ankawa
منتدى الهجرة واللجوء => الهجرة و واللاجئين => الموضوع حرر بواسطة: TOMMY735 في 04:29 08/06/2013
-
السلام عليكم اعضاء منتدى عنكاوا...وخصوصاً القدماء اللي ما اتذكر حتى اساميهم بعد لان اني هنا عضو قديم ..كان عندي اصدقاء كُثر تواصلت وياهم بالسابق..من دون ما اعرف اساميهم الحقيقية ولا اشوف صورهم بس صارت فد علاقات مميزة وجميلة..بعض الاحيان جنت الكاهم بالدردشة ..او تشوف واحد طلعلة موعد سفر والكل تفرحله واللي منتظر واللي مأيس :)
المهم جانت ايام حلوة هاي الحجي تقريباً ب 2010 و 2011..بالمناسبة للي ميعرفوني اني مقدم من 2008 والكيس مالتي 109XXX وهمينة خلوني عالشحن والبنجات الطويلة ويومية مطلعيلك شغلة صفح واني خليتهة على الله..لأأن كلت اذا مكتوبة تصير ..ومن ذيج الايام اني انقطعت عن المنتدى ونسيت كلشي عن السفر..علماً انه المواضيع هنا كلش حلوة
بس والله كمت احس نفسي مثل الشايب من يكون ساكن بباب بيته وهو يراقب الشارع يومية يسكنون بي ناس جدد والقدماء يتغيرون :( هذا حالي وية المنتدى
وراحت ايام وجتي ايام وراحوا كثير من اصدقائي وعائلتي واقاربي لامريكا اللي استقر واللي رجع واللي مات هناك بعد الشر عنكم
جنت اتراسل وية ناس مستعدين لكفالتي بدون اي معرفة او ثقة..يا اخي والله العراقيين بيهم ناس فقرة وعلى حب الله يتكفلوك ويساعدوك ويقدمولك معونة
على كلن ما اريد اطول عليكم بالحجي احبائي واعزائي..كنت اتمنى اتواصل وية الناس اللي جنت اعرفهم هنا بالمنتدى بأي طريقة واعرف اخبارهم ووين صاروا..بس للأسف حال الدنيا تغير والناس عدهة ارتباطات والتزامات كثيرة واني ايضا ماعندي وقت للنت
اللي صار انه بدون سابق انذار اتصلت بية المنظمة قبل يومين وانطوني موعد سفر..يوم 18 حزيران
بس اضطريت ان ارفضه وكلتلي خابرني حتى تأكد رفضك بعد يومين..كلتلهة يا ريت لو تلغيه للكيس من اساسه وهي رجعت وكالت من نخابرك عود..
اني عمري 27 سنة ..وحاليا بوظيفة جيدة..صح العراق وضعه تعبان بس اني تعبت من امريكا والآمال العريضة
ترة من قدمت جان عمري 21 سنة وتوني مخلص اعدادية..6 سنين لا هنا ولا هنا..كثير من الامور تغيرت :(
على العموم...اولا اتمنى الخير والموفقية للي يريد يسافر وانشالله موفق وين ميكون
وبالنسبة للينتظر اكلة اذا مكتوبة الك راح يجيك اتصال مثل ما اجاني وتفرح وتسافر :)
وبالنسبة للي تكنسلت كيساتهم فالخيرة فيما اختاره الله
وتحياتي لأدارة هذا المنتدى على الجهود اللي قدموها والمعلومات الهائلة للمسافرين الجدد واللاجئين ..ومن يعمل مثقال ذرة خيرٍ يرهْ
بارك الله بيكم ...
وهذا حيكون آخر موضوع اليه بالمنتدى ..
God Bless you all
-
السلام عليكم اخي ربي يسر امرك ونشاء متحتار نصيحتي الك ان صلي صلاة استخارة وتستخير ربك سبحانه بل سفر اونته اعرف بوظعك من غيرك
وهذ دعاء الاستخاره دعاء صلاة الاستخارة
عَنْ جَابِرٍ رضي الله عنه قَالَ : كَانَ رَسُولُ اللَّهِ صلى الله عليه وسلم يُعَلِّمُنَا الاسْتِخَارَةَ فِي الأُمُورِ كُلِّهَا كَمَا يُعَلِّمُنَا السُّورَةَ مِنْ الْقُرْآنِ يَقُولُ : إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ : ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي رواية ( ثُمَّ رَضِّنِي بِهِ( رَوَاهُ الْبُخَارِيُّ (1166)
تقبل مروري
-
بالـــتـــوفـــيق
ابــو ســـماني
-
موضوعك ذكرني بكلام الكاتبة احلام مستغانمي " ثمة نوعان من الشقاء: الأول ألا تحصل على ما تتمناه , والثاني أن يأتيك وقد تأخر الوقت و تغيّيرت انت، وتغيّرت الأمنيات بعد ان تكون قد شقيت بسببها بضع سنوات”
اخي العزيز أحترم رأيك وقرارك واكيد ألك أسبابك الخاصة , بس هل تعتقد مراح تندم على قرارك هذا بيوم من الأيام ؟؟!!
يااخي دتشوف وضع العراق شلون من سيء الى اسوء ومصير العراق مجهول وحتى لو كانت وظيفتك انت مرتاح بيها بس ماكو مستقبل بالعراق ..
وصح امريكا متعبة والي ميشتغل ميعيش ولازم تتعب وتجتهد حتى توصل بس بالنهاية اكو نتيجة وبالاضافة الى الامان وراحت البال وتنام مطمن على نفسك واهلك وماكو خوف هنا بس من رب العالمين اولآ ومن القانون ثانيا ,, بس بالعراق تخاف لاتطلع ليروحون يغدروك او يقتلوك بسبب اسمك او طائفتك وتخاف حتى من جيرانك ومن الهوا الي تتنفسه لان مثل متعرف يوميا مشتمين رائحة كبريت ببغداد والناس تحير بالتفسيرات , وهذا مجرد مثال على العيشة بالعراق العظيم
اتمنى تعيد التفكير بالموضوع وتتخذ القرار الصحيح بعيدآ عن هاي الافكار
واعتذر اذا ادخلت بشؤونك الخاصة بس حسبتك اخوية وواجبي ان انصحك .
تحياتي
اختكم Emerald - دالاس
-
الف مبروك موعد السفر
-
وانت كتبت الموضوع حتى نشد من أزرك ىنكلك قرارك صحيح ونواسيك ونكلك ونعم الاختيار وكلشي بيه خير يقدمه رب العالمين حتى تحس بالراحه النفسيه ونشيل عنك تأنيب الضمير !
قرارك خطأ عزيزي على الاغلب ، وابشرك تأنيب الضمير راح يبقى وياك
-
امريكا حلم يستحق التجربة.. فكر بنفسك وبعائلتك في المستقبل..
للعلم عمر 26 في امريكا هو عمر الشباب بعكس ماكان عمرك 21 .. شاب صغير لن ينجح في امريكا وخبرته قليلة في الحياة..
اتمني ان تعيد حساباتك وتعرف أي طريق تختار فأنت في مفترق طرق وبالنسبة للعمر لا اعتقد انه مرتبط بالهجرة وتحقيق مستقبل افضل في بلد اخر..
-
اخونه العزيز الله يكون بعونك وعون كل المنتظرين
اخويه كلنه صبرنه ويارب يقويك
ونصيحه من اختك حاول تعيد الفكره بدماغك لان حرامات تعبك يروح
بعدين الندم ميفيد
رجاء فكر زين
تحياتي
اختك ام شاهين
-
هذه اكبر مشكلة
لو طلبت بغلق الملف لكان افضل من اساس
ليس ان تكمل كل الاجراءات و تاخذ سرة و حق اشخاص اخرين و بعدين تكول شنو امريكا
بالتوفيق لك و شكرا
-
والله يا أخي اني كنت موظف حكومي خدمتي 12 سنه و راتبي مليون و ستمية ألف و عندي سيارة و سكني وحدي و من صارت فرصة السفر ابد مترددت و عفت كلشي ... الامان و الاستقرار ماكو شي يعوضه و بالنسبه الي فكرة بمستقبل اطفالي و شنو ذنبهم يعيشون بالخوف و القلق و المستقبل المجهول في العراق و هسه صارلي 4 اشهر بأميركا و ابد ممتندم .. كافي اشوف أطفالي يروحون و يرجعون للمدرسه بأمان و فرحه لا توصف الحمد لله ... طبعا القرار الاول و الاخير ألك و انشاء الله متتندم و ما علينا الا النصيحه و أني اخوك عمري 32 سنه ... تحياتي
-
نتمنالك التوفيق
تحياتي
-
بارك الله فيك ... وشكرا"لرفع المعنويات .
-
وانت كتبت الموضوع حتى نشد من أزرك ىنكلك قرارك صحيح ونواسيك ونكلك ونعم الاختيار وكلشي بيه خير يقدمه رب العالمين حتى تحس بالراحه النفسيه ونشيل عنك تأنيب الضمير !
قرارك خطأ عزيزي على الاغلب ، وابشرك تأنيب الضمير راح يبقى وياك
Totally agree!!!
-
اخي السفر لامريكا فرصه متتعوض انصحك تفكر مره ثانيه لان الندم ميفيد
-
اسئل الله العظيم ان ييسر لك امرك حيثما كان بس شو دا اشوفها صارت كل واحد ينطي عمرة وموالديه هههههههه شنو بس اني كان ياماكان كان عمري اول مقابله للتوطين 30 هسه انس طبيت بال 37 بس اسنوني ماواكعات بعدهن طبعا اول توطين مو على امريكا على نيوزلاندا اواخر 2007 اخوكم الرجل العراقي
-
حبيب كلبي
شيصير لو تذهب
ستة اشهر اعتبرها سياحيه وتأخذ اجازه من الدائره وأمن على بيتك عند احبائك
واذا شفت نفسك مرتاح وهناك الافضل زين على زين بعد سته ثانيه تحصل على الكارت
واذا شفته مو زينه وما مرتاح تعال وانت متعلم على هواء العراق النقي وربي يسعدك
(وما راح تخسر شيء من جيبك)
اخوك ابو الوليد
-
الف مبروك موعد السفر
احمد
-
شكراً على ردودكم اللطيفة :) وبالأخص الأخ اللي يكول ماخذ سرة غيرك...ليش هي بالسرة؟؟ وسلب حقوق ؟ لو همة الامريكان بكيفهم وبالعجبهم يسفرون ؟
اخي العزيز اني ما ماخذ حق احد..واعتقد الي الحق حالي حال غيري..وذكرت الظروف وشرحتهة بإيجاز كافي
بعض الأمور يجوز ما ذكرتها..أنه نصف عائلتي هناك 5 نفرات..كانوا 9
عدى عن اولاد عمي 3 موزعين بالولايات..واصدقاء العمل ...يعني عندي نظرة كاملة وشمولية..
القرار اني من اتخذتة مو قصة ندم وماندم..هو منو المامتندم على شي صار بحياته..بس الوضعية (بالنسبة اليه فقط) تختلف..احد الاخوة ذكر بأنه
اني كتبت هالموضوع حتى كم واحد يكتبلي ردود ويرفع من معنوياتي ..لا يا اخي انتة اسأت فهمي بالكامل
السفر مو مشكلة عندي..اني كنت مقيم بأيطاليا لمدة سنتين ..وزرت بلجيكا عند اخي المقيم هناك لعدة شهور في 2011 و 2012
يعني اكدر اسافر على عكس كثير من الناس يحتاجون مبالغ طائلة حتى يحصلون على فيزا في حين اني اكدر احصلهة بمبلغ رسوم المعاملة فقط
لكن مو هذي المشكلة..الأخت Emerald شرحته بطريقة جيدة وعاشت ايدج
والله كريم..اني مجرد حبيت اسلم عالجميع ..بس الظاهر ولا واحد من اللي ردوا عالموضوع من اللي جنت اعرفهم ..
شكرا لردودكم مرة ثانية واتمنالكم الموفقية والسفر العاجل وتخلصون من ريحة الكبريت ..وللأخ اللي ماخذ حقه اني..يا ريت لو تتصل بالمنظمة وتكلهم اكو واحد مراح يسافر بلكت اسافر بمكانه
واكون مسرور لو اسهل امرك بهالطريقة
-
صديقي اذا راح تكابر وتبطل مراح تسافر
راح تندم طول حياتك
-
اهلا وسهلا بيك اخوية العزيز .... اتمنالك الموفقية بأي قرار تتخذه.
تحياتي ..... برنسو
-
كل واحد ادرى بمصلحته
بالتوفيق اخي العزيز
تقبل مروري
-
الاخ TOMMY735 , المهم انت انسان مؤمن بالله و باختياره لطريق حياتك , الرب يبارك مستقبلك اذا كان بالعراق او باميركا او اي مكان
( سلم للرب طريقك و اتكل عليه وهو يجري)
-
اخ تومي
اني وياك مو عليك
وهاي نصيحتي و نظره وجهي ;D.
-
اكيد هذا نتيجة احساسك بلامان والاستقرار وطبعا لو عندي احساسك شبر ما اتحرك بس اني عندي الوضيفه والعمل الحر تقريبا اكتفاء مادي بس لو يتضاعف موردي مئات المراة ما اريد ابقى لان لا امان ولا استقرار ومع احترامي للجميع حتى انتماء للبلد ما ضل عندي وطبعا اكولها واني جدا متاسف بس صدكو هاي الحقيقه
تحياتي وتمنياتي بالتوفيق
-
السلام عليكم اخي انا احترم قرارك الشخصي وهذا يعود لك ولكن انا اريد اسئلك اذا انت مسلم تقدر تروح للحج الان اذا انت الان تريد تروح الى تونس تقدر انت تقول ماعندي مشكلة لالايوجد مشكلة ومشكلة كبيرة بالجواز العراقي وبعد المستقبل افضل ياخي في امريكا على كافة الاصعدة واخيرا ادعو لك بالموفقية ان شاء الله في حياتك في العراق او غير بلد وانت اولا واخير ادرى بظروفك وفقك الله00اخوك محمد الخفاجي
-
اخي العزيز سلام عليكم اهنيك على الشجاعة العندك باتخاذ هكذا قرارات لان مصيرية نصيحتي من اخ نفس عمرك اولا : تاخذ اجازة بدون راتب لمدة سنة واعتقد هاية صارت سهلة مال اجازة بدون راتب ثانيا : تسافر وتتوكل على اللة ان استطابلك المكان خيرا على خير ان شفت نفسك تاخرت سنة وانتة مامرتاح تلم جوالاتك وترجع للعراق العظيم بدون اي قيد او شرط واحسبة سفرة او فترة نقاهة
تحياتي الك اينما كنت ...فكر بهذة الحجي وانتة مخسران شي اذا فكرت
-
عودة للموضوع
خود اجازة لمدة 6 أشهر
حيث عند وصولك لامريكا لديك 6 اشهر من المساعدات في حالة توفقت تبقي قي امريكا وفي حالة فشلت تعود لوطنك وتكون ماخسرت شي لانه المرتب يلي كنت تتقاضاه في بلدك راح تتقاضي مثله في امريكا وانت عارف جيدا الفترة البداية في امريكا وهي فترة جيدة وتقدر تعرف مستقبلك بهالبلد
-
التأخير في اجراءات السفر يفرز الشخص المهدد فعلا من الغير مهدد
لأن المهدد يبقى متمسك بالهجرة رغم طول الانتظار--- انتظار الشيء خير دليل على الاحتياج الماس اليه
-
شكراً على ردودكم الطيبة اصدقائي والنصائح الجميلة اللي قدمتوهة لأن هو هذا الصحيح وهيجي عرفت ناس طيبة كثير بهالمنتدى ورحم الله والديكم والله يوفقكم
بالنسبة للأجازة اني ما اكدر اخذهة لأن وظيفتي شوية تختلف اني طيار وصارلي 4 سنوات على هالحال
وصدكَوني شغلة ترك السفر متتعلق بالوظيفة لان اخواني 2 رجعوا مناك بعد قضاء سنتين تقريباً وبقت نصف عائلتي هناك اني كلت اكثر من مرة لو السفر صاير الي بدون هالتأخير كله جان رحت بس الامور تغيرت بشكل كبير عن اول ما قدمت
وان شاء الله متخذ القرار بدون ندم
بالنسبة للأخ او الاخت mega love ترة ماكو واحد مو مهدد بالعراق وخصوصا اني ;D
ولعلمج متعرض لأكثر من ملاحقة ومغير مكاني اكثر من مرة يعني جيمس بوند صاير...واني من الاوائل المقدمين عالاي او ام بسبب عملي السابق يعني مو مثل اكثر الناس راح لسوريا قدم عاليو أن وفضهة اني منا من بغداد
وان شاء الله بالموفقية للجميع تعبتكم وياية
-
اخويا العزيز هاي حياتك ومستقبلك وانت الوحيد الي تقررها وما نقدمه نحن لا يتجاوز عن نصا ئح وبالنهايه هو قراركم
الله يسر امرك ويوفقك بحياتك الي اختاريتها
اختك ام راما
سوريا
-
قرار شجاع وعين الصواب
اتمنالك الموفقية
-
بالتوفيق ام راما من سوريا
حبيبي سيوفي اشكرك جدا تحياتي