ankawa

منتدى الهجرة واللجوء => الهجرة و واللاجئين => الموضوع حرر بواسطة: النسيم المهاجر في 10:43 21/02/2013

العنوان: تفاصيل الرحله لامريكا ونقاط مهمة
أرسل بواسطة: النسيم المهاجر في 10:43 21/02/2013
السلام عليكم

 اسف لغيابي عنكم هذه الفترة لانه المنظمه انطتني اسبوع بس للرحله وجانت الامور سريعه كلش بس الحمد لله كلشي جان زين طبعا الرحله كانت من عمان لفرنسا وبعدين لميامي وبعدين لمشكن .

اول رحله طيارة ايربص على الفرنسيه وجانت مريحه واكو هيدفون نسمع اغاني ونكلب براحتنه والاكل والشرب كلش نايس مامقصرين ابدا وجانو كلش حبابين الفرنسيين والابتسامه على وجوهم كل الوقت وموظفي الاي او ام الي جانو بمطار عمان هم كلش زينيين الله يشهد ويحجون ويانه بكل احترام ومودة وعبالك بعفونه من زمان .
بفرنسا نزلنه بمطار شارل ديكول نرانزيت طبعا اول ماوصلنه للمطار استقبلنه موظف الاي او ام شاب اسمر كلش حباب وكمل اجرائتنه ووصلنه للتفتيش وانطانه رقم البوابه الي راح نسافر منها افترينه هناك واكو اسواق حرة وكلشي اكو من اكل وشرب بس يرادلكم يورو من مطار عمان صرفو شويه يورو واكو فد مخدة مثل حرف يو بلانكليزي هاي تنحط حول الركبه كلش مريحه للسفر الطويل لانه تريح الراس بالسفر لانه عدنك 12 لعبور المحيط هاي سعرها ب20 دولار بفرنسا اذا تكدر تحصلها من عمان او اي مكان كلش مفيده واغلبية المسافرين خالين منها .
دخلنه للرحله طيارة عملاقه ايربص ويانه هوايه اجانب وعادي محد يخليك تشعر انو انته لاجيء او يوكف كدامك لا السرة موجود وكلمن يدخل بدوره واحنه دخلونه مثل كروب ومانتظرنه هوايه يعني خلونه ندخل بسهوله للطيارة وكلمن يكعد علة السيت مالته الي مكتوب بخط الرحله

ومقابل الكرسي الي نكعد منه اكو جهاز شاشه ومثل ريمونت . هذا اول مطارة الطيارة نقلو الحركه على الكامرة كلمن يكدر يشوف وبعدين انته تكدر تتفرج افلام او تلعب بليارد او غير لعبات او تسمع اخبار والخدمه ايباه عبالك 5 نجوم والاكل والشرب عادي ولا تحتاج تصعد وياك اكل وعادي ها تكدر تطلب اي مشروب يعني حالك حال الباقيين ماكو اي فرق .
من وصلنه ميامي طبعا نفس الميامي الي بلعبة درايفر نفسها بالضبط بحيث من وكفت بشارع المطار داننتضر نروح للفندق صدكوني عبالك جنت اهناك قبل لانه نفسه بلعبه درايفر من تختار مدينه ميامي والجو جان حار ورطب ودونه للفندق الريجنسي ها تذكرة اخذو وياكم دولارات يكات بس تكون جديدة لانه الماكنه مال بيبسي والنساتل ماتقبل الا ورقه جديدة ومن تخلون الورقه خلوها تكون الصورة ليفوك ومن الريسبشن هم سويت فراطه رباع ( كوارتر) لانه اي حاجه دولار ونص واكو هم معجون اسنان وفرجه واكو حلاقه وماكنه حلاقه .

من تدخل للغرفه يجيبولك وجبه اكل ويكلك انته بال4 الصبح تنزل او 5 او 6 لازم تسوي منبه الموبايل علمود تنزل للصاله مال فندق بالوقت لانه الموظف ينتضرك جوه علمود ياخذك للمطار وكلمن ورحلته .

طبعا البهدله الحقيقيه بالجنط ماكو امانات بالمطار فناخذ الجنط للفندق ونرد نرجعها للمطار تعبببببببب وحماله والي يكون كبير بالعمر انصحه يشحن الجنط ارحم اله لانه كلمن ملتهي بالجنط محد يكدر يساعد بكل وقت والي ماعدهم ترانزيت منام فندق لا هية عربانات بالمطار بس ينقل بين البوابات علما يسلمها .

الرحله من ميامي لديترويت طيارة كلش جديدة ومريحه ويقدمون بالرحله عصاير ماي شاي كهوة والاكل الوجبات ادشن بفلوس صديقي راد اكل لبنته طبعا طلبنه وبعدين طلع فلوس جان تكول المضيفه مايصير كاش الا فيزا كارت فكتلها احنه اول يوم بامريكا وماعدنه الفيزا واوراقنه راح تكمل بديترويت فاذا تكدرين بس وجبه للطفله احنه مو مشكله جانت تكول اووووووووووووووو اني مجنت اعرف فكامت واخذة اكل ووزعته علينه وانطتنه سماعات مال هيد فون  لانه للباقين كالو انها ب4 دولارات وتكدرون تحتفضون بيها فاني س\التها كيب ات جانت تكول شورررررررررررررررر جانت سمرة وكلش حبابه .

بامريكا من تنزل ماكو موظف اي او ام تروح وره الناس من وين مايستلمون الجنط جنطك وياهم اخخخخ بس الجنط ماكله ميت جلاق بحيث شكد ماشامريها طاكه .  بس مابيها نقص حمد لله


ملاحضه مهمة : الاكياس النايلون مال الاي او ام ماتتحمل سفر كلها انطكت وانشكت هع - طلبو منهم يسوون شي احسن

بامريكا من تدخل ياخذون بصمات اصابع وبعدين ينطوك الوايت كارت .

على كلن وصلنه والحمد لله واي سؤال اني حاظر بس الرد مو راسا من اقرا حسب وقتي لانه مشغولللل ومدوششششششششششش



       النسيم المهاجر على الخطوط الفرنسيه
العنوان: رد: تفاصيل الرحله لامريكا ونقاط مهمة
أرسل بواسطة: الطموح في 11:00 21/02/2013
الف حمدلله على سلامتك اولا
وفيت وكفيت بالشرح وخاصة بخصوص الحقائب الف حمدلله على السلامه  وتقبل كل دعائي
بالتوفيق بحياتك الجديده لانه انت كلش تعبت في عمان وانتظرت كلش هوايه
استقر وكافي عزوبيه ودورلك بنت الحلال واتزوج عاد خلي نفرح بيك حبي تحياتي الك
الطموح عمان
 
العنوان: رد: تفاصيل الرحله لامريكا ونقاط مهمة
أرسل بواسطة: هذا عراقي في 11:01 21/02/2013
مبروك وصولك والحمد لله عبرت مرحلة النسيم الجاثم ولله الحمد

بلتوفيق وان شاء الله اخبارك كلهة مفرحة
العنوان: رد: تفاصيل الرحله لامريكا ونقاط مهمة
أرسل بواسطة: A.J 47 في 11:02 21/02/2013
مبروك الوصول حبيبي ويا رب الموفقيه في حياتك الجديده
العنوان: رد: تفاصيل الرحله لامريكا ونقاط مهمة
أرسل بواسطة: عبود بطاطا في 11:04 21/02/2013
الف الحمد لله على السلامة ويارب التوفيق في حياتك القادمة في سعيك ومسعاك ..
العنوان: رد: تفاصيل الرحله لامريكا ونقاط مهمة
أرسل بواسطة: Nawfal_Alfadly في 11:24 21/02/2013
الحمد لله على سلامة وصولك والف مبروك - وشكراً جزيلا على المعلومات - اتمنالك الحياة السعيدة والتوفيق يارب
العنوان: رد: تفاصيل الرحله لامريكا ونقاط مهمة
أرسل بواسطة: عراقي نبيل في 11:31 21/02/2013
مبروك الحمد لله والشكر على سلامة الوصول ...شكرا جزيلا على ذكر تفاصيل الرحلة ...نتمنى لك التوفيق  في مسعاك..انشاء الله تستقر ونسمع اخبارك الطيبه اخي العزيز..
العنوان: رد: تفاصيل الرحله لامريكا ونقاط مهمة
أرسل بواسطة: اجونة في 11:39 21/02/2013
مقتبس من: الطموح في 11:00 21/02/2013
الف حمدلله على سلامتك اولا
وفيت وكفيت بالشرح وخاصة بخصوص الحقائب الف حمدلله على السلامه  وتقبل كل دعائي
بالتوفيق بحياتك الجديده لانه انت كلش تعبت في عمان وانتظرت كلش هوايه
استقر وكافي عزوبيه ودورلك بنت الحلال واتزوج عاد خلي نفرح بيك حبي تحياتي الك
الطموح عمان
 

 +1
العنوان: رد: تفاصيل الرحله لامريكا ونقاط مهمة
أرسل بواسطة: ابو فرقان في 14:57 21/02/2013
الف الحمد لله عالسلامة وربي يوفقك
العنوان: رد: تفاصيل الرحله لامريكا ونقاط مهمة
أرسل بواسطة: فارس البغدادي في 15:17 21/02/2013
الحمد لله على سلامة الوصول وبالتوفيق اخوية نسيم
العنوان: رد: تفاصيل الرحله لامريكا ونقاط مهمة
أرسل بواسطة: good55 في 15:38 21/02/2013
الف مبروك سلامة الوصول وكل الشكر على هذه التفاصيل والملاحظات المفيدة متمنيا لك المستقبل الزاهر
العنوان: رد: تفاصيل الرحله لامريكا ونقاط مهمة
أرسل بواسطة: Heading 270 في 15:50 21/02/2013
الحمد لله على سلامة الوصول وان شاء الله تسعدون بحياتكم الجديدة المملوئه بالنظام والسلاسه وصدق التعامل .. التعب ينسي ويصير سوالف .
العنوان: رد: تفاصيل الرحله لامريكا ونقاط مهمة
أرسل بواسطة: Nooraldeen Mustfa في 15:56 21/02/2013
الف مبروك والحمد لله على سلامتك
ودعائنا لك بالتوفيق والنجاح
العنوان: رد: تفاصيل الرحله لامريكا ونقاط مهمة
أرسل بواسطة: ابن الحله في 16:10 21/02/2013
الف مبرووووووووووووووووك وحمد لله ع سلامتك
العنوان: رد: تفاصيل الرحله لامريكا ونقاط مهمة
أرسل بواسطة: securityiom في 16:26 21/02/2013
حمد لله على السلامة وموفق بحياتك الجديدة وعاشت ايدك واتمنة ميروح صبرك وتعبك
تقبل مروري
العنوان: رد: تفاصيل الرحله لامريكا ونقاط مهمة
أرسل بواسطة: امل الوصول في 16:37 21/02/2013
مبررررررررروك وبلتوفيق
العنوان: رد: تفاصيل الرحله لامريكا ونقاط مهمة
أرسل بواسطة: um shaheen في 16:43 21/02/2013
الف مليون ترليون مبروووك ويارب موفق بكل خطوه بحياتك
تحياتي
اختك ام شاهين من سوريا
العنوان: رد: تفاصيل الرحله لامريكا ونقاط مهمة
أرسل بواسطة: الصابر76 في 17:37 21/02/2013
شكرا على المعلومات القيمة والحمد لله على سلامة الوصول موفقين اخي
العنوان: رد: تفاصيل الرحله لامريكا ونقاط مهمة
أرسل بواسطة: s350thebest في 18:10 21/02/2013
مبروك اخي والحمد لله على سلامة الوصول والتوفيق بالحياة الجديدة ويوم الالنا يا الله.
العنوان: رد: تفاصيل الرحله لامريكا ونقاط مهمة
أرسل بواسطة: dardoor89 في 18:17 21/02/2013
الف ترليون الحمد لله على سلامة الوصول و الف شكر على التفاصيل و ان شاء الله التوفيق الدائم و اخونا العزيز ارجو ان لا تقطع ويانا و توافينا بتفاصيل اول ايام امريكا
اخوك / ابو فراس
العنوان: رد: تفاصيل الرحله لامريكا ونقاط مهمة
أرسل بواسطة: المصارع في 18:20 21/02/2013
الحمدلله على سلامة الوصول يارب بالتوفيق و الاستقرار



اخوك
المصارع / تركيا
العنوان: رد: تفاصيل الرحله لامريكا ونقاط مهمة
أرسل بواسطة: Abdullah2006 في 18:26 21/02/2013
الف مبروك وحمد لله ع سلامتك
العنوان: رد: تفاصيل الرحله لامريكا ونقاط مهمة
أرسل بواسطة: *Ray في 18:45 21/02/2013
الف مبروك والحمد لله ع سلامتك وبالتوفيق بحياتك ومشكور للمعلومات
العنوان: رد: تفاصيل الرحله لامريكا ونقاط مهمة
أرسل بواسطة: Wingo في 00:32 22/02/2013
مليووووون مليووووون مبروووووووك
و الحمد لله على سلامة الوصول
الله يوفقك للخير و يسعدك في حياتك الجديدة
الشكر لله لأنه عوض صبرك و سنوات إنتظارك بالخير و السعادة
و يعطيك العافية على شيل الشنط  ;D
العنوان: رد: تفاصيل الرحله لامريكا ونقاط مهمة
أرسل بواسطة: yassino في 09:40 22/02/2013
الف الحمد لله على السلامة
العنوان: رد: تفاصيل الرحله لامريكا ونقاط مهمة
أرسل بواسطة: Blue Falcon في 10:42 22/02/2013
الف مبروك وبلموفقيه ان شاء الله
العنوان: رد: تفاصيل الرحله لامريكا ونقاط مهمة
أرسل بواسطة: Emerald في 11:42 22/02/2013
الف الحمدلله على سلامتك اخي والله يوفقك بحياتك الجديدة وادعيلنا بالفرج القريب

اختك Emerald
العنوان: رد: تفاصيل الرحله لامريكا ونقاط مهمة
أرسل بواسطة: برنسو في 14:44 22/02/2013
الف مبروووووووووووووك اخونه العزيز على سلامة وصولك.... اتمنالك الموفقية والنجاح بحياتك الجديدة.
وشكرااااااااا جزيلااااااااا على التفاصيل والمعلومات.



تحياتي ......برنسو
العنوان: رد: تفاصيل الرحله لامريكا ونقاط مهمة
أرسل بواسطة: Soso 2006 في 14:54 22/02/2013
الف الف الحمدلله على سلامتك اخي                                                                         
الله يوفقك بحياتك الجديدة وادعيلنا بالفرج القريب
العنوان: رد: تفاصيل الرحله لامريكا ونقاط مهمة
أرسل بواسطة: الفرج قريب في 15:46 23/02/2013
الف مبروك والله يوفقكم ويهنيكم بحياتكم الجديده
بس اريد اعرف بيا سنه مقدم وتاريخ المقابلات ؟رجاء
العنوان: رد: تفاصيل الرحله لامريكا ونقاط مهمة
أرسل بواسطة: assaad2011 في 21:19 23/02/2013
مبروووووك سلامة الوصول
ونتمنى لكم طيب الاقامة والنجاح
العنوان: رد: تفاصيل الرحله لامريكا ونقاط مهمة
أرسل بواسطة: النسيم المهاجر في 13:21 25/02/2013
شكرا لكل الاصدقاء لتهاني والرب يوفقكم


تاريخ التقديم  4-8-2008
  اولى          6-8-2008
محلفين       4-9-2008
  موافقه     4-10-2008
  وبعدين دورة شهر 1 من 2009

وبعدها بصمات مترين خلاال سنتين ونص
وفحوصات كل سنه مرة عدا 2011 لانه هاي السنه ولا شي سوولي
        وسنه 2012 سويت فحصين بيناتهم 6 اشهر واخر فحص جان 12-9-2012  وهذا جان انعاد 12-3 لو مامسافر

واني اعتقد كل التاخير ديصير من الاي او ام لانه همة بيدهم اخرون ارسال المعاملات او بتقصدون على ترك التجييك الامني يصير اكسباير ويعيدون يرسلو لانه لو تشوفون فايلي من انفتح بالمطار الامريكي عبالك ملزمه مال توجيهي بيدهم دياخرون الناس .لانه بالمنطق لو متاخرة الامنيه وبواشنطن مجان الاوراق مكومه الا جايه مليون مرة وخاليها تتكوم .\\\

               النسيم المهاجر