ankawa
منتدى الهجرة واللجوء => الهجرة و واللاجئين => الموضوع حرر بواسطة: عائد الزبيدي في 23:00 16/03/2013
-
اخواني اريد مساعده لان تعبت واطفالي من الحبسه راح يتخبلون ولله اني عسكري ابغداد حماية مدير عام ابرتبة لواء ودخلت دوره ابمعسكر دبلن عند قوات حلف الناتو وبصماتي عند الامريكان والايطالين وموقعين عله الشهاده هسه اريد اطلع لان اتهدد اكثر من مره وصديق وجاري الي ايداوم وياي نفس الشي ضربو كاتم وهسه اطفالي لا مدارس وحته سوك ما نكدر نطلع لا اتهددنا ابيتنه اريد اطلع اقدم علىun وين اروح تركيا وعندي كفيل بستراليا خالت جهالي وابامريكا صديق ايرج جواب رجاءا رجاءا
-
السلام عليكم ورحمة الله وبركاته
الأخ الكريم
سافر الى تركيا بأسرع وقت ..... ولآ تنسى شيء من مستمسكاتك ..... وبعد وصولكم الى تركيا ... لكل حادث حديث
أرجوا لكم السلامة والتوفيق
-
اخي مثل مكلتلك الاخت اسراء اطلع بسرعة لتركيا وبدون محد يحس عليك وان شاءالله ربي يحميكم ويوفقكم
تحياتي اختك
Emerald من سورية
-
الله تعالى يحميك و يحمي عائلتك من كل شر
توكل على الله و إسمع نصيحة الأخوة و الأخوات
الله يفرج همك و يبعد عنكم الأذى
-
الله يحميكم من كل شر .مثل مكالت الاخت اسراء وحسب مااسمع بالمنتدى تركيا افضل مكان الك وهناك تكدر تقدم على استراليا .مااعتقد تكدر تقدم على امريكا وان شاء الله يدخلون الاخوان ويفيدوك.حاول لا تطلع من البيت او اذا عدكم اقارب حاول تطلع بسكته وتبقى يمهم لمن تكمل امورك حفاظا على نفسك وعائلتك .الله يحفظكم من كل سوء بجاه محمد وال محمد.
-
الله يعينكم ويحفظكم من كل مكروه
اترك بيتك لحين متسافر لاي مكان .. أجر او اكعد يم كرايب اي شي المهم لتبقة ابيتك
تمنياتي لكم بالسلامة بأذن الله
وان شالله الاخوة يفيدوك
-
اقرب واسرع طريق الك تركيا وهناك سجل عاليو ان واشرحلهم وضعك واستغل الوقت وكل مستمسكاتكم والباجات اخذها معك والله يحفظكم من كل مكروه واخي حاول تنتقل الى مكان أمن مؤقت لحين سفركم وبالنسبة في تركيا موجود السفر لامريكا واستراليا وتوكل على الله
-
اخي مو مشكلة كولشي يتصلح صدكني وان شاءالله تعيش انت وعائلتك حياة حلوة وتشوف اولادك باحسن الاماكن
وانت حاول اطلع لتركيا او لعمان وان شاءالله تتسهل امورك بس ادعي من الله التسهيل والله ميخذله عباده
تحياتي اختك
Emerald s سورية
-
الله يكون بعونكم ويحميكم ربي العزة امينننننننننننن
-
اخي شعندك باقي شمنتظر اطلع لتركيا او لجورجيا
انت هسه ماتعرف لحظة الصفر لاسامح الله وماتعرف منو الجهه
والله اني مريت بموقفك هذا وعفت كلشي وطلعت لكن اللي خدمني الفيزا كانت صادره
اخوي هاي مو مواجهه وبطوله هاي لعبه ويه جبناء مايخافون من الله
والله ذكرتني باخر ايام اللي ببغداد بس اني عرفت منو انت حاليا ماتعرف ياجهه ووين تروح
لوعندي مكان امن والله ماقصر عنك
شوف اخي انت لاتفكر بنفسك فكر باطفالك
اذا تحب دزلي رقمك عالخاص بلكي الله اشوفلك مكان مؤقت
وسيعلم الذين ظلموا اي منقلب ينقلبون
الله يحميك
اخوك
ابوسمسوم/ تكساس
-
اخي توكل على الله وسافر باسرع وقت واذا محتاج وقت ترتب امورك غير سكنك اليوم گبل باشر وبلنسبه لموضوع انت عسكري اعرف عسكرين هواي حاليا بامريكا ماكو اي مشكله بس اهم شي اخذ باجاتك وياك تمنياتي لك وللعائله ان يحفضكم الله من كل جبان غدار
-
السلام عليكم
اخي اللة يكون بعونك وعون عائلتك وأطفالك والناس اللي مثلك من العراقيين اللي نفس موقفك ربي أيسر أمرك ومن الضروري ان تخرج بمخرج صحيح بلسفر لاحد الدول كما وضحو لك الأخوة --- لانملك الا الدعاء بلخير والأمان لك ولعائلتك بلتوفيق
اختك الريمممم 2000
-
الله يحميك و يحفظك انت و عائلتك اخوية العزيز.. يمكن لو تطلع لتركيا يكون احسن الك و ان شاء الله بعدهاي المعاناه تعيش براحه و اسقرار انت و اهلك..
-
شكرا اختي ريم واخي الي من تكساس واني بديت ارتب اموري ومتابع في المنتدى واخذت معلومات استفاد منه و انشاله بأقرب وقت راح اطلع
-
الله يحميك والله بغداد صارت غابه وانكس محافظه
-
اتوكل على الله واطلع اخويه حافظ على حياتك وحياه أطفالك والله ينصرك بحق محمد وآل بيت محمد الطيبين الطاهرين
-
اخ عائد اذا ناوي تطلع لتركيا فشوف هاي الروابط تفيدك وتنطيك فكره عن تركيا وترتب امورك طبعا ووياك الاوراق والاثباتات
ووياك مبلغ مالي يسندك لان هنا ماكو رواتب او مساعدات مثل عمان تعتمد ع فلوسك
واكو محافظات رخيصه ان كانت مفتوحه للاجئيين تكدر تختار وحده منهه
http://www.ankawa.com/forum/index.php?topic=575330.0
http://www.ankawa.com/forum/index.php?topic=615824.0#bot
اختك راي / تركيا
-
أخي أذا تــكدر غــير مــنطــقتك
ورتب حالك وأشوف الاردن أحسلك
لأنه اللاجئين بتركيا هوووووواية وخصوصة من لاخوة السوريين
وأعــتقد الاردن بقه بيــها القليل عراقيين وسوريين اقل من تركيا
بس أظل الاقامة مشكلة
تقبل تحياتي
ابو ســماني
-
السلام عليكم ورحمة الله وبركاته
الأخ الكريم
أنصحكم بسماع الأخ محارب وبسرعة ....................
كذلك الأتصال بالأخت الفاضلة RAY وهي في تركيا وستفيدكم أكثر مما تتوقع :
دعائنا لكم بالسلامة ... والله خير حافظا وهو أرحم الراحمين
أستفاد من خدمة الرسائل الخاصة
مع فائق الأحترام والتقدير
أختكم - أسراء
عمان
-
الله يكون بعونك بدل مكانك وروح لتركيا
-
اشكرك اخي المحارب واسراء وابو سماني والاخت العزيزه راي للمعلومات الي ساعدتني بيه
-
مثل مكلتلك الاخت اسراء اطلع بسرعة لتركيا وبدون محد يحس عليك وان شاءالله ربي يحميكم ويوفقكم و الله يكون بعونك
-
اخويه اطلع بأسرع وقت ممكن تركيا / الاردن
اسلم ع نفسك وعائلتك لان الظاهر من كلامك انت مكشوف عدهم
اخي كل شي يتعوض الا البشر و اذا لاسامح الله صار عليك لو ع عائلتك شي
كلشي مايفيد / اخذ الاوراق المهمه وتوكل ع السفر
وبعدين مناك رتب امورك/ تحياتي
اختك اجونه عمان
-
اخي العزيز هيه مو بطوله ولا شجاعه انته بقائك ابمكان بي هلاك
اخي اني مستدعد ان استظيفك يمي اني ساكن في تركيه او رتب امورك بس راح تلكه مشكله انو المحافظه الي اني ساكن بيه مغلقه زالله لو المحافظه الي اني سامن بيه جان اني رتبتلك الامور كله من ايجار بيت الى اثاث منزلي بشرط ما تدفع ولا فلس بس كون الله يخليك اب محافظتنه اتوكل على الله او تعال الى تركيا او الله كريم
بس احسب احساب اطول من سنتين الى ثلاث سنين او انته او حظك والتوفيق من الله هسه اني اب اقل من سنه كملت كولشي بس السياقات اتغيرت لان الاجئين صارو اهواي لان الجماعة سوريا اثرو على الملفات
تحياتي
-
بقت عندي شغله متخوف منه اذا جوازي مختوم دخول لسوريه سنه 2011 سياحه عشرة ايام ياثر عله التقديم لو اغيره لان اني دخلت بي للهند للعلاج ايضا من اصابه وعندي كم سؤال اخصوص القصه اذا احد عنده خبر يساعدني حته اكدر اجمع الاوراق واصدقه من محاكم ومراكز شرطه
-
والله حسب علمي ما اعتقد ياثر لان انته راح يسئلوك انته امقدم ابسوريا تكدر اتكلهم لا اني ما مقدم ابسوريا يعني ما عندك اي ملف ابسوريا هذا حسب اجتهادي اني ما اعرف الاخوه عدهم راي ثاني ما ادري
اما الهند انته رايح للعلاج بس هذا اغلب العراقيين بس احفظ التواريخ الدخول والخروج يعني هاي تنسئل عليه
تحياتي
-
شكرا احمد واتمنه احصل عله احد مار ابهي الحاله
-
الأمس في 22:29
أرسلت بواسطة: احمدمالك
إضافة اقتباس
اخي العزيز هيه مو بطوله ولا شجاعه انته بقائك ابمكان بي هلاك
اخي اني مستدعد ان استظيفك يمي اني ساكن في تركيه او رتب امورك بس راح تلكه مشكله انو المحافظه الي اني ساكن بيه مغلقه زالله لو المحافظه الي اني سامن بيه جان اني رتبتلك الامور كله من ايجار بيت الى اثاث منزلي بشرط ما تدفع ولا فلس بس كون الله يخليك اب محافظتنه اتوكل على الله او تعال الى تركيا او الله كريم
بس احسب احساب اطول من سنتين الى ثلاث سنين او انته او حظك والتوفيق من الله هسه اني اب اقل من سنه كملت كولشي بس السياقات اتغيرت لان الاجئين صارو اهواي لان الجماعة سوريا اثرو على الملفات
تحياتي
الأخ الكريم .... الله يسر أمرك بحق لا أله ألآ الله
وفقتم للخير
أختكم -- أسراء
عمان
-
السلام عليكم ورحمة الله وبركاته الى الاخ عائد انا قبل ما اقدم على الهجرة كنت بسوريا لمدة اسبوعين سياحة وعند مقابلة المحلفة من الاسئلة التي طرحتها هي لماذا سافرت الى سوريا قلت لها لزيارة اخي عايش بسوريا مهجر هو وعائلته لاكثر من سنتين اقتنعت نوعا ما لكن تؤخذ بعين الاعتبار علامة استفهام واذا تقدر ان تطلع جواز جديد احسن واي سؤال اني حاضر وممنون ولك من الله الموفقية والنجاح