ankawa

منتدى الهجرة واللجوء => الهجرة و واللاجئين => الموضوع حرر بواسطة: DR.ENG في 05:31 26/06/2013

العنوان: تفاصيل مقابلة المحلفين ,,, ومعلومات مفيده للجميع ... ارجو الدخول للفائده
أرسل بواسطة: DR.ENG في 05:31 26/06/2013
السلام عليكم ورحمة الله وبركاته

بالبدايه اسف لان البارحه كتبت الموضوع وخليتكم تنتظرون هوايه ... بس صدكوني وضعي تخربط بسبب التعب اللي شفته وقبل يوم كنت منايم من وره القلق

اني موعدي كان يوم 25-6 الساعه 10 صباحاً ... وبسبب الظروف اللي اعيشها حاليا ... كلت خلي اكون من وكت بالسفاره اامنلي ... وصلت بال 8 ونص ... طبعا بوابة الدخول اللي هيه صايره من جهة جامع ام الطبول ... وصلت والجيش ساعدوني شلون اكدر اوصل للسفاره ... وابشركم وصلت واشوف عدد هائل ... يعني اكو جماعه جايين من ال 6 الصبح ... واني وصلت بال 8 ونص وصدكوني ما ابالغ اذا كلت الكم العدد بال 400 شخص !!!

ومو كلهم اي او ام ... لا قسم طلب فيزا دراسيه ... وقسم أس آي في ... وقليل جدا جايين علمود شغل ... ويجيكم العدد التقريبي لجماعه الاي او ام

طبعا مثل مكلت الكم موعدي اني بال 10 كان بس مصاحو اسمي غير الساعه 11 ونص ... وخلف الله ع المبرده العملاقة اللي خاليها ب بداية الممر لا جان العالم اغمى علها من الحر ...

دخلت وتفتشت التفتيش الروتيني ... ودخلوني للقاعه اللي بيها جماعة ال آي أو أم فقط ... اللي بيها الناس جماعة المقابلة الاولى والثانيه ... وهنا هم اخترعت ... العدد التقريبي 250 الى - 300 شخص ... بس للعلم عوائل كووووووولش هواية ... واكثر من السنكل ... يعني نسبة العوائل تكاد ان تصبح 90 بالميه من المقدمين اذا مو اكثر ...

المهم انطوني رقم تستسلي وانتظر احد ينادي برقمنه علمود نفوت اني وعائلتي من اجل مقابلة المحلفين ... اللي هيه لحد الان كانت رعب بالنسبة اللي ...

اكو موضوع يمكن تستهينون بيه ... بس صدكوني كولش مهم واللي هو من تروح لأي مقابلة آي أو أم ... لازم تاخذ وياك اكل ... اي شي ... المهم تسكت بيه معدتك لان عبالك الواحد من القلق يجووووع ... وللعلم هناك ماكو اي ماركت ... ف تشوف الناس كلها جايبه سناكس وياهم وعصاير ... ( نقطة جدا مهمه وخاصة لأصحاب العوائل )

وما نادو اسمي الا بعد ان اصبحت الساعه 2 ونص الظهر ... المهم طبيت للمقابلة وكانت المحلفه شابه متوسطة العمر ... نازكه لطيفه الابتسامة متفارق وجهه ... وهذا ينطيك نوع من الامل وتقليل الضغوطات اللي بيها ... طبعا الغرفه اللي قابلوني بيها تقريبا 2.5 متر × 2.5 متر وبيها سبلت ابو الطنين ... تخايل شنو البرد ... يعني اني وعائلتي كمنه نتراااااااااااااااااجف ههههههههههه

المهم .. عندي نقطة وهيه المهمه لموضوع مقابلة المحلفين ... بع
العنوان: رد: تفاصيل مقابلة المحلفين ,,, ومعلومات مفيده للجميع ... ارجو الدخول للفائده
أرسل بواسطة: alialiali10099 في 08:36 26/06/2013
مبروك المقابلة
رحمه لوالديك شنو بالقطاره تسولف هسه شنو شيء المهم بموضوعك شنو الاخبار الكومة اخي ساعة 3 نايم البارحه شنو كاعد تلعب باعصابنه انت هو احنه ناقصين رحمه لموتاك
العنوان: رد: تفاصيل مقابلة المحلفين ,,, ومعلومات مفيده
أرسل بواسطة: DR.ENG في 09:21 26/06/2013
اخي العزيز اني مو طفل علمود اسوي مثل هيج امور  بس صارت عندي خلل بالانترنيت واتكرر الموضوع مره ثانيه ... ممنون منك على ردك

http://www.ankawa.com/forum/index.php/topic,675839.0.html

ادخل هنا التفاصيل كلها

اشكرك

ابو محمد