ankawa

منتدى الهجرة واللجوء => الهجرة و واللاجئين => الموضوع حرر بواسطة: المهندس البغدادي في 08:11 11/03/2013

العنوان: مرض ابني سبب في تأخر فيزتنا
أرسل بواسطة: المهندس البغدادي في 08:11 11/03/2013
السلام عليكم جميعا
واحب اشكركم على كل المشاركات والمواضيع الجميلة الي دتطرحوها و المعلومات المفيدة والبشائر الي تتناقلوها واحب اكون واحد منكم وصديق للجميع واحب اشارككم حزني وقصتي (احنا عائلة من بغداد عدنا طفل وحيد اسمه يوسف وعمره 4 سنوات ونص عدنا كيس اس اي في ومقابلتنا كانت في الشهر السادس 2012 .. كل شي كان تمام وجميل ومشى بصورة صحيحة وفي يوم 23 سبتمبر بالتحديد استلمنا ايميل انه السفارة تطلب ارسال الجوازات لغرض اصدار الفيزا وقرينا الايميل اكثر من 3 مرات وبعد نصف ساعة اختفى الايميل من البريد الوارد ولم يعد له وجود ..غريبة مو محد يصدك ..طبعا ارسلنا ايميل طلب تأكيد للسفارة عن ارسال الجوازات لو لا وبلغناهم انه الايميل الوارد منهم اختفى يمنا وما حضر اي رد منهم بعد عموما في هاي الفترة كان ابننا يوسف يعاني من صخونة والم في البطن ونحول وتعب في يوم 25 بنفس الشهر وبعد معاينته من اكثر من طبيب تم اكتشاف مرض اللوكيميا بالدم في يوسف وبدون مسببات وبدون سابق انذار وما نعرف شنو وشلون ومنين لانه هذا المرض ما معروفة اسبابه ويصيب الاطفال من عمر سنتين الى 10 سنوات , المهم رب العاملين سخر له طبيب في الهند اخناه ورحنا الى الهند وفي الطريق الى الهند بالتحديد يوم 2 اكتوبر واحنا في مطار ابو ظبي نزلنا ترازيت فتحنا الايميل بالموبايل للتخاطب من الطبيب الهندي استلمنا رد السفارة بأنه نعم ارسل جوازاتكم بأسرع وقت ممكن ولكن شلون دزينالهم ايميل انه ابننا تمرض باللوكيميا وانه نحن في الطريق الى الهند لعلاجه ونطلب منكم انه تنتظرون علينا فترة قصيرة لحد ما نرجع ونرسل الجوازات وكان ردهم ايجابي وتمنوا الشفاء للطفل وانه نحن بأنتظار جوازاتكم وبدا العلاج ومرت الايام العصيبة يارب محد يمر بيها ابد ,, وكان بين فترة واخرى احنا نراسل السفارة ونعلمهم بتطورات الوضع مع العلاج وانه صعوبة رجعتنا لانه الطفل في مرحلة حرجة وبعد مروم شهرين اضطريت انه ارسل زوجتي ومعها الجوازات الى بغداد لتسليمها الى السفارة بعد انه تطمنا على وضع يوسف وبقيت اني وحدي مع الطفل بالهند بدون جوازات على امل صدور الفيزا سريعا ورجوع زوجتي ومعها الجوازات ومرت الايام وكلنا ننتظر بداية السنة الجاية مرت شهرين وماكو اي شي وبعدها قررنا سحب الجوازات ورجوع زوجتي النا لانه العلاج المكثف في الهند انتهى وبعد نريد نرجع الى بغداد ,, سحبت الجوازات زوجتي وجتي بأسرع طيارة النا ورجعنا ابننا الى بغداد وفور وصولنا خاطبنا السفارة انه احنا على استعداد تسليم الجوازات ولكن كان الرد انه نحن ان شاء الله على علم بظروفكم الصعبة ووضع ابنكم ولكن ما بيدنا شي وما نكدر نصدر فيزتكم اصبروا علينا ومرت الايام وماكو فيزا لحد الان والطفل مستمر على العلاج بظروف البلد وباحوال المستشفيات التعيسة والاطباء الغير كفؤين بعلاج مرض مثل هذا المرض .. واملنا انه تبدي اصدار الاس اي في سريعا لكل الناس ويارب ينقل ابننا للعلاج في امريكا وينجيه من المرض الخبيث الي يعاني منه ويشافي كل المرضى يارب ,, نكول الحمد لله على كل حال لوكنا سلمنا الجوازات يوم 23 سبتمر ما كان كدرنا ننقذ حياة ابننا وكانت الخلايا السرطانية واصلة بهذاك التاريخ الى 80 بالمية ,, الحمد لله على اختفاء الايميل والحمد لله على عدم تسليم الجوازات والحمد لله على علاج ابننا ,, نتمنى يارب الكل يسافرون ويتوفقون ويأمنون لاطفالهم مستقبل حلو ودولة بيها خير ودعواتكم النا بصدور الفيزا وشفاء ابننا اسف على الاطالة وشكرا لوقتكم ويارب يستمر التواصل
اخوكم
المهندس البغدادي
العنوان: رد: مرض ابني سبب في تأخر فيزتنا
أرسل بواسطة: um shaheen في 08:27 11/03/2013
رحمتك ربي
بالبدايه اخويه العزيز الف الحمد لله والشكر على سلامة الغالي ابنك يارب يحفظ ويشافي ان شاء الله
ودعاء من قلبي وانا غريبه عنك ياربي يا ألهي يعجل بسفر بالقريب العاجل لخاطر ابنك المسكين ويارب مشافاه ان شاء الله وربي يريحكم ويشفي ابنكم
تحياتي
اختك ام شاهين
العنوان: رد: مرض ابني سبب في تأخر فيزتنا
أرسل بواسطة: mandonar في 08:35 11/03/2013
بارب ...يشفى وتطلع الفيزا .........يعني بمثل هذا الوضع ما ادري شكول غبر بالدعوة الكم بالسفر وشفاء يوسف ويكبر وتزوجوه وتفرحون بيه وان شاء الله يكبر معافى ويفرح بطفولته ....الله يساعدكم بهاي الشدة واني كل يوم دعواتي بالشفاء الى يوسف لان اني ام وراح تكون دعوة ام ....والله تالمت جدا جدا  يا اخي  ............يارب الشفاء والصحة والسلامة للوردة مالتنا يوسف
العنوان: رد: مرض ابني سبب في تأخر فيزتنا
أرسل بواسطة: PARADISE في 08:40 11/03/2013
يارب الشفاء العاجل للطفل المسكين ولا تنظروه بيه اميننننننننن
ويارب تفرحون بالفيزة والفرج العاجل غير اجل الكم


اختكم/ ام محمد
العنوان: رد: مرض ابني سبب في تأخر فيزتنا
أرسل بواسطة: المهندس البغدادي في 08:44 11/03/2013
الله يبارك بيكم جميعا ويحفظكم من كل سقم ومرض ويحفظ ذريتكم ويسهل اموركم للخير
العنوان: رد: مرض ابني سبب في تأخر فيزتنا
أرسل بواسطة: y3soob في 08:47 11/03/2013
اخوية المهندس.. الف سلامه و لا باس على ابنكم يوسف و ان شاء الله تشوفوه كدام عيونكم يكبر و تفرحون بتخرجه و زواجه.. و متعرف الله سبحانه و تعالى شلون يرتب الامور.. ان شاء الله مثل ما حفظه الكم و شافاه من المرض يسهل امركم بالسفر و تستلمون الفيزا باسرع وقت.. الله يشافيه و يعافيه و يشافي كل مريض
العنوان: رد: مرض ابني سبب في تأخر فيزتنا
أرسل بواسطة: Abdullah2006 في 09:08 11/03/2013
الله يكتبله الشفاء ان شاء الله ويوم سفركم باسرع وقت بأذن الله
العنوان: رد: مرض ابني سبب في تأخر فيزتنا
أرسل بواسطة: m.mansour في 09:16 11/03/2013
السلام عليكم

الله يتم على ابنكم الشفاء والله يحفظه ويخلي

لن يصيبنا الا ما كتب الله لنا ولازم تعرف ان الله يسبب الاسباب والحمدلله على كل حال

وان شاء تصدر الفيزه وترتاح وتسافر

تحياتي للجميع
العنوان: رد: مرض ابني سبب في تأخر فيزتنا
أرسل بواسطة: abn_albld في 09:29 11/03/2013
نطلب من العلي القدير ان يشمل ابنك بعنايته وان يعجل بسفركم انه السميع المجيب
احوكم
ابن البلد
العنوان: رد: مرض ابني سبب في تأخر فيزتنا
أرسل بواسطة: أسراء الوردة في 09:49 11/03/2013
السلام عليكم ورحمة الله وبركاته

الأخ الكريم

أعانكم الله العظيم على ما همكم ... وفرج عنكم ... وشافا حبيب قلوبكم يوسف

مهما تصف من حالكم أقول هو أختبار وأبتلاء والحمد لله رب العالمين لاتجزع وكن من الشاكرين

ولتفرح بأثنتين شفاء الحبيب يوسف ورضا رب العالمين


أختكم -  أم يوسف
     عمان
العنوان: رد: مرض ابني سبب في تأخر فيزتنا
أرسل بواسطة: أبو الحكم في 10:42 11/03/2013
اخي المهندس البغدادي الله يشافي يوسف والله ينطي الصحة والعافية ويارب تشوفوا يكبر كدام عينكم ويتزوج وتشوفون اطفال اطفاله , بس يااخي عندي كم سؤال لحضرتك , مرض اللوكيميا مابي الاعراض اللي حضرتك ذكرتها باول مرة من اكتشفتوا المرض !!! وحضرتك ممسويله تحليل دم قبل ؟؟؟ ثانيا يااخي وين جنت من زمان وماقدمت على برنامج الــ SIV , ثالثا كلنا نعرف انه حاليا اجراءات SIV صارت اصعب واعقد من اجراءات الــ IOM بسبب انسحاب الجيش الامريكي من العراق وتغيير الاستراتيجية بالعمل في السفارة , وموضوع سحب الجوازات وعدم اعطائها في اول طلب لهم ترى مو قياس لسرعة السفر لان اكو هواية ناس انطت جوازاتها وظلت اشهر واشهر وماجتها فيزا واضطروا لسحب الجوازات بعدها , تمنياتي لك بالسفر العاجل وشفاء ابنكم وسلامة الوصول الى بلاد العم سام .
العنوان: رد: مرض ابني سبب في تأخر فيزتنا
أرسل بواسطة: Emerald في 11:05 11/03/2013
الف الحمدلله على سلامة يوسف الحلو وربي يحمي ويشفي ويحفظه ويفرحكم بي وبشبابه ان شاءالله وتشوفوه احسن الناس
وان شاءالله الله يسهللكم سفركم ويوفقكم يارب وصدكني اخي كل تاخيرة بيها خيرة والحمدلله على كل حال
الله يفرجها عليكم وعلينا وعلى ضائق يارب العالمين
واخي نصيحة من اختك عليك بالصدقة مهما كان انتمائك الديني ترى الصدقة تنجي من اغلب المصاعب والمشاكل
وان شاءالله متشوفون شر يارب


تحياتي اختك
Emerald من سورية
العنوان: رد: مرض ابني سبب في تأخر فيزتنا
أرسل بواسطة: *Ray في 11:13 11/03/2013
الله يشافي ويحفظلكم اياه ان شاء الله ويارب تفرحون  بالفيزه و السفر القريب


                                                            راي  / تركيا
العنوان: رد: مرض ابني سبب في تأخر فيزتنا
أرسل بواسطة: المهندس البغدادي في 11:32 11/03/2013
تحياتي لكل الطيبين ويارب يسلمكم ويبارك بيكم واشكركم على مشاعركم بالنسبة للاخ "جار الانتظار" والله مرض اللوكيميا هو مرض خطير وخبيث وما يبين بسهولة على المريض وخلال فتر قصيرة يقضي على المريض اذا ما تم اكتشافه هوة بيه نوعين المزمن والحاد والي صار بيوسف هو النوع الحاد الي يكون سريع الانتشار ويصيب الاطفال بالتحديد هاي الاعراض مالته واني اتمنى الله يسلم كل الناس منه بس لازم يكون اكو متابعة على الاطفال يعني لحد يستهين بأي اعراض .. مثل ما ذكرت اعراضه هوة ارتفاع درجات الحرارة والم معدة ونحول واصفرار الوجه يعني بالضبط اعراض ابو الصفار احنا توقعنا ابو صفار لكن بتحليل الدم بين انه لوكيميا وبالنسبة للمعاملة مالتنا احنا ما مقدمين على اي او ام واول ما جتنا فرصة تقديم على الاس اي في قدمنا بس الحمد لله على كل حال ,,اما موضوع طلب الجوازات اول مرة بالشهر التاسع من طلبوها كانو ديصدرون الفيزا وكل شي كامل لكن الي صار انه حنا تفاجءنا بمرض الطفل وهمة ما اكدو موضوع الايميل مالتهم الي اختفى لهذا صار تفاوت والعوائل الي طلبو جوازاتهم بنفس الفترة هسة بامريكا ,, يارب يكتبها للجميع وان شاء الله التأخير بيه صالح للجميع واشكركم مرة ثانية واشكر الاخت العزيزة من سورية والله الصدقات جارية على نية شفاء يوسف والحمد لله انه بخير ويارب يشفيه ويكمل علاجه ويكون بردا وسلاما عليه بجاه حبيبنا محمد عليه افضل الصلاة والسلام
وشكرا
تحياتي
العنوان: رد: مرض ابني سبب في تأخر فيزتنا
أرسل بواسطة: sparky في 11:36 11/03/2013

لااله الا الله ولاحول ولاقوة الا بالله
نسال الله العلي القدير ان يشافي مريضكم ومرضانا ومرضى الجميع اللهم امين بجاه رب العالمين .
العنوان: رد: مرض ابني سبب في تأخر فيزتنا
أرسل بواسطة: A.J 47 في 11:49 11/03/2013
لا الله الا الله
ربي شافي وعافي كل مريض انك ارحم الراحمين
والله يا اخي ما اعرف شكولك واني اقدر وضعك اني عندي اطفال 2 اذا واحد منهم مرض اضل من يمي الوب والليل ما انامه
اخويه الغالي ان شاء الله خير وشويه اجرائات الاس اي في بالفتره الاخيره متنحسه جدا ان شاء الله خير
وتسافر باقرب وقت الخاطر يويو ويتلقه افضل علاج
العنوان: رد: مرض ابني سبب في تأخر فيزتنا
أرسل بواسطة: Wingo في 12:13 11/03/2013
أسأل الله العظيم رب العرش العظيم أن يشفي و يعافي إبنكم يوسف و أن ينعم عليه بالشفاء التام
و أسأله تعالى أن يجعل يوسف قرة عين لكم
و يا رب تطلع الفيزا بسرعة حتى تقدرون تعالجوه في أفضل و أحسن المراكز في أمريكا
العنوان: رد: مرض ابني سبب في تأخر فيزتنا
أرسل بواسطة: baghdad antigen في 12:14 11/03/2013
اخونا المهندس اتمنى من الله ان يشافي يوسف و ان شاء الله ما عنده غير الصحه و العافيه .. و يا رب تفرج و تسافرون باقرب وقت
العنوان: رد: مرض ابني سبب في تأخر فيزتنا
أرسل بواسطة: s350thebest في 12:34 11/03/2013
يا الله.
العنوان: رد: مرض ابني سبب في تأخر فيزتنا
أرسل بواسطة: ابومريومة في 12:38 11/03/2013
الف الحمد لله على سلامة يوسف
ربي ييسر امركم ويشفي ولدكم ويحفظكم من كل مكروه

العنوان: رد: مرض ابني سبب في تأخر فيزتنا
أرسل بواسطة: Nawfal_Alfadly في 12:56 11/03/2013
نسئل العلي القدير الشفاء العاجل ليوسف بحق مريض كربلاء ويعجل بسفركم ان شاء الله 
العنوان: رد: مرض ابني سبب في تأخر فيزتنا
أرسل بواسطة: ام اديان في 13:03 11/03/2013
لا حول ولا قوة الا بالله  
الله يشافي ابنك باسرع وقت ويطيه الصحه والعافيه ويكتبله العمر الطويل بجاه النبي محمد وبجاه كل من اله جاه عند رب العالمين .
والله يسهل الكم سفركم والله دعوة من قلبي  لخاطر الولد المسكين  وهسه العلاجات تطورت  وحاول تنطيه الاشياء اللي تزود نسبة الدم وتحافظ على الكريات البيضاء سوي بحث عالنت على الاعشاب الطبيه تلكه هوايه واستشير الطبيب .احنه هم صارت عدنه الحاله بالعائله بس لشخص كبير ونفس الاعراض اللي ذكرتها وكالو ميفيده غير عملية زرع نخاع العظم ومموجوده بالعراق واصلا مايتحمل عمليه وتعرف شلون الطب عدنه متطور بالعراق .
الله يكتب لابنك السلامه وتفرح بيه ان شاء الله
اختك ام اديان
العنوان: رد: مرض ابني سبب في تأخر فيزتنا
أرسل بواسطة: احساس عاشق في 17:58 11/03/2013
اسئل ربي ان يشفي ابنك وتشوف احفادة

ويارب يكتب سفركم بااسرع وقت

العنوان: رد: مرض ابني سبب في تأخر فيزتنا
أرسل بواسطة: غــريـبــه!!! في 20:41 11/03/2013
يارب يوسف يصير زين وتشوفه كدامك رجال وابد ميحرمه من الضحكه وانشاء الله يعيش حياة حلوه بامريكا بالقريب العاجل يارب
العنوان: رد: مرض ابني سبب في تأخر فيزتنا
أرسل بواسطة: ام راما في 21:58 11/03/2013
يالله يارب شافي يوسف وكتبله الصحه والسلامه يارب استجاب لدعواتنا
الله يسهلك اخويا ويسر امرك باذن الله
اختك ام راما
العنوان: رد: مرض ابني سبب في تأخر فيزتنا
أرسل بواسطة: @المهندس@ في 22:54 11/03/2013


أخويه الغالي ابو يوسف
الله يشافي أبنك بجاه النبي يوسف عند ألله
ويارب يكون هذا التأخير لمصلحة علمها  عند الله وحده

واسأل من ألله ان يكون سفركم قريباُ وتصلون بسلام وتكتب لنا عن يوسف وتفرحنا باحلى أخباره


تحياتي وتمنياتي لكم بالشفاء لولدكم والفرج القريب بإذنه تعالى

اخوك@المهندس@
سوريا / دمشق
العنوان: رد: مرض ابني سبب في تأخر فيزتنا
أرسل بواسطة: سرب الطيور في 23:00 11/03/2013
الحمد لله على سلامة ابنك اخوية ربي يشافيه ويعافيه ويدفع عنه بحول الله وقوته هذا المرض ويلبسه ثوب العافية
بجاه رب العالمين واسال الله ان يسهل امركم ويعجل بسفركم عن قريب ويقر عيونكم بولدكم الغالي اللهم دعوة غريب لغريب
تمنياتي لكم بالتوفيق وراحة البال
اختكم سرب الطيور
العنوان: رد: مرض ابني سبب في تأخر فيزتنا
أرسل بواسطة: abuhatem في 00:01 12/03/2013
ملاحظة مهمة اخي البغدادي
قبل سنتين كان معانا عائلة عندهم بنتهم عمرها خمس سنوات مصابه بنفس المرض ، انطوهم سفر الى مدينة سان خوزيه في كالفورنيا ، وفيها افضل مستشفى متخصصة للعلاج من هذه الحالة
الحمد لله بنتهم تحسنت بعد ما اخذوا من نخاع امها والان هية بالمدرسة
كذلك البنت حصلت على تقاعد وكذلك لم يطلب من امها وابوها ان يعملوا ولذلك فان مساعداتهم مستمرة وعايشين بحمد الله.
العنوان: رد: مرض ابني سبب في تأخر فيزتنا
أرسل بواسطة: ehab282003 في 07:59 12/03/2013
دعاء غريب ...

ياربي بجاه حبيبك محمد وبجاه كل مؤمن صالح ... تشفي يوسف وين ما كان ... وياربي تفرح قلب اهله بيه ... ويرجع وكح مثل الاول

اني اب واعرف شنو معناها تشوف ابنك مريض والنوبه بهيج مريض

ياربي تسافرون باقرب وقت وبدال الفرحة فرحتين

تحياتي الكم
[/size][/b]
العنوان: رد: مرض ابني سبب في تأخر فيزتنا
أرسل بواسطة: سيناريو في 10:53 12/03/2013
الله يساعدك ويشافي ابنك بحق الحبيب محمد صلى الله عليه وسلم