ankawa
منتدى الهجرة واللجوء => الهجرة و واللاجئين => الموضوع حرر بواسطة: اغلا ما املك في 14:49 26/06/2013
-
اني شخص قدمت على هجرة لامريكا وطلعتلي عن طريق IOM في عمان وبعد مرحت صارتلي حالة طارئة ابوية احتاج عملية ومحد موجود يعينه سويت اجراء سريع وقدمت على الترفل دوكيومنت بس طول ويا دوب كدرت ابقة الى حد مأخذو بصمات الاصابع والصورة وعلى اساس اول ميطلع زوجتي ادزليا بالبريد السريع لان ما عندي غير حل اريد ارجع قبل وقت العملية ارعف هذا الي سويتة مجازفة جبيرة واعرف شي غلط بس شسوي هذا ابوية ووضعة صعب اني بقيت 3 اشهر بأمريكا وعندي I94 , SSN ,وكذلك driver license ومن طلعت رجعت بالجواز العراقي لعمان علساس يسوي العملية هناك بس مكدر يجي فأضطريت اسافر لبغداد والحمد الله سوة العملية بنص الشهر الخامس واني هسة دا انتظر الترفل دوكيومنت ومن دا اتابعة علموقع كلش ديمشي بطيء وبصراحة كلش خايف واني راح يصيرلي شهرين من رجعت ومدا اعرف شسوي او المن اخاطب او اراسل واني بأمريكا عفت مرتي واطفالي والله اليشهد هسة ميت من الحسرة عليهم واكيد الي سويتة غلط وتورطت بي بس شسوي اخذتني الحمية موقفي صعب وبس ردت ارجع لان مكدرت افكر من حسيت ابوية محتاجني يا ريت يا اهل المروة والشهامة الي عندة معلومة او اي شي يكدر يساعدني او يدليني عليه الله يجازي كل خير واني انتظر منكم اي فائدة لان ضاقت بية ومدا اعرف افكر او وين اتجه
-
والله ياحبيبي اني عندي معلومات بس حسب ماشفت يكولون اذا عندك وايت كارد يعني البطاقه البيضاء تكدر تروح ع السفارة الامريكيه بالعراق ودكلهم يابه هيج وهيج واهناك انشاء الله يشوفولك حل اما غير هذا ماعرف اي معلومات ثانيه اتمنى الكل يساعدك ولو انت مرتكب اكبر جريمة بحقك وبحق جهالك ومرتك . اكو واحد يعوفهم بامريكا ويروح للعراق صدك جذب ياحبيبي مو من حقي احاسبك بس انت مشييت غلط ومو شلون ماجان . يعني جان تكدر توصي شخص ع ابوك وتشوفلك فد حل لا سامح الله شايف من يكولولك السفارة روح عمي روح قدم من جديد ولو نقبل لو منقبل شيصير بيك؟؟؟ المهم انت روح للسفارة حتى لو ماعندك وايت كارد روح اهناك واحجي وياهم شوفلك حل اخي
تـحــيــاتــي عــمــر
-
ان شاء الله الطيبين يجاوبوك وميقصرون وياك
-
قانونا كان لازم تبلغ السفارة الامريكية بعمان وتحيطهم علم بعزمك السفر للعراق بعد ماتقدم جميع التقارير الطبية لوالدك المريض ...اما الان وانت بعمان فالاصح تراجعهم وتبرز جميع التقارير من دخول وخروج
المستشفى ...والافضل لك تزويدهم بحجز فندقي من العراق يثبت مبيتك فيه (كونك مهدد ولم تستطع المبيت
في بيتكم ) وانك كنت ملازم والدك في المستشفى ...ويارضى الله ورضى الوالدين.
-
اخي وين الرابط
-
اسف نسيت الصق الرابط
اخي هذا موضوع افضل حديث عن الترفل دوكيمنت لﻻخ ستيفن اس اي في
موضوع مفصل اتمنى ايفيدك
http://www.ankawa.com/forum/index.php?topic=653788.0
-
السلام عليكم ورحمة الله وبركاته
”إن تتعب في البر فأن التعب يزول والبر يبقى.“
الأخ الفاضل
مبروك لكم جزاء الله الكريم ....... بتعبكم وأيثاركم الغالي
وسلامة الوالد والشفاء التام أن شاء الله
ياريت أضافة عنوان واضح للموضوع لدخول الأعضاء أهل الخبرة والتجربة من أمريكا
وحسب حالتك
وفقتم للخير
-
الحل كلش بسيط
اتصل بالسفارة
-
اخوية العزيز دزيت الك رسالة على الخاص ان شاء الله اتفيدك بس جيك رسائل الخاص التابعة للمنتدى تحياتي الك اخوك روي
-
عيني هيه الترفل دكيومنت اتمول ٤ شهور يله تطلع وانشالله خير وترجع رالسلامه لاهلك بأمريكا
-
عيني هيه الترفل دكيومنت اتمول ٤ شهور يله تطلع وانشالله خير وترجع رالسلامه لاهلك بأمريكا
-
اسف نسيت الصق الرابط
اخي هذا موضوع افضل حديث عن الترفل دوكيمنت لﻻخ ستيفن اس اي في
موضوع مفصل اتمنى ايفيدك
http://www.ankawa.com/forum/index.php?topic=653788.0
+ 11111111111111111111111111111111
-
اشكركم اخواني على هاي الردود الجميلة والمساعدة الانسانية اني ولو دوختكم بس سبحان الله صدك الواحد يسمع شغلات غريبة بالحياة وميتوقع يوكع بيهة اني عندي خبرين واحد جان زين بس الي ورا هو الي طفة فرحتي اول شي الحمد الله طلعلي الترفل دوكيومنت واندز على عنواني وصار يم مرتي بس اني بهاي الفترة صارت عندي شوية مشاكل وية مرتي ومشاحنات واطورت واكو بعض ضعفاء النفوس من اقاربهة ديقرة براسهة ويشجعهة علطلاق اني عفت المشاكل وصارلي فترة هديت الوضع على امل من ارجع يتصلح الوضع لان اني عندي اطفال بس الصدمة والي متوقعتة يصير هو ان تساومني الان بأن اطلقهة غيابي من العراق قبل ما اجي يلة ادزلي الترفل دوكيومنت ومصرة على ان يكون طلاقهة من العراق والا مدزلي الجواز وفوكاهة تهدد بأن تسعة تسويلي منع من دخول امريكا بمساعدة محامي ارجو مساعدتي قدر المستطاع بأي معلومة وهل هي تستطيع فعلا تسوي شي وتمنع دخولي امريكا وهل اكو طريقة لاستعادة الترفل دوكيومنت منهة والله يا ناس ما ادري منين دتجيني هلمصايب والله الدنية ضلمة بعيني ومدا اعرف شسوي.
-
اخوية العزيز راسل الجهة التي اصدرت الترفل دكيومنت واحجيلهم على كل شئ واطلب منهم يدزوها الك عن طريق السفارة الامريكية في بغداد
والله اعلم اني لو كنت في مكانك اروح على اهلها واحجيلهم وبعدين اذا ماكو فايدة اسوي الي كتلك عليه
تحياتي وربي يهدي سرك
وحاول تاخذ مرتك بالسان كولهلة اولا القانون بصفج بامريكا. واذا ردتي تطلقين ماكو اسهل من عدها بامريكا وعود اذا اقتنعت اترجعلك الترفل دكيومنت من توصل حاول اتهدي الامور واعتذر اذا غلطان حتى اذا ماغلطان هم اعتذر وربك يسهل الامور
اني دزيتلك رسالةعلى الخاص بيها رقم حاول تتصل بيه واطلب القانونية بالسفارة الامريكية
تحياتي الك وارجو والرجاء لله تعالى ان يهدي سركم
اخوك روي
-
اشكركم اخواني على هاي الردود الجميلة والمساعدة الانسانية اني ولو دوختكم بس سبحان الله صدك الواحد يسمع شغلات غريبة بالحياة وميتوقع يوكع بيهة اني عندي خبرين واحد جان زين بس الي ورا هو الي طفة فرحتي اول شي الحمد الله طلعلي الترفل دوكيومنت واندز على عنواني وصار يم مرتي بس اني بهاي الفترة صارت عندي شوية مشاكل وية مرتي ومشاحنات واطورت واكو بعض ضعفاء النفوس من اقاربهة ديقرة براسهة ويشجعهة علطلاق اني عفت المشاكل وصارلي فترة هديت الوضع على امل من ارجع يتصلح الوضع لان اني عندي اطفال بس الصدمة والي متوقعتة يصير هو ان تساومني الان بأن اطلقهة غيابي من العراق قبل ما اجي يلة ادزلي الترفل دوكيومنت ومصرة على ان يكون طلاقهة من العراق والا مدزلي الجواز وفوكاهة تهدد بأن تسعة تسويلي منع من دخول امريكا بمساعدة محامي ارجو مساعدتي قدر المستطاع بأي معلومة وهل هي تستطيع فعلا تسوي شي وتمنع دخولي امريكا وهل اكو طريقة لاستعادة الترفل دوكيومنت منهة والله يا ناس ما ادري منين دتجيني هلمصايب والله الدنية ضلمة بعيني ومدا اعرف شسوي.
الأخ الكريم
لَهُنَّ مِثْلُ الَّذِي عَلَيْهِنَّ بِالْمَعْرُوفِ
لاتضيع الأجر .... والله بصير بالعباد
من حقها طلب الطلاق حتى لو كانت معك ( أميرة ) وأن قالت طابت نفسي منك
وعليكم أبتغاء مرضاة الله .... بهذا الأبتلاء ... وتلبية طلبها
وَعَسَى أَنْ تَكْرَهُوا شَيْئًا وَهُوَ خَيْرٌ لَكُم
ولا تخشى بالحق لومة لآئم
حسبي الله ونعم الوكيل
-
لا حول ولا قوة الا بالله العلي العظيم، الدنيا شيصاير بيها ياناس؟؟
اخوية العزيز احجي وياها باللسان انشاء الله الله يهديها وتقتنع وتمشي الامور ...
-
(http://uploads.ankawa.com/uploads/13723889951.jpg)
(http://uploads.ankawa.com/uploads/13723889952.jpg)
-
تحية طيبه للجميع...
اخي العزيزي الله يعينك على هاي المنحه وان شاءالله تفرج عليك ابخير وسلامة بس.... خلي يكون ايمانك قوي والله يسهل امرك والله ما يضيع طلب احد
اخي الكريم ما عندك غير حل سوى الاتصال بالسفارة الامريكية وتطلب تحديد موعد مقابلة ضروري بخصوص سفرك الى امريكاااا وتاخذ كل اوراق العلاج مال ابوك ومترجمه وتبلغهم بخصوص اوراق ترفل دكيومنة مالتك.
في هذه الحاله راح يقدمون شنو الوسائل المسموح بيه.... وان شاءالله خير
بخصوص زوجتك الكريمة...؟ هيه تكدر اتوكل محامي وتشتكي عليك وممكن تبلغ بان انت هربت وتركتهم بوضع صعب او غيره....يعني ( كيدهون عظيم ) المطلوب منك بان اسايسه وتتكلم بالمعروف وياه وخلي ابالكم وراكم اطفال
-
مرحبا اخوية
اسمع اللي راح اكوللكيا
اني 3 اشهر بامريكا ورجعت بدون اي وثيقة
بعدين دزيت ايميل الى القنصلية بغداد . او كالولي طالما انته مصارلك سنه خارج الولايات المتحدة تكدر تملي استمارة 131 واحنه حددنالك موعد بالسفارة حته تسوي البصمات مالتك
المهم سويت كلشي او دفعت فلوس الاستمارة بالسفارة وانطوني وصل زائد ضرف مغلق بيه البصمات ودزيته بال دي اج ال الى روما ايطاليا
بعدين دزولي ايميل كلولي احنا وافقنه على الطلب مالك او دزيناه الى نبراسكا حته اتصدرلك وثيقة سفر
وفعلا دزولي وثيقة السفر البغداد للسفارة الامريكية واستلمته منهم
بالمناسبه ال I 94 سلمته بمطار نيويورك من رجعت وعندي بس نسخه منه
واني هسه انشاله مسافر فد شهرين
-
تحية طيبة اخواني اني بصراحة بموقف صعب جدا الله يبعدة عن الجميع اخوية العزيز hameer ممكن مساعدتك بمعرفة بالضبط ما هو العنوان الذي قمت بمراسلته للسفارة الامريكية في بغداد لانني فتحت الموقع وهنالك العديد من العناوين ارجو مساعدتي بأسرع وقت حيث انني الان قد تأكدت بأن زوجتي قد استلمت الجواز ولا تريد ارساله لي وتريد ان تفعل اي شيء لتمنعني من الرجوع لامريكا لمجرد اذيتي وتريد ان تمنع اطفالي عني وهذا اكثر ما يفطر فؤادي والله يشهد على معاناتي وليس بيدي شيء افعله ارجو ممن لديه اي طريقة او وسيلة قانونية لمساعدتي يدلني بها وادعو الله اني يوفقه وينور له طريقه ويبعدكم عن المصائب ان شاء الله.
-
بارك الله فيك وجعلها الله في ميزان حسناتك
انته سويت شي يسوى امريكا ويسوى العراق لان موقفك نبيل ويرضى الله قبل ليرضى عباده
البر بالوالدين اعظم شي بالدنيا
واني متاكد ربي يساعدك وترجع العائلتك بسلامه بحق شهر رمضان
اخوك
الوفاء الدائم
-
الى الاخ الكريم
انت برجوعك الى العراق من اجل والدك فانت نجحت بأمتحان من رب العالمين
وهو بر الوالدين وﻻخير فيمن ﻻخير ﻷهله
ومرضاة الله أهم من مرضات الزوجة وأنت أنسان صالح وبارك الله فيك
أمابالنسبة لزوجتك نحن لم نسمعها وﻻنعرف الاسباب التي دعتها لطلب الطﻻق
لكن أنأ من وجهة نظري ومن خﻻل كﻻمك أنها مقهورة من سبب ما في نفسها الله أعلم وهي غير جادة بموضوع الطﻻق
والا كان استغلت غيابك وطلبت الطﻻق من امريكا
على العكس أنا أرى لديها معزة ليك ومحاولة القانك درس بأن ﻻتتركها مرة ثانية
وتأكد من ذلك وقول لها بأنك سوف تتركها وتبقى في العراق وتأخذ زوجة ثانية أذا هي أصرت بعدم أرسال الجواز وشوف ردت فعلها
وأن شاء الله يصلح الامور فيما بينكم ويديمكم لبعضكم
-
السلام عليكم اخي العزيز الى سويتة محد يسوية اللة يبارك بيك وربك مينساك مادام ما نسيت الوالدين صدكني بخصوص زوجتك هاذا كلة زعل مو اكثر عليك بالمسايسة