ankawa
منتدى الهجرة واللجوء => الهجرة و واللاجئين => الموضوع حرر بواسطة: كالوني البصرة في 15:10 24/05/2013
-
السلام عليكم جميعا
اليوم حبيت اشاركم نصيحة مهمه واللي تختص بالمواعيد اللي تحدده المنظمه وبالاخص اللي خارج بغداد مثلي
يعني يمكن يفكر الواحد انه يؤجل المقابلة او الفحص الطبي او محاولة دمج المقابلة مع الفحص او بالعكس(مهما كان السبب) .....فهذا خطأ وحتى لو كان الوقت متأخر واتصلو بيكم على صباح اليوم الثاني علمود مقابلة مثلا فلا تترددوا وجاوبوهم بالموافقه مباشرةً واخر الكلام
يارب يقرب البعيد والكل تسافر وتستقر بأسرع وقت....
سلامي وحبي واحترامي
اخوكم كالوني البصرة
-
عاشت ايدك اخي على النصيحه الحلوه صدك اهم شي واحد لا يؤجل اي شي لان ما يعرف شوكت الفرصه ترجع من جديد
تمنياتي بالتوفيق للجميع
-
كلامك جدا مضبوط اخ كالوني لان احتمال يتاخر تحديد موعد جديد
بشرني صارت تطورات بملفك
اتمنالك الموفقيه و السفر القريب باذن الله
-
عاشت الايادي وبارك الله بيك
هي هاي النصائح المفيدة والمهمة جدآ لأخوانك
اخوان لحد يكول والله ضطريت أأجل علمود ظرف طارءى.
هو هذا تقديمنا على اللجوء المفروض يصير هو الظرف الطارءى رقم 1 بحياتك. وبالعكس حاول تلغي اي ارتباط بذاك اليوم مثل ماكال الاخ صاحب الموضوع وتروح حسب الموعد
تحياتي
-
كرايبنة اجلوا مرتين خابروهم كلولهم قضيتكم انسدت اذا تريدون قدموا من جديد
-
اخواني احبائي
اشكركم جزيل الشكر على الردود الحلوه واللي تبين معدنكم الاصيل .....
اما بالنسبه لملفي بناءاً على سؤال الاخ العزيز والغالي baghdad antigen فبعدني على نفس الحطة وبديت من اليوم اراسل المنظمه على انه صارلي اكثر من سنه على المقابلة الاولى والفحص نهاية هذا الشهر راح يصير اكسباير والخانات كلهه تعبانه يعني ما تغير شي واكيد اكيد اذا صارلي تغيير راح اول ما اطرحهه بالمنتدى والله عليه توكلي.
سلامي لكم جميعا
اخوكم كالوني البصرة
-
شكرا للنصيحة