ankawa
منتدى الهجرة واللجوء => الهجرة و واللاجئين => الموضوع حرر بواسطة: noormahbouba في 20:55 22/07/2013
-
مساء الخير على الكل أرجو نصيحتي. من أهل الخبرة سويت مقابلة أولى يوم 17 نيسان 2013 وعندي مقابلة ثانية يوم 5 اب 2013 بسً مشكلتي عندي جوازان نوع جي واحد يسقط بعد سنة و الثاني بعد ثلاث سنوات فإذا أخذ جوازي الثاني لمقابلة المحلف أكو مشكلة ،وإذا كلت المحلف عندي جوازان هل يأثر على القضية. أرجو المساعدة و شكرا
-
مساء الخير على الكل أرجو نصيحتي. من أهل الخبرة سويت مقابلة أولى يوم 17 نيسان 2013 وعندي مقابلة ثانية يوم 5 اب 2013 بسً مشكلتي عندي جوازان نوع جي واحد يسقط بعد سنة و الثاني بعد ثلاث سنوات فإذا أخذ جوازي الثاني لمقابلة المحلف أكو مشكلة ،وإذا كلت المحلف عندي جوازان هل يأثر على القضية. أرجو المساعدة و شكرا
الاخت الكريمة عندج جوازين والاثنين حرف G ؟؟؟؟؟ الرجاء التوضيح حتى تكون الاجابة دقيقة
جار الانتظار
-
شكرًا على الإجابة،بالظبط أخي عندي جوازان نوع جي و الاثنين فعالة و مسافرة بيهم
-
مخالفة قانونية ........ تستوجب التوضيح أمام القضاء
عليكم أستشارة محامي .... لتسقيط أحد الجوازيين بأمر قضائي مكتسب الدرجة القطعية والأحتفاظ بنسخة من قرار الحكم لديكم .... في حال السؤال عن السبب أثناء مشروع الهجرة
وفقتم للخير
-
اختي شلون عندج جوازبن G ؟؟؟ هسة لو واحد اكسباير مثلنا من كان حرف S ومسلمنا وهسة عدنا جواز G نكول ميخالف ، بس جوازين بنفس الحرف ونفس فئة الاصدار !!!! اعتقد انتوا مسوي لغرض معين ومسوي بواسطة ، وهذا الشيء اعتقد مرفوض جدا من قبل المحلفين لان حضرتج هسة حالج من حال اللي عندة جناسي اثنين وهاي الامور طبعا متصير بس بالعراق العظيم لان ماكو شخص بالعالم كله عنده هويتين من نفس النوع ونفس فئة الاصدار اني برأيي الخاص هذا الموضوع ممكن يعتبره المحلف تزوير ، بس مع ذلك عندي صديق مترجم وية محلف هسة اسأله واشوف الجواب الدقيق والمظبوط لمثل هكذا حالات واعتقد اكو هواية عراقيين مثل حالتج
جار الانتظار
-
اختي العزيزه ممنوع عندج جوازين نافذين
احجيلج الي صار ويانه
احنه قبل خروجنا من العراق عدنه جواز H طبعا صلاحيته ممنتهيه
وعندما قررنا الخروج نصحونا الاصدقاء بأن نعمل جواز G لان بوقتها الامارات تطلب هاي الفئه لغرض الاقامه وكانت الاوضاع موزينه بسبب الطائفيه فسوينه واسطه وجابولنه الجوازات للبيت وطلعنه بيها بس بقت جوازاتنه القديمه عدنه
من قدمنه بسوريا على اليو ان وتحول ملفنه الى ال اي او ام بداية مقابلاتنه سوينه مقابله مع موظفه سوريه عندما اخبرناها بان لدينا جوازين ظلت حايره ليش عدكم فأني صرت عصبيه كلتلها اذا حكومتنه مطالبت بيها انتو ليش تحاسبونه
فنصحتني انه اما اتلفها او ما اجيب طاريها
وصدوووك ذاك يوم وهذا يوم لحد الان بحوزتنه وصارت اكسباير بس اني احتفظت بيها للذكرى
والحمد لله صح بعد تاخير سنوات وانتظار قاتل بس وصلنه بخير وسلامه ويارب لجميع المنتظرين الفرج بالقريب العاجل
تبقى شغله انه الاوراق بالجواز الاول مالتج خلصانه لو بعد بي مجال
اذا الجوازين بيها اوراق ممستعمله فنصيحتي اخر جواز يكون افضل
تحياتي
اختج ام شاهين