ankawa
منتدى الهجرة واللجوء => الهجرة و واللاجئين => الموضوع حرر بواسطة: Avatar في 19:56 05/07/2013
-
مساء الخير جميعا
والله الحمد لله اخبار حلوة ومواعيد سفر مستمرة ان شاء الله دوم.
شباب مضى على اعادة الفحص الخامس اللي شهر وخمسة ايام فيت...والموقع بعدة ان بروسيس والامنية بندنك....واللي افتهمتة اللي عادوا وياية وقبلي بشوية خلال شهر ديصير عدهم الفحص كومبليتد واني راح ابجي...ليش هيجي ليش.....لا وادزلهم ايميل لذولة الثولان اسالهم عن الامنية يكولولي راح نتصل بيك من نحددلك موعد عالفحص الطبي الا جروا بوشي عبالك الفحص مواصلهم....بس شخص معتق مثلي هم مينجر بوشة بسرعة ورة التفكير....كلت ذولة عاوين وعدهم الموقع بس يجيكوا من يجاوبون علة الرسائل وبما انوا الموقع يكون ان بروسيس افترضوا انو بعدهم ممجدوليني علة فحص.
المهم بما انوا اني هذا اول فحص بمستشفى بغداد ديصير عندي شك من شغلهم.....الشباب اللي سووا فحص بمستشفى بغداد واتكمل الفحص بشكد اكتمل فدوة؟؟؟؟
اني الممنون مقدما وتحياتي للجميع وهبي فورث اوف جولاي بما انو احنة ما عدنة مناسبة وطنية نفتخر بيهة وما اريد احد يزعل مني
افاتار
-
الله كريم .. يجاوبوك من 20 يوم ألى شهرين هاي المدة مالتهم بالنسبة ألى نتيجه الفحص أو أعادة الفحص ..
تحياتي وتمنياتي لك بالسفر
-
الله كريم .. يجاوبوك من 20 يوم ألى شهرين هاي المدة مالتهم بالنسبة ألى نتيجه الفحص أو أعادة الفحص ..
تحياتي وتمنياتي لك بالسفر
شكرا لمرورك الكريم اخوية العراقي...تحياتي اللك.
افاتار
-
اخي الكريم احنه هم سوينه اعادة فحص بمستشفى بغداد الاهلي يوم 17/4 وكمل بعد 42 يوم وهسه صار اكثر من شهرين وماكو اي تغيير بالموقع عدا اكتمال الفحص والمقابلات والامنيه وحالة الملف بالانتظار .
وتره اليوم ففث اوف جولاي مو فورث ..
بالتوفيق ان شاء الله
-
اهلا بيك اخوية العزيز .... ولا يهمك لا تقلق الفحص يكتمل بصورة عامة خلال شهرين بس على الاغلب فد شهر او 40 يوم ويكمل. فأن شاء الله بالايام القليلة القادمة يكتمل عندك الفحص.
تحياتي .... برنسو
-
لتخلي بالك يمه ... هو من وحده يصير كومبليتد
المهم انك فحصت
تحياتي لك
اخوك ابو محمد
-
اخوية العزيز
اني فحصي الطبي اكتمل بالموقع بعد 48 يوم بالضبط وقبلها حجيت عليهم لما كال الله بس , الموضوع هذا لاتشغل بي بالك نهائيا لان مو مهم مال الموقع وبي خربطة وتأخيرات كلش جبيرة , تخيل اني اروح للفحص ويكولولي اسمك ماكو ومجاينا واتعارك وياهم واطب بنص عيونهم واشوفهم مكالمات المنظمة بتليفوني من اتصلوا على تحديد موعد الفحص واشوفهم مكالمة من مستشفى ابن البيطار على تحديد موعد الفحص ويكولويلي اسفين اكو خطأ روح واحنا نحددلك موعد فحص طبي ثاني , كلتلهم والله لو تنكلب الدنيا مااروح وهسة تخابرون الدنيا كلها واليوم افحص افحص والخلل التقني من جانبكم مو من جانبي واني مااتحمله انتوا تتحملوا واني مصنف كلاجيء عدكم وغصبن ماعليكم تساعدوني بكلشي وماطلعت من يمهم الا ساعه اربعه العصر ومكمل كامل الفحص وتاخر 48 يوم يلة صار مكتمل بالموقع الكلاوات مالتهم اخوية فحصك واصلهم واستبشر خير لان انت قديم ومعلوماتك واسعه واكيد تعرف مستشفى بغداد احسن من معاناة مستشفى ابن البيطار وانتظر هالايام واني متأكد مليون بالمية يصير مكتمل عندك وهاي السالفة مال انت تسألهم على الفحص ويكولولك نحددلك موعد صارت وياية نفسها بمقابلة المحلفين , اني مقابل ومكمل وبعد فترة كلش طويلة اسالهم سؤال ماله علاقة بالموضوع ويجاوبوني انت على جدولة المقابلة مال محلفين وهم ماسكتتلهم الا صححوا الموضوع وحصلت ايميل رسمي منهم بي اعتذار على هذا الخطأ ولو اشوفك ايميلي اللي كتبته اللهم هسة تكول لو يشنقوني مااكتبلهم هيج كتابة , اخوية كول يالله وان شاء الله خير بهالايام وهالسنة والكل تسافر لان كل الامور ايجابية والمنظمة دتشتغل صبح وليل بس المشكلة بالضغط وكثرة الملفات مو اكثر
تمنياتي لك بالسفر العاجل ان شاء الله
أخوك جار الانتظار مساء الخير جميعا
والله الحمد لله اخبار حلوة ومواعيد سفر مستمرة ان شاء الله دوم.
شباب مضى على اعادة الفحص الخامس اللي شهر وخمسة ايام فيت...والموقع بعدة ان بروسيس والامنية بندنك....واللي افتهمتة اللي عادوا وياية وقبلي بشوية خلال شهر ديصير عدهم الفحص كومبليتد واني راح ابجي...ليش هيجي ليش.....لا وادزلهم ايميل لذولة الثولان اسالهم عن الامنية يكولولي راح نتصل بيك من نحددلك موعد عالفحص الطبي الا جروا بوشي عبالك الفحص مواصلهم....بس شخص معتق مثلي هم مينجر بوشة بسرعة ورة التفكير....كلت ذولة عاوين وعدهم الموقع بس يجيكوا من يجاوبون علة الرسائل وبما انوا الموقع يكون ان بروسيس افترضوا انو بعدهم ممجدوليني علة فحص.
المهم بما انوا اني هذا اول فحص بمستشفى بغداد ديصير عندي شك من شغلهم.....الشباب اللي سووا فحص بمستشفى بغداد واتكمل الفحص بشكد اكتمل فدوة؟؟؟؟
اني الممنون مقدما وتحياتي للجميع وهبي فورث اوف جولاي بما انو احنة ما عدنة مناسبة وطنية نفتخر بيهة وما اريد احد يزعل مني
افاتار
-
شكرا جزيلا على مروركم الكريم اخوتي الاعزاء...طمنتوني والله...راح ارجع المحولة واستمر بالشحن علما الله يفرجهة.
تحياتي اللكم جميعا والله يسهل اموركم ويقرب سفركم
افاتار