ankawa
منتدى الهجرة واللجوء => الهجرة و واللاجئين => الموضوع حرر بواسطة: الهموندي في 13:10 04/07/2013
-
السلام عليكم اخواني واخواتي العينكاوين رجاء اريد نصيحه من الاخوان الي في امريكا شنو المهم واي استفاد منه لازم اجيبه وياه وبعدين العشره الاف دولار من غير الذهب وسوال بخصوص البهارات وغير البهارات اذا كانت عليه ليبل تاريخ انتهاء واسم البهارات بالنكليزي على الكارتونه او العلبه اكو مشكله بيه رجاء فيدوني والكم مني جزيل الشكر والعرفان اخوكم الهموندي عمان
-
الف مبروك
عيوني لاتنسى اخذ باميه حتى تفطر بيها برمضان
-
السلام عليكم اخواني واخواتي العينكاوين رجاء اريد نصيحه من الاخوان الي في امريكا شنو المهم واي استفاد منه لازم اجيبه وياه وبعدين العشره الاف دولار من غير الذهب وسوال بخصوص البهارات وغير البهارات اذا كانت عليه ليبل تاريخ انتهاء واسم البهارات بالنكليزي على الكارتونه او العلبه اكو مشكله بيه رجاء فيدوني والكم مني جزيل الشكر والعرفان اخوكم الهموندي عمان
والله بصراحه اخويه هايه الشغله اللي ما اعرف منين واصلتلكم انه بهارات هناك مو طيبة هذا موضوع انساه
امريكا اعظم دولة بالعالم ... تعصه عليها تجيب بهارات من نوعيه ممتازة لشعبها ؟
بس نصيحة متاكد منها اخذ الشغلات اللي معتز بيها ... وحتى هدوم لتاخذ هوايه ... اخذ حاجتك بس ولا تشتري منا اي شي
بس فكر بموضوع الموبايل .. وبصراحه اني افضل انه تاخذ من اميركا موبايل ... يعني مثلا الايفون هناك تاخذ ب 200 دولار ... وصحيح هو مقفول على امريكا بس .. بس انته يعني انته ناوي انه تعوف امريكا يعني كولش كولش فد خمس سنين لحد متاخذ الجنسيه ياله تفكر تطلع منها ... حسب ما اظن
ف يا اخي بيك وما اخذت فلوس ورحت خفيف وبلا وزن ثقيل لا تصير خربطه بالسفر ومواعيد الطيارات لا سامح الله وتتعب من حشاك جرجره الجنط ... افضل انه تروح خفيف
واسف ع الاطاله بس اني قصدي النصيحة
تحياتي الك
اخوك ابو محمد
-
نصيحة راجع اهم مواضيع الحياة العامة في امريكا بنفس القسم وحاول تاخذ وياك شطاف ماء للتواليت لانه مهم واني وياك بنفس الطيارة ان شاء الله
-
للرفع والمساعدة رجاءآ
-
up
-
اخي الفاضل الف مبروك السفر وإنشاء الله توصل بالف سلامة
أخوية. أميركا كلشي موجود بيه وحتى أسواق عربية موجودة يعني لتثكل
نفسك أخذ ماخف وزنه وغلا ثمنه وتوصل بالسلامة
-
اخي العزيز حسب ما سمعت من بعض الاصدقاء ان اسعار البدل مرتفع بامريكا فخذ وياك قاطين طبعا اذا كنت تحب لبس البدل.
-
عمي يابهارات انت صدك تحجي !
هاي منو كلك بهارات ، دليني عليه خلي اتريك بيه من الصبح
جيب وياك 23 كيلو من الضروريات الي عندك وفضت راحت ، لا تشتري اي شي
-
أخي العزيز
نصيحه لك من اخ مجرب
اترك موضوع البهارات لان يسبب الك مشاكل , وهم دائما يفكرون بالامور الكيمياويه مثل ما حدث لاحد اصدقائي اتصور ماخذ وياه ( خريط اصفر ) دخلوه بسين وجيم . كل شي موجود بامريكا حتى الما موجدود عدنه موجود عدهم , وحتى الملابس عدهم مولات بيهه الاسعار مناسبه نصيحتي روح خفيف واخذ الضروريات , من الملابس والادويه لان احنه متعلمين على الدواء وهم لا يصرفوه الا بوصفات والدواء غالي ....
مع تحياتي
ابوميس
-
بلخير السفرة و توصلون بلسﻻمة ادعولنا
و بلنسبة شنو تاخذ بس الضروريات حسب كﻻم الكل و مسالة اكل مجفف او بهارات
بس سؤال بلنسبة للبطاطين شنو تنحسب وية الوزن المفروض لو فري هاية معرفتها سألوني عنها و ياريت احد يساعدنا.
-
السلام عليكم اخواني اشو وكعتولي دك على البهارات عمي بطلت والله مراح اخذ ويايه لابهارات ولاكركم بس اشو محد سولفلي على الفلوس والذهب فدوه لعيونكم استشاره باهلخصوص
-
طبعآ اني اشكر الجميع وكل الي ردو على هذا الموضوع وان شاء الله راح اكون متواصل معكم واني ناوي اخذ فلاشه نت معي حتى اتواصل معكم من المطار ان شاء الله
-
ماخف حمله وزاد ثمنه كلشي موجود هنا لا تتبهذل بمطار بغداد بالجنط
-
الف مبروك على السفر
اني ابرايي اخذ اوياك الاشياء الظروريه
احمد
-
السلام عليكم اخواني الاعزاء اني من عمان ورحلتي دايركت الى شيكاغو ثم الى ميشكان زين بهاي الحاله راح اشوف الجنط بشيكاغو لو بمشيكان يعني مراح اتعب بيهن هواي صحيح لو اني غلطان ارجو الرد
-
السلام عليكم اخواني الاعزاء اني من عمان ورحلتي دايركت الى شيكاغو ثم الى ميشكان زين بهاي الحاله راح اشوف الجنط بشيكاغو لو بمشيكان يعني مراح اتعب بيهن هواي صحيح لو اني غلطان ارجو الرد
اخوية اني وياك نفس الرحلة ;) ;) ;) ;)
-
عليكم السلام اخي اذا عندك وزن اخذ كلشي يفيدك
وبلنسيه للفلوس لاتعلن عنها للمنضمه وذهب حسب ما سامع 100غرام فقط مسموح بل مطار وربي يوفقك لكل خير ويفتحه بوجهك امين