ankawa
منتدى الهجرة واللجوء => الهجرة و واللاجئين => الموضوع حرر بواسطة: ASRAA HASAN في 14:38 19/03/2013
-
سلام عليكم اخواني واخواتي المحترمين زوجي مقدم على الاي او ام وحاليا داننتظر الامنية والفيزا ايصير افصل ملفي عن ملفة حتى اسافر قبلة اني واطفالي لان ملينة من الانتظار والحياة صعبة بعمان ارجو الاجابة من اصحاب الخبرة
-
للرفع والمساعدة
-
طبعا اختي بيصير تقدمي مثل هيج طلب ..
ورح يسوولك مقابلة انتي وزوجك بهذا الخصوص ... طبعا يسالوكم عن السبب للفصل بالملفات ... وما اله علاقة لا برفض ولا بقبول
ويسوولكم فحص و سفر ... لكن هل انتي متاكده الموضوع رح يكون سريع جدا ...
و طبعا رح يفصل اسمك بملف لحالك و يصير عليك امنية او استكمال امنيتك وهل تضمنين انه تكون سريعه ؟؟؟
يبقه القرار الكم بالتاكيد انتو اللي تقدرون شنو الانسب ... بالتوفيق ان شاء الله
-
اختي العزيزة يصير عادي تسوين فصل بس تنعاد الاجراءات او ينعاد البعض منها ومحد يعرف شكد تطول بالتحديد اكو قسم يكولون 6 شهور وتسافرون واكو اقل واكو اكثر حاولي اسالي موظفين iom وبلكت يجاوبوج
لان احنا هم نفس الوضعية 3 كيسات ربط قوي بس من رحنالهم كنالهم نريد نفصل كلولنه لا لاتسوون فصل لان تنعاد الاجراءات ومتسوه لان بلكي تسافرون
وهاي صار 6 شهور على هالحجي وبعدنا مسافرنا
الله كريم الله يفرجها علينا وعليكم وعلى جميع المنتظرين
تحياتي اختج
Emerald من سورية
-
شرفني مرورج اختي emerald واني حاليا دا اشوف تجربة الاخوان والاخوات واذا تنعاد الاجراءات مال الامنية من جديد مااتورط اللهم يفرجها عليكم وعلينا
-
اختي العزيزه احنه قبل فتره دزينه ايميل للمنظمه نطلب بيه فصل الملفات لانه احنه اربع ملفات بالعائله .المنظمه مجاوبونه بس عرفنه انه الكيسات انفصلت لان 3 منهم انطوهم مواعيد سفر واحنه بقينه يعني اكيد الملفات انفصلت لانه ماانطونه موعد وياهم وكل شي ماعادو لا مقابله ولا فحص بالعكس تسرعت ملفاتهم لان مكملين كل شي.بس احنه مقدمين من بغداد مأعرف اذا الوضع بعمان يختلف .والله يسهل امركم ويعينكم على الظروف الصعبه.
اختج ام اديان
-
حبيبتي ام اديان شرفني مرورج انشاء الله ايسهل علينا وعليج
-
اختي العزيزة اسراء
احنا نفس الشي ملفين واحنا عائلة وحدة وهم طلبنا فصل الملفات وبعمان منصحونا لان كالو تتأخرون اكثر
وبعدين متعرفين منو ممكن يسافر قبل زوجج او انتي واولادج لان الاي او ام مينحزرون
فانتي شوفي الحالة اللي تناسبج وتصرفي او الاحسن صلي استخارة وربج يختارلج الخير
تحياتي /اختك من عمان
-
اختي العزيزة ثقتي بالله كبيرة الله يقدم مابيه الخير ويسهل امرنا وامركم شكرا على مرورج
-
اخت اسراء الله يعينج ويسهل امرج وامر الجميع
صحيح مثل مكلتي عمان غالية والحياة صعبة وكلها سنين دتمشي من عمرنا عوضنا على رب العباد ووالله كريم ولو هو الغلاء بكل مكان والله يعين جماعة سوريا غلاء وخطورة وجماعة بغداد ويا هل الوضع الله يحفظ الجميع
بس انتي مو ملفين ربط قوي انتو ملف واحد والتقديم باسم زوجج مو صحيح يعني اذا تفصلين طبعا راح تتاخرين لانه يعتبروا شبه تقديم جديد والله احنا جماعة الربط القوي بالعائلة الوحدة نريد نسوي ربط ضعيف صار كم شهر وديرفضون وكل منراجع يكولون تتاخرون اكثر واحنا دننتظر والله كريم
-
اخت اسراء الله يعينج ويسهل امرج وامر الجميع
صحيح مثل مكلتي عمان غالية والحياة صعبة وكلها سنين دتمشي من عمرنا عوضنا على رب العباد ووالله كريم ولو هو الغلاء بكل مكان والله يعين جماعة سوريا غلاء وخطورة وجماعة بغداد ويا هل الوضع الله يحفظ الجميع
بس انتي مو ملفين ربط قوي انتو ملف واحد والتقديم باسم زوجج مو صحيح يعني اذا تفصلين طبعا راح تتاخرين لانه يعتبروا شبه تقديم جديد والله احنا جماعة الربط القوي بالعائلة الوحدة نريد نسوي ربط ضعيف صار كم شهر وديرفضون وكل منراجع يكولون تتاخرون اكثر واحنا دننتظر والله كريم
اشكر مرورج اختي مها والله ايعين اخوانا بالعراق وبسوريا يعني انت نفس حالتي واذا اعتبروه تقديم جديد ماسويت شيء احسن النا ننتظر وعينا بعين رب العالمين