ankawa
منتدى الهجرة واللجوء => الهجرة و واللاجئين => الموضوع حرر بواسطة: مغتربون فى مصر في 01:53 06/06/2013
-
السلام عليكم
انى فحصت محلفين شهر الثامن 2011
وحصلت الموافقة بعد مرور اسبوعين ورحنة فحصنة طبى
وبعدها عدنة الفحص الثانى شهر الخامس 2012
وبلغونة الامنيات كلهة كملانة وباقيلنة ختم الملف والتهيئة للسفر
وعلى اثرهة تم تبليغ الكفيل وموافقة الولاية والبصمات والامنية الرئيسية
وبقينة بالانتضار على هذا الحال لختم الملف لحد شهر 12 2012
والموقع كلة كومبليت عدى الامنية وحالة الملف بالانتضار
الى صار قبل اسبوع تحولت حالة مقابلة المحلفين الى فعال بعد ما كانت كومبليت
عند سؤالنة يكولولنة عدكم المحلفين لحد الان ممتخذين قرار ومرة اخرى يكولون انتو قيد الدراسة
زين بعد مرو سنتين من الكومبليت وموافقة الولاية والبصمات ومعضم الامنية جاهزة ويكولولنة انتو جاهزين للسفر هل من المعقول
انة يكونون ممتخذين قرار؟؟؟ زين شلون ممتخذين قرار وتصدر كل هاى الموافقات؟؟؟
اكواحد من المقدمين صار وياة هالشى؟؟؟
ارجوكم اخوان الى مر بالهشى او شاف هالشى يحاول يكتبلنة ويفهمنة
-
للرفع والمساعدة
-
up
-
اخي العزيز
انته محصل موافقه ومكمل فحص طبي ونازله عندك الولاية فانت مو قيد الدراسة او معلق بس كل الي صار انه عندك مقابلة المحلفين راح يعيدوها الكم لان فات عليها سنتين وصارت اكسباير فلا يكون ابالك وصارت مع هواي اعظاء بالمنتدى
-
الاخ غريب
السلام عليكم
الاخ مغتربون في مصر سال المنظمه في مصر هل لديه اعادة مقابله محلفين جاوبوة انه ماكو بعد اعادة مقابله محلف ميصير اكسباير بعد الشغله اكيد صاير بيها خربطه واكيد هو مو قيد الدراسه لان قيد الدراسه يبقى وضعه ساكن ولا يتحرك شي بملفه وهو مكمل كلشي
اللهم ييسر امرة وامرنا
ام مصطفى
-
UP
-
صحيح اني سامع المحلفين تسقط بعد فترة. بس اعادتها عبارة عن استضافة وسوالف والتأكد من ان جميع افراد الكيس لازالو موجودين وماكو تغيرات على حالتهم الزوجية وانهم لازالو يطلبون اعادة التوطين في بلد آخر وهاهية.
يعني مو تنعاد الاسئلة والقصة ولاشي. لأنه احنا دنكبر مودنصغر يوم على يوم ننسى الاحداث اللي مرت بينا.
اما المدة اللي تنعاد بيها المقابلة مال المحلفين. فالحقيقة ماعندي فكرة بالضبط شكد. بس فعلا هي فوك السنتين يلة
تحياتي
-
اشكر ردودجميع الاخوان بس الضاهر ماكو مثل حالتى هذه واريد اسائل سوال هل من الممكن ان يتم الرفض هذه وحدة والثانية انه اليوم عرفت ان اعادة المحلف موجودة ولم يتم الغائها لذلك ممكن يكون هذا الاحتمال الثانى
-
اخوان الحمد لله انه لكيت مجموعة تحمل الرقم 115 حتى نتشارك همومنه سوية .
اخوان اني مقدم لجوء من بغداد سنة 2009 واجاني رقم كيس بالشهر الثاني 2010 , وكانت المقابلة الاولى بشهر الرابع 2011, والفحص الطبي بشهر السادس 2011 , اما المحلف فكان بشهر الثامن 2011 ومن ذاك الوقت لحد الان ماكو اي تحديث على ملفي حتى الولاية والمطار منازله على الموقع وحالة الكيس ( انتضار النتيجة ) والمحلف ( فعال ) لحد الان وكل ما اراسلهم يكولون انت ما مرفوض ولكن قيد الدراسة على الرغم من انه حدثت تطورات على وضعي الامني وتركت بيتي. ولحد الان على هذا الحال
-
لم تكن اعادة محلف الا اذا كانت اضافه
1- اضافة فرد
2- اضافة معلومه
مع تحياتي للجميع
ابو الوليد
-
اخوية بعد التحية احنا بلغتنا الموظفة اللى بالمنظمة انه اما رفض او اعادة محلفبن احنا ماعدنا طفل انضيفة للعائلة