ankawa
منتدى الهجرة واللجوء => الهجرة و واللاجئين => الموضوع حرر بواسطة: مروان الشويلي في 14:05 13/07/2013
-
اخوان السلام عليكم ورمضان كريم اخوان منو مارة بي هيج حالة انو يضيف طفل ويدزون على الطفل فحص طبي فقط بدون اعادة محلفين صايرة هيج حالة لولا شو صار عمر الطفل سنة ونص او سنتين ومادزو علية اعادة مقابلة عكس العالم الي يضيفون طفل يقابلوهم مقابلة ثانية
-
للرفع والمساعدة...
-
للرفع والمساعدة
بلكي ربك لغوا اعادة المقابلة علمود الطفل. جانت مزعجة جدآ ومابيها داعي
تحياتي لحضرتك
-
للرفع والمساعدة
اخوية كوستاف تعرف هاي الصورة والاسم مالتك جنت اشوفة قبل 3 سنوات وبعدك الهسة بس كونك سافرت وشكرا للرفع
-
حبي فراس تسلملي للمداخلة بس الحالة مو جديدة اكلك الطفل صار عمرة سنتين وكام يمشي وياكل ويحجي ومحد دز علية يعني موجديد الاجراء وطبعا وصل عدد المشاهدات 84 ولاتعليق مفيد نهائيا واشكركم جميعا
-
الله يساعدك وتلكي الجواب من اللي مارين بنفس الحالة. اني ماعندي اي معلومات عن الموضوع بس مابيدي غير ارفعلك الموضوع . وآني مشكلتي عكسك تمامآ. اني جهالي تخبلوا كاموا كل جم يوم واحد يكلي بابا عبرت الـ 18 وآني ادك والطم على راسي . ;D ;D ;D ;D ;D
حنصير عشرتالاف كيس وبعدني اسمع حسك بالعراق ;D ;D ;D ;D ;D ;D
تحياتي الك ياذهب
-
نعم صارت هيج حاله بس في سوريا لان الوفد بعد ميجي
الان هو في امريكا - وانشاء الله استكفوا من المستمسكات
يعني حضوره يقدم شيء يجاوبهم يقسملهم يبصملهم طبعا لا
يعني روتنيه وتتعبهم ولا تقدم شيء
مع تحياتي للجميع
ابو الوليد
-
للرفع والمساعده
اضافة طفل ؟؟؟؟؟؟
-
الاخ السائل الكريم
مقابلة المحلفين للطفل هي مقابلة ضرورية جدا ولازمة وشرط لازم ولايستغنى عنها أبدا لان المحلف مسؤول عن كل شخص يدخل الى امريكا ويكون هو مسؤولا عن دخوله ومن غير الممكن وغير المعقول ان يقوم بأدخال شخص بدون ان يراه حتى وان كان طفلا , وشرط ان يرى الطفل ويتأكد من وجوده ككيان امامه , وانتظر اخي الكريم وسوف تكون لك مقابلة اضافة طفل ولم نسمع مطلقا عن اضافة طفل بدون مقابلة لانه قانون لديهم وبرأيي هو قانون صحيح وفعلي اذ يجب ان ترى بعينك اي شخص يطلب اللجوء ومسجل كواحد من افراد الكيس
جار الانتظار اخوان السلام عليكم ورمضان كريم اخوان منو مارة بي هيج حالة انو يضيف طفل ويدزون على الطفل فحص طبي فقط بدون اعادة محلفين صايرة هيج حالة لولا شو صار عمر الطفل سنة ونص او سنتين ومادزو علية اعادة مقابلة عكس العالم الي يضيفون طفل يقابلوهم مقابلة ثانية
-
شكرا عزيزي جار الانتظار بس معقولة سنتين وميدزون على الطفل يقابلونة ماعرف شنو الموضوع
-
السلام عليكم أخي الكريم
كل شيء معقول في هذه المنظمة وهناك مقابلات تتأخر سنتين واكثر ومقابلة محلفين تتأخر سنتين واكثر وفحص طبي يتأخر سنتين واكثر وأضافة طفل تتأخر سنتين واكثر والاسباب اغلبها بسبب اهمال صاحب الكيس اولا وبسبب الضغط الكبير على المنظمة وكثرة الملفات ثانيا , اخي الكريم سوف اساعدك في موضوعك وسأجعلك ترتاح منه وسأرسل لك رسالة على الخاص اعطيك بها عنوان عيادة طبيب عراقي يعمل في منظمة الــ IOM وهو مسوؤل عن كل هذه الامور من اضافة طفل الى تأخر الفحص الى جدولة الفحص الى جميع جميع جميع الامور الطبية التي تخص الفحوصات الطبية ولك ان تسأله عن اي سؤال يأتي في بالك ولكن ابقي الموضوع سرا وعند مراجعته لاتطرح سؤالك عليه بصورة مباشرة ولاتبين له انك تعرف انه يعمل في المنظمة فقط اطرح عليه السؤال بصورة غير مباشرة كأن يكون مثلا مراجعه لابنك العزيز الله ينطي الصحة والعافية وبطاري الكلام كله اني مقدم على لجوء بس باقي بسبب ابني هذا لان ممسوي مقابلة محلفين واضافة طفل وسوف يعطيك الجواب الشافي وترتاح , فقط سوف تتحمل اجرة الكشف الطبي للطبيب وسوف ارسل لك رسالة على الخاص بكل التفاصيل وعنوان عيادة الطبيب واسمه الكامل واختصاصه ايضا
أخوك جار الانتظار شكرا عزيزي جار الانتظار بس معقولة سنتين وميدزون على الطفل يقابلونة ماعرف شنو الموضوع