ankawa
منتدى الهجرة واللجوء => الهجرة و واللاجئين => الموضوع حرر بواسطة: predator في 19:41 22/05/2013
-
السلام عليكم,,,
اخوان تم تحديد موعد مقابلة لوالدي ولعمي بداية الشهر السادس,,استلمو الكيس نمبر بداية الشهر الثاني 2013,,
مع الايميل الي حددوا بي موعد مقابلة دازين ورقة للدخول بس الكتابة الي بيها ممزوجة مثلا:
(حاملهذهالرسالةلديه/ لديهاموعدفيملحقالسفارةالأمريكية)
اكدر اعدل الكتابة لو اطبعها مثل ما دزوها,,
,,,والاستفسار الثاني ,عمي قام بتغيير اسمه في 2007
وجميع مستمسكاته الشخصية موجودة بالاسم الجديد,بس دفتر الخدمة العسكرية بي اسمة القديم
شنو رأيكم يكلهم دفتر العسكرية ضايع حتى ميدخل نفسة بمتاهات,,لو ياخذ الدفتر وياه ويكلهم غيرت اسمي بسبب الحرب الطائفية الي جانت ابغداد,,
اشكر الي يجاوبون مقدما.
-
للرفع ...
-
اخي العزيز
عدهم اهم شيء العسكريه ويطالبوك بدفتر الخدمه العسكريه
وعدهم المصداقيه مهمه جدا
اذا اخفيت الاثنين الامور لا تبشر بخير وهذا رأي
اخوك ابو الوليد
-
بالنسبة الى دفتر الخدمة العسكرية.
اذا عمك من مواليد منتصف السبعينات فمادون ماانصحك بعدم تزويدهم بدفتر الخدمة. لأن رح يلحون ويا على العسكرية وامنيته طول كلش ويعتبرون نص كلامه مشكوك بي.
اما عن تغيير الاسم وتأثيره . فهذا السؤال محد يكدر يجاوب عليه غيركم
اكو تغيير بحرف واكو تغيير الاسم كله. طبعآ هاي تسوي س و ج خصوصأ صورته بدفتر الخدمة وهو صغير متشبهه صورته الحالية. بس لازم ياخذ الدفتر ويكلهم على الموضوع بكل الاحوال. وهمة رح يسألو على اللي مكتوب بالدفتر ولازم يكون حافظة صم . لأن هو اساسآ حيشكون بدفترة مو مثل الحالات الطبيعية.فلازم يثبتلهم انه يعرف تاريخه العسكري والوحدات اللي اشتغل بيها.
وطبعآ هو محيحس بهذا الاختبار همة حيخلوا يسولف على حياته العسكرية براحته. بعدين ورة المحلفين وبالتحديد بالامنية رح يدققون كلامة بالمقابلتين الاولى والثانية والدفتر الاصلي. واي اختلاف كبير يؤشر على انه اخفاء معلومات أو عدم تطابق المعلومات. فيرجعون يشكون بانه الدفتر مو مالته.
يعني اني مثلآ سألني على العسكرية بكل تفصيل.كتلة الموضوع صارلة عشرين سنة. شنو اني طاب امتحان ذاكرة. لو مقدم لجوء.
عندك الدفتر صورة انت واقراه على راحتك .كتلة اني مشايفة من تسرحت بالتسعينات. وطبعآ اني مسيطر لأن ماعندي مشكلة بالدفتر. لاممزق ولا اوراق ممسوحة ولاجاب على تيزاب مثل ماجماعة مسوين ولا شاك اوراق...الخ
أصلا محافظ عليه وكأنما اغلى شي بحياتي.
وبالمناسبة. ليكون حفظ المعلومات بالايام والساعات مثل مابعض الجماعة يسوون. لأن تبين انه انت مخطط وحافظ ورح يغلطوك يغلطوك.
ملخص مفيد. كلما تكون صادق وتكون طبيعي وتتكلم بكل امانة. صدقني المقابلات شي طبيعي وسهل جدآ. اني رحت ومقاري ولا وثيقة عندي ولا اي شي. وحتى مواليد جهالي محافظها ولا تاريخ زواجي ولا اي تاريخ. اقسم بالله العظيم. كمت اطلع هويات الجهال من العلاكة واردلة المواليد وهو يجيك وياية ويضحك. كلي لعد شلون سويت الاستمارات ومليتها وبيها كل حياتك من انت طفل الى هسة. كتلي وشرفك وشرفي ولا استمارة شايف. المرة خطية كربتها كربة زينة وكعدت ملتها كلها ومن اي شي متعرفة تسألني.
مخلص الكلام . همة ناس محترفين بكشف الكذب حشاك وحاشا للجميع. واهم شي عدهم المصداقية . والوثائق الصحيحة اللي تقدمها. وليس مقياسهم درجة حفظك لها. وبعدين همة بالامنية كلشي حيدرسون ويدققون كلشي حتى اللي ميخطر على بالك.
تحياتي
-
اشكركم اخواني على ردودكم
,,,اخ فراس تعبتك وياية
بس اني حكلة لعمي ياخذ دفتر الخدمة وعقد الزواج باسمة القديم,الي ينقص حرفين عن اسمة الحالي,,لان مثل مكلت خلي الامور واضحة وحقيقية,
والله ولي التوفيق