ankawa
منتدى الهجرة واللجوء => الهجرة و واللاجئين => الموضوع حرر بواسطة: atheer421 في 02:58 14/08/2013
-
اخوان اريد الكل يجاوبني بصراحة...هل امريكا اتغير النفوس والاخلاق والطبع...والله ما اعرف اكو اهواي ناس حتة المقربين اليه جانوا بالعراق شيء والان اصبحوا شيء ثاني طبعا نحو الاسوء وما اعرف شنو السبب هل هي الغربة ام صعوبة الحياة ام صعوبة ايجاد الشغل ام اللهم اسالك نفسي فقط...كل يوم انصدم بشخص او بموقف واكول معقولة...والله ما اعرف شنو السر بامريكا....احب اسمع تعليقاتك والمواقف الذي مريتوا بيها حول هذا الموضوع...
-
السلام عليكم
الموضوع باختصار انه امريكا توضح وتبين نفوس الاخرين وليس تغيرها
بمعنى
من شب على شيء شاب عليه
انا اعتبر هذا نعمة ورحمة من الله لانك ستعرف حقيقة من كنت مخدوع بهم وهذا ليس يعني انه لايوجد في امريكا عراقيين رفعة راس وذو نخوة وشهامة واخلاق يعجز القلم عن وصفها
تحياتي
ابو سارة
-
مشكور اخي العزيز..الحمد لله على كل شيء....
-
السلام عليكم
صديقى العزيز
اولا انك لا تزعل ولا تتضايق اعتمد على رب العباد الله عز وجل وعلى نفسك واترك كل شي وراك وصدقنى ان شاء الله راح الله يوفقك بكل شي فلا تستغرب بهاى الدنيا تمنياتى تمنياتى تمنياتى بكل خطوة نجاح وموفقية
اخوك من تركيا
-
اهم اسباب المجاملة هو ان الشخص اللوكي والمجامل يسوي هيج لان يفكر ممكن يحتاجك بيوم
واذا شاف نفسه بعد ما رح يحتاجك بشي ما يحتاج يمثل عليك ويجامل. لهذا تشوف الي يسافرون يتغيرون
همه ما يتغيرون وانما يرجعون لطبيعتهم
الي يخليهم يجاملون بمجتمعنا هي طبيعة المجتمع العراقي والعشوائية الي بيه الي تخلي الشخص الي ماعنده احد يساعده تايه .. حتى بناته محد يخطبهن!
-
إذا أردت أن تكتشف صديقاً .. سافر معه .. ففي السفر .. ينكشف الإنسان ..يذوب المظهر وينكشف المخبر !
ولماذا سمي السفر سفراً ؟؟؟ إلا لأنه عن الأخلاق والطبائع يسفر !
تحياتي
اختكم Emerald
-
لا تغير النفوس وانما تكشف المعادن....
-
بوقتها نزلت موضوع عنوانة
هل حباية الاي او ام تغير العراقي
لان اني سالت هذا السوال قبلك وبصراحة محد راح يجاوبك بالصراحة لان الانسان صندوق اسود ميعرف بنياتة غير الخالق سبحانه وتعالى
بس اكولك شي وهذا شي اتلمستة من خلال تواجدي بامريكا
الكل على حد سواء من افارقة اسويين اوربيين اثيوبيين صينيين والكل متماسكين
الا العراقيين متبعين سياسة ابتعد عن العراقي
واني مستغرب ليش هل الشر عام هيج يعني حتى مجال مامنطين للناس الزينة
اخي ناس تخابرني وتتصل علمود فرص العمل بمدينة هيوستن اخي من اكولة خلي اشوفك وتدلل
الاخ يذوب يفلت فلتة ماوراها اخرى
زين ليش
هههههههههههههه
لاني عراقي
شوف وين وصل بينا التخلف
والحجي بهذا الموضوع لاينتهي
-
السلام عليكم
atheer421 لا تستغرب مو امريكا الي غيرتهم بس انكشفت معدنهم
اني لمن وصلت لوس انجلس قبل 4 شهور نفس الشئ صار بيه , انصدمت من الارمن العراقيين الي جوي قبلي ب سنة و قسم منهم سنتين
و لمن تسألهم على شئ يسوون نفسهم ما يعرفون اي مو انتوا جيتوا قبلنا ب سنتين و سويتوا نفس معاملات
بينما أسال ارمن ارمينيا يدلوني على الطرق الصحيحة
و الي جاي صارله 10 سنسن ب امريكا لمن يحجي وياك يكول انتوا العراقيين اي مو انت هم عراقي يعني لمن تاخذ الجنسية خلص صرت امريكي اي مو ليش تنسى اصلك
و الي صارله سنتين و ثلاثة يروح كولج و لي هسة ما متعلم انكليزي بس يروحون و ياخذون فلوس (دا اقصد كولج الكريدت)
ف لتضوج اخي البسهم و فكر ب مستقبلك انشاء الله رب العالمين يوفقك
اختكم ماراليانو من لوس انجلس
-
اخوية العزيز
اذا اتكون ادين واتصلي واتصوم واتخاف الله وتعرف شنو الحرام وشنو هو الحلال ماكو شي راح يغيرك
تحياتي الــكــ
-
عزيزي ... أميركا تغير كل شئ .. الا .... و أكرر ... الا .... النفوس ....
عندي حالتين ممكن أفيدك بيهن وأنت أحكم ... ( صديقي ) و رفيق دربي مثل ميكولون .... بنفس شارعنا ... من الصغر و أحنا سوه ... من وصل شيكاغو ... سوه shift+delete و من البدايه حتى لحد يكلي يجوز مشاغل الحياة .. لا لا ... من اول أسبوع ... بس اللي حصلته منه أيميل وره 3 أيام من وصوله يخبرني أنه وصل بالسلامه .... وذاك يوووووم .... مرات من يتصلون بيه أصدقائنا و يكولوله آني أعتب عليه ... يكوللهم ليش هو منو اللي مسافر؟؟؟ غير يتطمن عليه؟؟؟ ( طبعا آني بقيت أدز أيميلات على الياهو و على الفيس ) يكوللهم ميوصلن !!!! الى أن أيست منه و غرك بالماي .... مرات من يصير تفجير أو قتل لشخص معروف بمنطقتنا ويوصله خبر أتوقعه ممكن يسأل و يطمئن عليه على أعتبار آني بمكان خطر مو مثله و هو يكول ليش منو اللي مسافر !!!!! على أساس هو بالغربه ؟؟؟ ليش هو من المتغرب بينا ؟؟؟ مو أحنا هنا غربه ببلدنا و بلدان الجوار ؟؟؟
الحاله الثانية ... رفيق بالعمل ... آني كنت أشتغل أداري و بمكتب و كاعد و هو كهربائي و كل ساعات العمل بالشمس .... مرات يصير عدهم مراجعه لو أوراق يسلموها ألنا و يصير دردشة بيناتنا و جاي و مي ... سمعت سافر لكولورادو ... و جنت ممقدم أصلا على الهجرة ... بالصدفه صار لقاء فيسبوكي بيناتنا ... قنعني أقدم و عرض كفالته . و كاللي ما أنسى كلاص الجاي و بطل المي و طعمهن بلساني ليهسه (وقصده الضيافه طبعا).. و فعلا هو هسه كفيلي و أستقبل أخويه من العام و منتظرني ... و أكثر من هذا صديق من منطقتنا محصل فيزة سياحية وجان يدور على واحد يستقبله هناك أجاني و طلب مساعدتي أتصلت بكفيلي ( قال مادام من طرفك أكيد مثلك ) و أستقبله هناك و كعد يمه كم يوم الى ان رتب وضعه و هسه هذا الصديق أبو الفيزة السياحية حصل لجوء مناك و أخويه أنتقل يمه بالشقة و ساكنين سوه على أعتبار ( آني مسوي فضل عليه ) خليتها بين قوسين لأن هذا رأيه ... و الفضل و المنة لله وحده ...
يا أخي ولو طولت السالفة عليكم بس الحجي كله يم تربية و نفسية الواحد ... و مدى أستعداده لرد الجميل و العشرة الحسنة بأحسن منها ... والسلام
-
الناس لا يصبحون غير موثوقيين وقابليين للتغيير بل هم غير موثوقيين وقابليين للتغيير!
الأولويات تغير الأفراد -- عندما تتغير أولوياتك، سلوكك غالبا ما يتغير أيضا. وبأية طريقة ألشخص يجب ألأ يؤذي الآخرين عبر إعادة ترتيب أولوياته.
هنا في الولايات المتحدة، إذا كان لديك المال وتتحدث اللغة الإنجليزية، أنت في حالة جيدة جدا -- وأبدا سوف لن تكون في حاجة إلى هؤلاء الأفراد الوهميين.
شكرا على الموضوع و على التعليقات أيضا - وتحية خاصة لتعليق الأخ "Abu_mouth".
-
مقولہ غير مقنعہ :
" اخلاقك تعكس تربية اهلك "
بدليل اان نوح عليہ السلام
نبي و اابنہ كاان عااصيُ ..
اخلاق الشخص داائماا
تمثلہ فلا تظلمواا الاهل
-
السلام عليكم احب اضيف شي بسيط هو صاحب الاخلاق والتربية وين ميروح يبقة طيب القلب ويساعد الناس قدر المستطاع اني عندي صديق صارلة سنتين بامريكا وهو كفيلي وكفل 6 اشخاص اخرين يكول ساعد الناس اللة يسهل امرك وكو واحد من الي كفلهم كلة اكفل صديقنة راح يجي يمنة رفض يكفل اي واحد يكول شعلية شوفو الفرق يعني الانسان هو وذاتة
-
والله يااخوية الناس مو بامريكا تتغير بس ينطوهم موعد سفر يتغيرون هههههه وهاي عن تجربة وصارت بيه صديقتي سافرت بدون ماتبلغني واني الي قدمتلها على iom واني الي علمتها اشلون تملي الفورم وجنادائما سوة قبل يومين من سفرها سوة جنت عازمتها ببيتي هي وعائلتها وهسة هي بأميركا شنو رايك بهاي
اخوية والله امريكا مالها علاقة هو طبع بالبشر
-
بالنسبة الي اتوقع اي شي من كل واحد
والحمد لله الحياة علمتنة انه من نشوف واحد نعرف باول 5 دقايق انه ادمي لو ..... فة بالنسبة الي اني اتحذر من الاختلاط بيهم اذا سافرت بس الي اشوفة اكدر اعرفة بدقائق انه هوة ابو مشاكل ام لا
حقيقة هواية عراقيين يحبون المشاكل ويكونون سبب رئيسي للمشاكل
نسال الله ان يبعدهم عن طريقنة
اخوكم العبيدي
-
اخوان مو شرط كل واحد واصله واخلاقه وتربيته بس لننسى انو امريكا بيها ملهيات دنيويه كثيره دروس باللغله وعمل وايجارات وضريبه وياخذهم الليل ويجيبهم الليل وتلفون واقساط وفحوصات وكل هذا وقت يعني اخوانه الي بامريكا ميلحكون يشربون جكاره والله يكون بعونهم لنظلمهم وطبعا اكو نفسيات ضعيفه واكو خوش اوادم ويرفعون الراس مثل مموجود عدنا حاليا بالعراق
-
يجوز العكس صحيح ، امريكا هية سبب تغير طبع العراقي بسبب صعوبة الحياة ، اخوان الشعب في امريكا والبلدان المتقدمة عبارة عن آلات وليس بشر والمواطن العراقي انصدم بالواقع .
المواطن الالماني يشتغل ليل نهارمو مستعد يدفع ضريبة لدعم العاطلين والكسلانين في اليونان وايطاليا ، مانقدر نقول انو الالماني بين معدنو واصله لكن صعوبة الحياه تفرض هل شي .
-
اهلا و سهلا ....
لا ماكو شي يغير نفس الانسان بس الانسان العراقي (عموما) يكون لوكي يعني مثل ما يكول بيت الشعر " يعطيك من طرف اللسان حلاوة....يروغ منك كما يروغ الثعلب"
للأسف يا عزيزي ابو الموضوع , هذة هي سمة الانسان العراقي حشى الزينين طبعا , كلة نفاق و كلاوات و كذب بالإضافة الى الهوبزات و القيل و القال هذا الشي مينتهي . ابسط مثال شوف شلون العراقي اذا يريد يمدح صديقة " لك انتة نغل ! لوتي ! ملعب ! شيطان" ههههههه
اصبحت كل الصفات الجيدة مذمومة , و اصبح الطيب يكولون عنة أخوث و فقير و لهاذا السبب هيجي نماذج دائما للوراء مو بس متخلفين بس متخلفين بأمتياز مع احترامي للطيبين.
الحل الامثل هو ان تبتعد عن العراقي لأن في أغلب الاحيان يحاول يستغلك و يستغل جهلك بمفاهيم كثيرة كونك لاجئ جديد.
قد تسأل ماكو طيبين ؟ ماكو زينين ؟
الجواب نعم لكن نسبة ضئيلة جدا جدا , فليش تخاطر بالأختلاط .
روح عيش حياتك بسلام و وئام و انسى الماضي كلة .
تحياتي و آسف على الإطالة
-
كلمن يعمل باصلة
-
يا الله.
-
قل كل يعمل على شاكلته
-
ارجع واكول في امريكا عراقيين يتشرف كل واحد هنا انه يتعرف عليهم
عراقي معدنة اصيل وطيب مثل الذهب مايتغير
اني عرفت ناس هنا بالمنتدى يشهد الله بس الصوت بالتلفون بيناتنا لكنه شهم وصاحب غيرة وبس انخاه وشوف شيسوي
فيا اخوية اللي يتغير ويبدل طبعه هذه نعمة رب العالمين الك لانه مارادك تبقه مغشوش بي الى الابد
ابو سارة
-
شكرا لكل الاخوان الذي علقوا على الموضوع...ربي لا اتخلي احد يحتاج غيرك.......
-
امين
-
شوف الموضوع حلو بس ترى مو امريكا السبب ولا اي دوله راح اطيك مثل اني مريت بي ابن عمتي طلع لمريكا وابن خالتي سافر لهولندا تقريبا نفس الوقت وكانت علاقتنه كلش قويه بعد مسافرو خطيه ابن عمتي الي طلع لمريكا يوميه يخابر ويطمئن علينه وصار اربع سنين وهو نفس الشي ابد متغير والثاني اول مسافر لبس الجينكو اشوف اميله مفتوح ادخل عليه ميرد اذا عزيزي الاخلاق والاخلاق والاخلاق هيه السبب وليس امريكا تقبل مروري
-
اني في نظري امريكا متغير اي شخص
الانسان الاصيل يبقى اصيل ومعدنه ذهب يبقى ذهب لا يمكن ان يصبح تنك
تحياتي
-
شكري للجميع وتعليقاتكم على راسي....
-
الكثير من العرقين يوجد به طلاء رقيق من الاخلاق والمعدن الاصلي خــــــــــــــ
فادنى موقف يزيل الطلاء ويخرج المعدن الاصلي
مختصر مفيد هذه عباره معبره
الزين من الشين يبين بدكاته الناس مو كلها سوه كلمن حليبه وذاته
والسلام حسن الختام
-
ن قلب الحدث... الوقت مابي بركة يعني اذا تسال انو ميسألون او بعدو فمو هيج ابد بس الوقت مابي بركة بلاضافه الى الشغل والدوخه بلحياة
اكو ناس تتغير وتتامرك بس بلاشياء الموزينة واكو نناس تتأمرك بلشي الزين ويكومون يشوفون كلشي بنظرة ثانية.......
-
والله حطيت ايدك على الجرح
بارك الله بيك ودعائي لك ربي يخلي كدامك دائما اولاد الحلال وياربي ميعوزك لأحد
تحياتي
اختك ام شاهين
-
اخوان اريد الكل يجاوبني بصراحة...هل امريكا اتغير النفوس والاخلاق والطبع...والله ما اعرف اكو اهواي ناس حتة المقربين اليه جانوا بالعراق شيء والان اصبحوا شيء ثاني طبعا نحو الاسوء وما اعرف شنو السبب هل هي الغربة ام صعوبة الحياة ام صعوبة ايجاد الشغل ام اللهم اسالك نفسي فقط...كل يوم انصدم بشخص او بموقف واكول معقولة...والله ما اعرف شنو السر بامريكا....احب اسمع تعليقاتك والمواقف الذي مريتوا بيها حول هذا الموضوع...
اخي الغالي , اذا ما تزعل من الصراحه ومن قول الحقيقه , اود ان ابين لك الاتي :
لقد تعلمنا في عراقنا الحبيب مباديء وقيم واعراف وعادات وتقاليد كلها توصينا بالتحلي بصفات من الشهامة والمروءة والكرم والحمية والغيرة والمواقف التي تتطلب التضحية والوفاء والاخلاص حتى النفس الاخير , وكنا قادرين على القيام بها وبكل معانيها بالحرف الواحد بدون اية مبالغة على الاطلاق .
والسبب في قدرتنا هذه واضح جدا وهو ان رب العائله وحده قادر على اعالة عائلته الكبيرة جدا حتى اذا كانت تضم الابن وزوجته واطفاله من ظمن العائله واحيلنا تضم عائلتين لابنين متزوجين ويسكنون رب العائله . هذه الميزة اخي العزيز لو فكرت بعمق باسبابها وعواملها لوجدتها ما في العراق من خير يفيض حتى على الجيران , فاءذا تفرغ احد اولادك او احدا بناتك لمساعدة الصديق او الصديقة والتفرغ لهما اياما عديده , فاءن هذا سوف لن يؤثر على دخل العائله على الاطلاق ولو استضفت اصدقاء في بيتك لايام طويله ايضا لا يؤثر لا من قريب ولا من بعيد على دخل العائله , لانك حتى اذا احتجت للمساعده في موقف كهذا فستجد الاقرباء والاصدقاء ممن يمدون لك يد المساعده وانقاذك من العوز اما بالدين او بالمساهمه . لذلك فانت مستعد ومطمئن انك ستوفي بهذه المتطلبات على اكمل وجه ولن يؤثر ذلك على افراد عائلتك , ستكن مطمئنا لما تقوم به لرفعة رأسك في مجتمع يحسب الف حساب لذلك , اما في امريكا فستجد نفسك بالكاد كفيل بسد نفقات الايجار ومستلزمات العائله فقط وقد تضطر احيانا لتشغيل زوجتك او احدا بناتك لسد رمق العيش فاءن لم تدفع الايجار فسيرمونك بالشارع ولا تجد من يعطف عليك , فلا اقارب ولا عشيره ولا ولا , كلمن ملتهي بنفسه , صدقني اخي الغالي , من شروط عملي اني لا استطيع اخذ الاجازه الا بالحالات القصوي الاضطراريه , المرض بكتاب تأييد او الوفاة لاحد الاقرباء من الدرجة الاولى او الثانيه بكتاب تأييد
وما اريد اطولها عليك فاقول , يعني في امريكا اختلفت الضروف والموازين وبهذا الاختلاف تتأثر قسم من العادات والتقاليد وقليل من الصفات الاخرى , لانك مجبور على ان تكفي عائلتك المسؤول انت عنها وليس احد غيرك على الاطلاق .
الحديث طويل اخي العزيز في هذا الموضوع ,,,,, اضافة الى كل ما تقدم ايضا نأخذ بالحسبان طبيعة الشخص العراقي الذي تتحدث عنه فمنهم يقاوم هذه الضروف ويحاول جهد امكانه ان يوفق نوعما بين مبادئه وما يتصف به من صفات وبين التزاماته العائلية , وقلت جهد امكانه , واخرين يستسلمون للظروف الجديدة القاسيه ويذعن للاخلال بما تعلمه من قيم ومباديء وصفات النبل والكرم وغيرها .
-
اخوان اريد الكل يجاوبني بصراحة...هل امريكا اتغير النفوس والاخلاق والطبع...والله ما اعرف اكو اهواي ناس حتة المقربين اليه جانوا بالعراق شيء والان اصبحوا شيء ثاني طبعا نحو الاسوء وما اعرف شنو السبب هل هي الغربة ام صعوبة الحياة ام صعوبة ايجاد الشغل ام اللهم اسالك نفسي فقط...كل يوم انصدم بشخص او بموقف واكول معقولة...والله ما اعرف شنو السر بامريكا....احب اسمع تعليقاتك والمواقف الذي مريتوا بيها حول هذا الموضوع...
اخي الغالي , اذا ما تزعل من الصراحه ومن قول الحقيقه , اود ان ابين لك الاتي :
لقد تعلمنا في عراقنا الحبيب مباديء وقيم واعراف وعادات وتقاليد كلها توصينا بالتحلي بصفات من الشهامة والمروءة والكرم والحمية والغيرة والمواقف التي تتطلب التضحية والوفاء والاخلاص حتى النفس الاخير , وكنا قادرين على القيام بها وبكل معانيها بالحرف الواحد بدون اية مبالغة على الاطلاق .
والسبب في قدرتنا هذه واضح جدا وهو ان رب العائله وحده قادر على اعالة عائلته الكبيرة جدا حتى اذا كانت تضم الابن وزوجته واطفاله من ظمن العائله واحيلنا تضم عائلتين لابنين متزوجين ويسكنون رب العائله . هذه الميزة اخي العزيز لو فكرت بعمق باسبابها وعواملها لوجدتها ما في العراق من خير يفيض حتى على الجيران , فاءذا تفرغ احد اولادك او احدا بناتك لمساعدة الصديق او الصديقة والتفرغ لهما اياما عديده , فاءن هذا سوف لن يؤثر على دخل العائله على الاطلاق ولو استضفت اصدقاء في بيتك لايام طويله ايضا لا يؤثر لا من قريب ولا من بعيد على دخل العائله , لانك حتى اذا احتجت للمساعده في موقف كهذا فستجد الاقرباء والاصدقاء ممن يمدون لك يد المساعده وانقاذك من العوز اما بالدين او بالمساهمه . لذلك فانت مستعد ومطمئن انك ستوفي بهذه المتطلبات على اكمل وجه ولن يؤثر ذلك على افراد عائلتك , ستكن مطمئنا لما تقوم به لرفعة رأسك في مجتمع يحسب الف حساب لذلك , اما في امريكا فستجد نفسك بالكاد كفيل بسد نفقات الايجار ومستلزمات العائله فقط وقد تضطر احيانا لتشغيل زوجتك او احدا بناتك لسد رمق العيش فاءن لم تدفع الايجار فسيرمونك بالشارع ولا تجد من يعطف عليك , فلا اقارب ولا عشيره ولا ولا , كلمن ملتهي بنفسه , صدقني اخي الغالي , من شروط عملي اني لا استطيع اخذ الاجازه الا بالحالات القصوي الاضطراريه , المرض بكتاب تأييد او الوفاة لاحد الاقرباء من الدرجة الاولى او الثانيه بكتاب تأييد
وما اريد اطولها عليك فاقول , يعني في امريكا اختلفت الضروف والموازين وبهذا الاختلاف تتأثر قسم من العادات والتقاليد وقليل من الصفات الاخرى , لانك مجبور على ان تكفي عائلتك المسؤول انت عنها وليس احد غيرك على الاطلاق .
الحديث طويل اخي العزيز في هذا الموضوع ,,,,, اضافة الى كل ما تقدم ايضا نأخذ بالحسبان طبيعة الشخص العراقي الذي تتحدث عنه فمنهم يقاوم هذه الضروف ويحاول جهد امكانه ان يوفق نوعما بين مبادئه وما يتصف به من صفات وبين التزاماته العائلية , وقلت جهد امكانه , واخرين يستسلمون للظروف الجديدة القاسيه ويذعن للاخلال بما تعلمه من قيم ومباديء وصفات النبل والكرم وغيرها .
كلام سليم 100% أخونا الفرج
والاخ السائل الكريم أي نعم ومع شديد الاسف أتغير النفوس
-
بسم الله الرحمن الرحيم
الاخ العزيز تراهم امامك لسانهم مثل الورد ويودن لك المحبه والاحترام وبعدها وتكتشفهم انهم اتقنو التمثيل
كانو لمصلحتهم غايه ولاكن لم تدوم لاحد
اليوم لهم غدا عليهم ولو بعد حين
اخوكم
حسين الجبوري