ankawa
منتدى الهجرة واللجوء => الهجرة و واللاجئين => الموضوع حرر بواسطة: mrwan2 في 17:19 19/02/2013
-
السلام عليكم ورحمة الله وبركاته
اخواني الي ضافو طفل بعد اكتمال الموافقة الامنية شنو صار وياكم .. اشو سنطة ... اني ملفي اصبح معلق وهاي صارلة اكثر من شهرين وبعدين وياهم ...
الاخوان الي سافرو واضافو طفل شكد طولتو وسافرتو بلكت تحنون علينا وتجاوبونا .. بس اكيد هسة الي سافر قليل يدخل الى المنتدى بس عسى ولعل يجينا جواب
وشكرا الكم ..اخوكم مروان من عمان
-
الاخ العزيز,
نعم ضفنا طفل و الامنية صارت اكسباير حسب كلام عمان, علما انو مترجم المحلفه كال انتو ابروفد بالحرف الواحد, صارلنه تقريبا ثلاث اشهر معلق الملف, اما المقابله فاكثر بكثير.
تحياتي..
-
اخي اني اكتملت الامنيه وجدولة سفر بشهر الخامس 2012 وتاجلت الى ما بعد ولادة زوجتي وظفت الطفل مباشرة بعد الولاده وقابلت وسويت اله فحص 12-12 وصار عمر ابني 9 شهور ولحد الان حالة الملف معلق والامنيه بالانتظار والسفر غير فعال.....حسبنا الله ونعم الوكيل.
تحياتي
-
انــــي أعــرف جمـــاعة قــريبــــا راج يزوجوه ;D لأبنهم والامــنية ما مكتملة
من آخر الـ2010 ضايفين طفلهم ومستلمين موافقة من كان الحمل بأوله
وليهسه ينتظرون
ابو ســماني
-
أني من جماعة محلفين 2009
مقابلات إضافة الطفل : مقابلة أولى شهر 6 سنة 2012 و مقابلة محلفين شهر 8 سنة 2012
الموظفة بالمنظمة أبلغتنا أنه الموافقة الأمنية كانت كاملة خلال المقابلة الأولى مال الطفل !
رجعت الأمنية إنتظار من شهر 6 من السنة الماضية و ما زالت إلى حد هذا اليوم !
الملف كان معلق صارله أشهر بس صار فعال قبل أسبوع فقط و الأمنية لازالت إنتظار و السفر غير فعال :(
كفيلي يقول أموري كاملة وال IOM يقولون لأ أبدا أموري بعدها ما كاملة و الأمنية بعدها غير مكتملة :-[ !
و الله كريم
و حسبنا الله و نعم الوكيل
-
والله سالفتنا بايكه طن هوه...هاي من شهر التاسع مقابلة محلفين لاضافة الطفل وفحص طبي بشهر ال11 ولي هسه صافنين بانتظار الأمنية الكشرة بعد ماجان عدنه سفر بشهر السادس الفات وتأجلنه بسبب الطفل...ملفي بعده بإنتظار النتيجة والأمنية إنتظار والفحص الطبي راح يصير أكسباير هوه والمحلفين بشهر الرابع وخايف لاينعاد علينه الصخام واللطام من جديد
-
حسب علمي ان المحلفين بعد مايصير اكسباير
-
الأخ العزيز موعود انته متأكد من هذا الكلام...يمعود الله يبشرك بالخير...بس اني الاحظ مجموعة من الكيسات ديعيدون محلف وبصمات..بالمناسبة اني من بغداد ..ماأعرف هل يعني انلغت الإعادة على الكل لو بلد يختلف عن الثاني؟
-
اخواني اشكركم الشكر الجزيل على تواصلكم ومروركم الكريم .. واني احس بالمعاناة الي انتم بيها تمرون لان اني نفسشي ... والله اخواني مندري شنحجي وشنكول يعني الواحد ابتلى على عمرة وصار عندة طفل يعني هو طفل قابل شنو قنبلة ذرية وانضاف على الملف .. منكول غير حسينا الله ونعم الوكيل
والله سالفتنا بايكه طن هوه...هاي من شهر التاسع مقابلة محلفين لاضافة الطفل وفحص طبي بشهر ال11 ولي هسه صافنين بانتظار الأمنية الكشرة بعد ماجان عدنه سفر بشهر السادس الفات وتأجلنه بسبب الطفل...ملفي بعده بإنتظار النتيجة والأمنية إنتظار والفحص الطبي راح يصير أكسباير هوه والمحلفين بشهر الرابع وخايف لاينعاد علينه الصخام واللطام من جديد
اخوية العزيز هو انت مال تعيد راح تعيد الفحص مثلنا بس شغلة المحلفين ما اعتقد تعيدهة لان اني ايضا سمعت بعد ماكو اعادة للمحلف والله اعلم بعد .. اتمنالكم التوفيق وان شاء الله نسمع عنكم الاخبار الطيبة .. وشكرا الكم لتحملكم للموضوع وسعة صدوركم
اخوكم مروان
-
الله يعين الجميع وييسر امرهم يارب
اني ضفت الطفل 15-8 والموظف بلغني ان امنيتي كاملة وخلال شهرين اتوقع السفر
هسة خلصت ست شهور ولحد الان الملف غير فعال والامنية انتظار
والفحص رح يصير اكسباير بداية شهر 3
ولله يصبرني ويصبركم
-
الله يعينك اخوية موزارت ان شاء الله مبقة شي شنسوي بعد ما النا غير الدعاء والله يفتحهة عليكم وعلى كل منتضر بالسفر العاجل ان شاء الله
نفس كلام الاخت الي قابلتنا من ضفنا الطفل ايضا كالت انتو مخلصين كلشي باقي بس امنية الطفل وهذا الكلام من خمس شهور تقريبا او اربعة
بس حبيت اعرف حضرتك من بغداد لو من عمان ؟؟ والله يسهل امرك
-
موعد سفري 3/3/2013وعندي طفل ما مضيوف عالكيس عمرة 6 اشهر يعني هم اني مثل البقية احتمال ما اسافر؟لو السفر مضمون بس يتاخر؟ارجو الرد
-
موعد سفري 3/3/2013وعندي طفل ما مضيوف عالكيس عمرة 6 اشهر يعني هم اني مثل البقية احتمال ما اسافر؟لو السفر مضمون بس يتاخر؟ارجو الرد
اخي العزيز شلون يعني مضايفة ... زين من اعطوك موعد سفر هم على علم بانه اجاك طفل جديد؟ ؟ لان مستحيل تسافر والطفل لم يضاف على الملف
وليش مبلغت المنضمة بهذا الشي ؟
اني هسة اريد الرد من حضرتك لان الموضوع بصراحة اثار استغرابي .. وموفق ان شاء الله
-
الله يعينك اخوية موزارت ان شاء الله مبقة شي شنسوي بعد ما النا غير الدعاء والله يفتحهة عليكم وعلى كل منتضر بالسفر العاجل ان شاء الله
نفس كلام الاخت الي قابلتنا من ضفنا الطفل ايضا كالت انتو مخلصين كلشي باقي بس امنية الطفل وهذا الكلام من خمس شهور تقريبا او اربعة
بس حبيت اعرف حضرتك من بغداد لو من عمان ؟؟ والله يسهل امرك
الله يسلمك اخ مروان
اني من مصر
-
انا كلتلهم من اتصلوا بية انو عندي طفل الموظف كالي ضيفة بسرعة وبنفس اليوم بعثت اوراق الطفل وثاني يوم اتصلت بييهم وكالوا اوراق الطقل واصلة بس اني اريد اعرف شنو رياكم اسافر واعوف لو انتظر الاضافة؟ياريت لو ايملك دنتواصل
-
اني كان عندي اضافة طفل بتاريخ 12/12/2012 وأعادة محلفين
ولحد اليوم ماكو اي خبر والامنية مامكتملة
يعني بين قوسين نايميين
-
اني كان عندي اضافة طفل بتاريخ 12/12/2012 وأعادة محلفين
ولحد اليوم ماكو اي خبر والامنية مامكتملة
يعني بين قوسين نايميين
الله كريم اخوية .. ان شاء الله يتصلون بيك قريبا على مقابلة المحلف
-
احنا نفسشي كملنا كلشي والملف ايضا معلق ودننتظر .. الله كريم بعد كلها يم الله سبحانه وتعالى