ankawa
منتدى الهجرة واللجوء => الهجرة و واللاجئين => الموضوع حرر بواسطة: omar1979 في 19:35 25/07/2013
-
السلام عليكم
اول شي يارب الكل تسافر باسرع وقت وماشاء الله هاي الايام دنشوف سفر كلش هواية
اني قبل يومين وصلت لكاليفورنيا سان دييغو يعني المدينة كلش حلوة والجو موطبيعي بس بعدني مااعرف احد هناك اذا اكو احد قريب خلي نتعارف
يله خلي نسمع اخباركم الحلوة
-
الف الف الف مبرووووووووووووووووووووووووووووووووك على سلامة الوصول
ويارب موفق بكل خطوة في حياتك الجديدة
حبيت ارفع الموضوع
تحياتي لحضرتك
-
شكرااا الله يبارك بيك وياربي تحقيق كل امانيك ياطيب
-
شلونها المدينة من ناحية السكن الايجارات والعمل والناس الي بيها شلونهم
-
السلام عليكم
اول شي يارب الكل تسافر باسرع وقت وماشاء الله هاي الايام دنشوف سفر كلش هواية
اني قبل يومين وصلت لكاليفورنيا سان دييغو يعني المدينة كلش حلوة والجو موطبيعي بس بعدني مااعرف احد هناك اذا اكو احد قريب خلي نتعارف
يله خلي نسمع اخباركم الحلوة
شلونها المدينة من ناحية السكن الايجارات والعمل والناس الي بيها شلونهم صحيح نرجو الرد اذا امكن
-
كل الهلا بيك نورت سان دييغو
صراحة احنه نبعد عنك 20دقيقه بالسياره احنه Escondido
وبالتوفيق ان شاء الله بكل خطوه بحياتك
تحياتي
اختك ام شاهين
-
مبروك الوصول والحمد لله على السلامة
Up
-
االف مبروك سلامة وصولك حمد الله على سلامتك
ترتيل
-
شكرااا للجميع على مشاعركم الحلوة
خلي نبدي بالجو طبعا الجو شي خرافي كلش طيب طول السنة ربيع والمناظر كلش حلوة
الايجارات غالية شقة مالتنا غرفة نوم وحدة ب 1250 دولار وغرفتين تقريبا 1500 دولار
الاشغال قليلة موجودة بس صعب تحصلها
المساعدات اول موصلت انطوني 1250 دولار ووراها مساعدات لمدة 8 شهور كل شهر 320 دولار ويها فود ستمب والمديكيل هم 8 شهور
واي سؤال اني حاضر
-
شكرااا للجميع على مشاعركم الحلوة
خلي نبدي بالجو طبعا الجو شي خرافي كلش طيب طول السنة ربيع والمناظر كلش حلوة
الايجارات غالية شقة مالتنا غرفة نوم وحدة ب 1250 دولار وغرفتين تقريبا 1500 دولار
الاشغال قليلة موجودة بس صعب تحصلها
المساعدات اول موصلت انطوني 1250 دولار ووراها مساعدات لمدة 8 شهور كل شهر 320 دولار ويها فود ستمب والمديكيل هم 8 شهور
واي سؤال اني حاضر
رح تتونس كلش
-
الف الحمد الله على سلامة الوصول
وعلى كولة الاخ سفير الوطن
صدك راح تتونس هوايه مثل ما اني متونس
قبل اشويه بشرني الكيس مالتي انو راح يكطع الكاش مالتي لام ممستجيب للبرنامج هههههههه
والله راح اسوي حمله عليهم وهيه تصفه
كلهم حراميه عفيه عراقيين وين ايكونون تنكلب الدنيا
طبعا مع احترامي للزينين ومو للكل موجه هذا الكلام و تستلموني حاصل فاصل....... نرجع لموضوعنه
اخويه عمر يمكن انته ايجارك هوايه تعال يمنه غرفه وحده 950 هاي اذا انته بالكاهون
تحياتي الك وان شاء الله تحقيق الاماني
-
كل الهلا بيك نورت سان دييغو
صراحة احنه نبعد عنك 20دقيقه بالسياره احنه Escondido
وبالتوفيق ان شاء الله بكل خطوه بحياتك
تحياتي
اختك ام شاهين
تحية طيبة للجميع , الست ام شاهين لو تكرمتي علينا بايضاح حالة الايجارات في منطقتك وحالة الامن وطبيعة الناس فيعا والعمل والاسواق وما فرقها عن سات دييغو ووسائل المواصلات بيتهما لو تكرمتي لطفا وساكون شاكرا لك وممتن
-
اول شي لازم الانسان يأمن نفسه بالعيشة والسكن والشغل قبل الجو الحلو والطبيعة مو هيج !!!
بيش كيلو الجو الحلو قابل الجو رح يوكلك خبز ؟؟؟ اذا انت بعداله ازوع فلوس قيامة الله على الايجار ؟؟؟؟؟
شنو فائدة المساعدات وتزوعها على الايجار بل وتكمل عليها يجوز من جيبك الخاص حسب عدد غرف ايجار الشقة او البيت ؟؟؟ خاصة المعروف عن كاليفورنيا بغلاء الايجارات وممكن تجييك اسعار الايجار من مواقع الرنت على الكوكل
ولكن برأي انه الانسان ((الغير مقتدر)) يدور له على ولاية يكون السكن والايجار فيها رخيص وايضاً يكون العمل فيها متوفر قبل الجو والطبيعة
(( حيث انه كاليفورنيا معروفة بغلاءها ))
اما بالنسبة للمقتدر والله موفقه شكو بيهة يصرف عادي خل يصرف ويعيش في كاليفورنيا ويدور جو حلو
-
اخ عمر الحمدالله على سلامتك ويارب الموفقيه والنجاح في حياتك الجديده بس كلامك خوفنه بصراحه هل من المعقول ايجار 1500 لعد حتى اذا الواحد اشتغل مراح تكفي العيشه اهنا ارجوك زودنه بمعلومات اكثر وهل اكو ايجارات ارخص وشكد ينطون على عمل الساعه وياريت اخت ام شاهين هم اساعدنه بلمعلومات
-
اخ عمر الحمدالله على سلامتك ويارب الموفقيه والنجاح في حياتك الجديده بس كلامك خوفنه بصراحه هل من المعقول ايجار 1500 لعد حتى اذا الواحد اشتغل مراح تكفي العيشه اهنا ارجوك زودنه بمعلومات اكثر وهل اكو ايجارات ارخص وشكد ينطون على عمل الساعه وياريت اخت ام شاهين هم اساعدنه بلمعلومات
-
مبروك وصولك ياعمر . حقيقة الايجارات الي ذكرتها غالية , وياريت تخبرنا الاخت ام شاهين الي تسكن في منطثه قريبة عليك وتوضحنا ما تعرفه عن الايجارات والامان وطبيعة الناس في منطقنها حيث ممكن تكون مكان مناسب اكثر للسكن من هذه المنطقه الغاليه في الايجار .. ولك ولها كل الشكر والامتنان
-
الـــــــــــــــــــــف مبرووووووووووووووك
-
اخوان اني بسان دييغو ومفكر احول لان هنا الحياه غالليه وماكو شغل اقل ايجار شقه غرفتين بمناطق حتى تعبانه تعتبر 1100 وتبدي تصعد انا الاستوديو غرفه وصاله اقل شي 800 الحياه صعبه هنا كلش ولو اشوف غير ولايات همينه اسعار الايجارات غاليه
-
عذرا للاخوه بقايا رماد والاخ ابو الحسن عن التاخير ارجو السماح
بالنسبه للمنطقه الي اسكنها والمجمع الي اني بي مابي ولا عائله عراقيه الاكثريه امريكان وحتى المكسيك الموجودين فولادتهم امريكا صراحه كلش امين ومرتاحين يعني تطلع بأي وقت انت مرتاح ومطمن على عائلتك وبيتك طبعا الاجار 1515دولار بس لان عدنه كوكي ويانه يعني اذا ماكو كلب زينه يكون الاجار 1465 طبعا احنه اجرناها من شهر الثالث ولمده سنه حاليا الاجار صاير بالمجمع 1600 لان الاسعار بدت بالارتفاع
بالنسبه للجو يجنن لا تشوف حر ولا تشوف برد وأشكد ما اوصف الجو والطبيعه ما اكدر انطي حقها
اكو هوايه يكولون غاليه وعلنوها على المنتدى بس اني مشفتها غاليه واكو قسم من الاخوه والاخوات موجودين بالمنتدى منهم من جماعتنه بسوريا ومنهم من جماعة عمان مرتاحين وديشتغلون ومشت اموروهم بخير وسلامه ويارب التوفيق الدائم ان شاء الله للجميع
اني رح انطي وجهة نظري وكل انسان له وجهة نظر خاص بي بالنسبه للاجار الغالي والمثابره لتحويل الولايات اني نهائيا ما اشجع عليها وهوايه ناس تناقشنه بهيج موضوع
الشخص اذا حول ولايه باعتبار الاجار ارخص بس ميفكر بالتدفئه والتبريد اشكد رح يصرف وهو نفس الفرق
هنا بولايتنه قليل جدا جدا جدا تحتاج لتبريد او تدفئه ومو مثل باقي الولايات
صراحه كليفورنيا اكو بيها مناطق زينه واكو لا
طبعا المناطق الزينه رح تكون مثل عرصات والمناطق التعبانه رح تكون مثل شارع السوق في بغداد الجديده (طبعا اعتذر على الوصف بس المناطق هيج كدرت اوصفها ) طبعا ماعدا انه اكو مجمعات متروسه مكسيكان جديدين وهاي المجمعات اني نهائيا ما انصح بيها
طبعا ايضا المناطق تحكمها مستوى المدارس وهاي يتبع المنطقه الزينه والعكس ايضا صحيح
طبعا اني شرحت وجهة نظري على الكاهون وسبب انه العراقيين من يوصلون يحسون بالاحباط بي (طبعا أأكد انه هاي وجهة نظري )
يارب اكون خليتكم بالصوره
ويارب التوفيق للجميع وبكل الولايات
يارب الفرج بالقريب العاجل لكل المنتظرين
-
اخ عمر
الحمد لله وصولوك
ونصيحه ابتعد عن الكاهون
وعن مناطق تجمع العراقيين لان الشغل بيه يصير صعب
اذا تحتاج شي راسلني علخاص
تحياتي
-
اخ عمر
الحمد لله وصولوك
ونصيحه ابتعد عن الكاهون
وعن مناطق تجمع العراقيين لان الشغل بيه يصير صعب
اذا تحتاج شي راسلني علخاص
تحياتي
ونعمه النصيحه بارك الله بيك اخونه العزيز ويارب بميزان حسناتك
عذرا من كل العراقيين الشرفاء بس هذا واقع الحال مع شديد الاسف
تحياتي
اختكم ام شاهين
-
والله اختي .شفت عراقيين هنا (وللاسف ) لما ارى اسوء منهم في حياتي
وتشوفيهم شهادات وعوائل.......بس للاسف سوء ظروف العراق غيرت النفسيات
بس اني قصدت الشغل بالمكان الي يكثرون بيه العراقيين يصير الشغب مستحيل
لان المنافسه تكثر....والاغلبيه ادور شغل....
والله الموفق
-
طبعا اشكركم على النصائح واكيد هذا من طيبتكم ومحبتكم للناس
اول شي اني ساكن بالكهون ومنطقتنا كلش حلوة وزينة وهيه منطقة هيلتون هيد المهم اهلي صارلهم سنة ساكنين بيها مشتكو من شغلة موزينة والعراقيين متجنبين الاختلاط وياهم طبعا مو الكل اكيد
اما بالنسبة انو المنطقة ايجارها غالي اني اتفق وياكم بس مثل متفضلت الاخت ام شاهين راح يصير نفس الصرف لان كهرباء ومي ومن هالسوالف وبعدين اني بالنسبة الي اهلي ياخذون تقاعد يعني من التقاعد يطلع فلوس الايجار والفواتير مال كهرباء والمي والاكل بس يبقه مصاريف ثانوية هاي بعد نحنا نكدر نتحكم بالصرف
واكيد الشغل صعب بس الي يدور يلكه وماكو شي صعب والواحد كل شي يشتغل بالبداية يعني اني هذا رايي مااعرف اذا تفكيري صح لو غلط
واشكركم مرة ثانية لنصائحكم ومشاركاتكم وربي يوفقكم كلكم
-
مشكورين جدا اخ عمر والاخت ام شاهين للتواصل طبعا اكو هوايه من يوصلون بسلامه بعد ميعجبه فتح الموقع على عكسكم الي دزودونه بنصائح والمعلومات الله يبارك بيكم ويسهل امركم يارب طيب ممكن نعرف طبيعت العمل المتوفر يمكم وماهو نوع العمل وكم ساعه العمل وهل ساعات العمل انته تحددها او طبيعت العمل تحدد هذا الوقت وشكد اجور العمل على الساعه مع الشكر الجزيل
-
الاخ عمر انشالله ازمتك محلوله مادام اهلك موجودين قبلك بس كنت اظن من كلامك انك لوحدك وسط جو الغربة والغلاء . بس ممكن حضرتك او الست ام شاهين او الاخوة الاخرين من كاليفورنيا يوضحون لنا كم يكفي كن الغرف في الشقه لعائلة من 4 افراد طفلين واب وام وكذلك لعائله من 6 افراد وكم معدلات الايجارات في كلا الحالتين لانهما مقدمان على كاليفورنيا . واذا كان هناك طفل عند احدى العائلتين يعاني من طيف التوحد هل هناك مراكز للعلاج او مدارس خاصة بالتوحد وهل تدفع العائله اجور عن علاجه وتاهيله او مجانا . هناك من يقول انه يستحق دعما مرتبا ولا ادري ما الصحيح . انتظر توضيحكم لو تكرمتم بارك الله فيكم .
-
اخي العزيز بالنسبة للشقة اعتقد انو غرفتين تكفي ل 4 نفرات يعني طفلين واب وام وايجارها تقريبا 1500 دولار اما اذا اكثر فاعذرني لان مااعرف وبالنسبة لمرض التوحد هم ماعندي معلومات ياريت من الاخوة الي عنده معلومات خلي يفيدنا واني حاضر باي شي اعرفه
-
اخ عمر ولو راح انضوجك بس تحملنه موضحت يعني الشغل يسد المصاريف لان مثل متكول الايجار 1500 يعني شغله ترى دوخ مو يعني ساعات العمل شكد اجورها وهل اكو بيوت ارخص وهل الشغل متوفر
-
لاعادي ماكو اي ضوجة اي شي تحبون تستفسرون عادي اني بالخدمة بس المشكلة اني بعدني جديد صارلي اقل من اسبوع هنا ومااعرف شكد ينطون على الساعة يعني الشغل قصدي بس الي سمعته والي كالو بالمنظمة ان شغل هنا كلش صعب تلكه بس اذا تحبون احجيلكم على المساعدات اني اول موصلت انطوني 625 دولار اول دفعة مال ويلكوم وراها راح ينطوني دفعة اخيرة 500 دولار والفود ستمب 200 دولار والراتب 320 دولار وهاي المساعدات والمديكل لمدة 8 شهور بس وطبعا انطوني كورس لغة اجباري مع العلم ان لغتي جيدة لازم اخلص 50 ساعة
واي شي تحبون تسالون اني حاضر ومااقصر انشاء الله
-
احويه عمر
بس احب اضيف انو اسعار الايجارات اكو اقل بهوايه وبمناطق زينه طبعا تختلف التعاريف بالنسبه للزينه
يمكن اني اعتبر منطقتي زينه وانته تعتبر منطقتك احسن لكن بمرور الزمن راح الواحد يكدر ايقرر يا منطقه احسن
اما بالنسبه للشقه الي كاعد بيها اني ايجارها1025$ غرفتين طابق ارضي صح المجمع هوايه بيه عراقيين لكن امين طالما اكو قانون
محد يكدر ايسوي اي شي ضد القانون وحقوقك محقوظه
اما بالنسبه للاجور فهيه 8$ بالساعه لكن ماكو اي شغل فل تايم الى ما ندر والشغل كلش صعب ينلكي واذا لكيت فبعيد
بالنسبه للعدهم ولفر فينطوهم اجور البانزين لكن للي مثل حالتك راح اتكون الروحه والجيه على احسابك
واي شي اني حاضر
-
جواب لاخي ابا الحسن
اخويه بالنسبه للشخص المريض بالتوحد فقد سألتك لك في ولاية كليفورنيا نعم المدارس فيها صفوف لمثل هذه الامراض وهناك كادر تدريسي متخصص لمثل هذه الامراض (طبعا احب أاكد خاصه اذا المريض بعده طفل الاهتمام بي شي غير طبيعي )
جواب عن اسعار العمل في كليفورنيا السعر القانوني يبدء من 9دولارات بالساعه (هاي على الشغلات العاديه ) اذا تعمل باختصاصك فبالتأكيد اكثر ويصل الى 15دولار
طبعا احسبها اذا اشتغلت من 9صباحا الى ال4عصرا سيكون راتب معقول جدا (طلع منها يوم الاحد عطله)
بالنسبه لغلاء الاجار اني حجيتها قبل واكررها الان في ولايه كليفورنيا لا تحتاج الى تدفئه ولا الى تبريد (لو تحسبها حساب عرب اذا دفعت شويه اجار بيت زايد وبدون تدفئه وتبريد طول السنه رح تعرف الفرق )
اكو شخص يكول انتي سكنج غالي 1500 اني ساكن بالولايه الفلانيه ب800 لو 900
زين الشته يطول عدهم 9شهور اشكد رح يشغل تبريد لو تعوف الجهال مثلجين
لو ولايه حاره نار ومتشغل تبريد طول الشهر
صراحه اني هيج حسبتها
وطبعا تبقى كل واحد هو وقناعته وراحته
مع تمنياتي بالفرج القريب العاجل لكل المنتظرين
ويارب الناس كلها مرتاحه وسعيده
تحياتي
اختكم ام شاهين