ankawa
منتدى الهجرة واللجوء => الهجرة و واللاجئين => الموضوع حرر بواسطة: CHICAGO STAR في 15:32 12/02/2013
-
السلام عليكم طبعا للتذكير هذا موضوعي الي كتبته البارحة علمود الموضوع يترابط
http://www.ankawa.com/forum/index.php/topic,641285.0.html
المهم مثل متعرفون جان ظال بالي من حالة الللف خاصة مال ام زوجتي والبعض طلب مني معلومات عن تغير حالة اللملف لمعرفة دقة الموقع اليوم فتحت الملفات الاثنين واذا ثنيناتهم بهلشكل
اللملف فعال
الامنية مكتملة
السفر بالانتظار :D
بعدين الظهر مخابرين زوجتي على دورة تثقيفية باجر واجانه ايميل بالتثقيفية بعدين اجانه مسج على التلفون بي تاكيد على موعد السفر وعدد واوزان الحقائب ويكولونه انه راح يخابرونا قبل يومين من السفر وايضا بلمسج يكول تجون قبل يوم من السفر عدكم فحص طبي بس بالوحدة الظهر !! سؤالي اخوان هذا الوكت عادي ؟ لو شنو غير المفروض من وكت؟ الي منطي هيجي موعد رجاءا يطمني
زين بعد كل هذا مخابرين ام زوجتي يبلغوها بفحص طبي باجر !!! زين هذا شنو الفحص؟؟ مع العلم هيه عدها ظغط وسكر ومبلغه بي اللمنظمة بالمقابلات سؤالي اخواني الله يخليكم هذا الفحص شنو؟؟ مع العلم هي كلتلهم زين انتو مو كلتونا على دورة تثقيفية باجر جان يكولوها اي بس هذا الفحص اهم بتكملي وتروحي للدورة!! انتظر منكم اخواني بلكي تجاوبوني وطمنوني عن تساؤلاتي وياربي سفركم باقرب وقت
-
اخويه اول شي ان شاء الله تسافرون بالف سلامه والف مبرووك ..بعدين اخويه الكريم لتقلق اللي ديصير كلش عادي ااكيد اكو فحص طبي قبل السفر مرات يكون قبل السفر بيوم لو حتى ابيوميين ..وقريت قسم من الاخوان ابنفس اليوم التثقيفيه وبعدين راحو للفحص وعادتا يكون الظهر يعني مثل ما كالولك بالوحده بس انت روح قبله بشويه عادي ...وان شاء الله كل الموفقيه الك
اختك star_2000
-
اخي العزيز
مبروك مقدماً
اخي بخصوص الفحص اذا كان من بعد الضهر فهذا للي سفرهم قريب علمود ينطوهم الحبايه الورديه واني شخصيا سئلت الموظف بيوم الفحص وانطاني هذا المعلومه ...
اما بخصوص الفحص للحجيه فهذا يردون يتكدون من صحتها ... عادي مسئله جدا طبيعيه .
تحياتي لحظرتك
-
اخي العزيز أني قريت موضوعك القديم وجاوبتك عليه وراح اعيدلك الجواب هنا أن شاء الله تروح بالسلامه وهاي كلها خبصه مال سفر لأن أحنا العراقيين مخبوصين هههههههه . أخوية اهم شي الفحص الطبي وطبعا مو معناها متروح للدوره التثقيفية بس الفحص أهم وأعتقد همه المنظمه هم كلولوك هذا الشي ولدير بال مسافرين باذن الله وتوصل بالسلامه وأدعيلي ياورده .. تحياتي
-
مبروك اخي موفقين انشاء الله وسفره سهله بعون الله
-
الف الف مبروووووووووووووك
-
مره ثانيه اخي اكلك الف مبروك والله يسهلك وبالنسبه لموعد الفحص كلش عادي باي وقت لا تهتم هاي انت بعدك متفاجا بالخبر ومتخوف من كل شي .لا تقلق ان شاء الله خلصت وبالنسبه للحجيه الدوره مو اجباريه يعني اذا متكدر تروح انتو احضرو وبلغوها بالتفاصيل .الله يسهل امركم وامر الجميع ان شاء الله
-
الف الف مبروك
ويوم السفر ان شاء الله تصلون بالسلامة