مشكور ستيفن ع المعلومات وان شاء الله يستفادون منهه الاعضاء وبارك الله بيك
اختك راي / تركيا
تسلم اخويه الغالي ابو ليونا الورد ...والله كلامك ذهب ....دائما اصيل وتحب الخير للناس بارك الله بيك
والله عجيب ليش نخوف الناس بهذه الطريقه ...وخاصة الجدد الذين يحتاجون الى الامان والطمأنينه من اخوانهم القدامى
واكيد منطقه عن منطقه تختلف ...لذلك التعميم خاطيء
اكررشكري لك ابو ليونا الغالي....
اخوك ابو علي
بارك الله قيكم ولكم ياستيفن الطيب
أبدعت أبو ليونا الورد
بارك الله بيك
عاشت ايدك ابو ليونا الورد
والله كلامك ذهب
هذا الكلام وبس :D ;)
بوركت ابو ليونا
عاشت ايدك خوني
عاشت ايدك ياورد ... مابقه شي واجي يمك هههههههههه
معلووومات ررائعة جداا عااشت الايادي .....
ابو ليونا انا واحد من الناس تكلمت عن موضوع السود لان ابو مريم نقل النه المشاكل اللي يسووهة وايضا لدي اصدقاء في هيوستن يتكلمون عن نفس الموضوع وارجع واقول مو كلهم وطلايب العراقيين مو شوي والحمد لله....واكو مكانات تعبانه مثل ما تفضلت انت فالانسان يتحرى اين يسكن وانا سالتك عالعام والخاص عالمدينة واني هم سالتك على ساكرامنتو من قبل لان اثق برايك وبشخصيتك وكللي ثقة ستعطينا جواب من اخ لاخوانه .... اسف عالاطالة وشكرا وردة ....
ابو فرقان
رحمة والديك ابو ليونا اي ولله اني هم اضوج اسمع واحد هنا ويصرح انو مدينة هيوستن خطرة وسلب ومن هذا الحجي
ويكولون شوارعهة مخربطة من ناحية السير
شكرا ع التوضيح
تحياتي
عاشت ايدك حبيبي ابو ليونااا الورده
ورحمه الله والديك على هل الشرح الوافي وماقصرت ياذهب
:-*
السلام عليكم
اخوان بالفترة الاخيرة اجتلي اكثر من رسالة على الخاص بخصوص مدينة هيوستن وسمعت اراء وقصص مختلفة من بعض الاخوة اللي اعرفهم وبعض الاخوة اللي ماعرفهم واليوم حبيت اكتب بعض الامور المهمة اللي راح تبين وتوصل فكرة للي يريد يجي الى هيوستن او اللي وجهتة هيوستن
الولاية تنطي مديكيد للعوائل اللي عدهم اطفال دون ال 18
الولاية تنطي مساعدة التنقل من والى الذهاب لمواعيد الدكتور للعوائل
تنطي كولد كارد للي اعزب بس تنطي 10 دولار بكل روحة طبيب
الفود ستامب ماشي للكل وبدون استثناء
المدينة كبيرة
المدينة نسبتها السكانية كبيرة جدا
الشغل بيها متوفر بشكل غير طبيعي وهذا اللي شفته بعيني خلال تواجدي بالمدينة يعني وين متروج اكو فرصة عمل الرواتب وللامانة تبدا من 7 وربع وبمرور الوقت تصعد يعني عندي اصدقاء يشتغلون ب 8 ونص واعرف من ياخذ 16 يعني الشغل يعتد على فترة عملك بالمكان وامكانيتك لنيل رضى صاحب العمل وهكذا يكون التدرج هاي من ناحية الرواتب
الاعمال بهيوستن تعتمد بشكل اساسي وكبير على السيارة عندك سيارة انتة تشتغل معندك شوي صعبة
انواع الشغل للي معندة لغة المعامل موجودة واللي لغتة زينة وين ميروح اكو شغل من ولمارت - هوم ديبوت- تاركت- ميسيس- فينيشيا ماركت -سيرس اوت لات - المطاعم شلع قلع
يعني اللي يكول ماكو شغل خلي يجي الي واشغلة اذا توفرت بي هاي الشروط اللي ذكرتها لان بصراحة دا اسمع من البعض ماكو شغل بهيوستن اللي يكول وينقل هيج خبر كااااااااذب اذا معندك لغة وخبرة باي شي تشتغل فد 1200 دولار بالشهر بسهولة
نجي لشغلة مهمة جدا بخصوص احد الاور الي سمعتها موخرا المدينة بيها سود وسرقة ومشاكل وقتل وسلب يعني بصراحة ماعرف منين ديروجون لهيج امور سخيفة اشوف اني لاشفت سلب ولاقتل ولامشكلة - اني مدا اكول مبيها مشاكل اكيد بيها لان بالبداية كلت المدينة كبيرة ولازم تعرف وين تاجر بيت او شقة يعني مكان بعيد عن كل اللي ذكر اكيد اذا اجرت ب 300 راح تشوف المشاكل هواي وهكذا
اما بالنسبة لشغلة هي كلمة سود سود سود اخوان ليش احنا هيج صايرين ليش منكول شون مو احنا جينا لامريكا لسبب الانسان الغير ابيض هم عندة نفس السبب شون متدور عيشة هنية هوة هم يريد يعيش عيشة هنية اني جيراني اسود وكل يوم ابتسم بوجهة وهسة سلام بيناتنا وحتى لو كان ناويلي على شر ابتسامتي بوجه راح تمنعة من ان ياذيني ومو حلوة الكلمة المتداولة من قبل البعض
ملاحظة اخيرة
اكو شغلة سمعتها كثيرا وهي اكدر اكون نفسي اخوان احنا بالعراق مكوننا نفسنا اهنا اكيد راح تكون صعبة اهم طريق للنجاح بامريكا هي الدراسة - الدراسة - والعمل وهاي للي امكانيتة محدودة ويريد يبدا صح - يعني اذا تريد تجي لهيوستن غمض وتعال ولاتسمع حجي اللي ميعرف شي لاتسع حجي اللي يكول ماكو شغل لا اكو شغل بس يريد واحد يتحمل التعب والشغل
وفي الختام اتمنى ان قد اوصلت فكرة بسيطة عن ولاية الخير
هيوستن - تكساس
ابو ليوناااااااااااااااااااااا
السلام عليكم
اخوان بالفترة الاخيرة اجتلي اكثر من رسالة على الخاص بخصوص مدينة هيوستن وسمعت اراء وقصص مختلفة من بعض الاخوة اللي اعرفهم وبعض الاخوة اللي ماعرفهم واليوم حبيت اكتب بعض الامور المهمة اللي راح تبين وتوصل فكرة للي يريد يجي الى هيوستن او اللي وجهتة هيوستن
الولاية تنطي مديكيد للعوائل اللي عدهم اطفال دون ال 18
الولاية تنطي مساعدة التنقل من والى الذهاب لمواعيد الدكتور للعوائل
تنطي كولد كارد للي اعزب بس تنطي 10 دولار بكل روحة طبيب
الفود ستامب ماشي للكل وبدون استثناء
المدينة كبيرة
المدينة نسبتها السكانية كبيرة جدا
الشغل بيها متوفر بشكل غير طبيعي وهذا اللي شفته بعيني خلال تواجدي بالمدينة يعني وين متروج اكو فرصة عمل الرواتب وللامانة تبدا من 7 وربع وبمرور الوقت تصعد يعني عندي اصدقاء يشتغلون ب 8 ونص واعرف من ياخذ 16 يعني الشغل يعتد على فترة عملك بالمكان وامكانيتك لنيل رضى صاحب العمل وهكذا يكون التدرج هاي من ناحية الرواتب
الاعمال بهيوستن تعتمد بشكل اساسي وكبير على السيارة عندك سيارة انتة تشتغل معندك شوي صعبة
انواع الشغل للي معندة لغة المعامل موجودة واللي لغتة زينة وين ميروح اكو شغل من ولمارت - هوم ديبوت- تاركت- ميسيس- فينيشيا ماركت -سيرس اوت لات - المطاعم شلع قلع
يعني اللي يكول ماكو شغل خلي يجي الي واشغلة اذا توفرت بي هاي الشروط اللي ذكرتها لان بصراحة دا اسمع من البعض ماكو شغل بهيوستن اللي يكول وينقل هيج خبر كااااااااذب اذا معندك لغة وخبرة باي شي تشتغل فد 1200 دولار بالشهر بسهولة
نجي لشغلة مهمة جدا بخصوص احد الاور الي سمعتها موخرا المدينة بيها سود وسرقة ومشاكل وقتل وسلب يعني بصراحة ماعرف منين ديروجون لهيج امور سخيفة اشوف اني لاشفت سلب ولاقتل ولامشكلة - اني مدا اكول مبيها مشاكل اكيد بيها لان بالبداية كلت المدينة كبيرة ولازم تعرف وين تاجر بيت او شقة يعني مكان بعيد عن كل اللي ذكر اكيد اذا اجرت ب 300 راح تشوف المشاكل هواي وهكذا
اما بالنسبة لشغلة هي كلمة سود سود سود اخوان ليش احنا هيج صايرين ليش منكول شون مو احنا جينا لامريكا لسبب الانسان الغير ابيض هم عندة نفس السبب شون متدور عيشة هنية هوة هم يريد يعيش عيشة هنية اني جيراني اسود وكل يوم ابتسم بوجهة وهسة سلام بيناتنا وحتى لو كان ناويلي على شر ابتسامتي بوجه راح تمنعة من ان ياذيني ومو حلوة الكلمة المتداولة من قبل البعض
ملاحظة اخيرة
اكو شغلة سمعتها كثيرا وهي اكدر اكون نفسي اخوان احنا بالعراق مكوننا نفسنا اهنا اكيد راح تكون صعبة اهم طريق للنجاح بامريكا هي الدراسة - الدراسة - والعمل وهاي للي امكانيتة محدودة ويريد يبدا صح - يعني اذا تريد تجي لهيوستن غمض وتعال ولاتسمع حجي اللي ميعرف شي لاتسع حجي اللي يكول ماكو شغل لا اكو شغل بس يريد واحد يتحمل التعب والشغل
وفي الختام اتمنى ان قد اوصلت فكرة بسيطة عن ولاية الخير
هيوستن - تكساس
ابو ليوناااااااااااااااااااااا
اخوية اني جاي وراك سان هوسيه مامنوراها خبزة والله المعين واتمنالك الموفقية انشاء الله
عاشت ايدك وانشالله وجهتي يمك بهيوستن وكلامك 100/100 ونفس كلام كفيلي
عشت ابو ليونا الاسد
عاشت ايدك اخي ابو ليونا مشكوره جهودك الطيبه لتوضيح الصوره اخي العزيز حبيت اسئل على معدل الايجار بالمناطق التي تعتقد انها جيده للعائله اذا كانت تحتوي على 3غرف
تمنياتي لك وللجميع بالتوفيق والازدهار
اخوك اوس
عاشت ايدك ابو ليونا ... معلومات رااائعة .... اتمنالك الموفقية يا ورد