ankawa
منتدى الهجرة واللجوء => الهجرة و واللاجئين => الموضوع حرر بواسطة: Hector في 13:06 03/06/2013
-
السلام عليكم
شلونهم الاخوان بالمنتدى
اليوم كملت اعدة مقابلة ds-260 بعدماطلبوا اعادة ملئها واداء القسم طبعا رحت للسفارة والباب بنفس موقعها حسب الايميل وحسب ما وضحها الاخ الفا بس ما اسولفكم طلعت بال 11 من السفارة ووصلت قبل ساعة من كتابة هذا الرد لان دكيتهة مشي تحت اشعة الشمس اني وزوجتي لان كل الطرق مسدودة ووصلنا لنقطة يالة حصلت تكسي
المهم بعد ادائي للقسم سئلت القنصل الي هية بنية كالت ما اعرف شوكت تصدر الفيزا اجراءات ادارية ومن تكون ready soon رح نبلغك فاني حسب تحليلي هذا الموضوع كولة مغذي ولا تكولون هبط معنوياتاتنة لان احنة جنة اربع عوائل اس اي في كولهة نفس الحجي فاتوقع كل التخمينات مو صحيحة لاصدار الفيزا وانما هذا اجراء حتى يخلونة بعد ما نلح عليهم بالايميلات ويجوز تخميني مو صحيح بس هذا اني الي داشوفة مخلينة عالمغذي ولا تنصدمون لان جنت رايح وفرحان ومتأمل شي باصدار الفيزا وهسة رجعت للبيت ومتندم على هاي الروحة الي هسة راسي يوجعني اني وزوجتي واحتمالية التيفوئيد كولش قوية من ورة الشمس فارجو انه لا تنصدمون ولا تتألمون شي عالمقابلة والي بيه الخير يقدمة رب العالمين ارجو منكم ان لا تزعلون من كلامي بس هذا الواقع الي
-
ربي بالموفقية ان شاء الله
وماعدنة غير الصبر
تحياتي
-
الحمدلله على السلامة اخ هيكتور
وان شاءالله يوم اصدار الفيز
ممكن تشرح لنا وين مكان المقابلة لان احنا محافظات زنريد نعرف المكان بالضبط
شكرا
-
اخوان
موقع الباب حسب ايميل السفارة تنزل بالنسور ودكهة مشي تحت جسر القادسية بالضبط تكلة جماعة الشرطة الاتحادية يدلوك الباب بالضبط
-
اخي العزيز Hector ان شاء الله سالم ولا تيفو على كولة سليم البصري الله يرحمه
بالنسبة للموضوع رغم اني اتفق معاك بالاجراءات الروتينية والادارية الي كرهتنا بروحنا ولكني اختلف معاك بأنهم يدزون للمقابلة حتى يعلكون مغذي .. ولسبب واحد انه هم غير مجبورين على ذلك وبنفس الوقت هم ما يستحون من واحد اذا يردون يشحنوه .
هذا رأيي واتمنى ان تستلم فيزتك هالايام وتفرحنا وتبشرنا .
ابقى جييك الموقع راح تشوفا Issued ان شاء الله اليوم او باجر او عكبة مو اكثر ان شاء الله
اخوك يوسف البصراوي