ankawa
منتدى الهجرة واللجوء => الهجرة و واللاجئين => الموضوع حرر بواسطة: allami2004 في 12:19 26/06/2013
-
السلام عليكم
طبعا قبل فترة طويلة 15/5 الماضي اجاني ايميل من السفارة يكول انه قضيتي في المرحلة الاخيرة وزوجتي بعده اذا تريد تتنظر زوجتك عادي واذا ماتريد تنفصل سوي ال 3 شغلات وراها ارسل لنا ايميل حتى نحدد موعد مقابلة
الشغلات ال 3 هي
عدم محكومية
فحص طبي
ملئ DS-260
اني وافقت ان اكمل بدون زوجتي وكملت الشغلات ال3 ورسلت ايميل وحددولي موعد يوم 28/5 قبل الزيارة ويه الهوسة مال الزيارة اذا تتذكرون
رحت قابلت وجنت ما ماخذ ورقة الشرطة العدم محكومية لان صارت انفجارات وبعده مامتوقعه المهم اديت القسم واعطيتهم الفحص الطبيي وانطومي ورقة الرفض المؤقت الي الكل تعرفه مال نقوصات كالوا دز العدم محكومية شوكت مانستلمها وره يومين عمل تجيك الفيزا هاي القنصل كالتلي الي شعره ولادي شكره ضعيفة شويه
ودزيتالعدم وره يومين وذاك يوم وهذا يوم انتظر واراسلهم يكولولي شغلتي رجعت مراجعة ادارية ؟؟؟؟؟؟ اني انصدمت شلون رجعت ليش رجعت ماعرف
البارحه اجاني ايميل فقط لا بيه اسمي لا الكيس ننمبر بس سيدي العزيز يوم 5 تموز الجمعة عندك مقابلة حتى تعيد القسم ماعرف هاي الرساله جماعية مثل ماقريت عن القسم الجماعي او موجهة الي والله حيرة وماعرف شسوي من القهر
-
اخي الكريم
الله سبحانه وتعالى لا يحيرك ان شاء الله
ابعثلهم ايميل واستفسر بيه عند اعادة القسم وبلغهم بانك اعدت القسم يوم 28/5 لأن يمكن احتمال يكون خطأ وان شاء الله تسهل الامور
اخوك يوسف البصراوي
-
الله يسهلك الامور
-
راسلهم
-
لتدز اي ايميل
لان راح يهمل
شوف دز لهم انكوايري واطلب منهم تأكيد ان همة استلموا البريد المرقم xxxxxxx وتخلي رقم البريد اللي انته دزيته الهم والتاريخ
ووحاول بنفس الانكوايري تسالهم على الايميل لان اي بريد همه ماطالبيه منك راح يهمل
اي استعلام يهمل بدون انكوايري
-
حبيبي الله لايحيرك ..بس لازم تعرف انه أي وثيقة تقدمها للسفارة لازم تقسم عليها ، وهذا أجراء كلش طبيعي وبعد ما تؤدي القسم راح يتصلون بيك ويعلموك بأستلام الفيزا انشاء الله ... لاتقلق كلشي طبيعي لحد الان ....
م. الحلي
-
أخويه اللامي الله يعينك ويصبرك انت مثل حالي حييييييل قديم ومخضرم أعتقد الايميل اللي وصلك عام ودازيه لاكثر من واحد لان وصلي نفس الايميل وبنفس تاريخ إعادة القسم..
الله يسهل أمر الجميع
تحياتي سامي75
-
خلينا بالابديت يرحمه لوالديك وان شاء الله الفيزة
-
سبحان الله لما دزيتهم الفحص والمحكومية بالدي اج ال دزويلي ايميل انوا الفحص وصلهم
والمحكومية لا اشون :o :o الله اعلم وهم دزويلي ايميل اذا ما دزيت المحكومية باسرع وقت راح ترجع تدقيق اداري
رحت سويت وحدة ثانية واني الممنونة بس هلمرة طلبو اسلمها بالمقابلة اعادت القسم لان ايعرفون بنفسهم همة السبب
سفارة اضيع عدم محكومية لعد شكو مفتحين وتستقبلون الناس !!
المهم اخي رباط الحجي دز ايميل وكلهم الي فقط او للعائلة ويجاوبك همة
الله ليحير عبدة ( تمنياتنا بالسفر القريب)
-
السلام عليكم أخوان
اخي لا تستغرب لان أني هم نفس حالتك بس أني ورة ما دزولي أيميل أعادة القسم وملئ أعادة الفورمات طلبوا مني اعادة الفحص الطبي بالمناسبة موعد أعادة القسم وياكم بنفس التاريخ 5.7.2013 .... ان شاء الله الفيزا قريبة النا ولكل الأخوة
-
ان شاء الله الفيزا قريبة للجميع بعون الله تعالى .