ankawa
منتدى الهجرة واللجوء => الهجرة و واللاجئين => الموضوع حرر بواسطة: anwar123456 في 23:29 14/06/2013
-
السلام عليكم اخوان... اليوم حبيت اطرح موضوع صار فترة شاغل بالي الا وهو السيارة...
اليوم وبمواضيع احد الاخوان الاعزاء قرأت بأن السيارة هي باب للحصول على عمل وقضاء متطلبات الحياة وخصوصاً في امريكا, بعد قراءة الموضوع قررت الدخول الى موقع الولاية وقراءة الدليل الخاص بالتقديم على اجازة السوق في ولايتي...قمت بسحب الدليل على ورق وقراءة جزء منه وايضاً يوجد بنفس موقع الولاية لكيت اسئلة وبيها اختيارات تشبه الى حد ما امتحان القيادة...
مشكلتي اخوان تتلخص بأنني شخص لا احب السيارات كثيراً وبنفس الوقت قيادتي للسيارة كلش ضعيفة واغلب اوقاتي استخدم النفرات او التاكسي في تنقلاتي... بالنسبة لي لا توجد لي مشكلة في الامتحان النظري ولكن مشكلتي في الامتحان العملي ارجو من الاخوان توجية النصيحة الي وكيف اتغلب على هذه المشكلة تحياتي لكم مقدما.
-
اخويه انت اوصل بالسلامه اول وكلشي يصير سهل وهناك بكل ولاية اكو معاهد تنطيك دوره بالسياقه ويعلموك شسوي بالامتحان العملي حته السياره الي تمتحن بيها من عدهم بس طبعا الاجور تختلف من ولاية إلى أخرى اني صديقي هيج سوه وهسه عده سيارهو اجازه واموره طبيعيه
-
اخوية العزيز .... السيارة مهمة جدا وخاصة باميركا لان هناك التكسيات كلش غالية مو مثلنه هنا, والنفرات الها اوقات مخصصة فتنقلك ووصولك الى مكان عملك صعب جدا بدون سيارة. لذلك اصحاب العمل يفضلون اللي عنده سيارة.
لذلك ... ما دام بعدك ممسافر اذا حالتك المادية زينة الى حد ما فالاحسن تشتري سيارة رخيصة وتتعلم بيهه سياقة لان اذا ما تسوق هواية ما تتعلم.
واتمنالك الموفقية والسفر القريب
تحياتي ..... برنسو
-
اخي العزيز لاتخوف نفسك من السياقة فاغلب العراقيين اللي اجوي هنا تعلموا سياقة هنا او على الاقل تعلموا السياقة (الاصولية والنظامية ) هنا اغلبهم تعلموا على كبر ... انت لاتخوف نفسك من سياقة امريكا ابدا لانه هنا كلشي مرتب الخانا ت مخططة والقوانين موضوعة وبكثرة لحمايتك والسرعة محددة وكلشي بالكامرات والحساسات مسيطر عليه تماما ماكو داعي للخوف اصلا النسوان والمراهقين يسوقون بكل اريحية هنا .
وطبعا اسلوب السياقة يختلف عن الدول العربية وعن هنا اختلاف جذري .
............
الحاجة الى اجازة واقتناء سيارة من الاساسيات للعيش في امريكا لذلك توكل على الله وتعلم واشتريلك سيارة ابدأ بشيء رخيص وغير مكلف .
وبالتوفيق
-
والله يا اخي اني اول موصلت ... كولش تأذيت لان مجان عندي سياره .وشغلة التكسي كولش غاليه شكد متتصور .
اكو مكانات تكدر اتسجل بيها وتتعلم .. ومجرد بس تمتحن نظري راح تبدي تطلع وتتعلم على الشارع . صدكيني راح اتشوف فرق كلس واسع ... والسياره ايدك ورجليك بامريكا .
والاجازة السوق مطلوب بكل وقت ومكان منك .. لان كل المعلومات مالتك راح تتسجل بيها
-
حبيب كلبي
سياره اوتماتيك - بس اصعد وره الستيرن واضغط على دواسة البانزين ولا سولف ولادخن ولا تفتح مسجل ونظرك كبل
خلال ثلاثة ايام صير جاكي ها خويه
ابو الوليد
-
اكو هنا بامريكا دورات يعلموك بفلوس اعتقد ما يعادل 400 دولار ويطلعولك اجازة سوق من تمتحن , هسه تعال والله كريم هاي بسيطه تنحل مو صعبه .
-
باجابه واحده نقول - السياقه بسيطه بس السيارات رخيصه بس ينراد لها فلوس لادامتها - والله اعلم