ankawa
منتدى الهجرة واللجوء => الهجرة و واللاجئين => الموضوع حرر بواسطة: mrlooseurself في 20:48 10/03/2013
-
السلام عليكم جميعا
اخواني الاعزاء اليوم وبعد عناء وشقار وانتظار طويل للاتصال من المنظمة الدولية للهجرة iom عمان ... اتصلوا بية 7 مرات وجنت نايم ولحكت ورا دقيقتين بالضبط وجاوبتهم ...
طبعا قبل هذا اني دازلهم رسالة من اسبوعين تقريبا سائلهم بيها على حالة ملفي وكايللهم صبري نفذ واني اتهجولت واتبهذلت وحياتي بخطر والخ
طبعا رديت على الاتصال واذا بها أمرأة وتكولي حضرتك فلان كلتلها نعم.. كالت وياك المنظمة الدولية للهجرة عمان .. كلتلها اهلا وسهلا
كالت حضرتك تشعر بتهديد مباشر والخ ممكن تحجيلنا شنو نوع التهديد ونفس الكليشة مال قبل ثلاث اربع سنوات من قدمتلهم
كلتلها اختي الفاضلة اني اكو ناس وراية امقدمة ونفس الكيس والاحداث واني لحد الان خايف ومتهجول من مكان لمكان .. كالتلي ابقى وياية لحظة وكامت اتجكجك على الحاسبة كدامها مبين والمكالمة جدا واضحة وكلتلي احجيلي شنو صار وياك واني كلتلها قصة صارت وياية فعلا بمطعم كاعد بالمنطقة وجانوا جيش الوردي كاعدين المطلق صراحهم من الحكومة الموقرة بعد ان قتلوا واراقوا الدماء والناس تعرف بهالشي بس الناس مسالمة ومابيدها شي .. وكلتلها اشروا علية وذبولي حجي انو اني جنت اشتغل ويا الامريكان والخ
كالت اشوكت هالشي صار وياك ؟؟ كلتلها تقريبا قبل شهرين ... وكعدت تكتب او تطبع على الكيبورد .. وراها سألتني مرة اللخ اي منطقة كلتلها المنطقة ووراها كلتلي وين تبات انته وتتردد كلتلها على المنطقة .. ورجعت وكتبت وكلتلي لحظة من فضلك ورجعت وسألتني اي تهديد تشعر بي مباشر لحضرتك وحضرتك ممكن تتصل بينا ومن هالبنج اللي كل مرة يكولونه
كلتلها اختي الله يخليج ممكن تكوليلي ملفي وين واصل ..؟؟ كلتلي انته ع التجييك الامني او بالضبط كلتلي انته بالامنيات
كلتلها والفحص الطبي مالتي شو ناس عادت واني صارله اكثر من سنتين .. جان تكول انته الفحص مالتك اكسباير بس من نحتاجه ممكن نكولك تعيده الفحص
عاد اني سكتت لان جنت هستوني كاعد من النوم ومابية حيل احجي وسكتت
كلتلها شكرا كالت مع السلامة
رجعت فتحت الايميل و لكيت الرسالة اللي كالعادة ورا مايتصلون بالواحد يدزوها وهية همينة ام البنج.....
يااخوان اني هسة اتأكدت من شي مهم جدا
بيني وبين نفسي ايقنت انو الاي او ام او المنظمة الدولية للهجرة مو نزيهة وابصم بالعشرة مو نزيهة والدليل انو المنظمة هاي من عمان وبيد اردنين اي عرب ... والعرب عمرهم مانظفوا امام العراق ويكرهون العراقي لو مااعرف شيسويلهم مو يزرعلهم الدرب ذهب
والدليل القطعي الاخر انو الرسالة دتجي من عمان... بحيث وراها مباشرة الرسالة اجتني ونص الرسالة
Thank you for your email,
For general case status inquiry, we encourage you to visit IOM website at https://www.jordan.iom.int/refinfo/ to receive an instant case status update.
As per our phone conversation, your current situation will be taken into consideration
A careful review of our records indicates that your case is currently pending U.S. Government security reviews which are required for all refugees prior to departure for the United States. We are unable to predict when the security checks might be completed, as this process is under the authority of various agencies in the United States and beyond the control of IOM. When the results are made available to IOM, we will contact you with update accordingly.
Kindly be informed that if you would like to learn more about the current status of your case, you can visit the following website:
-
اخوية العزيز
اولا يا ريت تغير اسمك وكن متفائل لان رب العالمين موجود وهو ارحم من الاردنين ومن المنظمة ومن امهاتنا علينا فلا تيأس واني وياك الانتظار خبلنا مو بس دمرنا بس شتسوي وهذا الاتصال اني اجاني ما اعرف ب 2011 لو 2012 لان اخوك عتيك تقديم شهر الواحد 2010 ومقابلة اولى شهر التاسع 2011 والثانية شهر الثامن 2012 دتشوف الفروقات بالتواريخ فمرة همين كتبت الهم والله اتصلوا واتفاجءت كالت اذا شعرت بتهديد اتصل بينا ولاتتردد كتلها اوكي لعد انتظروا مكالمتي الجاية من القبر لان راح اكون مقتول كالت شنو كتله طبعا دا اكلج مطارد شلون احجي بعد هالمرة افلتت المرة الجاية شلون فسوولي حل وليومك هذا اني كاعد منتظر الامنية الكشرة......فالله كريم وارحم الراحمين
اخوك النعيمــــــــي
-
شكرا للرد مالتك .. وبالنسبة لاسمي مااكدر اغيره جدا اسف لان جان اصلا غير اسم ومرة رديت على واحد هجين بالمنتدى حشاك
وسوولي الي حظر ..
الله كريم اخوية ان شاء الله نسافر كلنا
واذا انته تكول عتيج اني اعتج تره 2009 والمقابلة الاولى 2010 والثانية 2011 والكفيل شهر السابع 2011 ولحد يومك هذا انتظر الامنية الكشرة وراح يصير انتظر سنتين تقريبا الا شهر
-
ههههههههههههههه حلوة هاي مال هجين بس صراحة عجبني اعرف شهجنو يعني منو ابو ومنو امه تحياتي الك يا ورد
-
اني من شهر الثاني 2010 انتظر وب2007 مقدم يوان وانتوا حسبوا تحياتي لصاحب الموضوع اخوكم جاك بلاك عمان انشالله سفركم وسفري قريب باذن الله
-
والله ماعتقد انت اقدم مني
اني من سنة 2008 بشهر الخامس وانت احسب وهياتني يمك
المهم
اللخ يسهل امرك
بالنسبة للـ IOM
اني جنت موظف وياهم وماشفت ناس تاخذ شغلها بهمة ونشاط وتركيز واجتهاد مثلهم
وهذا الكلام مو دفاعا عنهم وانما واقع عشته سنتين بالشغل
المشكلة ان الكيسات هواية واكثر مما تتصور والموظفين عددهم محدود والدونر مايقبل ينطي اكثر حتى الستاف يكون اكثر ببغداد وعمان
يعني المشكلة مو بيهم وانما بعدد العراقيين الطالبين للهجرة وبالتمويل واكو سبب فوك هذني كلهن وهو بطئ الاجراء الامني من امريكا
هذا باختصار وياريت لو الواحد قبل ما يكتب يتأكد وينصف المقابل
موفقين اجمعين
السلام عليكم
-
ههههههههههههههه حلوة هاي مال هجين بس صراحة عجبني اعرف شهجنو يعني منو ابو ومنو امه تحياتي الك يا ورد
ههههههههههههههههههههههههههههه خوش سؤال ! شنو اللي هجنوا بالضبط ، حي الله النعيم و حي الله اخونه صاحب الموضوع و ان شاء الله الفرج القريب جدا لكم و لنا ، أمين يا رب العالمين .
-
النعيمي والتميمي وال جبور والاخ بلاك جاك شكرا للردود وحياكم الله