ankawa
منتدى الهجرة واللجوء => الهجرة و واللاجئين => الموضوع حرر بواسطة: مسافر بلا وطن في 15:43 28/06/2013
-
مرحبا اخوان ... راح تستغربون يمكن من الموضوع بس حابة مساعدتكم ... زوجي كان عسكري ضابط بالشرطة وعمل 5 سنوات بهذاك المجال وبعدين ترك العمل بال 2005 اثر تهديدات ووراهة غادرنة لسوريا وقدمن يو ان بس مكال لليو ان كنت عسكري ومشة الحال الى ان فد يوم صعد عندة الهوم سك كال خلي نرجع وبالفعل 2009 رجعنة من سوريا
تعين موظف مدني ورة ما رجعنة ولكن ما زالت التهديدات وبعض الامور الي تعكر مزاجة وشفتو الاوضاع شديصير بينة سافر الان الى تركيا حتة يقدم يو ان
سؤالي هو من شقين الاول هل يكول اني جنت عسكري ويحجي قصة حياتة لو خاف يصيرلة لا سامح الله رفيوز والشق الثاني يشير الى كيس سوريا الي مذاكر بيه انه عسكري لو لا
الله يخليكم ساعدوني حتة يكدر يتصرف لان منتضر هناك
-
مرحبا اخوان ... راح تستغربون يمكن من الموضوع بس حابة مساعدتكم ... زوجي كان عسكري ضابط بالشرطة وعمل 5 سنوات بهذاك المجال وبعدين ترك العمل بال 2005 اثر تهديدات ووراهة غادرنة لسوريا وقدمن يو ان بس مكال لليو ان كنت عسكري ومشة الحال الى ان فد يوم صعد عندة الهوم سك كال خلي نرجع وبالفعل 2009 رجعنة من سوريا
تعين موظف مدني ورة ما رجعنة ولكن ما زالت التهديدات وبعض الامور الي تعكر مزاجة وشفتو الاوضاع شديصير بينة سافر الان الى تركيا حتة يقدم يو ان
سؤالي هو من شقين الاول هل يكول اني جنت عسكري ويحجي قصة حياتة لو خاف يصيرلة لا سامح الله رفيوز والشق الثاني يشير الى كيس سوريا الي مذاكر بيه انه عسكري لو لا
الله يخليكم ساعدوني حتة يكدر يتصرف لان منتضر هناك
السلام عليكم اختي اني في تركيا وهنا اليو ان تطلب الملف الي كان في سوريا واذا لم يشير الى ملف سوريا سوف يكتشفون ذالك فعليه ان
يشير عن ملفه في سوريا اخوك البرق.
-
همه يرفضـــــــــون إلي كــانوا مشاركين بحلبجة أو الجــنوب
الباقي عــادي جدا.....والتركــيز على الجيش والبعث
وأنصــح بالصدق
ابو سماني
-
اخواني اشكركما على الجواب يعني اخبرة يطمن وييروح يقدم لان كوة كلش شايل هم للموضوع زين بالكيس الاول ما كال اني جنت عسكري عادي علما انه حسب مشورتكم راح يشير للكيس الاول
-
اهلا وسهلا اختي العزيزة ....
اكيد لازم يشير لتقديمه الاول بسوريا ...واذا كان مهدد وسافر لسوريا وقدم على الــUN شنو الاسباب اللي خلته يرجع للعراق وهو مهدد؟!! لابد يحضرله جواب مقنع.
اما مسألة كان عسكري او لا ... فبشكل عام ما يأثر لانه اعرف ناس كانو ضباط وبسلك الداخلية أو الدفاع وسافروا... لكن خلي هذا الامر يكون بشكل عام وما يدخل بتفاصيل دقيقة ربما تجيبله اسئلة ونقاشات هو بغنى عنها.
تحياتي .... برنسو
-
لازم يحجي نفس الي حاجيه ابسوريا لان ملف سوريا راح يجيبوه او يجيكون الملف كله
احمد
-
انا انصح بان لايقول انه كان ضابط أو عسكري بالشرطة واذا سألوا عن خدمته المكلفية في التسعينات يقول عادي كنت مكلف مع مواليده وتسرح وكان يعمل جندي عادي طباخ او سائق لايدخل بتفاصيل كثيرة وكان حاله حال كل العراقيين وهم يعرفون ذلك ويختار مكان وحدة عسكرية بالضبط بوقت التسعينات يكدر يسأل اصدقائه اللي خدموا بمواليده وليكن مستشفى الرشيد مثلا في بغداد او اي محافظة ويكول دفتر خدمتي ضاع وتمشي اموره لان اني عندي اصدقائي كانو يعملون بمكانات حساسة قبل 2003 ولم يخبروا شي عنها في المقابلة وقالوا مثل ما اسلفت اعلاه خدموا بوحدات عسكرية مكلفين وكانوا طباخين ومشت امورهم وهم الان في امريكا ..... ومن الله التوفيق وهذا رأيي وعن خبرة ومتابعة اخبار المقدمين
-
الملف في سوريا يبين عدهم ولازم تبفون على نفس القصة ....بس راح يكون كيس جديد ماله علاقة بالفترة الزمنية ألي قضيتوها بسوريا
بالنسبة للعسكرية ابـــــــــــــــــــــــــــــــــــد لايجيب طاريها....وماأنصح تكولون رجعنا لبغداد...بل كنا في كردستان ولصعوبة واستحالة
الاقامة جئنا لتركيا.
-
مشكورين اخوان علمساعدة بس ما اعرف شلون نصرف فجماعة كالو خلي يكول عادي وهوة كل خدمتة 5 سنوات وجماعة كالو ابد ليكول والله حيرة يا ربي مدنعرف شنسوي
اخوتي ارجو المساعدة الله يرحم والديكم
الاول من تموز
-
اختي هو من كان بسوريا وم قابل شنو كالهم .......... بلغهم انه كان عسكري لو لا ...
اذا ما بلغهم ما ايصير ايغير اقواله وايكول كنت عسكري لان راح ايجيكون ملفه الي بسوريا ......
اما اذا لا فانا اتفق مع كلام الاخ السومري وهذا اقتباس
(( انا انصح بان لايقول انه كان ضابط أو عسكري بالشرطة واذا سألوا عن خدمته المكلفية في التسعينات يقول عادي كنت مكلف مع مواليده وتسرح وكان يعمل جندي عادي طباخ او سائق لايدخل بتفاصيل كثيرة وكان حاله حال كل العراقيين وهم يعرفون ذلك ويختار مكان وحدة عسكرية بالضبط بوقت التسعينات يكدر يسأل اصدقائه اللي خدموا بمواليده وليكن مستشفى الرشيد مثلا في بغداد او اي محافظة ويكول دفتر خدمتي ضاع وتمشي اموره لان اني عندي اصدقائي كانو يعملون بمكانات حساسة قبل 2003 ولم يخبروا شي عنها في المقابلة وقالوا مثل ما اسلفت اعلاه خدموا بوحدات عسكرية مكلفين وكانوا طباخين ومشت امورهم وهم الان في امريكا ..... ومن الله التوفيق وهذا رأيي وعن خبرة ومتابعة اخبار المقدمين ))
تقبلي تحياتي
-
الصدق افضل له برائي
-
هي الصراحه أكثر شي مريوده بس أذا هوه كايللهم بسوريا أنو هو مو عسكري وتكولين مشت الأمور لعد هاي هيه مشيها مو عسكري لأن تره يجيكون وين مقدم بالمنظمات واليو أن تره ماعدهم أرشيف الدولة العراقية يعني كل واحد طلع عن طريقه ولا الثاني . والله يسهل أمركم
-
لعد كولوا اني متاخر من سنة 2009 لي هسة لان كلتلهم ابوية ظابط ومازال مستمر بلوظيفة