السلام عليكم .... امس في مثل هاذ الوقت توجهت رحله عمري الى المطار متوجهه الى استراليا طبعا يوم الخميس الفات دمرو اعصابها المسكينه على اساس ان الغرامات ممدفوعه من ال UN وقالو لها انه ماكو وكت يدفعون لها الغرامات ولازم تاجل السفر او تدفعها هيه وبين الركض من ال IOM و ال UN اتصلو بيها وحكو لها ان ماكو هيج شي ومستشفى الخالدي غلطانيين .... والحمدلله رجعنا للبيت بعد ماطلعو عينها .... المهم هسه هيه بالجو الى مدينه مالبورن لان حتى خط الرحله غلط ... المفروض عمان كوالالمبور ميلبورن بس قبل كوالالمبور نزلوهم ساعتين ببانكوك .. ادعولها توصل بالف سلامه ويارب يوم كل واحد مقدم للسفر يطلع له باسرع وقت .... فراقك صعب يا رحلة عمري ياغالية .. الله يصبرني على الايام الخاليه من غيرك
السلام عليكم ياغاليين ..... الله الله على كلماتكم الرائعه الي ترفع معنويات الواحد وشكرا جزيلا على تمنياتكم لها بسلامه الوصول ... الحمدلله رحلة عمري اتصلت اليوم الفجر من مدينه ميلبورن والحمدلله هيه بخير وصحه ولو تعب الطريق وهوسه الساعه المقلوبه ينرادلهم كم يوم يله يتعود الواحد عليهم .... بالنسبه للغرامات الي تكلمت عنها وبما ان ماعدنا اقامه بالاردن العزيز فاكيد كل واحد يطلع عليه غرامات مدافعها اكو ناس كميه بسيطه واو لا مبلغ وقدره وكل واحد يسافر ياخدون جوازه علمود يشوفون كم الغرامات مالته ... بس استراليا ميطلبون هاذ الشي ليش ما اعرف . .... يارب يوم الي واحد يبشر الثاني بالسفر والكل يتواجد بهاذ المنتدى الغالي من البلد الي ناوي يروح له قرررررريبا يارب