ankawa
منتدى الهجرة واللجوء => الهجرة و واللاجئين => الموضوع حرر بواسطة: مغرورة بجمالي في 13:02 09/07/2013
-
شلونكم حبايب
طبعا اني متابعة المنتدى الكريم من وقت طويل جدا
ادخل بالموضوع حتى لا اطيل عليكم
اني مقدمة اي او ام بغداد
شهر 1 - 2010 التقديم
شهر 8 - 2010 المقابلة الاولى
شهر 2 - 2011 فحص طبي
شهر 3 - 2011 مقابلة محلف
شهر 4 - 2011 الدفرال لتر زائد الدورة التثقيفية انا وعائلتي ( انا وزوجي وابني )
شهر 6 - 2012 رزقت بطفلة
شهر 9 - 2012 اضافة الطفلة بالموقع بعد اتمام الاوراق
شهر 2 - 2013 اعادة مقابلة المحلف مع اضافة الطفلة
شهر 3 - 2013 اعادة الفحص مع فحص الطفلة ( فحص طبي )
شهر 4 - 2013 الدفرال لتر
لحد هنا كلشي تمام بس الطامة الكبرى عندما اعدنا مقابلة المحلف لاضافة الطفل صار شوية اختلاف بالكلام وية المحلفة السودة الله لا ينطيهة وانشلع قلبنة وكان ويانا الاطفال تبهذلوا المهم اخر شي قبل لنطلع صاحني المترجم الي مكتبه يم باب المحلف وقال انو الكيس انرفض لان صار اختلاف بالكلام والمحلف قرر الرفض عاد كتلة هية هاي المحلفة متريدني اسافر مدري شبيهة كالي بس هذا الرفض مو مثل اي رفض يعني بسيط واني رح اكتبلج هسة استاناف كتلة شتسوي سوي اني بعد ميهمني وعفتة ورحت طلعت للبيت .
زين اذا رفض ليش اجاني الدفرال لتر يعني الموافقة المشروطة او التاجيل ؟
زين اذا رفض ليش اعادو الفحص الطبي الي وللطفلة؟
علما صارت مقابلة المحلف والفحص مكتملين !
الملف انتضار النتيجة
المطار والولاية موجودين ولاية واشنطن وانا ما عندي كفيل
الله عليكم الي يعرف مثل حالتي ليبخل علية الله عليكم فهموني شنو القصة
-
هاي المحلفه السودة الحقيره اتخبل منهه هم زين ماقابلتني . اول شي اكو اهويه مثل حالتج . بس الاسباب ماعرف شنو عيوني انتي . اما سبب رفض الكيس مالتكم اكيد جمالج خله المحلفه تغار من عندج ورفوضج .. اشاقه وردة . ;D ;D والله قصتج حزينه كلش الله لا يوفقهه . بس هسه صار هيج حتى بعد كل المقابلات احتمال اكو رفض عادي . كلشي طبيعي هذوله راح يخبلونه
تحياتي الج عمر العزاوي
-
والله يسهل للكل.
وانشالله هسة ابطال المنتدى يردون عليك. بس. لا تيأس من رحمة الله
وشكرا
-
شكرا اخ خسارة عالاطراء الجميل بس معرفت اني يعني مرفوضة ؟
awithai شكرا اخي للرد
-
والله مادري عيوني . ماتوقع مرفوضه زين الدفرال لتر وهاي السوالف كلها اخذتيهن بعد ماكالج نرفضتي؟ لو قبله ؟؟ وهسه . اريدج تفتحين موقع الـ iom وتشوفين حالة ملفج شنو حتى اكدر اساعدج زين همه كالولج . الملف نرفض . وستئنفي؟ لو شنو
-
والله مادري عيوني . ماتوقع مرفوضه زين الدفرال لتر وهاي السوالف كلها بعد ماكالج نرفضتي؟ لو قبله ؟؟ وهسه . اريدج تفتحين موقع الـ iom وتشوفين حالة ملفج شنو حتى اكدر اساعدج زين همه كالولج . الملف نرفض . وستئنفي؟ لو شنو
لالا ملفي انتضار النتيجة
وكالولي انرفض واحنة رح نستانفلج يعني هوة المترجم يسوي الاستاناف
-
اييييي دكولي هيج يعني ملفج ماشي الحمدلله لا مرفوض ولا شي هاهيه لتخافين مادام انتظار النتيجة . يعني ولا ربع رفض بي
تحياتي الج عمر العزاوي
-
والله مادري عيوني . ماتوقع مرفوضه زين الدفرال لتر وهاي السوالف كلها اخذتيهن بعد ماكالج نرفضتي؟ لو قبله ؟؟ وهسه . اريدج تفتحين موقع الـ iom وتشوفين حالة ملفج شنو حتى اكدر اساعدج زين همه كالولج . الملف نرفض . وستئنفي؟ لو شنو
اختي انتي ما عليج بكلام المترجم ... احسن شي تسويه تعتمدين الدفرال لتر شنو الرد مالته ؟ موافقة مشروطه لو شنو مكتوب بيها ؟؟؟
المحلفه السوده كولش اسلوبها محلو صح ... بس اللي سامعه اني انه تنطي موافقات مو كلهم ترفضهم ... يعني المووضووع نسبي ... وعجيبة شلون كلامك تناقض بالمقابله ... اني قبل لا اطب حفضت القضيه تكولين قصيده ... ميصير هيج اختي
والله كريم ... اللي الج ميصير الغيرج
تحياتي الج
اخوج ابو محمد
-
والللة اختي اللة يساعدج ويسهل امرج لان اني حاسة بيج لان هم من رحت ويا زوجي وابني لعبت بينا لعب المحلفة السودة وراوتنا الويل وطلعتنا جذابينننننننن واللة يستر ما اعرف هاي شبيها حاقدة على الدنيا اللة يسهل امر الجميع
-
شكرا اخواني عالرد والله يبشرك بالخير اخ خسارة
شكرا الك اخ iz137xxx وانا الدفرال مالتي تكول تاجيل وماشرين عالمربع الاول بس المترجم خوفني كلش يعني معقولة هوة سوالي استاناف ومشت القضية ودزولي الدفرال والفحص ؟
الله كريم
-
والللة اختي اللة يساعدج ويسهل امرج لان اني حاسة بيج لان هم من رحت ويا زوجي وابني لعبت بينا لعب المحلفة السودة وراوتنا الويل وطلعتنا جذابينننننننن واللة يستر ما اعرف هاي شبيها حاقدة على الدنيا اللة يسهل امر الجميع
اي عيني احنة هم طلعتنة جذابين حاقدة علينة
-
السلام عليكم
اختي انشاء الله ماكو شي وقضيتكم تاجيل او تعليق وليس رفض دزيلهم ايميل حتى تتاكدين صح راح يتاخر عليج الرد 14 يوم بس ميحالف طبعا هاي المحلفه ممتخذه قرار بملفكم لحد الان وهذا سبب التاخير بس انشالله ماكو شي والسفر القريب الج والكل الاخوان والي هم وياكم
-
ما دام وصلتج دفرال لتر, ومقابلة المحلف مكتمل والولاية والمطار نازلات بالموقع.. انسى سالفة الرفض .... وانتظري التجييك الامني يكتمل وان شاء الله وراهه تسافرون.اتمنالج الموفقية
تحياتي ..... برنسو
-
اختي ماكو هيج شي خلي تولي هاي المترجمة مادام استلمتي دفرال لتر وعدتي فحص يعني انت ماشية وماكو اي رفض واني متأكدة
زين حسابج ع موقع ال iom عني الجدول شنو لان راح تبين من خلال الجدول 100 بالمية
تحياتي
-
الرفض لا سامح الله يجي بسرعة ما بي دفرلتر بي دنايت لتر و استمارة استئناف فانتي ماشية و بدون رفض ان شاء الله .
-
ما دام وصلتج دفرال لتر, ومقابلة المحلف مكتمل والولاية والمطار نازلات بالموقع.. انسى سالفة الرفض .... وانتظري التجييك الامني يكتمل وان شاء الله وراهه تسافرون.اتمنالج الموفقية
تحياتي ..... برنسو
تحياتي ... برنسو
هذا لود ذهب كلامه واني اتفق وياااااه جداااااا
-
السلام عليكم
الاخت الكريمة
ملفك ان شاء الله ماشي طبيعي بس ياريت لو تنزلين رسالة (( الديفرال لتر )) حتى ننطيج الحالة بالمضبوط , والمترجم الله يسلمه كلج هيج لان متعود على الرفض اللي تنطي هاي المحلفة , للاسف الشديد هاي المحلفة السوداء هي عقبة المنظمة بالعراق هي والمحلفة الكورية الجنوبية واغلب الملفات اللي تقابلها تعليق وتأجيل للتدقيق اكثر في امريكا او رفض , ومايعبرها بس اللي يكون مسيطر وشخصيته قوية جدا جدا وميخليها تسيطر عليه وعليها شكاوي كثيرة وهناك توجه لاستبدالها في الاشهر القريبة القادمة بس هي امريكا مخليتها كسرة عين لان اكو مقابيلها محلفين ينطون موافقات وهمة عميان ومقابلاتهم متطول اكثر من ربع او نصف ساعه , ملف حضرتج من خلال الوصف والطرح البسيط اقول لك ان ليس به اي مشكلة وليس مرفوضا ابدا لانك عملت فحص طبي بعدها يعني ملفك خرج من DHS وذهب الى قسم NMN استبشري خيرا اختي الكريمة وان شاء الله الفرج قادم لك ولجميع المتقدمين قبل نهاية هذه السنة بأذنه تعالى .
جار الانتظار شلونكم حبايب
طبعا اني متابعة المنتدى الكريم من وقت طويل جدا
ادخل بالموضوع حتى لا اطيل عليكم
اني مقدمة اي او ام بغداد
شهر 1 - 2010 التقديم
شهر 8 - 2010 المقابلة الاولى
شهر 2 - 2011 فحص طبي
شهر 3 - 2011 مقابلة محلف
شهر 4 - 2011 الدفرال لتر زائد الدورة التثقيفية انا وعائلتي ( انا وزوجي وابني )
شهر 6 - 2012 رزقت بطفلة
شهر 9 - 2012 اضافة الطفلة بالموقع بعد اتمام الاوراق
شهر 2 - 2013 اعادة مقابلة المحلف مع اضافة الطفلة
شهر 3 - 2013 اعادة الفحص مع فحص الطفلة ( فحص طبي )
شهر 4 - 2013 الدفرال لتر
لحد هنا كلشي تمام بس الطامة الكبرى عندما اعدنا مقابلة المحلف لاضافة الطفل صار شوية اختلاف بالكلام وية المحلفة السودة الله لا ينطيهة وانشلع قلبنة وكان ويانا الاطفال تبهذلوا المهم اخر شي قبل لنطلع صاحني المترجم الي مكتبه يم باب المحلف وقال انو الكيس انرفض لان صار اختلاف بالكلام والمحلف قرر الرفض عاد كتلة هية هاي المحلفة متريدني اسافر مدري شبيهة كالي بس هذا الرفض مو مثل اي رفض يعني بسيط واني رح اكتبلج هسة استاناف كتلة شتسوي سوي اني بعد ميهمني وعفتة ورحت طلعت للبيت .
زين اذا رفض ليش اجاني الدفرال لتر يعني الموافقة المشروطة او التاجيل ؟
زين اذا رفض ليش اعادو الفحص الطبي الي وللطفلة؟
علما صارت مقابلة المحلف والفحص مكتملين !
الملف انتضار النتيجة
المطار والولاية موجودين ولاية واشنطن وانا ما عندي كفيل
الله عليكم الي يعرف مثل حالتي ليبخل علية الله عليكم فهموني شنو القصة
-
الف الف شكر لكل الاخوة والاخوات على ردهم والله شوية رجعت الروح بية لان جنت كلش كلش مقهورة حتة احس البيت كأبة .
تسلمون حبايبي
-
للرفع