ankawa
منتدى الهجرة واللجوء => الهجرة و واللاجئين => الموضوع حرر بواسطة: Heading 270 في 14:16 14/03/2013
-
السلام عليكم جميعا
اكو احد حضر مقابلات اليوم بال IOM ... شنو الاخبار اكو احد حصل على خبر مفرح لو نفس الحجي ونفس القاوانه .
تحياتي
-
الظاهر انو محد رايح .... اي لانه بهدله .. وانتظار .. ونتيجه ماكو يعني نفس القاوانه .
تحياتي
-
والله العالم ملت حتى من الاستفسار وكل منروح نفس الكليشة مال الامنية ومو من يمنا ومنعرف شوكت وبيد الدوائر الامريكية اذا هو الجواب واحد ومو كافي ولا شافي للاجئ الي روحه طالعة والله الي يعلم بحاله وشلون ديشطب ايام ليش يسوون يوم للاستفسار خو يبلغون العالم ماكو استفسار وخلص اذا تسالهم على فصل ملف يكللولك مو من مصلحتك واذا على تغيير ولاية مو من مصلحتك ما ادري هي مصلحتنا بس بالانتظار الله كريم وانشاء الله تفرج همه والله جوزوا العالم حتى من الاستفسار بالتليفون بطريقة الاجوبة وجوزوهم من المراجعة والله يسهل امر الجميع
-
السلام عليكم والله رحت الساعة 6 الفجر ولكيت كدامي 122 واحد ونفس الكلام والكليشة الامنية شعدهم غيرها والله كريم ماعدنة غير الانتظار جمعة مباركة للجميع ان شاء الله الاسبوع الجاي بي اخبار حلوة للجميع
-
أخت مها والأخوة الأعزّاء
آني رحت ساعة 5 الة عشر دقائق وكان تسلسلي وية الحاظرين 51
دخلت ب 8 ونص وطلبت مدير القسم الأجنبي أسمة مايك وهوة يمكن لو ايطالي لو يوناني
علعموم أجاني لأن آني مشتكي عليهم لأن معاندين مديفصلون كيساتنة
نقاش حاد وياه نصف ساعة وهوة يماطل
آخر شي كتلة أنتة مافدتني وآني رح أستمر بشكواي ضدك وضد المنظمة وعفتة وطلعت
هوة كّلي لأ أنتظر نتناقش بعد
كتلة آنتة تظييع وقتي وآني حريص على وقت الناس
تريد تقابل
يعني رزلتة بأدب
همة يماطلون وكذابين وأنتو عليكم بالظغط عليهم بشتى الطرق والله الموفق
أخوكم
Baguncero
-
والله ياخوية نتوسل بالايميل وبكل مقابلة استفسار وبكل تليفون على فصل الملفات حته واحد من العائلة يخلص ويطفر من الجدر بس ميقبلون ويكولون مو راح تتاخرون ونكلهم احنه هيج هيج متاخرين يكولون موبمصلحتكم ونفس الاجوبة اذا انت تروح 200 اسم المن والمن يقابل المدير مبقت بس رحمت رب العالمين والله يفرجها على الجميع ومسوين يومين بالشهر استفسار همة لو كل اسبوع ميلحكون لانه العالم تعبت من الانتظار
-
أخت مها أكتبو طلب بالأيميل ودزوه الهم وأنطو نسخة لواشنطن و ل نيويورك و لسويسرا و للمدير ولكل الي تعرفوهم
هسة ثاني يوم تشتغل عليكم التلفونات من موظفة المحجبة أسمهة أمل الي تكعد بالأستعلامات الداخلية وتنظم عمل الموظفين الي يقابلونة هذولة الكلاوجية ليكولونة تجييك أمني من أمريكا مو من عدنة و ممبين عدنة أي شي ومن يصير شي نتصل بيكم ويذبولنة كشر موز و يفتحولنة الباب ويكولونة الله وياك يال منحدر من ننزل الدرج وياخذون بلشهر كل وحدة 3000 دولار لي هية رئيس وزراء الأردن مياخذ هلكّد وحسبنا الله نعم الوكيــــــــــــــــــــــــــــــــــــــــــــــــــــــــــــــــــــل
آني مرح أجوز منهم
وتجيج الأخبار بأذن واحد أحد
Baguncero
-
اشكرك عيني عالجواب والله يفرجها عليك وعلى الجميع بس والله صار ادز كم ايميل ومن اروح باقي الربط قوي وراح اسوي بمشورتك وادز بعد ايميل والله كريم وبالموقع الملف الثاني الامنية مكتملة ومن اخابرهم وابلغهم اريد فصل الكيسات يكلي على اي اساس تفصلين وانتوا بعدكم عالامنية ويكلي همزين نبهتيني بالموقع مكتملة حتى ارجعها انتظار والله بس استفزاز الله وكيلك مع العلم احنى حتى الملف الثاني امال العائلة اكتمل ورجع انتظار والسفر انتظار وهاي صار 3 اشهر والله كريم وشكرا مرة ثانية
-
أختي العزيزة
أكو الشكوى مالتي بموضوع نزلتة آني يمكن صار بالصفحة الثانية مال المنتدى تكدرين تنسخيهة وتعدلين عليهة رقم الكيسات والمعلومات
وتدزيها على شكل شكوى
لا تدزيهة ل ic@iom.int فقط
زيهة الى كل الجهات المعنية ومن ظمنهم طبعآ المنظمة سويسرا و واشنطن و نيويورك و المدي ومساعد المدير ومراقب اليو أن وأي عنوان احنة نزلناه بالمنتدة أنطيه نسخة من أيميلج ... لأن مو بس أنتي وآني عدنة هاي المشكلة مال الربط القوي هواية أصدقائي وعوائل المنظمة عمان ديلعبون بأعصابهم
توكلوا على الله وخلي ابالكم كلشي ميكدرون يسوولنة أبدآ
ألة أحنة نطلب غلق الكيس فقط
أحنة أصحاب حق وهمة حرامية حشاكم
الله يوفقكم