ankawa
منتدى الهجرة واللجوء => الهجرة و واللاجئين => الموضوع حرر بواسطة: كالوني البصرة في 07:37 21/08/2013
-
السلام عليكم اخواني
البارحه اتصلت المنظمه على صديق لي وبلغوه على اعادة المحلفين اللي قابلهم قبل 10 ايام تقريبا
بس طلب منهم ارسال ايميل على تاكيد الموعد وفيه تصريح الدخول علما ان الموعد الجديد يوم السبت القادم
ولكن لم يرسلوا له الايميل وبقي عنده اليوم وغدا فقط
فسؤاله اذا لم يرسلوا له تصريح الدخول هل يراسلهم واذا راسلهم شوكت يجاوبوه والموعد قريب
فحيره وانه ما عرفت شكوله فياريت تشاركونه بمقترحاتكم واراءكم علما الولد من اهل بغداد
اخوكم كالوني البصره
-
بدون رسالة تصريح الدخول مراح يكدر يدخل اذا مجاوبوه لايروح افضل
-
اخوية خلي ايدور زين لابريد الالكتروني بال رسائل الغير مهمة شكو شي بالبريد خلي ايدور احتمال جاي و مايدري بيه
-
السلام عليكم اخويه الغالي كالوني البصره
طبعا لح اسولفلك عن الشي اللي صار ويايه و طبعا هي تجربه فرديه بس اتمنى تفيدك
اني اتصلو عليه على موعد مقابلة محلفين قبل يوم واحد من الموعد و الموظفه سالتي تكدر تجي باجر كتلها نعم و طلبت مني ارد على ايميل المقابله بايميل تاكيد حضور
وره الاتصال فتحت الايميل و المشكله ايميل المقابله ما لكيته .. ضليت اراسلهم طول اليوم بس للاسف متغير شي
اني خليتها على الله و رحت ثاني يوم للمقابله بدون تصريح دخول
وصلت للسيطره المقابيل جامع ام الطبول و هنا شويه تعرقلت بس اني ضليت الح عليهم و اقنع الى ان خلف الله عليهم مشوني
و طبعا يم بوابة الدخول هم جان اكو سيطره و الولد جان كلش متفهم و راسا سمحلي ادخل
نصيحتي انه يضل يلح عليهم بالايميلات بلكت تجيب نتيجه و هم يجيك الايميل مالته اخاف واصله للسبام
و اذا لا سامح الله موصله شي يتوكل على الله و يروح لان اذا ما راح يعتبرو غائب و خلي ياخذ تلفونه حتى يشوفهم الاتصال من عمان و تصريح الدخول مال مقابلة المحلفين السابقه و يكلهم عندي اعادة مقابلة
اهم شي حتى اذا بالبدايه ما قبلو يضل يحاول وياهم و يسولف بهدوء يعني مو راسا اذا شافهم ما مقتنعين يرجع
كل الجنود اللي شفتهم بالسيطره متعاونين ما عده واحد لابس مدني ما يتحجه
تحياتي و تمنياتي بالموفقيه للجميع
-
يعني شلون عقدوها على العالم !!
واحد عندة مقابلة ليش ما يدزولة ايميل تصريح دخول يعني فرضا ما دخل شلون تالي !!!!!
صدك هذا فشل كبير من ال iom .....
-
السلام عليكم اخواني
البارحه اتصلت المنظمه على صديق لي وبلغوه على اعادة المحلفين اللي قابلهم قبل 10 ايام تقريبا
بس طلب منهم ارسال ايميل على تاكيد الموعد وفيه تصريح الدخول علما ان الموعد الجديد يوم السبت القادم
ولكن لم يرسلوا له الايميل وبقي عنده اليوم وغدا فقط
فسؤاله اذا لم يرسلوا له تصريح الدخول هل يراسلهم واذا راسلهم شوكت يجاوبوه والموعد قريب
فحيره وانه ما عرفت شكوله فياريت تشاركونه بمقترحاتكم واراءكم علما الولد من اهل بغداد
اخوكم كالوني البصره
السلام عليكم
اخي مثل ماكالولك الاخوة مشكورين ... وهذا حصل ويايه نفس الشي
دزيت ايميل او ما دزيت فبعد المقابله بكم يوم راح ايجاوبوك برساله ما الها اي ربط
المهم ...خلي يروح ويوصل لباب الدخول .....ومن ينطيهم جوازه همه يعرفون اكو اله موعد وياهم
كتلك اني صار هيج ويايه بالضبط... فلا يهتم ..ويروح عالوكت...وبالتسهيل والتوفيق للجميع
وابوك الله يرحمه ......
-
اخوية خلي يروح بالموعد لازم والله يسهل
الاخوة جاوبوك جواب كافي وشافي
-
مشكورين اخواني على الردود الطيبه
هو راح يروح والله كريم
بس السؤال المهم للجميع ليش عادوله المقابله يا ترى شنو الاسباب ؟