ankawa
منتدى الهجرة واللجوء => الهجرة و واللاجئين => الموضوع حرر بواسطة: ماضٍ مرير ومستقبل مهدد في 23:28 20/04/2013
-
السلام عليكم اخوان, الله يحفظكم من كل مكروه ويحقق امالكم ويوفرلكم الحياة الهانئة السعيدة النه والكم ولكل اهلنه العراقيين بالوطن وخارج الوطن ,اخوان بصراحة الوضع بالعراق مثل متعرفون من سيء الى اسوء وكلما نكول راح يصير حل لهذا البلد الجريح يزداد الوضع ظلام وقتل وتفجير وطائفية والظاهر العراق مقبل على مصير مجهول وصار الواحد ميأمن يرجع لهله سالم لان ميدري باي ساعة تنفجر يمه شغلة ويموت, وحقيقة تعرضت للموت مرتين بسبب الانفجارات لكن الحمد لله ستر سبحانه وتعالى ومع الاسف واحد منهن انقتل بيه ابن عمي وايضا بيبياتي قتلوهن الارهابيين وهن راجعات بطريق الحج حتى استشهدن بملابس الاحرام وغيرها وغيرها من اصدقائنه واقربائنه والحمد لله على كل حال والله يرحم كل شهداء العراق برحمته الواسعة , بالاضافة الى ان صار عمري 25 لاتعيين ولازواج فقررت اطلب اللجوء الى امريكا او على الاقل احصل اقامة دائمة هناك , فالي اطلبه منكم اخواني الاعزاء شون اكدر اطلب اللجوء ومنين ابدي والى وين اروح وشكد يحتاجلي مبلغ سفر وغيرها , الله يخليكم اخوان لاتقصرون بالجواب تره الموضوع مصيري وخير الناس من نفع الناس , قد يكون الموضوع سابقا مطروح بالمنتدى وان كنت دورت بنظرة خاطفة ملكيت شي والسبب بي اني مدورت زين لكن مع ذلك وان كان الموضوع قديم قد ميجيب على اسئلتي وقد تكون استجدت امور بموضوع المهجرين واللاجئين منطرحت سابقا, اعتذر على الاطالة لكن شسوي طالب الحاجة اعمى كما يقال, انتظر ردكم على احر من الجمر.
شكرا للجميع.
-
تبدي من التقديم للمفوضيه الساميه لشؤون اللاجئين في الاردن او تركيا على ان تكو لديك اثباتات دامغه على التهديد الذي تتعرض له
-
حبيبي الاخ ألن شكرا جزيلا على ردك وتفاعلك معاي لكن ممكن اذا تسمح تجاوبني شوية بنوع من التفصيل تحملني شوية مدام انت موطن نفسك لفائدة الناس:
1-اذا اريد اقدم من تركيا شكد ابقى هناك وشون اقدم والى اي دائرة اراجع وكم ممكن ابقى انتظر بتركيا ومنو الافضل من كل النواحي اقدم من تركيا لو من الاردن ؟
2-شون يعني اقدم ادلة دامغة على كلامي ومعاناتي بالعراق ومنين اجيب ادلة ؟
3-الرحلة ككل من البدأ باستمارة التقديم ولنفرض السفر الى امريكا والحصول على الاقامة شكد كلها تكلفني كمبلغ برايك ؟
اكرر شكري الك ولتفاعلك معاي وتعرف هاي الاسئلة من حق كل شخص لان الموضوع مصيري ويستحق مو سهل التجرد من كل شيء على امل قبولك كلاجىء في بلد غير بلدك ولكن شنو نسوي انا لله وانا اليه راجعون !
-
1- تقدم للمفوضيه الساميه لشؤون اللاجئين و هسه يجون جماعة تركيا يدلوك العنوان و تحتاج ما لا يقل عن السنتين في الاوضاع الحاليه حتى تسافر لدولة التوطين
2- لما تقدم رح يسألوك ليش طلعت من العراق و منو مهددك و ليش متكدر تعيش بي و كلامك لازم تثبته بادله على انو عودتك للعراق مستحيله
3- العمليه لا تكلف مبالغ ماليه و انما هي مجانيه تماما ماعدا قرض الطائره هذا هم متدفعه الا من توصل لامريكا و تشتغل
4- تحتاج فقط تدبر مصروفك الشهري في تركيا لحين السفر
-
اخي العزيز انته اول شي عاله لو وحدك
اذا كنت الوحدك المهم انته تجي بالباصات الى تركيا من بغداد او المحافظات الشماليه المهم
تجي اتقدم من انقره الي un او هوه يحددلك الحافظه الي راح تسكن بيه او ينطوك موعد مقابله نته اتقابل بيه او تحجي القصه مالتك قد تصل المقابله الاولى الى سنه ياله اتقابل بعد ما تحصل على القبول بعدين ينطوك بلد الاستيطان يحددولك البلد الي راح اتروح اله بعدين يسولك مقابله اولى بعدين اسوي مقابله المحلف اسوي الفحوصات او من بعده الطيران انشاء الله
او هاي الفتره اطول اكثر من سنتين يعني انته تحمل هاي الفتره لان الحيات في تركيا اشكد ما هيه حلوه بس ممله من كل النواحي لان انته جاي تنتضر نتيجه او تحسب احساب الايام اما بخصوص المبلغ الي تاخذه اوياك او يكفيك هذا الشي يعود الك انته او صرفك لان كل واحد يمدد على كد اغطاه
تحياتي احمد تركيا
-
الشكر الجزيل إلكم اخوان على ارائكم القيمة ومعلوماتكم المفيدة , فعلا اللجوء تجربة خطيرة وحياة محفوفة بالمخاوف ومملؤة بالتحمل والتصبر !
الله كريم الخير فيما اختاره الكريم
(( العراق اليوم موت قبل الموت ))