ankawa
منتدى الهجرة واللجوء => الهجرة و واللاجئين => الموضوع حرر بواسطة: zazo في 18:00 15/03/2013
-
السلام عليكم ... ياريت اعرف هل اكو احد مثل حالتنا ... انا ملفي مع امي ربط قوي الامنيه مالتي طلعت وتصير اكسباير وترجع وامي صار ثلالث سنوات ونص مده تجي امنيتها ومدا اعرف شنو السبب وموقع ال اي او ام مدا اكدر ادخله .. حتى الكفيل والولايه غيرتهم وماكو فايده ... اكو احد يعرف شنو الحل ...؟؟؟
-
الله يساعدج اختي سوي تسجيل على الموقع وشوفي وهسة تسهلج الامور
-
الله يساعدج اختي ويفرجها عليج والله احنا هم نفس الحالة 3 كيسات ربط قوي وصار 3 سنوات ننتظر الامنية وماكو
يارب الفرج من عندك
اختج
Emerald من سورية
-
الله ايكون بعونك وبعونة جميعاا اختي الحال من بعضة
ماعدنة غير الصبر والله كريم
-
الله يعينج ويعينا اختي كلنا نفس الحال
احنا هم ملفين ربط قوي بس مرة اكتملت امنياتنا سوة وصار السفر انتظار وبالدورة التثقيفية رجعت امنية ملف واحد انتظار
وهسة تخلص وحدة وترجع الثانية انتظار وهكذا على هالحطة من شهر العاشر 2012 ولحد الان
الله لاينطيهم العافية للاي او ام لعبو بمقدراتنا ولا هامهم شي ولا حاسين بمعاناتنا
بس الله ماينسى عباده قادر يفرجها علينا وعلى الجميع امييييييييين
نسال الله الفرج القريب للجمييييييييع
تحياتي اختي العزيزة
-
الله يسهل اموركم اني مريت بهل تاخير واعرف شكد صعبه بس ماكو عدنا غير الله
-
أخوتي الاعزاء
zazo
slam hawk
حسين الجبوري
Emerald
PARADISE
ثفتي بالله كبيرة
لا املك الا ان ارفع يدي لله سبحانه وتعالى , متوسلا ان يمن عليكم برحمته وعونه ويفرجها عليكم بالقريب العاجل , امين يا رب العالمين .
-
والله يا اختي الله يعينج ويعين الجميع كلنا نفس الحالة كيسين ربط قوي تخلص امنية والثانية هم تخلص وماكو كلشي ومن ترجع وحدة منهم يكلولج موبعدج عالامنية يابة مو كملت الامنية ومسويتو جارة يكولون مو من عدنا من امريكا وعلى هل الوضع وصدكي مو بسبب الربط هذا التاخير لانه اكو هواية عالم ربط قوي وديطلعلهم سفر بس صحيح اكو تسريع بس عشوائي ومنعرف الاسبقية المن بالتسريع والله كريم انشاء الله تفرج على الجميع
-
أخوتي الاعزاء
zazo
slam hawk
حسين الجبوري
Emerald
PARADISE
ثفتي بالله كبيرة
لا املك الا ان ارفع يدي لله سبحانه وتعالى , متوسلا ان يمن عليكم برحمته وعونه ويفرجها عليكم بالقريب العاجل , امين يا رب العالمين .
بارك الله بيك اخي الفرج 2 الله يرحم والدينا ووالديك
-
اختنا العزيزة
موضوع الربط القوي ذكره احد الاعضاء قبل فترة طويلة ونقلا عن شخص امريكي كال احد الاسباب الرئيسية لتاخير السفر هو الربط القوي بين الملفات وبالضبط كان قوله انه تكمل امنية وتدخل الثانية اكسباير وهذا بالفعل الي ديصير بينة ونصح بعدم جعل الربط قوي
انا ربط قوي مع والدتي الكبيرة بالسن وبها من الامراض الكثير حيث السكر العالي الذي تاخذ ثلاثة جرع انسولين وضعف شديد بالنظر بحيث درجة الروئية عندها متر واحد وغير واضح وجلطة بالقلب وعجز بنسبة 40% وتضرر اعصاب العين والقدم اضافة الى اعصاب المعدة بحيث ان حالة الغثيان والتقيؤ عندها مستمرة ومصابة ايضا بمرض فقر الدم الوراثي (الثلاسيميا )بحيث تحتاج الى نقل دم بين فترة واخرى وارتفاع بضغط الدم
بس احد يكولي شلون ما اسوي الربط القوي ؟يعني امراة مع كل هذه الامراض شلون تسافر؟اي مو اني انطيها جرع الانسولين 3 مرات واني اسويلهة الاكل وانطيها الادوية بايدي لا ن تاخذ بحدود 11 حبة دواء يوميا وخلال السنة الاخيرة دخلت مستشفى 4 مرات بالاردن يعني اضطريت ابيع البيت بالعراق هتى اكدر اغطي مصاريف علاجها بالمهجوم الاردن مع العلم كل التقارير الطبية موجودة عند الاي او ام ومخليت ايميلات والاستمارة 7001 وغيرها وصارلي سنتين تقريبا انتظر الامنية علما اني مقدم يو ان من عام 2007
اسف طولت عليكم بس والله الواحد من همه ميعرف شيسوي ووين يروح مانكول غير حسبنا الله ونعم الوكيل
-
الله يعين ويشافي الوالدة رب العباد انشا ء الله وصحيح هاي الحالات الربط بيها قوي يعني الشخص يكون مجبور انسانيا بالربط فالمفروض ياخذون بنظر الاعتبار هاي الحالات وميكون التسريع عشوائي مثل منشوف الله يسهل امركم
-
هلو
رجاءا الفرج2 لتنساني من دعائك
اشكرك
واشكر كل اللي موجودين بالمنتدى لكل كلمة انكتبت وساهمت بزيادة المعرفة لدى الاخرين
تحياتي
Mrlooseurself
-
يا الله.
-
رحمتك ربي
يارب السفر القريب العاجل لكل المنتظرين ان شاء الله
تحياتي
اختكم ام شاهين
-
السلام عليكم ... حقيقه خجلتوني بكرم اخلاقكم وعلى كلامكم وردودكم الجميله الرائعة ... وانتو تعرفون الي بالغربه والي ماعنده احد يتعلق بكلمه من ناس مثل حالته ... انا صح عايشه بالاردن بس هم ماعندي احد يساعدني او يعرفني اخر الاخبار ... المشكله ان انا كمان والدتي عندها باركنسون وجلطات بالقلب والمشكله الاكبر ان العلاج بالاردن كلش غالي ... والله انا روحتي اول شي واخر شي بس علمودها وعلمود الرعايه الصحية الي مده نلاقيها هنا ... ويارب يفرجها على الجميع ويسهل الامور ... وشكرا جزيلا على كل حرف كتبتو
-
اخي العزيز بارك الله فيك والله يكون بعونك طبعا هاي المشكله الكل يعاني منها واني واحد من الناس كنت اعاني منها وبصراحه مالها غير حلين اما تنتظر رحمة الله وتبقى مع الوالده العزيزيه الله يشافيها ويعطيعا الصحه والعافيه الى ان تكتمل امنيتكم انتوا الاثنين باذان الله تعالى وتسافرون بخير وسلامه او الحل الصعب ان تفصل الملفات وتسافر وهذا الحل صعب عليك لانه والدتك مريضه وماعدها احد فالله يكون بعونك وانشاء الله تقرج عليكم انتوا الاثنين
-
الله كريم....التفكير مو سهل بهذا الموضوع.
-
اختنا العزيزة
موضوع الربط القوي ذكره احد الاعضاء قبل فترة طويلة ونقلا عن شخص امريكي كال احد الاسباب الرئيسية لتاخير السفر هو الربط القوي بين الملفات وبالضبط كان قوله انه تكمل امنية وتدخل الثانية اكسباير وهذا بالفعل الي ديصير بينة ونصح بعدم جعل الربط قوي
انا ربط قوي مع والدتي الكبيرة بالسن وبها من الامراض الكثير حيث السكر العالي الذي تاخذ ثلاثة جرع انسولين وضعف شديد بالنظر بحيث درجة الروئية عندها متر واحد وغير واضح وجلطة بالقلب وعجز بنسبة 40% وتضرر اعصاب العين والقدم اضافة الى اعصاب المعدة بحيث ان حالة الغثيان والتقيؤ عندها مستمرة ومصابة ايضا بمرض فقر الدم الوراثي (الثلاسيميا )بحيث تحتاج الى نقل دم بين فترة واخرى وارتفاع بضغط الدم
بس احد يكولي شلون ما اسوي الربط القوي ؟يعني امراة مع كل هذه الامراض شلون تسافر؟اي مو اني انطيها جرع الانسولين 3 مرات واني اسويلهة الاكل وانطيها الادوية بايدي لا ن تاخذ بحدود 11 حبة دواء يوميا وخلال السنة الاخيرة دخلت مستشفى 4 مرات بالاردن يعني اضطريت ابيع البيت بالعراق هتى اكدر اغطي مصاريف علاجها بالمهجوم الاردن مع العلم كل التقارير الطبية موجودة عند الاي او ام ومخليت ايميلات والاستمارة 7001 وغيرها وصارلي سنتين تقريبا انتظر الامنية علما اني مقدم يو ان من عام 2007
اسف طولت عليكم بس والله الواحد من همه ميعرف شيسوي ووين يروح مانكول غير حسبنا الله ونعم الوكيل
الله يساعدك اخي والله اللي يشوف وضعك يتعاطف وياك اخي ندعي الله يريحك ويوفقك جزاء هذا عملك وهذولة الاي اوم ام ما اعرف شنو من بشر