السلام عليكم اخوتي وخواتي
حبيت انقل الكم اخر مستجدات اخوية BMW M5 مثل ماتعرفون انه هو وصل الى تكساس - سان انتونيو يوم 5 مارس والبارحة يلله استلم السوشل نمبر والفود ستامب وبطاقة الباص وباقي الايمبلويمنت كارد واتصلوا بي المنظمة لحضور دروس اللغة الانكليزية فحضر على الموعد وكان معا حوالي عشرة اشخاص او اكثر شوية كلهم عراقيين طبعا فبدا المحاضر يسالهم لمعرفة المستويات اللي راح يبدون بيها طبعا هي خمس مستويات كل اللي ويا مستواهم كان (low) يعني يبلشون من المرحلة الاولى والثانية هو الوحيد اللي راح يبلش ادفانس يعني مستوى الرابع والحمد لله وايضا كانت اكو فد حسنة انه نزل بالموبايل جدول مواعيد وخط رحلة الباص حتى يعرف الوقت والوجهة وفعلا يقول حضر الباص بالوقت المحدد وخط الرحلة يمي ياشر بالموبايل على حركة الباص الى ان وصلت للمنظمة والجماعة اللي ويا كلهم وصلوا متاخرين بين ضيعوا اسم المنطقة وبين حساب الوقت ومنهالامور .....طبعا هذا تاكيد عى كلام الاخت سوسو اسو انه الواحد لازم يكون قليل الاعتماد على الكيس ووركر لكثرة مشاغله ممكن ينسى مواعيدكم ......
ونهاية هذا الشهر عنده موعدين فحص ................والله يسهل على الجميع ويوفقكم ويسفركم