ankawa
منتدى الهجرة واللجوء => الهجرة و واللاجئين => الموضوع حرر بواسطة: apple iphone في 18:01 07/03/2013
-
السلام عليكم شباب
للأسف اليوم خابروني بلغوني بتأجيل موعد مقابلة المحلف ومن سألت الموظف شنو سبب التأجيل
جاوبني انو التاجيل لأسباب تقنية وان شاء الله تكون عالوجبات القادمة بس محدد موعد جديدي
بس الغريب بالموضوع كلي دزينالك ايميل جاوبنة علية ومن فتحت الايميل لكيت كاتبين
2013نأسف لإعلامكم أنه قد تم إلغاء موعد مقابلتكم المقررة يوم
مع المنظمة الدولية للهجرة وذلك بناء على طلبك. سنحاول تحديد موعد مقابلة آخر لاحقاً وسيصلكم اشعار عن طريق البريد الاكتروني نعلمكم فيه بالموعد الجديد.
زين شنو بناء على طلبك ؟ وشنو من خارني يكليلي اسباب تقنية ؟
تحياتي
-
حسبي الله و نعم الوكيل عليهم السفله ، دفره بيهم و الله لا يوفقهم شنو هالخرابيط و الغباء ، حسبي الله عليهم ، الله كريم اخي ان شاء الله تعالى قريبا جدا تكون مقابلتك مال المحلفين بس كول يا الله .
-
ابد مو خوش خبر...الله لاينطيهم لازم يشلعون كلب الواحد... شنو هالخربطه ليش يلعبون باعصاب العالم ..صديقي انشالله ميتاخرون عليك بتحديد موعد جديد الهي يسهل امرك...تمنياتي لك بالموفقيه
-
اخي هما مخربطين .... اني بلمقابلة الاولى هم اجالو المقابلة بس بلايام يعني جانت 16 كالو تاجلت 22 فمن خابروني على التاجيل كتلهم اكدولي ودزولي مسج ع الايميل كالو اوكي ودزولي الرسالة على الايميل بنفس التاريخ مال مقابلة الاولى واني هم احتاريت كمت دزيت الهم وكتلهم شنو سالفة المقابلة متأجلت رجعو خابروني وكالو احنا نعتذر على اعادة ارسال الرسالة المقابلة تأجلت. وبعدين دزولي موعد المقابلة الصحيح.... فهما مخربطين :-X فا انت ارسل رسالة الهم وكلهم شنو بناء على الطلب مالتي انو اجلتو انى ممراسلكم على التاجيل ؟؟؟ ...
الله يسهلك انشاء الله
-
اخوية العزيز ... خبر محزن جداا ... لكن ان شاء الله يحددولك موعد ثاني وقت قريبااا
بالنسة لرسالتهم وعبارة " بناءا على طلبك " اتصور التأجيل صار نتيجة خربطة وسوء ادارة من قبل الموظفين . واتصور الايميل من يرسلولك اياه يدزون نسخة من الايميل للجهات الاعلى منهم حتى ينطوهم خبر.. فكتبوا هيجي حتى ما يتعرضون للمسائلة من الجهات الاعلى منهم على سبب التأجيل.
هذا تحليلي للامر ... والله اعلم !!
تحياتي .... برنسو
-
حسبي الله و نعم الوكيل عليهم السفله ، دفره بيهم و الله لا يوفقهم شنو هالخرابيط و الغباء ، حسبي الله عليهم ، الله كريم اخي ان شاء الله تعالى قريبا جدا تكون مقابلتك مال المحلفين بس كول يا الله .
طبعا ما اسولفلك شكد انغثيت لان قبلها بساعة خابروني كلولي عالمعود مرة ثانية انو ديذكروني خاف ناسي هههههههههههه بس شنسوي الحمدلله علة كلشي وكل تأخيرة وبيها خيرة
اشكرك وردة
-
ابد مو خوش خبر...الله لاينطيهم لازم يشلعون كلب الواحد... شنو هالخربطه ليش يلعبون باعصاب العالم ..صديقي انشالله ميتاخرون عليك بتحديد موعد جديد الهي يسهل امرك...تمنياتي لك بالموفقيه
اي والله خربطة وشلعان كلب بس شنسوي لازم نتحمل والله كريم . اشكرك اخوية العزيز وان شاء الله نقابل سوة
اتمنالك كل الموفقية وردة تحياتي الك
-
حرامات و الله مو خوش خبر .. يعني اذا ممضبطين امورهم ليش دينطون موعد قابل الناس ناقصه مغثه .. يله اخويه شسوي ان شاء الله يحددولك موعد قريبا .. تحياتي الك
-
اخي هما مخربطين .... اني بلمقابلة الاولى هم اجالو المقابلة بس بلايام يعني جانت 16 كالو تاجلت 22 فمن خابروني على التاجيل كتلهم اكدولي ودزولي مسج ع الايميل كالو اوكي ودزولي الرسالة على الايميل بنفس التاريخ مال مقابلة الاولى واني هم احتاريت كمت دزيت الهم وكتلهم شنو سالفة المقابلة متأجلت رجعو خابروني وكالو احنا نعتذر على اعادة ارسال الرسالة المقابلة تأجلت. وبعدين دزولي موعد المقابلة الصحيح.... فهما مخربطين :-X فا انت ارسل رسالة الهم وكلهم شنو بناء على الطلب مالتي انو اجلتو انى ممراسلكم على التاجيل ؟؟؟ ...
الله يسهلك انشاء الله
ههههههههههههه حشة من تنكال بوجهه الغباء موهبة اذا لهدرجة هيج طريقة شغلهم تعبانة .. وبالنسبة الي اكيد حدزلهم ايميل حتة نفتهم
اشكرك اخوية العزيز واتمنالك كل الموفقية
-
اخوية العزيز ... خبر محزن جداا ... لكن ان شاء الله يحددولك موعد ثاني وقت قريبااا
بالنسة لرسالتهم وعبارة " بناءا على طلبك " اتصور التأجيل صار نتيجة خربطة وسوء ادارة من قبل الموظفين . واتصور الايميل من يرسلولك اياه يدزون نسخة من الايميل للجهات الاعلى منهم حتى ينطوهم خبر.. فكتبوا هيجي حتى ما يتعرضون للمسائلة من الجهات الاعلى منهم على سبب التأجيل.
هذا تحليلي للامر ... والله اعلم !!
تحياتي .... برنسو
تسلم حبيبي برنسو الورد .. طبعا تحليلك نفس تحليلي لان الموظف اللي خابرني من كلي اتئجلت مقابلتك كتلة بس اذا امكن اريد اعرف سبب التاجيل كلش ارتبك ضل صافن ثواني جان يكلي احنة جدا اسفين بس التاجيل صار لأسباب تقنية وانتة حتكون مقابلتك قبل الكل عالوجبات القادمة .. وطبعا الايميل دازلي من ايميلة الشخصي مو من ال ic فأني شحسوي حجاوبة عالايميل واحط ال ic بال cc مال ايميل حتة افتهم شنو الوضع لا واليغث 3 مرات خابروني كل شوية للتاكيد خابرناك انو رح تجي بحيث حسيت بروحي وزير الداخلية شنو هالاهتمام هههههههه
اتمنالك الموفقية يا وردة
-
حرامات و الله مو خوش خبر .. يعني اذا ممضبطين امورهم ليش دينطون موعد قابل الناس ناقصه مغثه .. يله اخويه شسوي ان شاء الله يحددولك موعد قريبا .. تحياتي الك
اي والله علة كولتك الناس مناقصة مغثة بس نكول الله كريييييييييييم واشكرك جدا عالمسج واتمنالك الموفقية يا ورد
تحياتي اخوية العزيز
-
طبعا اني و انته و الاخ صفاء نفس تاريخ التقديم و تقريبا حته المقابله الاولى و الفحص الطبي .. و تلاثتنه مقابلة المحلفين نامت عليها شتايكرايه هم مو طابوكه هههه .. ما نكول غير الله كريم و ان شاء الله تفرج على الجميع .. تحياتي الك ورده
-
طبعا اني و انته و الاخ صفاء نفس تاريخ التقديم و تقريبا حته المقابله الاولى و الفحص الطبي .. و تلاثتنه مقابلة المحلفين نامت عليها شتايكرايه هم مو طابوكه هههه .. ما نكول غير الله كريم و ان شاء الله تفرج على الجميع .. تحياتي الك ورده
اي صح اني وصفاء جان فحصنة الطبي بنفس اليوم .. يلة ان شاء الله نتشاوف بمقابلة المحلف او وراها نسافر بطيارة وحدة ماطول كلشي سوة ههههههه وتصير سوالف . الله كريم ويارب الفرج للجميع .. تحياتي اخي العزيز
-
ههههههه ان شاء الله اخويه ابل الورد .. يا رب تفرج
-
اخي العزيز صاحب الموضوع
طبعا اتمنى ارفع روحك المعنوية بس راح اسولفلك شصار وياية تاجل المحلفين 3 مرات يعني 3 رسايل ابلاغ موعد مقابلة و3 تلفونات ابلاغ و3 تلفونات تاجيل ههههههههههههههه ب 2011 راد يصير بيه سكر بذاك الوقت وكان المفروض اقابل محلفين شهر السادس بس قابلت شهر السادس بس ورة سنة هههههههههههههه يعني 2012 يعني ورة سنة من الموعد وهاي مال تقنية فاشلة وحجة واهية وحتى شلون اتذكروني ورة 9 اشهر كتلهم يابه ترة اني عدي طلب ورقم قضية كلولي سديتو الملف حتى الواحد يكدر يرتب وضعه بدون مساعدتكم كلولي اسفين تلفونك مغلق احنا اتصلنا بيك كلش هوايه يعني ماعدي ايميل ههههههه ذولة شلة مال سرسرية وليومك هذا المحلف ماصار مكتمل والملف بانتظار النتيجة يعني لو حابل بديناصور جان جبت علما انه المقابلة الاولى اواخر 2010 بدايات 2011 اخي من قابلت اولى هم تعاركت ويه هذا العربي الاجرب الاسود لان اني رزلته ويمكن انتقم مني ورة ميظهر المهدي ياله يطلعلي لجوء