ankawa

منتدى الهجرة واللجوء => الهجرة و واللاجئين => الموضوع حرر بواسطة: سوسو اسو في 15:16 20/03/2013

العنوان: السلام عليكم جميعا
أرسل بواسطة: سوسو اسو في 15:16 20/03/2013
يعني داكلب بالحاسبه داشوف منين تشتغل ... لان مداتذكر
خخخخ
يابه السلام عليكم شلون الصحه؟
هوايه ناس اكو طول وياهم الانتظار .. ومن ضمنهم اصدقائنا الي بعمان ودعناهم وكلنالهم ياله شهرين وتلحكونه ولحد هسه ماكو اي خطوه ليكدام
فنكول الله يساعدهم ويساعد كل الي ينتظروون

الحمد لله احنه زينين .. بلشنه بدفع الفواتير والاجار
واحنه بلشنه بالفواتير منا وقللو ساعات شغل رجلي منا خخخخ
بس الحمد لله مكدور عليها لحد هسه

طبعا احنه تفاجئنه انو لازم نبلش بدفع الاجار من هسه
لان جان لازم المنظمه تدفع شهر الثالث هم واحنه ندفع من الشهر الرابع

بس دزيت الفاتوره للمنظمه ورجعولياها وكالو انتو ادفعوها لان فلوس الولكم مني مالتكم خلصت
زين اوكي .. بلغوني .. كلولي الميزانيه مالتكم متغطي الشهر الثالث تره ..
مع انو احنه بوكتها اخذو من عدنه فلوس 3 اشهر اجار من الولكم وعلى اساس ال 3 اشهر اللخ البرنامج يدفعها
يعني اكو فلوس شهر مختفيه ... عموما ميخالف مو مشكله

جان عنده موعد الجرعه الثانيه مال لقاحات قبل فتره
طبعا المفروض المنظمه تخابر تذكرنه بالموعد او حتى تودينه
واني لا اريدهم يذكرونه ولا يودونه .. احنه نعتمد على نفسنه
اني مسجله التاريخ واخذت اجازه ورحت للموعد بيومها
خابرتني الكيس وركر تكلي عفيه اليوم عدكم موعد لقاحات لازم تروووحون تره ميصير تره ماعرف شنو
كتلها حبيبتي اني هناك .. جان تكلي اووو ريحتيني

وبالموعد يكلولي وين الكيس وركار مالتكم .. كتلهم ماعرف اني جيت وحدي

فبأختصار يا اخوااااان لحد يعتمد على المنظمه
واذا تجون على الحقيقه اني مضايجه من الموضوع لان صارلنه شكد هنااا مو مال يدارون بينه لحد هسه
والكيس وركار هوايه عوائل براسها

داكسر وجبر شسوي خخخخ

المهم فدفعنا اجار الشهر الثالث وفاتوره مال يوتيليتيز متأخره ممدفوعه المنظمه مدافعيها
وهسه دازيلي فاتوره ب 1300 دولار المجمع يردوني ادفعها
اليوم المفروض اروح اوقع عقد التجديد فأريد اشوف شنو سالفه ال 1300
لان مال ادفعها جذذذذذب

نرجع نحجي بالاهتمام مالتهم هنا
ذاك اليوم اني وبالشغل بديت احس بتعب مبين بدايه مرضه
المنجر مالتي كل شويه تجي تكلي ليش متروحين للبيت ؟ وكلها لا اكدر اكمل
وباقي الموظفين هم كل شويه ها شلون صرتي شحاسه ماعرف شنو
المهم اني جبرت نفسي ان ابقه لنهايه الدوام .. لان ثاني يوم عندي اوف فكلت ميخالف
وبيومها بالليل ... وضعي ادهور جدااا فزوجي خابر مره نعرفها عراقيه من زمان
ديسألها وين اوديها بهل ليل ... تكله خابرلها الاسعاف ماطول عدكم مديكيت ابلاش
يكلها خاله يا بلاش اني بيا حال ...خخخخ
هي مال اسعاف هو وهوسته وي وي وي ايه الفدايح دي ...
المهم والله اخذنه عنوان مستشفى ورحنه فتنه للطوارئ بعدين من اجه الطبيب
بس فات من الباب كتله لرجلي كوم صرت زينه .... يعني والله شوفة الطبيب اطيب الواحد
اهتم كلش بيه من غير الشقه والضحك .. واني بالكوه اضحك لان تعبانه
بحيث طلعنه من المستشفى بال4 الفجر ميته نعس ورحنه لصيدليه اشترينه الادويه

همزين عندي اوف ثاني يوم بس ضليت 5 ايام ما اسوق
لان الادويه الي اخذها ممنوع اسوق وياها

الي ويايه بالشغل حبابين وكلهم مشجعين
الحمد لله

زوجي قبل فتره امتحن امتحان السياقه ورسب
هو يكلي اني رسبت من وراج خخخخخ .. لان البنيه الي صعدت وياه بالامتحان محبتني
داحجي وياه قبل متجي دا انطيه نصائح جتي بدون متسلم جان تكلي روحي اوكفي هناك
كتلها اوكي رحت هناك .. جان تكلي لا مو هناك فوتي جوه للديبارتمينت
شنو فوتي جوه؟؟ بكيفي واكفه بالشارع شعليها وين اوكف
اني من امتحنت وكفو همه هنا والناس هياتها واكفه بصفي ويباوعون على جماعتهم من ديمتحنون
فأني لبستها   :P .. وضلت مخنزره عليه ومعاجبها
وزوجي خطيه يوزعلهااا ابتسامات وشعللها تبريد وجان ديبخ بالريحه قبل متجي خخخخخخخخخخخخ
ماكو مشه منا لهنا جان تكله ممشيت باللين مالتك انو مشه على اساس مو بسايده
بس هيه اكو سياره طابكه يعني خوما يصعد فوكاها ههههه كلتله خلص الامتحان مرح نكمل انت رااااااسب خخخخخخخخخخخخ

والله اخذ موعد ثاني يوم راح امتحن وصعد وياه رجال ونجح الحمد لله  ;D

ااااي
المديكيت مالتنه يخلص بعد سبوعين يمكن
بالشغل عدنه تأمين صحي بس لازم ادفع 100 دولار علشخص
فبعد اريد اسأل اشوف غير مكانات

الفود ستامب قدمنه قبل شهر على التجديد ولحد هسه ماكو خبر
وهو اصلا متجدد هل شهر جان لازم قبل 13 يوم يجدد بس اتصور هاهي

هذا كل ما في جعبتي لهذا اليوم
واشوفكم بخير ان شاء الله  ;D


العنوان: رد: السلام عليكم جميعا
أرسل بواسطة: دبس و راشي في 15:24 20/03/2013

والله  العظيم سوالفج نستني تعبي وهمي. والي صار بالبلد البارحة .
موفقة بحياتج خيتو .. والرب يحفظج ويحفظ ابو بيتج .
تحياتي
العنوان: رد: السلام عليكم جميعا
أرسل بواسطة: سوسو اسو في 15:32 20/03/2013
مقتبس من: دبس و راشي في 15:24 20/03/2013

والله  العظيم سوالفج نستني تعبي وهمي. والي صار بالبلد البارحة .
موفقة بحياتج خيتو .. والرب يحفظج ويحفظ ابو بيتج .
تحياتي

اووو على الي صااار البارحه الله يعييين الي بالعراق
داكلب بالفيس بوك داشوف الصور مفزعه شوفتها للي ويايه بالشغل تخبلوو
بحيث البارحه رجعت للبيت ضايجه وطالعه روحي وزوجي ضايج ومطايق نفسه
واهلي ميجاوبوني .. هسه بهل لحظه ماما ياله كتبتلي
بس اني حجيت ويه كرايبي الصبح بالفيس كتلهم احد مات من العائله كالو لا
فشويه اطمنت
الله يفرجها على الجميع يارب
ياربي منريد غير بس تحفظ هل ارواح الي ابلدنه
العنوان: رد: السلام عليكم جميعا
أرسل بواسطة: ملكة بغداد في 15:32 20/03/2013
الله يوفقكم اختي ويبارك بحياتكم الجديدة
اسلوبج حلوة وفكاهي ومسلي ليش ما تسوين مضوع وتسميه يوميات سوسو اسو هههههههههههههههههه

تحياتي
الملاك الحائر
العنوان: رد: السلام عليكم جميعا
أرسل بواسطة: اساور حمراء في 15:37 20/03/2013
حبيبتي سوسو اندمجت هواي بالاحداث الي مريتي بيهه وامنياتي الج بالتوفيق و تسهيل الامر

وزين سويتي ويه هاي البنية

تحياتي
العنوان: رد: السلام عليكم جميعا
أرسل بواسطة: امل الوصول في 16:23 20/03/2013
منورة حبيبتي سوسو و الله اشتاقينا طولتي الغيبة .
العنوان: رد: السلام عليكم جميعا
أرسل بواسطة: سوسو اسو في 16:44 20/03/2013
شكراااااااااااا الكم كلكم على الردوووود وان شاء الله اتواصل وياكم قدر المستطاع
والله يسهل امركم
تحياااتي للجميييع
العنوان: رد: السلام عليكم جميعا
أرسل بواسطة: baghdad antigen في 16:51 20/03/2013
السلام عليكم اختي .. ههههههه طبعا الموضوع كلش فكاهي و خلاني اطلع من الكابه العايش بيها .. تحياتي الج و اتمنالج التوفيق
العنوان: رد: السلام عليكم جميعا
أرسل بواسطة: Awsaws في 16:59 20/03/2013
ان شاء الله مزيد من التقدم والنجاح تستاهلون كل خير
العنوان: رد: السلام عليكم جميعا
أرسل بواسطة: ابو فرقان في 17:02 20/03/2013
هلة خيتي سوسو اسو طبعا اني من المنتضرين لمواضيعج بفارغ الصبر لان تعبر عن الواقع وتكتبين بوقعية وبروح فكاهية ربي يوفقج ويخليج وان شاء الله من نجاح الى نجاح
اخوكم
Dying to leave
العنوان: رد: السلام عليكم جميعا
أرسل بواسطة: NEW في 17:25 20/03/2013
حيل هواية مواضيع وكله لطيفة
الله يوفقج انتي وزوجج ان شاء الله

زين هسه منو يسوق السيارة انتي لو زوجج ؟؟؟
العنوان: رد: السلام عليكم جميعا
أرسل بواسطة: ابن الحله في 17:31 20/03/2013
هاي وييين شنو هالكطعه خير ان شاء بالله مشتاقيين لاخباركم ان شاء الله تكونون بخير بالتوفيق
العنوان: رد: السلام عليكم جميعا
أرسل بواسطة: alzandawi في 18:23 20/03/2013
الحمد لله من نجح. عيب يرسب مره لخ  تحياتي خيتي
العنوان: رد: السلام عليكم جميعا
أرسل بواسطة: espero في 19:04 20/03/2013
تمنياتي لكم بمزيد من النجاح والاستقرار وماعندك غير العافية خيتي
العنوان: رد: السلام عليكم جميعا
أرسل بواسطة: slam hawk في 19:06 20/03/2013
اي بالعافية عيوني
العنوان: رد: السلام عليكم جميعا
أرسل بواسطة: شنايزر في 19:22 20/03/2013
بالتوفيق ان شاء الله اخت سوسو
العنوان: رد: السلام عليكم جميعا
أرسل بواسطة: برنسو في 19:29 20/03/2013
عاشت ايدج اخت سوسو ... والحمد لله على سلامتج ... اتمنالكم الموفقية بحيااااااااتكم
العنوان: رد: السلام عليكم جميعا
أرسل بواسطة: lele200982 في 20:03 20/03/2013
مساء الخير اخت سوسو
مكانج خالي بالمنتدى ومشتاقين لسوالفج الحلوه
يا ربي الموفقية دائما
اختكم lele
العنوان: رد: السلام عليكم جميعا
أرسل بواسطة: cobraus في 21:18 20/03/2013
عاشت الايادي على هذا الموضوع الروعه
العنوان: رد: السلام عليكم جميعا
أرسل بواسطة: ابومريومة في 21:36 20/03/2013
منورة سوسو وان شاء الله الامور تتيسر اكثر وياكم والحياة لازم بيها تعب ومواقف صعبة في كل مكان

تمنياتي لك بالحياة السعيدة والموفقية والنجاح

تحياتي
العنوان: رد: السلام عليكم جميعا
أرسل بواسطة: Abdullah2006 في 21:46 20/03/2013
عاشت ايدك ع الموضوع الممتع
العنوان: رد: السلام عليكم جميعا
أرسل بواسطة: SIRAQS في 03:43 21/03/2013
هلو سوسو الحمدلله على السلامه ما اشوفين شر انشاءلله يارب  عاشت ايدج على هذا الشرح موفقين يارررررررررررررررررررب  وانشاءلله جماعتنه الي ب عمان يسافرون وتسهل عليهم انشاءلله


تحياااااااااااااتي
العنوان: رد: السلام عليكم جميعا
أرسل بواسطة: ORCA في 04:13 21/03/2013
اهلا سوسوا بصراحه المنطمه لاتفكرين بيها وانتوا شوفوا دربكم بنفسكم احسن وخلوا علاقتكم تكون بابو الملك احسن من المنظمه افضل وافتهموا كل التفاصيل منه اسال مجرب
العنوان: رد: السلام عليكم جميعا
أرسل بواسطة: *** القبطان *** في 11:51 21/03/2013
اهلا سوسو اسو  شلونج اخبارج والله مشتاقين لحجيج  شنو هالغيبة ان شاء الله اتكوونين بخير
العنوان: رد: السلام عليكم جميعا
أرسل بواسطة: سوسو اسو في 14:50 21/03/2013
مقتبس من: NEW في 17:25 20/03/2013
حيل هواية مواضيع وكله لطيفة
الله يوفقج انتي وزوجج ان شاء الله

زين هسه منو يسوق السيارة انتي لو زوجج ؟؟؟

عادي هسه ثنينه انسووق  :D
شكرااااااااااااااااااا لكل من شارك بالموضوع من ردود ومشاهدات
شكراااا لاحلى اصدقاء واهل
شكرااا لكلماتكم وامنياتكم الطيبه
شكرااا لـ:
دبس وراشي
ملكه بغداد
اساور حمراء
نور على
امل الوصول
baghdad antigen
awsaws
dying to live
new
ابن الحله
alzandawi
espero
slam hawk
شنااايزر
برنسو
lele200982
cobraus
hpdswat
Abdullah2006
ابو مريومه
SIRAQS
القبطان
orca

تحيااااتي الكم والله يسهلها على الجميع يااااااااااارب
سوسو اسو
العنوان: رد: السلام عليكم جميعا
أرسل بواسطة: Emerald في 15:28 21/03/2013
ههههههههههه والله اسلوبج بالكتابة يخبل طلعتيني من الكآبة
 الله يحفظكم ويوفقكم يارب


تحياتي اختج
Emerald من سورية
العنوان: رد: السلام عليكم جميعا
أرسل بواسطة: s350thebest في 15:57 21/03/2013
الله يوفقكم اختي ويسر امركم جميعاً ان شاء الله.
العنوان: رد: السلام عليكم جميعا
أرسل بواسطة: مها العراقية في 22:11 21/03/2013
الله يسهل امركم ويفتحها بوجهكم
وعاشت ايدج عالموضوع
العنوان: رد: السلام عليكم جميعا
أرسل بواسطة: ĈAŃDŶ في 01:35 22/03/2013
 :o نسيتي منين تشتغل الحاسبة  :o

الله يوفقكم عزيزتي  :-*
العنوان: رد: السلام عليكم جميعا
أرسل بواسطة: فنان في 19:42 22/03/2013
يا رب يوفقكم وييسر اموركم تحياااااااااااتي لك فنااااااااااااااان
العنوان: رد: السلام عليكم جميعا
أرسل بواسطة: سرب الطيور في 23:56 22/03/2013
اهلا اختي منورة حمدا لله على سلامتج ماتشوفين شر ان شاء الله
ربي يوفقكم ونسمع اخبار الخير عنكم دائما
تحياتي اختكم سرب الطيور
العنوان: رد: السلام عليكم جميعا
أرسل بواسطة: سوسو اسو في 17:10 25/03/2013
شكراااا للجميع والله يوفقكم يارب  ويفتحها بوجهكم
تحياتي الكم