ankawa
منتدى الهجرة واللجوء => الهجرة و واللاجئين => الموضوع حرر بواسطة: كراج وحديقة في 23:50 05/07/2013
-
السلام عليكم
اخواني سؤالي للاخوان الي عملو الفحص الطبي بابن البيطار هاي الايام ... هل يوجد كراج لوقوف السيارات يم المستشفى لان سمعت انه غلقوا جميع الكراجات الي ما بيها موافقة اصولية .
-
اخي العزيز اي بيهه كراج جبير بس اعتقد ميخلوك اتومف سيارتك لان الكراج بس للموضفين مالتهم لان من دخلنه اخذو الجواز و فتشونه بعدين دخلنه
-
اخي ما اعتقد اكو كراج يم المستشفى ...
مع ذلك اتمنى من اﻻعضاء الي بيوتهم قريبة على المستشفى اينورونا باجوبتهم
تقبل تحياتي
-
اخي العزيز اي بيهه كراج جبير بس اعتقد ميخلوك اتومف سيارتك لان الكراج بس للموضفين مالتهم لان من دخلنه اخذو الجواز و فتشونه بعدين دخلنه
يعني اذا شافوا الجوازات يخلونا نوكف بالكراج ؟؟؟؟؟
-
اخوية اني اذكر اكو كراج خليت سيارتي بي يصير ورة المستشفى من تفوت بفرع المستشفى تعبر باب المستشفى تخلص الشارع وتاخذ يمنة تلكة كراج حاليا ماعرف هاي قبل سنة يمكن
-
الاخ السائل الكريم
اذا حضرتك تندل المستشفى تدخل بالفرع مالتها من الشارع الرئيسي للصالحية (( شارع شركات السياحة والسفر )) ومن تدخل لفرع المستشفى تعبرها للمستشفى والفرع هو ياخذك يمين وبس ياخذك الفرع على جهة اليمين لمسافة خمسين متر تقريبا تشوف كراج سيارات على ايدك اليسرى تكدر تخلي سيارتك الله يسترها ويحرسها ويحرسك بي وتروح تتمشى للمستشفى ومسافة الكراج عن المستشفى تقريبا من 200 الى 300 مو اكثر . وهذا الكراج الوحيد القريب الموجود قرب المستشفى وكان هناك كراج امام باب المستشفى بالضبط واغلق لاسباب امنية اما في داخل المستشفى فأنسى تماما ان تدخل بكراج المستشفى لان مدير المستشفى دكتور حسين الحلي من احد اقربائنا ومعارفنا واني عندي باج منطقة خضراء وباج سفارة امريكية وماخلوني ادخل الحرس فمستحيل تدخل سيارة مو لموظف او طبيب بداخل المستشفى , والحل الوحيد هو هذا الكراج وميتيه ابد كتلك تعبر باب المستشفى بالسيارة والشارع ياخذك يمين ومن تاخذ يمين تشوف كراج سيارات اهلي على ايدك اليسار تخلي بي سيارتك وترجع مشي للمستشفى .
تمنياتي لك بفحص طبي سلس وسهل ان شاء الله وربي يوفقك ويعجل من سفرك أمــــــــين يارب العالمين