو لسوريا او الاردن او مصر وخلال هاي السنين
ما ظل على حالهم حال يعني الي عدهم صرفوه وظلو على الحديده طبعأ هذا الكلام يشمل عشرات العوائل بل اكثر بكثير
وهم بانتظار السفر
هولاء لا يملكون حتى 500 دولار وحضراتكم تتكلمون بال10000 حتى تستطيع العيش معنى كلامكم ان الذين لا يملكون الالاف من الدولارات عليهم ان يمحو فكرة السفر ويبقون تحت رحمة دول الجوار وما يقاسونه يوميأ
ارجو من الذين هم في امريكا الان ان يتكلمون بالمنطق والحقيقه كون الكثير من العوائل لا تملك المال كما ذكرت اعلاه
تحياتي للجميع
-
السلام عليكم
اخوان هذا الموضوع اتصور ينطبق على الموجودين حاليا بالعراق الله يوفقهم ويرزقهم جميعأ
اما الاجئين في بلدان الجوار والي باعو بيوتهم وسياراتهم وتهجرو لسوريا او الاردن او مصر وخلال هاي السنين
ما ظل على حالهم حال يعني الي عدهم صرفوه وظلو على الحديده طبعأ هذا الكلام يشمل عشرات العوائل بل اكثر بكثير
وهم بانتظار السفر
هولاء لا يملكون حتى 500 دولار وحضراتكم تتكلمون بال10000 حتى تستطيع العيش معنى كلامكم ان الذين لا يملكون الالاف من الدولارات عليهم ان يمحو فكرة السفر ويبقون تحت رحمة دول الجوار وما يقاسونه يوميأ
ارجو من الذين هم في امريكا الان ان يتكلمون بالمنطق والحقيقه كون الكثير من العوائل لا تملك المال كما ذكرت اعلاه
تحياتي للجميع
اخ عزاوي كل ما تقدمت به صحيح وكثير كثير جدا من العوائل سافرت وماعدها غير ال 500 دولار وياها بس اني بينت رايي بصورة عامه للي يكدر يدبرله اي بيعه ويحاول ياخذها وياا
اما اللي ماعنده يحط عينه بعين الله ويتوكل عليه وانشالله رب العالمين ميخذله
المشكله انه هوايه عوائل من ضاقت عليها الامور رجعت لانه مكدرت تدبر امورها والله يكون بعون الجميع انشالله
-
UP
-
السلام عليكم
اخوان هذا الموضوع اتصور ينطبق على الموجودين حاليا بالعراق الله يوفقهم ويرزقهم جميعأ
اما الاجئين في بلدان الجوار والي باعو بيوتهم وسياراتهم وتهجرو لسوريا او الاردن او مصر وخلال هاي السنين
ما ظل على حالهم حال يعني الي عدهم صرفوه وظلو على الحديده طبعأ هذا الكلام يشمل عشرات العوائل بل اكثر بكثير
وهم بانتظار السفر
هولاء لا يملكون حتى 500 دولار وحضراتكم تتكلمون بال10000 حتى تستطيع العيش معنى كلامكم ان الذين لا يملكون الالاف من الدولارات عليهم ان يمحو فكرة السفر ويبقون تحت رحمة دول الجوار وما يقاسونه يوميأ
ارجو من الذين هم في امريكا الان ان يتكلمون بالمنطق والحقيقه كون الكثير من العوائل لا تملك المال كما ذكرت اعلاه
تحياتي للجميع
gu]رحمة الله واسعة , وسعت كل شيء
-
والله مااعرف شكول مع احتراماتي لبعض الاخوة مااعرف شلون يحجون يعني الي ماعندة فلوس يبطل ميسافر ??? ??? ??? هذا شلون حجي لعد الي عندة هيج فلوس بالدفاتر شكو مسافر عمي على كيفكم ترة العراقيين الي عايشين بالدول المجاورة مابقى على حالهم حال وعلى حجيكم يبطلون ميسافرون يكعدون ويسكتون ويتفرجون على كلامكم هذا ...اكو ناس سافرت مابجيبهم ولا فلس ووصلو والله وفقهم ومشت امورهم هذا كلامكم محبط والي ايدة بالمي مو مثل الي ايدة بالنار المفروض الي يتكلم خلي يراعي الاخرين بطرحه لانه الناس ماعدها طاقة تحمل يشوف هذا كلامكم كاعدين تحجولي بالدفاتر الي عندة دفاتر الله يوفقه ويزيدة ويخليها بينه وبين نفسة لتكتبون اشياء من الخيال ليش كل الناس عدها دفاتر يلا تكدر تعيش باامريكا لعد شكو ديطلعون الناس اذا عدهم دفاتر وكاعدين تحجولي بالمنطق حسبنا الله ونعم الوكيل
-
الموضوع مهم جدا ..
بارك الله بالجميع على كل من ابدى رأيه
اخواني مابيه شي اذا احد كلك جيب 10 دفاتر .. الله يوفق الجميع
اعرف ناس من عمان سافرو قبل 3 اشهر والاثنين عوائل عدد افراد كل وحده 4 نفرات
اقسم بالله همه اللي خبروني و اضنهم صادقين .. احدهم اخذ 4 اوراق و الاخر بجيبه 250 دولار
و ربك ستره عليهم واحد باوهايو و الاخر بناشفل .. اتصل بيهم يتمنون لو كان عدهم اكثر .. لكن الحمد لله عايشين و فرحانين و لا يسالون غير رحمة الله .. و ناوين يشترون سيارات رخيصة من فلوس الول كم .. لان وفرو بالاثاث
الحمد لله الكل تنسمع ارائه وكل من كتب شئ كلامه محترم واكيد لا يقصد منه الا النصيحة ... واسال الله ان لا يفسد النقاش للود من قضية
-
لا يكلف الله نفساً إلا وسعها" . الله يسهل على الجميع أن شاء الله
-
اخي اخذ الموجود عندك او حتى لو ما عندك الله ارحم من كل ارصدت البنوك توكل عليه وابد ما تخيب يجوز تتعرض لامتحان صعب بس صدك الله بعدها يفرجها عليك ومن اوسع ابوابه
هو ارحم الراحمين
-
شباب انا سمعت من شخص عاد بعد ست شهور للعراق تحت عذر انو ما حصل شغل لانة كل ما يحصل شغل يطلبو منة كفيل وكانت كافلتة المنظمة يعني ما اعرف مقدار صدق المعلومة ممكن تفيدونا اصحاب الخبرة والتجربة على صحت المعلومة يعني الي عندة معلومة عن تجربة يفيدنا بيها رجاء . طيب ايش دور الفود ستامب في هذه الوقت لحيات العائلة لانة اذا الة مدة ويتوقف فهذه كارثة يعني كيف العوائل راح تكمل مشوارها حتى تجد عمل لرب العائلة فيدونا جزاكم الله خير
-
اني جيت لكاليفورنيا وياي 2500 دولار واستلمت الولكم ومشي اموري لحد هسة مع العلم هنا غالية نار لو انتة تروح لتكساس او اريزونا المبلغ هذا يساعدك حب
اخ ستيفن الولد يكلك عائلة وبولايه غاليه ترجع تكله اني جبت ويايه 2500 دولار ولحد الان محتاجيتها يعني شويه خلي نصير موضوعيين بردودنا ولانسوي البحر طحينه وهوه رايح بلد متغرب وميعرف شينتظرة يعني اني اعرف هوايه عوائل اجرولهم وحطولهم جم طكطوكه بالبيت واكلو عليهم الويلكام موني علة ابو ايجار واثاث بيت صرفوها وخلوهم حايرين بعدين احنا منريد نجاوبهم حالات خاصه يعني اني هم نطوني ولكام وهم اجرولي وهم جابولي اثاث شويه ومع هذا صرفت ال 5000 اللي اخذتها ويايه بشهرين واشتغلت ورة 4 شهور وهم ظلو يدزولي من برة بين فترة وفترة لان الشغل بارت تايم. واكو يصرفون اكثر مني. يعني لا اني ولا انت قياس لازم نحجي بصورة عامه ونحسب حساب اي شي ممكن يصير. فانت يا اخي صاحب الموضوع والاخ اللي سالني ايضا حاولو ان تدبرون اقل شي فد دفتر واذا اكثر بعد احسن حتة لاتتضايقون لاسامح الله لاي سبب وبعدين تضطرون تفكرون بالرجوع مثل مصار ويه هوايه ناس حتة فلوس تكت طيارة استجدوها ورجعو. تحياتي
اول شي هدي اعصابج ترى السكر والظغط هل الايام مشتغل اهم شي اعصابج وماعرف من جبت لحد هسة محتاجبتها لان دا اباوع على ردي مداشوف هيج كلمة كتبتها رجاء اقري زين زجازبي اني للعلم مرة ثانية صاحب عائلة يعني مو سنكل واني من جاوبت جاوبت عن نفسي وعن حالتي وانتي عن حالتج يعني من كلت بهلكد مبلغ جيت مسويت البحر طحينة واني موضوعي ومو هنا علمود اغني براس الولد واذا ال 2500 متكفي الواحد هنا ال 10000 ايضا متكفي اذا ميلكى شغلك ولهذا نصحتة بالذهاب الى اريزونا او هيوستن ارخص ويشتغل اسرع وبهذا يكدر يمشي نفسة
تحياتي الج
زهرة
-
نتوكل على الله احسن شي اذا الواحد رايح الى امريكا يدور شغل حتة يعيش ويخلص من ظيم العيشة بدول الجوار او العراق ويدور راحة عائلتة ومستقبل اولادة او رايح يدرس اكيد ربنا رح يوفقة بس هوة كلشي بلبداية صعب وبعدين التساهيل من رب العالمين والله يسهل على الجميع
-
شباب انا سمعت من شخص عاد بعد ست شهور للعراق تحت عذر انو ما حصل شغل لانة كل ما يحصل شغل يطلبو منة كفيل وكانت كافلتة المنظمة يعني ما اعرف مقدار صدق المعلومة ممكن تفيدونا اصحاب الخبرة والتجربة على صحت المعلومة يعني الي عندة معلومة عن تجربة يفيدنا بيها رجاء . طيب ايش دور الفود ستامب في هذه الوقت لحيات العائلة لانة اذا الة مدة ويتوقف فهذه كارثة يعني كيف العوائل راح تكمل مشوارها حتى تجد عمل لرب العائلة فيدونا جزاكم الله خير
اخي عندي صديق عنده اثنين اطفال وراح وماكو بجيبه قمري والحمد لله ما سمعته اشتكا وهو هواي مرتاح كان بلعراق حصره عليه الاكله الطيبه
واكو عوائل اعرفهم والله عندهم خير من الله ويبشون ويكولون العيشه غاليه هي تبقى على الله وبعدها على حسن تصرف الشخص وترتيب حياته
وللعلم اذا عندك اطفال وما عندك عمل او عندك عمل مردوده المالي قليل ما ينكطع عنك الفود ولا الكاش اربع او خمس سنوات حسب الولايه خليها على الله وصدك ابد ما تخيب
وان شاء الله يسر امورنا اميييييييييييين
-
اخي الكريم
انت وأي شخص في هذا المنتدا ليفكر فقط في قوه السيفي الذي يحضره ..هذا سبب بقاءك غنيا أم عل قدر حالك كنت ...
ركًننديشينات أو توصيات وثائق وشهادات ..صنعه أو حرفه ..
وأخيرا تحتاج مساعد لك في تطوير السيفي
ومساعد لك في البحث عن عمل
من هنا سيبداء مشوارك
متا ماحتجت مساعده عند وصولك اكتب هنا وستجدني وغيري نساعدك بإيجاد عمل وتطوير أو كتابه سيفي
أغناك الله والجميع عن حاجه الناس
تحياتي
-
السلام عليكم
اخي صاحب الموضوع.سؤالك جدا مهم.واعتقد ان الاخوه اغنوا الموضوع بأجاباتهم المتنوعه. كلٌ حسب مايراه.
فيااخي كل الناس خير وبركه..لكن هناك فارق بالمستوى المادي .فالذي يسكن بجبيهه..او سيفوي.او عمان الغربيه ليس
كالذي يسكن..مخيم الوحدات..
والذي يسكن في ابو رمانه..ومزه فيلات. ليس كالذي يسكن السيده زينب او زملكا.. وهذه مناطق سكنيه الاولى في عمان والثانيه في دمشق
وعليه انت قيس.والاجئين منهم من هو بحاله ماديه جيده ومنهم اوسط ومنهم دون الوسط...فربما كل شخص تحدث عن حالته او ماقاربها.
كل الردود لم تتطرق لمساله المساعدات المقدمه للاجيء عند وصوله امريكا..
اخي انت صاحب عائله ستكون مساعداتك تختلف عن الاعزب..من كل النواحي. اولها الو كم .لعدد افراد العائله.المدكيت.التامين الصحي اذ يبقى ساري المفعول الى يبلغ اصغر اطفالك 18 سنه..الفود ستامب يبقى معك لمده 60 شهر.في حاله لم تجد عملانت او اي افراد العائله اما في حاله عمل اي من افراد العائله سيخصم من مبلغ الفود ستامب حسب الدخل..وهناك مبلغ كاش يعطى اضافه للفود ستامب.حسب افراد العائله يعني 4 اشخاص لايقل عن 400 دولار.ايضا يستمر الى ان تجد عمل.. الايجار حسب المنظمه التي انت عليها..والدفع يتراوح بين شهر.الى ستة اشهر.
هذا الكلام حصل معي شخصيا في والكلام في شيكاغو..غير هذا ربما تختلف الامور من ولايه لاخرى.بمساله الكاش. اما الفود ستامب اعتقد الكلام ينطبق على كل الولايات..ولست متاكداً كي لااظلم احد..
والشي المهم جدا..جدا.. جدا مستواك باللغه ان كانت لغتك جيده يعني تفتهم عليهم وتفهمهم .فاكثر المشاكل محلوله..اكثر المنظمات تحاول ان تتحايل على الاجيء. بخصوص الول كم وهذا المبلغ مخصص من الحكومه المركزيه وليس من الولايه.والمنظمه ليس لها اي فضل بهذا المبلغ وكل ماتصرفه عليك هو من مساعداتك..لاتصرف سنت واحد من عدها..الاثاث دائما يكون من المتبرعين ولايشرى ..وان كان لديك اطفال دون الخامسه هناك برنامج اسمه ((wic )) يمنح الطفل دون الخامسه كوبونات غذائيه بقيمه حوالي 140 $كل 3 شهور الى ان يتعدى الخمس سنوات والمرأه الحامل ايضا مشموله بهذا البرنامج..وان كانت ولايتك يتوفر بيها المواصلات فالمنظمه في البدايه ستعطيككم كارتات للتنقل مدفوعه الثمن..
هذا يااخي كل مايتعلق بسؤالك من كل النواحي..بقت الشغله يمك ..حسب مصروفك.تكدر تصرف 5000 دولار بالشهر وتكدر تقتصد متصرف شي بالبدايه وتدبر معيشتك على هل مساعدات..... بس مو اول متوصل راح ينطوك الفود ستامب .اعتقد يطول من 10 الى 15 يوم الى يصدر..بس همه يحسبولك من يوم دخلت امريكا.. هناك ناس اتوا الى امريكا ومعهم 500 دولار.. هناك من اتى ومعه 200000 دولار..كل حسب امكانيته..
المبلغ الذي تجلبه معك هو للضمان وللحاجه .والله لايحوجك لاحد..
وتحياتي لك وبالتوفيق ان شاء الله..كما ذكرت هذا الذي حصل معي في مدينه شيكاغو..وشيكاغو ايضا تعتبر من الولايات الغاليه.
ابوحارث
-
نتوكل على الله احسن شي اذا الواحد رايح الى امريكا يدور شغل حتة يعيش ويخلص من ظيم العيشة بدول الجوار او العراق ويدور راحة عائلتة ومستقبل اولادة او رايح يدرس اكيد ربنا رح يوفقة بس هوة كلشي بلبداية صعب وبعدين التساهيل من رب العالمين والله يسهل على الجميع
نتوكل على الله احسن شي اذا الواحد رايح الى امريكا يدور شغل حتة يعيش ويخلص من ظيم العيشة بدول الجوار او العراق ويدور راحة عائلتة ومستقبل اولادة او رايح يدرس اكيد ربنا رح يوفقة بس هوة كلشي بلبداية صعب وبعدين التساهيل من رب العالمين والله يسهل على الجميع
-
السلام عليكم
اخي صاحب الموضوع.سؤالك جدا مهم.واعتقد ان الاخوه اغنوا الموضوع بأجاباتهم المتنوعه. كلٌ حسب مايراه.
فيااخي كل الناس خير وبركه..لكن هناك فارق بالمستوى المادي .فالذي يسكن بجبيهه..او سيفوي.او عمان الغربيه ليس
كالذي يسكن..مخيم الوحدات..
والذي يسكن في ابو رمانه..ومزه فيلات. ليس كالذي يسكن السيده زينب او زملكا.. وهذه مناطق سكنيه الاولى في عمان والثانيه في دمشق
وعليه انت قيس.والاجئين منهم من هو بحاله ماديه جيده ومنهم اوسط ومنهم دون الوسط...فربما كل شخص تحدث عن حالته او ماقاربها.
كل الردود لم تتطرق لمساله المساعدات المقدمه للاجيء عند وصوله امريكا..
اخي انت صاحب عائله ستكون مساعداتك تختلف عن الاعزب..من كل النواحي. اولها الو كم .لعدد افراد العائله.المدكيت.التامين الصحي اذ يبقى ساري المفعول الى يبلغ اصغر اطفالك 18 سنه..الفود ستامب يبقى معك لمده 60 شهر.في حاله لم تجد عملانت او اي افراد العائله اما في حاله عمل اي من افراد العائله سيخصم من مبلغ الفود ستامب حسب الدخل..وهناك مبلغ كاش يعطى اضافه للفود ستامب.حسب افراد العائله يعني 4 اشخاص لايقل عن 400 دولار.ايضا يستمر الى ان تجد عمل.. الايجار حسب المنظمه التي انت عليها..والدفع يتراوح بين شهر.الى ستة اشهر.
هذا الكلام حصل معي شخصيا في والكلام في شيكاغو..غير هذا ربما تختلف الامور من ولايه لاخرى.بمساله الكاش. اما الفود ستامب اعتقد الكلام ينطبق على كل الولايات..ولست متاكداً كي لااظلم احد..
والشي المهم جدا..جدا.. جدا مستواك باللغه ان كانت لغتك جيده يعني تفتهم عليهم وتفهمهم .فاكثر المشاكل محلوله..اكثر المنظمات تحاول ان تتحايل على الاجيء. بخصوص الول كم وهذا المبلغ مخصص من الحكومه المركزيه وليس من الولايه.والمنظمه ليس لها اي فضل بهذا المبلغ وكل ماتصرفه عليك هو من مساعداتك..لاتصرف سنت واحد من عدها..الاثاث دائما يكون من المتبرعين ولايشرى ..وان كان لديك اطفال دون الخامسه هناك برنامج اسمه ((wic )) يمنح الطفل دون الخامسه كوبونات غذائيه بقيمه حوالي 140 $كل 3 شهور الى ان يتعدى الخمس سنوات والمرأه الحامل ايضا مشموله بهذا البرنامج..وان كانت ولايتك يتوفر بيها المواصلات فالمنظمه في البدايه ستعطيككم كارتات للتنقل مدفوعه الثمن..
هذا يااخي كل مايتعلق بسؤالك من كل النواحي..بقت الشغله يمك ..حسب مصروفك.تكدر تصرف 5000 دولار بالشهر وتكدر تقتصد متصرف شي بالبدايه وتدبر معيشتك على هل مساعدات..... بس مو اول متوصل راح ينطوك الفود ستامب .اعتقد يطول من 10 الى 15 يوم الى يصدر..بس همه يحسبولك من يوم دخلت امريكا.. هناك ناس اتوا الى امريكا ومعهم 500 دولار.. هناك من اتى ومعه 200000 دولار..كل حسب امكانيته..
المبلغ الذي تجلبه معك هو للضمان وللحاجه .والله لايحوجك لاحد..
وتحياتي لك وبالتوفيق ان شاء الله..كما ذكرت هذا الذي حصل معي في مدينه شيكاغو..وشيكاغو ايضا تعتبر من الولايات الغاليه.
ابوحارث
كـــــــــــلام ذهـــــــــــب
ابو ســماني