منتدى الهجرة واللجوء => الهجرة و واللاجئين => الموضوع حرر بواسطة: babamama في 19:18 02/08/2013
العنوان: من اين يتم استحصال عدم محكوميه SIV
أرسل بواسطة: babamama في 19:18 02/08/2013
اخواني الاعزاء نصحني بعض اصدقائي باستحصال عدم محكوميه لتكون جاهزه في حالة طلبها من السفاره ممكن تدلوني بالضبط من وين اطلعها وشنو المستمسكات الي اخذها ويايه وشكرا جزيلا
العنوان: رد: من اين يتم استحصال عدم محكوميه SIV
أرسل بواسطة: ابو فرقان في 19:24 02/08/2013
اكو خبر الغاء عدم المحكومية من قبل السفارة تاكد قبل ان تسويهة
العنوان: رد: من اين يتم استحصال عدم محكوميه SIV
أرسل بواسطة: A.J 47 في 19:53 02/08/2013
اخي انته مقابل وتخاف لا العدم مالك صار اكسباير ؟ اذا اي فالسفاره تكول بعد ما يحتاح اما اذا مقابله اولا اعتقد لا زالت مطلوبه على العموم دائره الامن العامه القديمه في البلديات اي ابو تكسي تكوله هيج يوديك يمها
العنوان: رد: من اين يتم استحصال عدم محكوميه SIV
أرسل بواسطة: babamama في 21:39 02/08/2013
احنا مقابلين من 2011 وبوم 7/7 2013 الفات سوينا اعادة قسم وبعدها كلشي ماكو لحد الان يعني صار تقريبا 25 يوم على اعادة القسم وماكو شي فكلنا خلي نسوي عدم محكوميه ونضمها بلكت الله يسهل وتمشي شغلتنا ارجو النصح
العنوان: رد: من اين يتم استحصال عدم محكوميه SIV
أرسل بواسطة: halliburton في 21:59 02/08/2013
اخويه حسب الي سمعته من الشباب والردود الي دتوصلهم عن طريق الايميل بأنه ما يحتاجون يسوون عدم محكوميه جديده حتى اذا القديمه صارت اكسباير واتمنى من الشباب ينسخولك الايميل الي استلموا بهذا الخصوص.
اما اذا مصر تسوي وحده جديده فأني سويت عدم المحكوميه قبل 5 ايام , الاوراق المطلوبه :
نسخه من الجنسيه ( مع احضار النسخه الاصليه) نسخه من شهاده الجنسيه نسخه من الجواز ( مع احضار النسخه الاصليه) نسخه من بطاقه السكن صوره شخصيه عدد 2 او 3 مدا اتذكر
تروح لمديريه الامن العامه( سابقا) الي بالبلديات ( يفضل تروح تكسي لان ماكو بارك للسياره ) اول ما توصل تعبر الشارع على المكتبه الي مقابل باب الامن العامه ام المكتبه راح تكولك شنو الاوراق المطلوبه والي ذكرتها فوك وراح تكبسها الك بداخل فايل بعدها تدخل للدائره.
الاجراءات بلدائره ما طولت اكثر من ساعه لان المراجعين قليلين والتنقل بلمعامله سلس جدا لان الشبابيك متجاوره ( اسهل بهوايه من الاجراءات الي جانت بالكراده ).
اتمنى ان يكون جوابي وافي.
العنوان: رد: من اين يتم استحصال عدم محكوميه SIV
أرسل بواسطة: babamama في 22:03 02/08/2013
اشكرك اخويه هالي بورتون الله يسهل سفرك
العنوان: رد: من اين يتم استحصال عدم محكوميه SIV
أرسل بواسطة: Mr.Joker في 22:17 02/08/2013
العنوان: رد: من اين يتم استحصال عدم محكوميه SIV
أرسل بواسطة: شلتاغ في 00:57 03/08/2013
عزيزي الخبر مؤكد من السفارة بعدما دزوا ايميل لعضو احد بأن لا يسوي عدم محكومية لبنته اسمه مايك اس اي في هذا العضو لذا ه نزل الرسالة مشكور واتأكدت بنفسي وانشالله خير بقى عندك بقية الشغلات سهلة صورة قيد وعقد زواج وترجمة الوثائق انشالله سهلة واخيراً الفحص والسلام
العنوان: رد: من اين يتم استحصال عدم محكوميه SIV
أرسل بواسطة: ** AL SHAEEA ** في 04:02 03/08/2013
عدم المحكوميه
موقعها بداية البلديات الامن العامه سابقاُ
المستمسكات الاربعه+صورتين+جواز السفر +عشرة الاف لكل معامله
يسألوك على سبب العدم محكوميه كللهم لسبب السفر والدراسة,
في ماليزيا مثلا وموعد الاستلام بعد عشرة ايام لا تصدقهه بالخارجيه
العنوان: رد: من اين يتم استحصال عدم محكوميه SIV
أرسل بواسطة: أبو الحكم في 05:54 03/08/2013
السلام عليكم اخواني
ولو اني مالي علاقة بالموضوع لاني IOM بس الاخوان بالــ SIV يكولون العدم محكومية مكان اصدارها تحول من الامن العامة القديمة بالبلديات الى الكرادة شارع 62 وتحديدا بمركز شرطة العلوية اكو هيج شي لو لا ؟؟؟
جار الانتظار
العنوان: رد: من اين يتم استحصال عدم محكوميه SIV
أرسل بواسطة: الفرج2 في 06:25 03/08/2013
ولو اني مالي علاقة بالموضوع لاني IOM بس الاخوان بالــ SIV يكولون العدم محكومية مكان اصدارها تحول من الامن العامة القديمة بالبلديات الى الكرادة شارع 62 وتحديدا بمركز شرطة العلوية اكو هيج شي لو لا ؟؟؟
جار الانتظار
يعني شنو رجعت لمكانها القديم ؟؟؟؟؟؟
العنوان: رد: من اين يتم استحصال عدم محكوميه SIV
أرسل بواسطة: شلتاغ في 17:30 08/08/2013
اخوان عدم المحكوميه مو لغوها لو اني متوهم
العنوان: رد: من اين يتم استحصال عدم محكوميه SIV
أرسل بواسطة: ABO SARAH في 21:16 08/08/2013
السلام عليكم
اخي العزيز اخر كلام بالنسبة لعدم المحكومية وبحسب تجرببتي الاسبوع الماضي هي التالي:
طلب مني عدم محكومية من قبل السفارة وذهبت الى الامن العامة حيث تم اكمال المعاملة هناك وليس في اي مكان اخر ((الامن العامة في البلديات)) ثم ارسلت السفارة ايميل تبلغني فيه بعدم حاجتها لعدم المحكومية البارحة ليلا.